جيل الستينيات ...وينكم؟؟؟؟

[حضرمية اصيلة]

صباح الخير

كيفكم ياغاليات

وحشتوني

 

[new woman]

يا أحلا صبــــــــــــاح

اشلونج حضرمية عساج بخير

 

[new woman]

الحمدلله علا سلامت مشاوي وأجر وعافية يا الغالية

وأم أحمد والله ما هان علي أكشت فيهم اخذتهم علا الساعة 8 ونص ورحنا الأفنييوز حده زحمة تمشينا فيه ودشيت كارفور

ولا أشوف الجناط اللي شفتهم بسووق السلاح بنص القيمة اتصدقين ان كارفور عروووضهم أحسن وأرخص

ورجعت البيت علا الساعة 11 بالليل وسلامتج

 

[انا شفتك]

هلا والله شلونج new woman

 

[new woman]

الحمدلله بخير

انتي اشلونج وشخبارج

 

[انا شفتك]

هلا والله ام عبدالله اسمحولي على الغيبه بس قاعده اسوي جرد للشقه وماني عارفه منين ابدا كل شئ محتاجينه الحين مال شيلوني انا وقشي وقطونا بالقسيمه وقولوا يله ضبطي شغلج ..حوسه..حوسه ..متى اخلص .... الحمد الله على سلامة مشاوي اجر وعافية ان شاء الله... تحياتي لام خالد..ام احمد..ام حمنو..فطومة...عصير ليمون.. العيووووف... ايه صج ام احمد شنو عليج اشعار روعه منين تلقطينهم..ترى عاديتي القروب صايرين شاعرات...نطروني بفضيلكم ان شاء الله القاكم على خير ان شاء الله

 

[العيوووووف]

شلونكم يالحلوات شلون عيالكم​

 

[العيوووووف]

هلا وغلا مشاوي سلامتج يالغاليه ونورتي الديرة والمنتدي طمنينا عليج​

 

[new woman]

العيووووووووووووووف

اشلونج صايرة مثل القمر اتهلين علينا بالشهر مره

اشدعوه يا حافظ

مشتاقين لج يا الغالية وحق سوالفج وغشمرتج

عاد الحين بحرج باللون الأحمرررررررررر

 

[new woman]

اشرااااااااااااااايج
انا أول حلوة اترد عليج يا بختي انا الحلوة

 

[الغاليه ام احمد]

السلام على الغاليات

 

[new woman]

وووووووووووووينكم

ام احمد فطوووومة ام حمنو أم خالد عصير ليمون

ياالله دشواااااااااااا

 

[new woman]

السلام على الغاليات

يا هلا ومسهلا بالطيب الغالي

 

[الغاليه ام احمد]

هلا وغلا ام عبدالله

شلونج يالغاليه

النت كان خربان ويبنا واحد وسواه توه يخلص

زين امس طلعتي اليهال

عاد تصدقين امس طلعت مع ابو احمد نتمشى وقال نروح الافنيوز

وقلت فرصه اذا وصلت اكلم ام عبدالله واشوفها

واحنا بالسياره قالي شرايج نروخ نشوف المباركيه عقب ما عدلوها صوب المطاعم

ورحنا هناك وتعشينا بدلق سهيل

ان شاء الله فرصه ثانيه اشوفج فيها

 

[الغاليه ام احمد]

هلا وغلا بالحضرميه

عسى ماشر كل هالغيبه

وايد طالت غيبتج ما اشتقي لنا احنا اشتقنالج وسوينا لج نداءات

شلونج وشلون بناتج وامج وايوج عساهم بخير

وانتي شخبارج

 

[new woman]

عليكم بألف عافية العشا

وحسافة ان ما تشاوفنا عاد ودي اتعرف عليج يا الغالية

والله رحت اشوف الجناط اللي بكارفور حق السفر اتصدقين ارخص من سوق السلاح بواااايد

عاد المجمع كان حده زحمة حسسوني ان السوق يوزع مجانا ولا في تنزيلات

 

[الغاليه ام احمد]

والله زين ارخص

انتي ما كاسرتيهم بسوق السلاح

بس اهم شي لبسيهم نايلون

 

[new woman]

ما رضا الهندي ينزل بالجنطة الواحدة الا 35 دينار

وانا اساحله اقوله باخذ 3 مطنشني ولا عبرني

بس بكارفور 3 الجناط اللي شفتهم طقم كانوا 35 دينار مسوين عرووووووووض

واليوم تذكرت الوالدة الله يرحمها كانت شارية 3 جناط طقم لون واحد ويدد قلت امسحهم واخذهم

بعد عمري حتا وهيا متوفية الله يرحمها مو مقصرا معاناا حسها دووووووووم موجووود

 

[الغاليه ام احمد]

الله يرحمها ويسكنها الجنه

انا لما كنت بروح امريكا خذيت جناط من سيتي سنتر السالميه

خذيت خمس نفس اللون والحجم وملبسات نايلون

بس مو كبار حيل حجمهم وسط

مع ان عندي جناط غاليه وهم عندي جناط مالوت قزاز بس ابو احمد قال حرام تاخذينهم

من طياره لطياره

وحلاتهم لون واحد

وهم بامريكا خذيت خمس جناط واربع سحب

يالله يشيلون الاغراض يعني رحت بخمس جناط ووحده سحب

ورديت بعشر جناط وخمس سحب

 

[الغاليه ام احمد]

اسفه ام عبدالله خليتج شوي

يانا الصباغ عشان اختار الالوان ابي اصبغ السرداب

دلوله بتسوي حفلة تخرجها وقلت خلينا نغير اللون

اهو لونه اف وايت واخترت درجات الوردي الفاتح

4 درجات كل طوفه لون