"حاجات الريال" معقوله؟!

[New York]

السلام عليكم

بدش بالموضوع على طول

توني يايه من موضوع كاتبه فيه صاحبة الموضوع بما معناه "ليش تتنفسون عند اهلكم وتخلون رياييلكم بروحهم"

وانا اقرى الردود لقيت وحده كاتبه بما معناه "ديروا بالكم على رياييلكم ترا ماراح ينطر 40 يوم وما يتحمل واهوا عنده حاجات"

انزين سؤالي يعني الحين الصبي عقب ما يبلغ ليما يتزوج ما تكون عنده حاجات؟ فجأه عجب ما يتزوج تصير عنده؟ اللي حتى 40 يوم ما ينطر؟!

عيل اللي مرته تموت بعدها بيوم او اسبوع يتزوج وراها على بو ما قدر ينطر و "حاجات"؟

انزين اذا ماله علاقه بالزواج..هل كل الرياييل اللي مو متزوجين عندهم سوالف؟

انزين اللي يتزوج على ال 30 عنده سوالف قبل زواجه؟ يعني معقوله كلهم زانيين؟

لهالدرجه الزنا "كبيره من الكبائر" صارت سهل؟

انزين اذا المره صار فيها مرض و نامت شهر بالمستشفى شلون؟ او اذا واحد من العيال صار فيه مرض و علاجه بالخارج واضطر واحد منهم يسافر مغاه والثاني قعد شيصير؟

واذا الريال سافر بمهمه مع الشغل بروحه وطول شهر؟ اذا 6 اشهر مو شهر؟؟؟

انا مو قادره استوعب شلون ولا قادره اتخيل انه كل الرياييل اللي مو متزوجين اكيد نايمين مع بنات؟!!

اللي عندها فكره تنوّرني يزاها الله خير

 

[بتبوتااا]

كلامج صح ياقلبي

بس خل اقول لج في ريايل تزوجو و تعودو عالجماع وصار روتين بحياته فمرته تغيب عنه فتره فيحتاج هالشي فينطر ويصبر اما الي ما فيه صبر يدور بديل وهذا الي ايمانه ضعيف عرفتي ياقلبي

وبزمنا الحين كل شي متوفر والبدائل وايده من يحس الريال انه محتاج هالشي ومرته مو عنده فيبسط براسه ابليس

يقول له بطل لاب تبك وشوف افلام او دردش مع بناات الخ .. عاد الريال وسيطرته على روحه يا انه يضعف او انه يستسلم :/

 

[G!RLooNa]

يقولج عزوبي دهر ولا مطلق شهر

و صح انا مو مع ان المره تتنفس عند اهلها ٤٠ يوم خصوصا اذا مو بجرها و عارفه الغمنده ليش تقعدين ٤٠ يوم! اقلها بدش جات و سوالف قروباات بنات و شباب و لا يحط وحده من هالقنوات ،، مو الكل صح بس شويه الا من رحم ربي

بيتعوذ من ابليس يوم يومين اسبوع بس ٤٠ يوم هادته انا احس لازم ٩٠٪ منهم بسوون شي مو زين لو سوالف نت بس

 

[-_-Designer-_-]

انا رايي من راي بتبوتا , ويعطيج العافيه عالموضووع

 

[mira]

انا اتوقع هي تقصد بعد الزواج اذا حس الرجال بلذته مايقدر يصبر !!
يعني قبل الزواج مالهم شي يعني حدهم نظر وتخيلات لكن اذا جرب ماعاد يصبر
وانا بنفسي سآمعته من زوجي يقول : يازيني قبل ماكنت احس بلذت هالشيء الحين تعودت ماعاد اصبر
ومو الكل فيه البعض عادي عندهم هالشيء مو اساسي عندهم

 

[لمى الهاجري]

اممممممممم من رايي انها تقعد اسبوعين في بيت اهلها وبعدها ترجع بيت ريلها طبعا مايصر يقرب منها لانها نفاس بس على الاقل وجودها كافي

 

[قلب حاكم]

انا ضد اني اتنفس عند زوجي مآلهآ طعم
والله انا تنفست فبيت اهلي وكان وكل فتره يزورني واهو مشتاق حييييييييل وانا بعد
لها لذه ذكرت ايام الملكه وغير كذا يغيب عنك فتره ويرجع يشوف التغيرات بلوكك ويتفاجأ
ومارحت معاه الا بعد 55يوم وصار شهر عسل واحلى ايآم

 

[ترجمة احساس]

اب اب

 

[أم حورية]

يقول المثل عط المتعود وخل المحروم
والرسول عليه الصلاة والسلام قال [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].

والصوم صبر حق العزوبي واساسا العزوبي اذا كان غاض البصر ويخاف ربه ماراح يسوي شي لان مو قاعد يثير نفسه ومو معناته ان ما يحس بس الزنا له بداية واهو مو معطي نفسه مجال ان يدش بالحرام

نيي حق المتزوج اذا كانت مرته متوفية او مريضة الظروف بالبداية ماراح تسمح ان يفكر بهالشغلة اذا كان حزين لات النفسية تأثر بس مع الوقت اكيد ما يصبر والدليل ان نادر ما تشوفين ريال مطلق او ارمل من سنين مو متزوج بس اذا كانت والدة او نايمة عند اهلها فماراح يصبر لان ظروفه عادية بس مو معناته ان الكل يلجأ للحرام بس هم حرام ان مرته موجودة واهو يتعذب

حتى ريلي مرة قالي ان مو كل ريال يتحمل وحتى ناعمة الهاشمي قالت ان واايد خيانات تصير تكون المرا بالنفاس لان بنات الحرام وايد ويستغلون الفرصة

*

 

[بــــدره]

حبيبتي حطي في بالج الريال اذا ذاق الجماع و جربه صعب ينقطع عنه
بعكس العزوبي الي ما جرب
ما يتعذب مثل المتزوج عرفتي ؟؟

صج ما أأيد ان الوحده تتنفس في بيت زوجها لهذا السبب خصوصا انها تفاس و شلون بيجامعها ؟؟ لكن لا ننكر ان الريال يتأذى بفراق زوجته بهالفتره لي كانت طول الوقت بعيده عنه

 

[ماني من الناس]

الله يعين


اذا وقت الدوره يناشبونج كم يوم وين كنتي وين صرتي هالدور نفاس اربعين يوم !!


