جيل الستينيات ...وينكم؟؟؟؟

[فطووومة]

والنعم ام احمد وسلامة نتكم


شلونكم خواتي


اي والله اشتقنالكم

فعلا ام خالد مكانج فاضي من غير شر عسانا ما ننحرم منه ولا من وجود خواتنا الباجي :yaaaaaarb:

 

[ام محمد الشمري]

يافلان أنا بنت عجز يفهمها انسان ؛؛؛
بها دلع مع شموخ وماخذهـ طبع أبوهــــا ؛؛؛
أي نعم أفتخر لاقلت بنت العنزي؛؛؛
أفعالهم يشهد لها التاريخ ومحدن وصلهـــا ؛؛؛

شرايكم بالتقليد

 

[ام محمد الشمري]

ووووينكم بنات

 

[ام حمنو]

السلام عليكم ورحمة الله وبركاته

 

[الغاليه ام احمد]

السلام على الغاليات

 

[الغاليه ام احمد]

هلا وغلا بفطوووومه

تسلمين يالغاليه وشلونكم وشلون العيال

 

[الغاليه ام احمد]

هلا وغلا بام محمد والنعم فيج وفي اهلج كلهم

شلونج وشلون العيال وشلون الوالده

 

[الغاليه ام احمد]

هلا وغلا والفين مرحبا بام حمنو

شلونج وشخبارج ووين غاطه كل هالوقت

 

[الغاليه ام احمد]

وووووووووووينج يام خالد والله اشتقنا لج

وطيرتينا بالصور

 

[فطووومة]

وعليكم السلام ورحمة الله وبركاته حبايبي



شلونكم

ام خالد عليج بالعافية والله يديم عليكم اليمعات الحلوة والسفرات الممتعة :eh_s(9):




هلا وغلا ام حمنو شلونج وشلون الحفيدات شكلهم ماخذينج منا :bbbiu:

فديتج ام احمد الكل بخير الحمدلله ويسلمون عليكم :yaaaaaarb:

ام محمد شلونج شخبار الوالدة لله يخليها لكم يارب:eh_s(7):

 

[الغاليه ام احمد]

هلا وغلا ومليون مرحبا بفطووووومه

زين احد بين كل ما ادخل مافي احد وين ربع تالي الليل

 

[الغاليه ام احمد]

ووووووووووووووينج فطوووووووووووووووووووومه

 

[الغاليه ام احمد]

السلام على الغاليات

 

[الغاليه ام احمد]

ووووووووووين الغاليات

اشدعوه من امس محد شبك

عسى ماشر عساكم بخير ولا البرد كسلكم

يلا انا بانتظار الكل

حتى لو بسلام طمنونا عن احوالكم وما تشوفون شر

 

[الغاليه ام احمد]

انا بسولف وعسى احد يرد علي

المهم اليوم طلعت ووديت اهدومي الخياط الله يهداه مخربهم علي

وعقبه مريت الوالده ومعاي دلوله وجنتي

ور حنا للسالميه الحوش وشرت دلوله وجنتي بوتات اللي طايحين فيها

اللون العسلي الطويل والله المحل زحمه الكل يشيل بهالبوتات

واليوم كلمت ام خالد وتسلم عليكم وتقول برد موت بس وناسه

وان شاء الله باجر تطير وتوصل الاربعا الفجر

 

[ام حمنو]

السلام عليكم ورحمة الله وبركاته

شلونكم مع البرد ؟؟؟؟؟؟


ام احمد شلونج يالغاليه

قلت اسلم عليكم قبل لااندعس بفراشي البرد مو معطينا فرصه نشبك من اصلي العشا اجابل الدوه والشاي والحليب مع الزنجبيل وبعدين سيده الفراش

ام خالد الله يعينكم على البرد وتردون بالسلامه بس برد لندن مو مثل بردنا احسه منعش يمكن مع المشي والحركه هناك غير

 

[الغاليه ام احمد]

هلا وغلا ام حمنو

هلا فيج عسى ماشر من امس محد شبك والله ضاق خلقي

ترى انتي من مجابل الدوه تحسين حيل بالبرد وتكسلين

 

[ام حمنو]

اي والله ما لي خلق اطلع الا للضروره


الخوات مختفين من غير شر الظاهر عندهم بيات شتوي

 

[ام حمنو]

باجر من الصبح عندنا عمال راح نصبغ غرفة بنتي الكبيره والصاله فوق

طبعا الحجي عنده استنفار من صباح الله خير لازم يريق العمال قبل لايشتغلون


تصبحين على خير حبيبتي

 

[فطووومة]

هلا وغلا بالحبايب

شلونج ام احمد وام حمنو

عليكم بالعافية الدفا والطلعة



تري البيت ابرد من برا احيانا انا جربت البر حسيت انه وايد ادفا من البيت :eh_s(9):

ام احمد عليكم بالعافية البوتات بنتي وعمتها بعد ميتين على هالبوتات موضة الكل هاب فيها

ام حمنو بالعافية البنيان وان شالله تسكنها بالافراح



انا بناتي راحوا رحلة يوم اليمعة الكبيرة راحت صالة التزلج
والصغيرة راحت المدينة الترفيهية مع الزهرات سبحان الله انا كنت رافضة هالفكرة بس الله كاتبها لها

منعت بنتي الكبيرة وبنت اختي المسافرة من الترفيهية وهذي ماشالله على حظها وافقت هههه يمكن لان كسرت خاطري تموت على ابله الرسم وانتقلت وكله تطريها

بس الحمدلله اليوم يت فرحانة لان ابلتها الغالية داومت :eh_s(9): حياتي والله عيالنا طيبين


ويوم قطيناهم على المدارس رحنا المباركبة وتريقنا وردينا ورحنا المخيم شوي نتطمن عليه هههه

كان الجو رهيييييييب الحمدلله



وامس واليم كله مواعيد اسنان ارجع تعبانة حدي والحمدلله :eh_s(15):