حابة اكمل دراستي

[مس احساس]

وخيتي روحي سألي بالتربيه وقولي لنا شنو يصير معاج

 

[الفراشة الجميلة]

أولا السلام وعليكم جميعا مشاركين ومتطمشين

ثانيا قولوا لا إله إلا الله محمد رسول الله

ثالثا تعالوا اقولكم شتسوين بالضبط (( من واقع خبره ))

بما انج بوزارة من وزارات الكويت يحق لج تأخذين اجازة دراسية بعد مدة من العمل يعني قبل لا تتمين 3 سنوات تصير بدون مرتب ، ولما تتمين اكثر من 3 سنوات نص مرتب ، وفوق ال 5 سنوات مرتب كامل .

حلو ؟ حلو .

وشروطها الحصول على امتياز باخر 3 تقارير بس الجدد ما ادري على اي اساس ياخذونها بس شكلج قديمة بالدوام .
بعدين لما تقدمين على الإجازة بدوامج ويوافقون يعطونج كتاب تودينه المكان غللي بتدرسين فية ( الهيئة أو الجامعات ) وتسجلين مع التسجيل العادي كانج خريجة ثانوية بس فرقج عندج شهادتين ومستثنية من النسبة ( لانج موظفة ) وبس يطلع القبول تاخذين كتاب من الجامعة تودينة الدوام والديوان و و و و و لفة طويلة .......

حلو ؟ حلو .

بعد في شي ياحلوه في شي ياحلوه <<<<<<


إي نصيحة من وحدة جربت ودارت (( أنا كنت بالجامعة المفتوحة )) التربية الأساسية أفضل مكان من بين الإقتراحات المتاحة كلها إلا إذا تبين تسافرين جامعات عدله بره هنا يصير كلام آآآآآخر ...

اتمني افدتج واذا تبين شي حاضر بمر على الموضوع بعد وقت اشوف اذا بغيتي شي سلالالالالالالام .

 

[مضيعه غنمها ..]

ياهلا فراشه

بما ان عندج خبره
انا متخرجه من دورات لي 3 سنوات و تقديري امتياز

وتووووني متعينه .. يصير اسجل بلكليه
ما ابي فلوسهم بس ابي اكمل

 

[مضيعه غنمها ..]

ورفيجتي طقتي بس مو متعينه

 

[الفراشة الجميلة]

ياهلا فراشه

بما ان عندج خبره
انا متخرجه من دورات لي 3 سنوات و تقديري امتياز

وتووووني متعينه .. يصير اسجل بلكليه
ما ابي فلوسهم بس ابي اكمل

يصير قدمي على طلب اجازة تلقينة عندكم بالقسم بس اتوقع يكون على بداية شهر11 التقديم وتطلع لج إجازة بدون مرتب وانشاء الله خير وسهالات من رب العالمين

 

[مضيعه غنمها ..]

طيب ..

بسأل الحين الكليه نقسها تقبلني

يعني انا توني متعينه ماعندي لا امتيازات ولا غيره
اللهم اني متخرجه بتقدير ممتاز ..تقبل فيني

اذا اوك اقدم غلى اجازه عادي

امممـ انتي تجاوبينا بس ما ادري اجوبتج موثوق فيها ..
عشان اكمل باوراقي ..

 

[طال السكوت]

بس لا حظى اخت فراشة قبل لا تجاوبين ان الاخت (مضيعه غنمهاا) دورات خاصة ......يعنى مو جامعه او كلية

لان في بنات اسالوا بالتعليم العالي وقالوا ان الدورات الخاصه مايكملون او بالاصح ما يعادلون لهم الشهاده

حسبي الله عليهم جان قالوا لنا من الاول ...ان شهادتنا غير عن الباجين

 

[مضيعه غنمها ..]

يعني احنا بدون

 

[طال السكوت]

هههههههه تقريبااا

 

[الجآدل ~]

هههههه نصيحتي اذا تبون تكملون كملوا بمصر وراتبج ينزل كامل بس
لازم يكون عندج رصيد اجازات

ولا يتمنون عليج الوزاره الفاشله < حآقده :$

 

[الفراشة الجميلة]

بس لا حظى اخت فراشة قبل لا تجاوبين ان الاخت (مضيعه غنمهاا) دورات خاصة ......يعنى مو جامعه او كلية

لان في بنات اسالوا بالتعليم العالي وقالوا ان الدورات الخاصه مايكملون او بالاصح ما يعادلون لهم الشهاده

حسبي الله عليهم جان قالوا لنا من الاول ...ان شهادتنا غير عن الباجين

الدورات نفس الدبلوم (( أذا كانت بعد الثانوية )) وبعدين أنا ما أقول اي معلومة إلا وأنا متاكدة منها بدليل رفيجاتي 3 معاي وبنفس التخصص والحين خريجات وهم اجازة دراسية ودورات سكرتارية من التطبيقي وبس

 

[الفراشة الجميلة]

طيب ..