اهم غير عنا سبحان الله
تفكيرهم بجهه ثانيه مره شفت معلومله ببرنامج اوبرا يذكرون فيه تقسيم مخ الرجل وان كل خمس دقايق يفكر بالجنس

بلاويز صراحتن

بس اللي يحب زوجته بعمق يقدرها بكلشي

 

[العنوووووووود]

اذا الرجل متعود على الجنس ومرته نفااس انا راايي من حقها تتنفس وتعطي وقت لنفسها واذا الريال في رغبه واهي بيت اهلها الله يخلي التلفون غيروو السستم خليه يعيش شي جديد كأنج عشيقته مو زوجته

 

[مموريز]

ماأعتقد ان المراة اذا تنفست 40 يوم عند اهلها,,,,,,معناها ان الزوج راح ينحرف ويزني وسوي علاقات,,,,,
وانه اذا اقعدت وتنفست عند زوجها معناته انها حافظت عليه ومنعته عن الحرام.....
صحيح فيه كثير من الرجال مايتحملون بعد زوجاتهم عنهم ,,,,بس هذا مومبرر له انه ينحرف ,,,,,
اللي بيسوي علاقات وبيدور على الحرام مايهمه حرمت موجودة ولا نفاس في بيت أهلها,,,,واللي يخاف الله مو محتاج لوجود زوجته عنده.... هي مسالة دين ومبدئ وخوف من الله ومحبة للزوجة ومراقبة للنفس......مومسالة رغبات واحتياجات بس.....

 

[سفيره الكويت]

الى متى سنظل نعمم ونقول كل الرياييل خونه واحنا نعرف التعميم غلط لانه التعميم مايصير الا اذا كان فعلا جميعهم ولكن الكثير من الرجال

اوفياء لزوجاتهم ولكن كما يقال الشر يعم والخير يخص ونحن للاسف دائما ننظر للشي السلبي

 

[*E.B.D.A.3*]

ماتركتيلنا شي نقوله :***

قدروا الريايل واخيرا بانهم يغسلون دماغ الحريم ويقنعونهم بانهم اهمه سبب الخيانة!
لا ياعمري انتوو .. ويا كل وحده تؤمن بهالمبدأ !!

الي عينه زايغه بتم عينه زايغه لو مرته كيم كاردشيان! عاد اشدعوه كيم حبيبها الاولي ماخانها ؟؟ هاذي واهيه كيم ترى!!
:d

فلا تلومون انفسكم ولا تخلون الريال ينجح بهالشي!!
بلا حاجات بلا بطيخ !!
لو الحاجه الجنسية قاتلته لي هالدرجة، ترى المرة تقدر تريحه بدون جماع !!
اذا ليهدرجة الضيم ذابحه يعني !!!
في الف طريقه وطريقه عشان يفرغ حاجاته مع زوجته !!
ويعف نفسه ويصون حاله عن الحرام!!


اما المكسورات فبقولهم
لا تقعدون اطلعون للخاين اعذار وتلومون انفسكم خوفاً من حقيقة انه " خانج لانه مايبيج" !!
صعب على المرة تستوعب هالحقيقة ،
فتفضل انها تلوم نفسها وتقول انا الي حديته على المر ،،، ولا انها تعترف بانه " بــــاعــــها " !!

الي يبيعج مو معناته انتي "كخه" !!
هذا يدل على رخص نفسه ودنائته وانحطاط مستواه الاخلاقي
ترفعي عن اشكاله، وعطيه جزاه الي يستحقه!

 

[شادن33]

حياتي حطي في بالج ان العزوبي مو مثل المتزوج في هالناحيه بالذات
والمره في فتره النفاس. افضلها تقعد ابيتها اريح لها وريلها جدامه اتشوف طلباته

 

[مروووم]

ماأعتقد ان المراة اذا تنفست 40 يوم عند اهلها,,,,,,معناها ان الزوج راح ينحرف ويزني وسوي علاقات,,,,,
وانه اذا اقعدت وتنفست عند زوجها معناته انها حافظت عليه ومنعته عن الحرام.....
صحيح فيه كثير من الرجال مايتحملون بعد زوجاتهم عنهم ,,,,بس هذا مومبرر له انه ينحرف ,,,,,
اللي بيسوي علاقات وبيدور على الحرام مايهمه حرمت موجودة ولا نفاس في بيت أهلها,,,,واللي يخاف الله مو محتاج لوجود زوجته عنده.... هي مسالة دين ومبدئ وخوف من الله ومحبة للزوجة ومراقبة للنفس......مومسالة رغبات واحتياجات بس.....

صح لسانج
كلامج صح 100% وانا اايدج :ggdw:

 

[shy rose]

انا بنفاسي الاول عند اهلي
والثاني بيتي عند زوجي
والبقيه كلة ببيتي
وش حقة اروح لاهلي دامني اعرف كل شي بالنفاس

 

[7ayra]

Up up

 

[درة أهل الطولات]

لان المتزوج يكون تعود