صباح الخير عزيزتي :eh_s(17):
ولو إنه ضاق صدري عليك لأن العلاقة اللي بينكم ماتجوز وحرام والواحد ألزم ماعليه التوفيق من الله سبحانه :eh_s(22):
بس بما إني قصيمية وبالرياض حبيت أرد عليك وأوضح لك أشياء يمكن ماتعرفينها وحتى الأخوات اللي استعجلوا بالحكم علينا من أشياء سمعوها بس
القصمان مثلهم مثل غيرهم فيهم المتدين والمتشدد بدينه وفيهم العاديين وفيهم المتفتحين بشدة والله يهدي الجميع .
وعلى فكرة ترى عندنا بالرياض الرجال لما يكونون متشددين فهو بالعباية بس وإلا المكياج والشعر واللبس مثل مابغيتيه أنتِ لأن مجتمعنا الحمدلله كلله مافيه أي اختلاط لا بالمدن الترفيهية ولا العزايم ولا المناسبات والأعراس بس أكيد إنو فيه حدود ولبسك عند زوجك يختلف عن لبسك بأي مكان ثاني .
فيه نقطة مهمة وهي إن شبابنا مهما كانوا متفتحين مايحبون البنت اللي تكون معهم علاقة قبل الزواج حتى لو حبها وتزوجها قلييييل جداً الزواج اللي ينجح بهالطريقة لأنه يصير يشك فيها ويدقق على كل حركة تسويها وعلى أتفه شيء يذكر إنها كانت تكلمه قبل الزواج وهذا راح يخليها تكلم غيره والضحية بعدين الأطفال
عشان كذا أقول لك فكري وفكري زيييييين قبل ماتقدمين على أي خطوة وتندمين عليها بعدين , العبرة مو قصيمي أو كويتي أوجداوي أو إماراتي .!
أهم شيء إن البداية تكون صحيحة والنية تكون طيبة وخالصة لوجه الله والله يوفق الجميع لما يحبه ويرضاه
أنا هنا نصحتك لأني أبي لك الخير والسعادة بالدنيا والآخرة :eh_s(17):