بسأل الحين الكليه نقسها تقبلني

يعني انا توني متعينه ماعندي لا امتيازات ولا غيره
اللهم اني متخرجه بتقدير ممتاز ..تقبل فيني

اذا اوك اقدم غلى اجازه عادي

امممـ انتي تجاوبينا بس ما ادري اجوبتج موثوق فيها ..
عشان اكمل باوراقي ..

ما حبيت التعليق هذا عموما ماتقصرين على هالكلام ويا عيوني اختصري على حالج السؤال وروحي اسئلي بنفسج أفضل .

 

[amt~alrhman]

السلام عليكم

اختي فراشه يعني اي تخصص بالدورات تقدر تكمل وشنو الكليات اللي يقبلون والله رفعتي المعنويات وين اروح

وجزاج الله خير الجزاء

 

[بنوتـــ عسل ـــة]

يااااااااااااااااارب يوفقج ويسهل اموووووورج روحي واسألي

 

[دلع الجبلان]

حبيبتي الفراشة الجميلة اذا انا متخرجه من أتصالات وملاحه وعلي الدرجه الرابعه وعندي كلها امتيازات وحابه اكمل اقدر براتب كامل
واقدر اقدم علي كليات ولا الجامعه مع ان تقدير لما تحرجت مقبوووووووووووول
وتنصحيني بالجامعه المفتوحه لاني كنت ناويه عليها علي الكورس الثاني

 

[الفراشة الجميلة]

السلام عليكم

اختي فراشه يعني اي تخصص بالدورات تقدر تكمل وشنو الكليات اللي يقبلون والله رفعتي المعنويات وين اروح

وجزاج الله خير الجزاء

حياتي اهم شي الشروط جربي ماراح تخسرين شي ، وراجعي بالهيئة افضل شي لج سألي ونشاء الله ما يخيب رجاءج

 

[الفراشة الجميلة]

حبيبتي الفراشة الجميلة اذا انا متخرجه من أتصالات وملاحه وعلي الدرجه الرابعه وعندي كلها امتيازات وحابه اكمل اقدر براتب كامل
واقدر اقدم علي كليات ولا الجامعه مع ان تقدير لما تحرجت مقبوووووووووووول
وتنصحيني بالجامعه المفتوحه لاني كنت ناويه عليها علي الكورس الثاني

يالبه قلب الجبلان من أولهم وتاليهم هلا وغلا

شوفي شكلج صارلج اكثر من خمس سنوات بالدوام ( لانج دبلوم وماشاء الله واصلة الرابعة ) فراح تكونين راتب كامل وماخذة امتيازات هم يعطونج اجازة من الدوام ( استكمال دراسة ) بس غذا تقديرج مقبول ما ادري منوا يقبلج الجامعة ما اتوقع لانها تاخذ اكثر من نقطتين وخمسين والهيئة ما عندي فكرة لان اغلبنا كانت نسبنا حروة الجيد جدا فتأكدي احسن لج ، والجامعة العربية إذا ماحصلت لج كليات الهيئة لا باس فيها اذا كان ماعندج خيار غيرها ( احسن من ولا شي ) بس ترا تقدرين تكملين بالعربية بدون اجازة ولا شي ...

 

[الفراشة الجميلة]

اتمني اكون افدتكم يستفساراتكم والله يشهد بأمانه قاعدة ارد عليكم ومابخلت باي معلومة متأكدة منها إلا وقلتها لكم ،،،،،،

تحياتي للجميع وبالتوفيق

 

[amt~alrhman]

السلام عليكم

جزاج الله خير اختي فراشه....

ومشكوره اختي بنوته عسل على الدعوى الحلوه
**الله يجمعنا بالفردوس الاعلى**

 

[دلع الجبلان]

هلا وفيج ياقلبي احرجتيني من الصبح وانا مومتعوده عدلع لووووووووووووول
انا صارلي اكثر من خمس سنوات انا كنت ناويه البحرين بس بصراحه صارت تخوف مره معتمده ومره لا
اي قالولي عن العربيه بدون اجازه ولا شئ
بس بسالج دام انج دايره ومسجله وعندج خبره وباع في هالمجال اذا انا ادبي وفنيه اتصالات سلكيه ولاسلكيه وحبيت اكمل هندسة قالولي مايصير لاني شهادتي ادبي مع اني مشيت بدراسه وماكاانت صعبه علي واقدر اكمل صج هالكلام ولا لا؟؟