حابه تعرفين اكثر عن منتجات ماك .. حياج {{6}}

[googoosh]

هلاااااا والله بناااات .. الله يسلمكم
الانستقرام لي الحين ما فيه صور وايد ما صارلي فتره .. بس انشالله انزل صور تشجعت ..
بنااات مادري ما لحقت على كل الاكاونتات .. اللي ما ضفتها خل تقولي عشان اضيفها لان ما اعرف اكاوناتكم ..
za_88

 

[نسكافه]

بالعافيه عليكم مشترياتكم بنات ربي يهنيكم
وسوال؟
شنو اكثر شي حبيتيه من كولكشن naturally
وكيف استخدمتيه؟

 

[نسكافه]

قوقوش
مراوي
الحمدلله على السلامه وبالعافيه مشترياتكم

 

[أم إيلاف]

عز النفس

اتوقع قصدها عن الشدوات اللي نزلوا بكوليكشن naturally صج صج صج حلوين
و بنات ماك كله قاعدين يحطون منهم لاحظتهم خو تدرين انا مداومه هناك

فعلاً الايشدوهات عذاب وخاصة in the sun

لا تفوتوه رووووووعه

متشوقه لشدوهات chenmen البنت التشاينا

ما عندكم فكرة متى ينزل هالكولكشن كل شي فيه حلو

 

[Sparkle]

.



سباركل من هنا لعند بيتكم :nbvppw::nbvppw:
فديتج راعيه فزعه :eh_s(15):​

:* العفو حبيبتي

هلاااااا والله بناااات .. الله يسلمكم
الانستقرام لي الحين ما فيه صور وايد ما صارلي فتره .. بس انشالله انزل صور تشجعت ..
بنااات مادري ما لحقت على كل الاكاونتات .. اللي ما ضفتها خل تقولي عشان اضيفها لان ما اعرف اكاوناتكم ..
za_88

راح أسويلج فوولو

بالعافيه عليكم مشترياتكم بنات ربي يهنيكم
وسوال؟
شنو اكثر شي حبيتيه من كولكشن naturally
وكيف استخدمتيه؟

لحد الحين ما أستخدمة غير غلوس Fresh air :eh_s(22): ولونه عجبني نوود

 

[حقووقيــــــه]

نسكافه

احلى شي الشدوات خذيت افتح ثلاث وكلهم واااااااااااو
وحمره a perfect day حلوه حلوه بس مو للكل لازم وحده بيضه او السمره تستخدمها للتخلط و احلى شي انها امبلفايد و حمره pillow talk اتينن
جنها حمره taupe بس قلوسيه والبلشرات حلوين وايد والحلو فيهم والسبيشال ثينق فيهم انهم مات تقريبا وهالشي غريب بالنسبه للبلشرات المنيرال اللي العاده يبرقون..
والريد هيد + بلوند حلوين حق اللي طافوهم بسنه ٢٠٠٨ .
والقلوسات مأخذت منهم بس حسيتهم عاديين ، والفرشه حلوه خذيت منها باك اب اهي وجم شي
يعني الكوليكشن حلو خوش كوليكشن ..
-
قوقوش

سويتلج فولو

-
ام ايلاف

اي والله صاجه بس ترددت فيه ما خذيته

 

[عز النفس يغنيني]

هلا والله حقوقيه .. شلوووووونج عاش من شافج .. ماراح اسال عن الدراسه لان طاريها يكدر ..

نزل كولكشن ناتشرلي.؟

وشنو نكج بالانستغرام خل اسويلج فولو

 

[ام سعود ديكسون]

هلا ماكيات منورين
ثانكس عزو و حقوقية و افوي و سباركل ع الردود
>>> غوغوش و مراوي الحمدلله ع السلامة و بالعافية

حقوقية ما ادري شنو يشبه prrr بس سباركل ما قصرت بالصور
اهو ملمع لحمي يحلي الحمر حق لوكات نيود مع سموكي

سباركل أنا بعد كنت اشتري سفنتين >> ش كبري هههههه
بس فيها سوالف تونس الحين بطلت حولنا علي غلامور و الور

 

[ام سعود ديكسون]

سواتش prrr لعيونج حقوقية راح يعجبكم

http://peachesandblush.com/2011/04/mac-prrr-lipglass-swatches-review-for.html

 

[حقووقيــــــه]

ام سعوود

حتى انا كنت اشتري 17 مجلتي المفضله بس من سنه تقريبا هونت عنها عشتو لوول الحين على قولتج vogue وallure وربعهم سوالفهم تونس وتحسين صج مجله ! ههه احسن من زهره الخليج وربعها ولو ان الحقوق ما توهلج تقرين مجله امتحان ورا امتحان ..وترا الرابط ما فتح معاي بس دامج مدحتيها باخذها انتي ام الذوق ..

