حااااااامل !!!!! متى علمت الناس بحملج ؟؟

[أبله كويتيه]

علمتهم بالشهر الخامس يعني توه

بس ابوي واخواني واهل ريلي الاقراب يدرون

ليش مانعلم ؟ من العيون وهالشي اانا جربته شخصيا محد قااالي نقرصت عدل مدل

 

[tmtmt]

علمتهم بالشهر الخامس يعني توه

بس ابوي واخواني واهل ريلي الاقراب يدرون

ليش مانعلم ؟ من العيون وهالشي اانا جربته شخصيا محد قااالي نقرصت عدل مدل

ما شاءالله
الله يتمم عليج

بس مو راضيين تستوعبون ان كل ما زدتوا
كل ما فزت القلب صارت عليكم اكثر

تلقين الي بشوفج وبلاحظ بطنج
سيده هاااا حامل وما قلتي طالعي بطنج
ولي اول ما تسمع بالخامس متى وصلت
وغيره وغيره

الي بيحسد سواء كنتي بالاول ولا بالتاسع

ياما بنات فقاره اسم الله على الجميع
بالتاسع رايحه تسي سونار وتلقى البيبي واقف نبضه

عرفتي ...

الله يحفظج ان شاءالله ويتتم عليج ويحميج من العين والحسد

 

[pink-flower]

من اول شهر علمت اهلي و اهل ريلي و اللي يسال اقول اي ما اجذب

وما احااااتي الحسد نهائيا
اذا الله كاتب يثبته يثبته و اذا مو كاتب هذي من حكمته
ربي لك الحمد في كل الاحوال

 

[أبله كويتيه]

tmtm والله حياتي كنت ابي الياهل يتثبت بعدين اقوولهم خصوصا اني بجر

بس على قولتج الي بيحسد يحسد سواء بالاول ولا بالتاسع

مشكوره عالدعوه الطيبه ماقصرتي حياتي

 

[Talyan Rose]

انا بس ادش الرابع او اخر الثالث ببلغهم

 

[كلاسيكال]

انا بس علمت اهلي امي وخواتي وحماتي وخالتي ام ريلي و رفيجاتي الخاصاات بس ،، وان شاء الله لمآ ادش الرابع اقووووووول

<<​

 

[غلاي غير]

على حسب اذا البجر او لا

البجر عادي اعلم
اما بعدين على حسب اللي عندي يعلمون او لا

 

[حجيه هيونه]

والله يختلف الوضع بصراحه

بالاول علمت وشهقت وحده بويهي تقولي بل مغناطيس شنو هذا على طول حملتي

فبصراحه ماودي اعلم بس اكيد ماعرف اخش الى يسألني بقوله اى حامل

 

[om MaRyooM]

من اول ماأحلل

مشالله لا امي ولا خالتي يقدرون يسكتون لوول

وحتى ريلي مو مقصر !! ينشر الخبر

مو مصدق يصير ابو !

 

[loolwah_2010]

اول ما احلل اكيد اهلي واهله

وبثالث اقوول حق ناس

 

[بسكوت على الفحم]

بالنسبه لى ماحب اسال حامل كم لك او وحده على حزة حمل ولاعمري سالت وحده انتى حامل اولا. ليش؟ لان ماحب احد يسالنى انا حامل ولا لاوكم لى ؟وماحب اتناقش بهالسوالف .((والعين حق ))

 

[red_virgin]

