جيل الستينيات ...وينكم؟؟؟؟

[مشاوي]

توني اشوفه وانا اتصفح المنتدي

 

[مشاوي]

وشخباركم
اعذروني والله ما قدرت اكمل واتصفح
ودي اقرااا اخباركم
وما لقيت احد داخل

 

[مشاوي]

يالله باطلع

 

[الغاليه ام احمد]

السلام على الغاليات

 

[ميثا الغريب]

السلام عليكم

عساه مبروك يا مشاوي يوم طليتي علينا

ألف لاباس عليج


شلونج أم أحمد

 

[ميثا الغريب]

أم أحمد إذا أنت خبيره بدبي

شتوصيني فيه شنو أشياء مميزه فيه

لأنني خبري فيه 1999

 

[الغاليه ام احمد]

هلا وغلا ميثااا شلونج

شوي وارد عليج قاعده اتعشى

 

[ام خالد الغلا]

السلام عليكم حبيبات قلبى كيفكم

 

[ام خالد الغلا]

اهلين بالغاليات ام احمد وميثا اشلونكم

اسفرت وانورت مشاوىنورتينا وحشتينا يا الغاليه

 

[ام خالد الغلا]

هلا وغلا ميثااا شلونج

شوي وارد عليج قاعده اتعشى

عليج بالف عافيه يالغاليه

 

[ميثا الغريب]

عليج بألف عافيه يا أم أحمد

شلونج أم خالد

 

[ميثا الغريب]

لا يضيق خلقج من العمال

خليهم على راحتهم تري تو الناس على رمضان

 

[الغاليه ام احمد]

هلا وغلا ام خالد شلونج يالغاليه وشخبارج

وي لا يضيق خلقج على العمال تعالي شوفي اللي عندي هالعمال

تكسر لا والصوت عالي

 

[دلع الشمال]

شخباركم ياحلوين

انا ودي اوسع بالمطبخ بس مالي خلق حوسة العمال و بسوي غرفه صغيره للخدامه

 

[الغاليه ام احمد]

هلا ميثاااا دبي فيها وايد اماكن

اذا تبين الاسواق فيها دبي مول والامارات مول اللي فيه برج خليفه

وفي سوق مرشد وسوق عكاط وسوق نايف وعندج مركز القبائل للمواعين

هذولي بدبي

اما الشارقه فيه سوق ساره ووراه بظهره محلات تبيع دراريع وسراويل لندن

وحواليه محلات خام وعطور

 

[ام خالد الغلا]

هلا وغلا بالغاليات فى طبع العجله ابى كل شى يخلص بسرعه وحبيبى خالد يقولى ما يجى رمضان وقبله بعد الا كل شى خالص والا ابونا هذى مو وقت بنيان والعمال قلو بالديره وكله محبطنى الله يهداه وانا حاره واهو ابرد من الثلج

 

[ام خالد الغلا]

شخباركم ياحلوين

انا ودي اوسع بالمطبخ بس مالي خلق حوسة العمال و بسوي غرفه صغيره للخدامه

اى والله دوخه بس انا كنت مسويه دور ثالث فى بيتى وخلص فقلت اسوى مطبخى مره وحده وانشالله اخلص من الدوخه على خير

 

[الغاليه ام احمد]

وهم في بدبي السوق الصيني يسمونه سوق التنين شوي بعيد بس روحيله يستاهل العنوه

وفيه سوق الهيل للعبي والملافع وفي مركز حمر عين

اما اماكن الترفيه في القريه التراثيه فيها الحريم اللي يسوون خبز الرقاق واللقيمات وايد حلوه

وفيها مسابقات ورقصات شعبيه للرياييل طبعا هذا بعطلة الربيع ما ادري للحين في ولا حر

وفي القريه العالميه فيها العاب ومعارض من كل بلد

وفي كل مراكز تسوق العاب وعروضات

وللتمشي في ذ ووك بالمارينا

 

[الغاليه ام احمد]

مشااااااااااااوي ووووووووووينج اشتقنالج وايد

شلونج وشخبارج

الصوره روووعه شهيتينا

 

[ميثا الغريب]

يعطيج العافيه يا أم أحمد

ما قصرتي بس أبي الخام الحلو حق البيت أقطان وويل