جيل الستينيات ...وينكم؟؟؟؟

[ام خالد الغلا]

السلام عليكم ورحمة الله وبركاته


شلوووونكم جيمعا بدووون عدد ،، عسا الجميع بخير ،،، الحمد لله خلصت صيامي ،، بحمد الله

تأخرت ما دشيت أنشغلت شوي ،، تدرووون بداية المدرسة ،، مع الصيام ،،، الله المستعان

أم حمنو ما تشوووفين شر ،، ديري بالك على نفسك ،، مثل ما قالت أم أحمد مثل ارتفاع الضغط
أجر وعافيه إن شاء الله ،،،،،

هلا في أختنا مباركية نورتي الجلسه
عظيمة الشان شرفتي نورتي المكان

هلا وغلا عصير ليمون وعليكم السلام وتقبل الله طاعتج وانا بعد خلصت صيامى والله يعينج على لويه المدرسه والطالبات

 

[الغاليه ام احمد]

السلام على الغاليات

 

[عصير ليمون]

أم حمنو

ألف ألف مبرووووووووك على التوم وعساهم يتربووون بعزكم وعز أبوها
ويبلغكم برهم يا رب العالمين ،،،،،
وسلامة أم التوم بشري عنها عساها بخير ،، إن شاء الله
ومبرووووووووك عليكم التوم ،،
وسبحان الله عطاءه حلو ،، ومن صبر قدر

 

[الغاليه ام احمد]

ام حمنو الف الحمد لله على سلامة جنتج ومبروك ما ياكم ويتربون بعز امهم وابوهم

ام خالد امس نمت مبجر من التعب لي جم يوم ما انام الا ساعتين

ام عبدالله بشري شلون نتيجة عيالج الله يوفقهم والله امس فرحت بزيارتج وقلبي انشرح لج

ماشاء الله تهبلين الله يخليلج عيالج ويسعدج

ليموووونه شلون المدرسه يا ابله هالله هالله بالبنات

مباركيه شلونج وشخبارج

 

[ام خالد الغلا]

السلام عليكم وكيفكم مع انى مصدعه وشفتج ام احمد ودشيت

 

[ام خالد الغلا]

ام احمد شلونج عسى ما شر ما تنامين الا ساعتين تو الناس على العرس

جان قلتى لى انج بتشوفين ام عبدالله جان جيتج

وعسى الله يوفق عيالج فى امتحاناتهم ام عبدالله

 

[الغاليه ام احمد]

هلا وغلا بام خالد وام حمنو شلونكم وشخباركم

 

[الغاليه ام احمد]

ام حمنو شلون التوام وامهم عساهم بخير

 

[الغاليه ام احمد]

انا ما انام الا ساعتين لاني اسهر وما انام الا بالسبع ولي ثلاث ايام من التسع والعمال يشتغلون بالشقه

مال الصبغ وتركيب المطبخ والوول بيبر فلازم اجابل

اما اليوم مافي احد قلت اعوض النوم

 

[الغاليه ام احمد]

اقول ام حمنو انتي امس لاهيه والله يهنيج

والله يتني ام عبدالله تشوف المكياج

اسم الله عليها تهبل خوش انسانه سلسه وسوالفها حلوه وحسيت اني اعرفها من زمان

 

[ام خالد الغلا]

اشفيج ام احمد ام حمنو مو موجوده اللى موجوده انا ام خالد انى قلت لج ليش ما قلتى لى عن ام عبدالله

 

[الغاليه ام احمد]

امبيه ام خالد صج ام حمنو مو موجوده بس والله مخي مو معاي

وهي والله ما طولت عندي ولا جان تيمعنا كلنا

انتي شلونج مع السكر وشلون الحلوين مع المدرسه

 

[ام خالد الغلا]

سلامه مخج يا الغاليه ما تنلامين حبيبتى مرت على هالمرحله

الحمدالله السكر كويس والحلوين تمام مع المدرسه عاد امس حطو عبودى بتلفزيون الوطن فى الاخيار زايرهم الوزير فديته ويا حلوة

 

[ام حمنو]

السلام عليكم ورحمة الله وبركاته
​

مشكورين خواتي وجزاكم الله خير والفال حق عيالكم ان شاء الله تفرحون فيهم وتشوفون ذريتهم

وابشركم الحمد الله اليوم جنتي اطلعت من المستشفى وراحت بيت اهلها بس البنوتات بعدهم بالحضانه عاد انا قلت لها فرصه الحين شبعي نوم على ما يطلعون بالسلامه ان شاء الله

 

[الغاليه ام احمد]

هلا ام حمنو الحمد لله على سلامتها

ليش ما خلوها تطلع باجر ياشين مستشفى الصباح بس اربعه وعشرين ساعه

وتطلع الوالده

 

[ام خالد الغلا]

هلا وغلا ام حمنو والحمدالله على سلامته جنتج وان شاءالله الحلوات يطلعون بالسلامه

والحين استذنكم تصبحون على خير

 

[ام حمنو]

هلا ام حمنو الحمد لله على سلامتها

ليش ما خلوها تطلع باجر ياشين مستشفى الصباح بس اربعه وعشرين ساعه

وتطلع الوالده

اللله يسلمج يا قلبي هي بعد ما صدقت تطلع تقول البارحه ما اعرفت تنام الفراش مو مريح وازعاج السسترات والفراشات

 

[الغاليه ام احمد]

وانتي من اهل الخير ام خالد

وانا بعد تصبحون على خير

 

[ام حمنو]

هلا وغلا ام حمنو والحمدالله على سلامته جنتج وان شاءالله الحلوات يطلعون بالسلامه

والحين استذنكم تصبحون على خير

الله يسلمج يالغاليه نوم العوافي

اليوم رحنا انا والبنات فيلم تورا بورا خوش فيلم يعور القلب

وعقب تعشينا فلافل ناديا صج طلع مايسوى ما كو على فلافل بو سليم

تصبحون على خيرباجر وراي قعده من الصبح بروح اييب المعاريس من المطار طيارتهم توصل الساعه 7

 

[من صانني صنته]

هل من احد هناا