-
عز النفس

هلا والله زميلتي العزيزة اي والله طاريها ايييب القامت اللهم ياكافي الله يعدينا الشر انشالله
ومبروك نزول الاعانه اللي ذلونا عليها لوول نزلتلج ٤٠٠ ولا ٥٠٠ ؟
وترا انتي مسويتلي بانستقرام وانا بعد مسويتلج prettymagentaa

 

[حقووقيــــــه]

عزز

اي نزل naturally من ٣ أسابيع تقريبا لحقي عليه ..
باقي بس شدوات / بلشرات / قلوساات ويمكن تحصلين الفرشه ..

 

[عز النفس يغنيني]

حقوقيه

هههههههههه خلينا علا المكياج طاريه يونس .. نزلت لي 400 باقي 100

توني ادري ان هذا نكج نورتي الانستغرام

 

[عز النفس يغنيني]

بنات انا كل مالي وانصدم من اسعار التاجرات !!!!
اربان ديكاي الينيڤيسري ينباع ب ١٥ برا او بالنت عندنا وصل فيهم الطمع ينباع ب ٤٧ ! هذا غير التوصيل توقعوا دينارين او ٣ دنانير !! يعني علبه سعرها الاصلي ١٥ تبناع ب ٥٠

المشكله عارفين حاجه البنات ف يستغلونهم بالشغله هذه

 

[عز النفس يغنيني]

والنيكد انا موصيه عليه من برا قايله لبنت خالتي مابي البرايمر لان عندي منه ابي بس علبه الشدو جان تقولي ما يصير سعره واحد يجي مع العلبه كله ب١٤

وهني حضرتهم مع برايمر سعر ومن غيره سعر ؟ اظاهر حتا البرايمر الصغير يستفيدون منه ويبيعونه

 

[clairefountaine]

عز النفس كلامج صج مية بالمية انا سافرت دبي ويبتهم وانصدمت بالسعر يعني كل فلس يربحونه التاجرات فوق السعر المعقول الله يحاسبهم فيه

 

[MakeupAholic]

اي والله كلامكم عدل

 

[MakeupAholic]

تسلمين الله يعافيج حبيبتي

إي حصلتهم وجربت لونين كل حاجب حطيت لون ومادري ماحبيتهم يمكن عشاني أعرض حواجبي فمو حلو يطلع أهو يصبغ بس الشعر أما لمن تعرضين الحاجب بيصير الشعر لونه غير والتعريض لون ثاني إن شاء الله فهمتي علي ويوم جربته الصراحه ماحبيته

اي فهمت عليج حبيبتي .. بس اهو يصير احلى لمن ترسمين الحاجب معاه بقلم بني فاتح يطلع رووعه ​

 

[مراوي22]

الله يسلمكم بنات مشكورين كلكم

سوسو لاتحسفيني عليها بالصوره تينن الحمره عالشفايف بس يوم جربتها بالمحل ماعجبتني حسيت لونها عادي عندي ألوان مقاربه له بس صج في الصوره غير يمكن على الشفايف من وحده لي وحده يختلف اللون بعد :eh_s(10):

وهذي حمرة نيكي

 

[مراوي22]

اي فهمت عليج حبيبتي .. بس اهو يصير احلى لمن ترسمين الحاجب معاه بقلم بني فاتح يطلع رووعه ​

لاتحسفيني عاد :eh_s(2):

قولي مو حلو عشان أشيله من بالي :krkrkr:

جوفي آنه شي مايعجبني من أول نظره أعرف ماراح أحبه تعلمت دروس وايد من تجاربي قبل أي شي يقولون لي عنه حلو آخذه أقول بغصب روحي أحبه أو يمكن بيعجبني ويا الايام بس الحين لا أعتمد أكثر شي على النظره الاوليه للشي إذا صارت عيوني قلوووووووب على طول آخذه نفس ماصار فيني على أقلام فيرا حبيتهم قبل لا أجربهم

هالمسكرا أمممم إهي حلوه بس مو لي مادري يمكن آنه ماحطيتها عدل لازم أحط وايد آنه مجرد مسحت مسحه خفيفه إشتغل الوسواس عندي وآنه آحط مع إنه الفرشه كانت يديده مالت المسكرا بس قلت يمكن السائل إلي داخل ملوث جم وحده جربته قبلي بوووووووو قلت يبه رديه وإمشي أحسن لج :tongue22:

مع إنه أم علي يوم تجربه على حاجبها طلع إينن وصج صار خاطري أشتريه

 

[Barbie_KSA]

بالعافيه عليكم مشترياتكم بنات ربي يهنيكم
وسوال؟
شنو اكثر شي حبيتيه من كولكشن naturally
وكيف استخدمتيه؟

هلا ياقمر

انا اكثر شي عجبني blonde msf
يجننننننننننن اشتريتو أمس:eh_s(17):
​