سلام

انا دزتي وملجتي وعرسي صارو كلهم بنفس الشهر بسرعه بسرعه وكل شي كان فوق المستوي من دزة لي ملجة لي عرس .. اول يوم نمت عند ريلي كان اخر يوم دورة .. ومن بعدها ما يتني وحملت ... من فرحتي لان الاول قلت حق كل الناس ... وطبعا الكل يردد هالجمله .. ملجت وعرست وحملت بنفس الشهر ... ومات الببي ابطني بالثالث ... كل شي بيد الله سبحانة .. بس ترى العين حق ومذكورة بالقران ... واحنا شعب عندنا شي اسمه (فزة) النفس تفز على الشي ... وثانيا اخذي كلام واشلون وليش .. وشحقة البيبي مات .. ويعيشونج جو العزا والبيبي بعده ما تكون ... والطاقه السلبية من كل صوب اتييج ... والحمدالله حملت مرة ثانية .. هالمرة قلت حق امي وخواتي وام ريلي وخواته بس .. لين ارتفعت ووصلت الثالث يالله قلت حق يدتي وخلاتي .. والباجي الي يسألني اقولة ...

لان لاسمح الله صار شي قبل الثالث ماله داعي كل الناس كلها اتأسي عليك ( وعلية مسكينة ,,مات البيبي ) والكلام الي ما يساعد

وسلامتكم واتعيشون

 

[حرمه المصون]

انا اول بيبي علمت علي طول واهل ريلي بعد ماطلعت من المختبر والناس اول مادخلت الثالث
هالمره بعد نفس الشي بس الصراحه اللي حولي مايتكلمون الا لما يطلع بطنهم. بس انا ما احب اكذب اللي يسالني اقول حامل

والصراحه المفروض الام وام الزوج اول ناس يدرون مستحيل افرق بين امي وامي زوجي حتي لو ماكنت مرتاحه معاها هدا بعد ولدهم لازم تعرف*

 

[أسم والسلام]

بصراحه أنا توي حامل وعلمت غير أمي حبيبة قلبي وخواتي فقط


الكل يخبي عني ليش أقول

 

[دايم على البال]

رد: رد : حااااااامل !!!!! متى علمت الناس بحملج ؟؟

أول ما حللت وعرفت اني حامل علطول أهل رجلي وأهلي دروا


وعقبها كل من يسألني حامل أقوول إي


بس في نوعيه فاشله تنكر حملها منها بنت جيرانه كل ماتشوفها امي تقول بنتج ماحملت تقولها جارتنا لا ماحملت ادعيلها وامي مصدقه وتقووول ياحرام ادعيلها لين اطلعت الحرمه بالخامس والكرش مبينه وعرفنا

مدري ليش الكتمان والنكران يعني كل الناس تحمل وتولد مو شي نادر

وهم بعد في الي يكتمون ولمن تشوفينهم تعابى تقولين عسى ماشر تقولج لا بس احس بتعب تقولين لها من شنو ترد عليج من ارهاق ودوام وتعب ماتقولج انها حامل


ماحب نوعيات الخش والدس ابد .... ويعني شنو لاقلتي انج حملتي وبعدها لاقدر الله صار شي وماثبت الحمل كله بيد الله سبحانه ...

نفسها بالضبط اول ماحللت علمت امي وام زوجي وكل الناس درو بالعكس احس وناسه وفرحه لا علمتي الناااس مااحب الخش والدس طفارتي :eh_s(14):

 

[ام سعيد 5]

انا اول ما اعرف اخبر لان يبين وحامي قوي اتنوم في المستشفى ما احب الجذب والنفاق واذا بينزل اكيد الله مب كاتب والحمدلله

 

[عجميه ولي الفخر]

وحده نعرفها ودايم نجيها وتجينا
وندق عليها وتدق علينا والوضع تمااام

فجاه المره انقطعت حنا استغربنا عسى ما شر شفيها انقلبت المره فوق تحت ما تدق ولا تسلم لا علينا ولا على كل الناس

اخر شي اكتشفنا انها حامل يمكن بالسابع وما تبي تعلم احد مع ان ما شاء الله عندها عياال بس اهي واهلها نظااامهم يخاافون من العين بشكل مو طبيعي !!!

الحمدالله والشكر اوكي لا تعلمين بس مو لهدرجه !

 

[أأأميرة الورد]

رررررررررررررفع

 

[أأأميرة الورد]

رفع

 

[أأأميرة الورد]

.....................