جيل الستينيات ...وينكم؟؟؟؟

[الغاليه ام احمد]

السلام على الغاليات

 

[ميثا الغريب]

السلام عليكم

شلونكم كيف الحال

ام محمد بشري عن الوالده

شلونج يا ليمونه عسى ربي يكتبلج العمره والصلاة في الروضه

 

[الغاليه ام احمد]

ام حمد (ناصر ) عليكم الف عافيه الشاليه وان شاء الله تستانسون

ام محمد اسال الله العظيم ان يشفي امج ويجعل عمليتها سهله وبارده عليها

ويقومها بالسلامه

ام حمنو هلا وغلا فيج شلون توأمنا عساهم اكبروا

عصوووووره يا حلو اليهال بتسويلكم جو بالبيت البنت توها صغيره

على الطلعه جان توديها للالعاب اللي على كهربا لعبيها شوي ورديها البيت

الجو هذا جو مرض مو زين لليهال

 

[الغاليه ام احمد]

هلا وغلا ميثاااا شلونج وشلون عيالج

 

[الغاليه ام احمد]

عصووووره حلوه الروحه للمدينه والعمره بالربيع عسى الله يكتبها لج

 

[ميثا الغريب]

شلونج ام احمد.

وشلون العيال وشاخبار دلال بالجامعه

 

[الغاليه ام احمد]

الحمد لله الكل بخير ودلوله ماشيه

والله ما يندرا عنها كل ما اسالها تقول اوكي

 

[ميثا الغريب]

هلا فيج ام احمد.

شلونج. خلصتوا من تزهب حق العيد


وين نيتكم بالديره والا شاليه. والا مزرعه

 

[ام حمنو]

هلا في الجميع شلونكم يا حلوات كل وحده تقول لنا من وين بتاخذ حلو العيد

 

[الغاليه ام احمد]

هلا ميثااا والله شرينا للعيد بس الظاهر بنروح للخبر بالعيد

يعني نمشي يوم الوقفه السبت ونرد الاثنين ان شاء الله

 

[الغاليه ام احمد]

تصبحون على خير

 

[ام محمد الشمري]

السلام عليكم

 

[ام محمد الشمري]

نمتوا

نوم العواافي

 

[ana O anta]

يا صباح الخير

ام أحمد وام حمنو وعصير ليمون وام محمد وفطووومة وميثا

اشلونكم

وقبل الكل اقولكم كل عام زانتم بخير

 

[أم ناصر93]

السلام عليكم ورحمة الله وبركاته

هلا وغلا فيكم جميعا"

والله يعافيكم ويبارك فيكم حبايبي,,, قلت العطلة طويلة وين اوديهم

وبيني وبينكم عن الحنة والرنة والخساير الزايدة هي خسارة وحدة وبس

واخذت امي واختي معاي يستانسون لان امي كبيرة في السن وايد تتعب في العيد

بيتها ماشاءالله مفتوح ومن بعد صلاة العيد يبدأ استقبال المهنئين لما الساعة 10 في الليل

فتشوفينها خلاص ماتقدر تفتح عينها من التعب،، وتستمر هالحالة ثلاث ايام

فقلت لها هالعيد ارتاحي وبعد العيد ورانا سلام الحجاج واستقبالاتهم

الله يعيني على المواجيب لأني البكر فكل موجب بوجهي،، الله المستعان

*************


لكم تحياتي

 

[أم ناصر93]

قبل الزحمة والمواعيد وقبل صوم عرفة وليلة العيد

وقبل تعليق الأضاحي بالمعاليق

اقولكم:

ياعسى عيدكم سعيد

واتمنى اكون اول انسانه باركت لكم بالعيد

وكل عام وانتم بخير

 

[أم ناصر93]

استأذن الحين منكم اروح اصلي وبعدين المدارس

وعقب عندي موعد اشعة الرنين المغناطيسي(mry) حق الركبتين

الله يبعد عنكم الشر والأمراض

لي عودة

***************


لكم تحياتي

 

[ام خالد الغلا]

السلام عليكم ورحمه الله وبركاته اشلونكم

 

[ام خالد الغلا]

الحمدالله على سلامه الوالده ام محمد والله يتمم عليها وترجع لكم بالسلامه

 

[ام خالد الغلا]

السلام عليكم ورحمة الله وبركاته

هلا وغلا فيكم جميعا"

والله يعافيكم ويبارك فيكم حبايبي,,, قلت العطلة طويلة وين اوديهم

وبيني وبينكم عن الحنة والرنة والخساير الزايدة هي خسارة وحدة وبس

واخذت امي واختي معاي يستانسون لان امي كبيرة في السن وايد تتعب في العيد

بيتها ماشاءالله مفتوح ومن بعد صلاة العيد يبدأ استقبال المهنئين لما الساعة 10 في الليل

فتشوفينها خلاص ماتقدر تفتح عينها من التعب،، وتستمر هالحالة ثلاث ايام

فقلت لها هالعيد ارتاحي وبعد العيد ورانا سلام الحجاج واستقبالاتهم

الله يعيني على المواجيب لأني البكر فكل موجب بوجهي،، الله المستعان

*************


لكم تحياتي

عليكم بالعافيه الشاليه ام حمد وعساكم تتهنون واستانسو