حآبين تروحون مسسرحيآت بس مو عآرفين شنو ومتى و وين؟ تعآلوآ آسآعدكم..

[miss $_$ semsem]

اليوم رجعت من مسرحية سويت دريم

تهبل اليهال والكبار اندمجوا وحبيت يوم تأخر شوي العرض تكلم الحملي واعتذر مع ان مو وايد تأخروا

 

[مس ديوووور]

صباح الخير يعطيكم العافية بنات....بس حبيت أسألكم طارق العلي حالياً عنده مسرحية؟؟وشنو إسمها وبأي مسرح ... وتسلموون حبايبي:eh_s(7):

 

[miss $_$ semsem]

صباح الخير يعطيكم العافية بنات....بس حبيت أسألكم طارق العلي حالياً عنده مسرحية؟؟وشنو إسمها وبأي مسرح ... وتسلموون حبايبي:eh_s(7):

اعتقد للحين تنعرض و اسمها بسنا فلوس بمسرح نقابة العمال فميدان حولي والله يسلمج

 

[{ شيوخهـ ~]

miss $_$ semsem
وي وي فششلونآ كل شي كوبي مآكو شي original عندنآ
آي ببآي عآد؟
وتبآرك آلرحمن آلحملي كل شي يسويه توب !
يعطيج آلف عآفيه يآقلبي مآتقصرين فديتج !

مس ديوووور
آلآخت مس سمسم مآقصرت وموجوده ليلحين فتره آلويكند جمعه وسبت !

 

[{ شيوخهـ ~]

برعاية وحضور وزير الإعلام وولي عهد مملكة بوتان

المهرجان العربي لمسرح الطفل يبصر النور على خشبة الدسمة

الافتتاح شهد حضوراً جماهيرياً كبيراً بالإضافة إلى حشد من أعضاء السلك الديبلوماسي ومجموعة من الفنانين كان في مقدمهم الفنان أحمد الصالح، والفنانة سعاد عبد الله مديرة المهرجان، والكاتبة عواطف البدر وعبد الرحمن العقل والفنانة المصرية سميرة عبد العزيز والكاتب الكبير محفوظ عبد الرحمن وغيرهم.

الفعاليات\العروض من 8 وتستمر فعالياته حتى 19 من الشهر الحالي

*الحضور مــــــجــــــــــاني*

حياكم الله ، اطفالنا محتاجين دعمكم

 

[{ شيوخهـ ~]

مركز فروغي للانتاج الفني سوف يعرض مسرحيه "بسنا فلوس" في السعوديه وفي منطقه الخبر ، من تاريخ ٣/٢٠ الى ٣/٢٤ !

 

[رمآد]

بنات شنو المسرحيات الي تنعرض هالفتره
حق هاليومين او هالاسبوع

 

[{ شيوخهـ ~]

رمآد حبيبتي شهر 3 مآكآن في شي بس آلحين عندنآ "ليآلي مسرحيه" رآح تنعرض فيها آلبوشيه و يوميات أدت إلى الجنون و على الطريق بس آلبآقي حآليآ مسرحيه على الطريق بآجر وعقب بآجر (17-18 آبريل) وعندج طآرق آلعلي بسنآ فلوس بعد !

 

[A boss]

mako masr7yat al7in ?

 

[*كنـدا*]

بنات بكم اسعار التذاكر ؟؟

 

[{ شيوخهـ ~]

A boss
آلعيد يآي حبيبتي وفي مسرحيآت آن شآءآلله بحطهآ بآسرع وقت !

*كنـدا*
يعتمد عآلمسرحيه حبيبتي ..

 

[{ شيوخهـ ~]

مسرحيآت عيد 2013\2014:

يتبع ..

 

[{ شيوخهـ ~]

تآبع ..

يتبع ..

 

[miss $_$ semsem]

اهلييييييييييين اشتقت لهالموضوع والله :*

اليوم رحت مسرحية المسلم
باختصار تلوع الجبد

كنا آخر عرض و العرض اللي قبله يوم اطلعوا والله ماابالغ العمووم عافس ويهه لاجنه طالع من مسرحية و ياكثر اللي سمعتهم يتحلطمون حتى وحدة قالت لو ادري ان المسرحية جذي جان مارحت واللي تقول لو رايحين ثانية ابرك والخ الخ

وطبعا وقتنا 10 ونطرونا لي 10 بالحر حتى وحده مسكينة اغمى عليها
ودشينا والمسرحية واااااااااااااااايد فيهم سوالف مالها داعي !
يعني رايحين مع اخوي وانقص ويهنا ! اللي يقول طارق العلي عنده هالسوالف لي دش هالمسرحية بقول الله يحلل طارق مقارنة باللي شفته اليوم !

يملقووووووووون وخربوا تاريخهم بهالمسرحية اصلا اول مرة بحياتي اروح مسرحية اول مايخلص العرض العموم ينحاش
وطبعا غير اللي انحاشوا وقت العرض وكنا بننحاش من الملاقة بس قلنا جود تتعدل
ولدرجة ماكو احد قام يضحك ! قطات يا قله ادب يا تملق يا قطات قديمة !
جد جد توووووووووووووبة اروح للمسلم مع ان العام رحت وندمت بس قلت هالسنة معاهم عبدالرحمن العقل وسعاد علي وباسمة حمادة اكيد بتصير احلى بس جد خربوا على عمرهم و للأمانة طارق حتى لو كانت نصوص مسرحيته لا بأس بها بس طارق عفوي عالمسرح اما اللي شفته اليوم اشكره حفظ للقطات و لو تروحين كل العروض بتلقين نفس اللي صار بالضبط يعني ماكو ارتجال بالتمثيل نهائيا والقصة ماتسوى

