حابه اسمع رايكم..................

[granted]

ههه
لاتقوليلي خليجي ولاعربي كلهم نفس الفكر والعقلية
ساعات اشوف المره شايله الجنطه والبيبي واهو يتمشى حضرة الباشا
لايكون ولدها بروحها
عاد انا حاطه على الرجل الشرقي بكبره x

اختي روحين في روح انا اعتقد ان مشكلة شبابنا مو انه يجمع الفلوس لا والله مشكله يفسفس الفلوس يصرفها
مايفكر بباجر ولا عنده مشاريع وطموحات

 

[فطوم 84]

Granted والله صاجه

احنا بس يصير عنده شويه فلوس طقها سفره وطيررر الفلوس

اما سالفه مايشيل معاها لا حرام عليج. اذا زوجته تشيل العيال اهو. يشيل الاغراض

انا اقولج. في استاذ كان يدرسنا تخيلي جاي للكويت يدرس بمعهد وياخذ معاش وعصر يدرس دروس خصوصيه ويجمع فلوووس
مره يسولف ويانا ولا. يقول
انا هالمبالغ اجمعها عشان ادزها كلها لاختي
تدفع الفلوس لجامعتها.

عشان تكمل دراستها. لانه ابوي متوفي وانا اصرف عليها

يعني كل هالتعب. عشان. اخته


طبعا. هذا. مافيه. منه ""نسخه. كويتيه. انسي. هههههه.

والله انا. احس مافيه مقارنه بيننا وبينهم

انا. اقولج. من اللي اشوفه وعقليات اللي عندنا

قليلين. وينعدون عالاصابع. الزينيين

 

[احاسيس مدفونه..]

<<بكت خلاص
حسبي الله بس يضيعون حياتنا واعمارنا ع الفاضي بس حنا مقصرين بعد ماننكر
الله يعين ويصلح الحال

 

[Norah.a]

انا اشوف ان و احد من الاسباب الرئيسية الي تخليهم على هالطبع العوج هو التربية التربية التربيه ...يعني تلقين الام و هي تشكي من تصرفات زوجها ما تستغل الفرصه و تربي عيالها تربيه ترضاها لنفسها و ترضاها لهم بالمستقبل . يعني من الاخر احنا الخليج عموما لاني سعودية__ يحتاج نغير تفكيرنا من الكبار لي الاصغار و نربي الجيل الجديد على الطبائع الحلوة ...

 

[فديت غلاي]

تبين الصراحه اصابعج مو سوا

 

[عادت ذكرياتي]

تبين الصج الرجل الغربي يعجبني بتفكيره وبثقافته اكثر من الرجل الشرقي


لوووووووووووووووووووول فطوم يا حلوج %%%%

 

[قمر بيت أبوها]

فطوم انتي تخزين انا اشوف ناس انعزم عندهم ماشاء الله تبارك الله تحسين من تدخلين من الباب كلهم هدوء عكس اللي عندنا سنه تقولين له فلانه تبي تجي نبي ناخذ راحتنا دقيقه باغير ثوبي دقيقه بالبس شماغي تجي الحرمه ودقيقته ماخلصت
ولا بموضوع الخطوبه عندنا غش عيني عنك شوفه شرعيه بس ماتقد ر البنت تسال اخوها عن باقي التفاصيل ان سألته صارت قليلة ادب بعينه مثل وحده تساليني عن واحد خطبها
وانااسال اخوي تخيلوا مو قادره تسال اخوها لان نظام التفرقه سائد عندنا
ولا بنظام التعاون مستحيل رجال خليجي يشطف الارضيات ابسط شي ولا حتي يكلف نفسه يغير للبيبي لا تعبت زوجته
ولا بالطلعات انتبهي ولا تلفتين هههههه فضحتيني بالرجال هذا اعرفه ولا راح لحاله الرجل الخليجي قام يرقم بنات الناس
وانااتوقع السبب الأم نعم هي الأم اللي تربي لا صار الولد تصرفه راقي تعرفين انه امه مربيته كذا واعرف عينات من هالنوع منهم ابوي الله يحفظه يحب يونسنا لا طلعنا نستهبل ونضحك عكس اخواني
وامي مثلا متربيه علي قانون التفرقه بين البنت والولد وربت اخواني علي كذا
3 متزوجين الان صايرين عيال حريمهم كل شي كان ممنوع الان مسموح هههههه
قلت لامي انتي ربيته علي ان وحده بس لازم يعتني فيها وبكلمتها والآن يمه ها الوحده هي زوجته مايصير يعتني فيك وبزوجته لان هالقانون انتي علمتيه عليه واقتنعت الآن بس وش عقبه عقب 3 عينات من التجارب البشري هههههههه
عكس ابوي سبحان الله يعني يهتم فيننا كاكل مافي انثي معينه لازم تمشي كلمتها
يارب ترزقكم رجال نفس ابوي خليجي بس بالمسمى والاطباع اطباع العرب الباقين