وسوري عالتحلطم بس جد حسافة عليهم ! للأمانة انا ماكنت بروح واصلا اليوم حجزنا ! بس قلنا دام كل هالممثلين اكيد حلوة

 

[{ شيوخهـ ~]

miss $_$ semsem

بعد عمري والله وانا اكثررر والله :***
عاد حيييل انصدمت من تعليقج !!!
شوفي رايي بمسرحيه عايله فن رن للمسلم،
عرضنا كان اول يوم الساعه ١٠ وبصراحه كانت فصصصله وتووونس
وكان في قطات شوي فيها قله ادب بس مو وايد ومو كثر طارق العلي
بس اللي ماعجبني بصراحه دور باسمه حماده كان فاشل وماله داعي كلش ماعجبني !!!!
وكلششش ماتصلح لليهال مع اني لاحظت وايد يهال موجودين :\
اكثر شي ونسني بصراحه بلال الشامي وسع صدورنا الله يوسع صدره
اعطيها بصراحه ٧.٥\١٠

\

 

[{ شيوخهـ ~]

تابع \

يتبع..

 

[{ شيوخهـ ~]

ثالث يوم العيد رحنا مسرحيه مدينه الزنوج
الديكور والاستعراضات رووووعه ومتعوب عليهم وميامي كانوا حدهم فصصصله اكثر شي استانسنا عليه بصراحه !!!
بس المشكله ان المسرحيه كانت غنائيه وصوت الموسيقى اعلى من غناء الممثلين فماكان واضح وايد عشان جذي الاغلبيه ما فهم شسالفه ولا عن شنو المسرحيه حتى اليهال !!!
بس بصراحه مدير الانتاج (سلطان شاهر) كلش ما احترم الجمهور ولا حتى المنظمين قاعد يصارخ جنه يشتغلون عنده وحتى الجمهور طردهم وقال دخلوا حق العرض اللي وراه مو هامه الا الفلوس !!!!!!!!! يعني شلون يعني الناس يطيرووووون؟؟؟؟ بصراحه شي لا يطاق لدرجه ان صارت هوشه بينه وبين احد المنظمين يقوله شسوي شلون اطلع الناس مايصير نطردهم بس اهوا مو هامه لان خلاص دفعوا كلش ما كان في ذوق وطرد واحد من المنظمين عشان رد عليه وقاله مانقدر !!!!!!!!!!! وخرب اليوم على الكل بصراحه !!!! يعني مسرح فيه فوق ال٢٠٠ شخص شلون كلهم بيطلعون بوقت واحد؟؟؟؟؟ حسبي الله ونعم الوكيل !!! مادري على شنو شايف نفسه !!!!
بس المسرحيه عموما اعطيها ٦.٥\١٠

 

[miss $_$ semsem]

شيوخة يمكن لأن احنا أول يوم عيد رحنا و يمكن شافوا رده فعل الجمهور و عدلوا الوضع لأن صج اول يوم عيد العموم كان متحلطم بس شكلهم عدلوا الوضع لأن اللي راحوا ثاني يوم عيد كانوا مو مستنكرين الوضع بس اللي اول يوم كلوها
يمكن تداركوا غلطهم لأن صج اول يوم كانوا لاتعليق و الاغلب نقد عليهم بس زين نقطة لصالحهم ان تعلموا من غلطهم
وصاجة بلال الشامي نسيت لا اكتب اهوه اللي هون علي و وسع صدورنا

و زين قلتي عن مدينة الزنوج لأن كنا ناوين نوديهم بس هالسنة كنا نبي نوديهم زين و الوحش بس مايردون
والحملي مسرحيته شكلها تهبل كالعادة لأن صداها حلو بالانستغرام

 

[{ شيوخهـ ~]

miss $_$ semsem
حتى آحنآ آول يوم عيد آلساعه 10 ولآحظت عآيلتين طلعوآ قبل مآيخلصون على آخر شي كآنوآ قآعدين بالنص بآلسطرآت آلاولى !!!!!
بس آحنآ يينآ حزه آلحزه عشان جذي دخلنآ بسرعه :eh_s(15):
زين وآلوحش يمدحوووونهآ ومآشآلله بسرعه تخلص آلحجوزآت فتحوآ خآمس آلعيد ومن ثآني اليوم آلآ آلمسرح فل !!!!!!!
وفعلآ آهمآ مآيردون برآحه آحنآ حجزنآ لليهآل حق سآدس يوم آذآ تبون تلحقون روحوآ بسررعه !! :ggdw:

 

[om.aboodi]

مسرحيه هدي حسين رووووووووووووووعه اسعارهم 30/20/15 البلكونه ههههههههههه وايد ناس توهقوا حرام

مسرحيه حلا الترك وععععععععععع عيالي نامو فيها اللي محليها البناي بسسسسسسسسس والا خربوطه حتي هنادي مالها دور وكنت بطلع بس صمدت لكن استغلال موطبيعي لليهال يعني تبتدي المسرحيه 7 دخلونا 7 ونص عشان اللي قبلنا طابور حق الصور وطبعا شخباري ايام صور بو دينار لا تذاكر عشان يصورون اليهال موحرام خافوا الله فيهم كافي هالتذاكر اللي نار الله يرحم ايام 10 وخمس و3 دنانير وغير العاب بو اميه اللي دبل الدبل اسعارها وين قبل الكفتريات الراقيه شنو هذا هنودوغيره ووصاخه ليش خذيت ككاوات والا عشر دنانير عسي ماشر ياككاو بدينار يابنص حسبي الله عليهم بس

لكن استانسنا وااااااااااااااااااااااايد بمسرح هدي وانصح فيها شكرا