 

[Hand]

حبيبتي لانهم من هم اصغار شافوا امهم وابوهم شذيه

يعني بالعربي ع التربيه

ونحن بعد في مجتمعنا نفس الشي شافوا اهاليهم شذيه سوا مثلهم

مشكورة ع الطرح

 

[فطوم 84]

عادت ذكرياتي حبيبتي فديت قلبج. اسعدني مرورج


Hand وقمر بيت ابوها كلامكم ميه ميه

التربيه هي الاساس

مشكورين جميعا

 

[james546613]

عندي الريال ريال بكل طبايعة في كل المجتمعات والحرمة حرمة بنفس الخلايا ...الظروف هي التي تحكم على الواحد ان يتطبع بهذي الاطباع كويتي ..مصري ...لبناني ....مغربي ...سعودي ...قطري كلهم نفس العملة فيهم الزين والشين والحياة تفرض على الواحد منهم شلون يفكر ويتصرف

 

[آلغرنوقهَ]

تدرون ليش لأنها إحنا الي عطيناهم اكبر من حجمهم
و بينا انهم كل شي و هو اهم شيء ومحد يقوله شي ومحد يرد عليه
و ماخذين فكرة ان المره ماتسوى بدون رجال ..
مالت الامالت عليهم

 

[كريستال]

فطوم كلامج مليون فالميه صح ومب بس الكويتي حتى القطري والخليجي عموما

الا من رحم الله

السبب من التربيه الدلع اللي يدلعونه الاولاد ويطلعلج خديه مايعرف يتصرف في ابسط الاشياء يعني لو اخترب شي فالبيت مايقدر يصلحه بروحه

ويقط كل المسؤليه على زوجته اللي ابتلشت به واللي غصب عنها بتقوم بمهامه فالبيت لانه لو هي ماسوت هالشي بيضيع البيت والعيال

الشي الثاني ريايلنا شايفين نفسهم ومغرورين

شايف عمره فلته زمانه ووحيد عصره واوانه والمنه على اللي بتاخذه

ويدري انه الفقيره بتصبر لاتحمل مسؤليه ولا وجه حلو ولاكلمه طيبه وحتى ساعات الصرف يكون عليها

غصت به

لا وتعالي لو اشتكت ثاموا عليها الكل وهي مره مب ذربه ولاسنعه المجتمع كله حاط على المره ق
عكس الوافد يشيل مع مرته مع انه تلقينه يشتغل ويكرف وهي ماتشتغل بس يقدرها

احنا مانخلي شي مانسويه لهم ولالبس ولاعطورات ولامكياج ونيولوك وغيره وهو بالمقابل شيسوي لنا

الحين موضه يقط كل شي عل. الزوجه والمسؤليات وهو يطير مثل العصافير وهي ماتاخذ كم سنه الا جنها امه مب مرته

بقولج موقف صار لصديقتي فالطوارئ تقول رايحه تعباانه وحطوها فالعنايه المؤقته ويمها مصريه مع زوجها ومعاهم بنتها البيبي والابو يلعب البنت وياكلها
ويسولف على مرته يخفف عنها تقول اتصل على ريلي اترجاه يطل علي لان الوقت كان متاخر مابغى يمرعليها ودقايق وروحه في خشمه يبي يردالبيت ينام

شوفي الفرق بين ريايلهم وريايلنا ترى حتى الهنود حنونين على زوجاتهم * مب بس العرب الوافدين