جيل الستينيات ...وينكم؟؟؟؟

[عصير ليمون]

بتعطيـنـي بلنـتي وآنـت مسـرور
ولآ بتمشيـهـآ مثـل بآقـي كـلامـكـ ...



ما شاء الله عليج شر بكل المناسبات

تدرين أنا أحب الشعر العربي القديم العصر الجاهلي وألاسلامي والاموي والعباسي
هذا الشعر اللي أحبه ،، خاصة الشعر الجاهلي أحبه أكثر أحس اللغة والمعاني قوية
وأنا مدرسة عربي ودارسة الأدب العربي فأحب العربي حيل والشعر
ووالشعر الشعبي ااحبه بس أحب القصايد القويه اللي فيها قوة المعنى واللغة

 

[الغاليه ام احمد]

عصير ليمون متى تعطلون انتي مدرسة متوسط شتدرسين

 

[ام خالد الغلا]

السلام عليكم حبيبات قلبى الغاليات

ام احمد مبروك وصول الخدامه قرت عينج واليوم ما شالله تشعرين شعليه بو احمد تشعرين له يستاهل بو العيال

هلا وغلا عصير ليمون كيف حالك الكحه مرات تبلش ومرات توقف على مزاجها

 

[الغاليه ام احمد]

انا احب الشعر الشعبي والنبطي والبدوي

 

[ام خالد الغلا]

ام حمنووينج من امس مو مبينه عسى ما شر

 

[الغاليه ام احمد]

هلا وغلا بام خالد

شلونج وشلون الحلوين

الله يسلمج حبيبتي زين وصلت لها شهرين وعشر ايام من طلبتها

مع اني موديه اوراقها مع اللي قبلها والاولي لها شهر من اوصلت

 

[عصير ليمون]

قصيده للأعشى
ودع هريرة إن الركب مرتحل ... و هل تطيق وداعاً أيها الرجل
غراء فرعاء مصقولٌ عوارضها ... تمشي الهوينى كما يمشي الوجي الوحل
كأن مشيتها من بيت جارتها ... مر السحابة لا ريثٌ و لا عجل
تسمع للحلي وسواساً إذا انصرفت ... كما استعان بريحٍ عشرقٌ زجل
ليست كمن يكره الجيران طلعتها ... و لا تراها لسر الجار تختتل
يكاد يصرعها لولا تشددها ... إذا تقوم إلى جاراتها الكسل

:ggdw::ggdw::ggdw:

 

[الغاليه ام احمد]

يا عيني على هالشعر

تسمع للحلي وسواساً إذا انصرفت ...

ليست كمن يكره الجيران طلعتها ... و لا تراها لسر الجار تختتل

 

[ام خالد الغلا]

هلا وغلا بام خالد

شلونج وشلون الحلوين

الله يسلمج حبيبتي زين وصلت لها شهرين وعشر ايام من طلبتها

مع اني موديه اوراقها مع اللي قبلها والاولي لها شهر من اوصلت

اهلين ام احمد الغاليه عسى الله يثبتها وتريحج يا رب

الحلوين بخير لاهيه عنهم جاينا ظيوف من البحرين ومجابلتهم مشاوير وعزومات

 

[الغاليه ام احمد]

الله يسلمج ام خالد

وياهلا ومرحبا بضيوفكم ولا تقصرون فيهم

يستاهلون اهل البحرين كل خير

 

[عصير ليمون]

عصير ليمون متى تعطلون انتي مدرسة متوسط شتدرسين

لا حبيبتي أنا مدرسة ابتدائي
وبعد لنا أسبوع ونعطل
من باكر راح يكون دوامنا من 8- 10 :ggdw::ggdw:

 

[عصير ليمون]

الكحه مرات تبلش ومرات توقف على مزاجها


عليج بالزنجبيل ترى والله أنا مجربته يفتح الصدر ويريح

اجر وعافيه

 

[الغاليه ام احمد]

يالله خلصت المدرسه ويت العطله

انا بنت اختي مدرسة ابتدائي بس لها اكثر من شهر ما داومت

حامل وشهرها ووضع الياهل متغير وكله طبيات

 

[عصير ليمون]

الله يحي أهل البحرين الله الله فيهم :eh_s(9)::eh_s(9)::eh_s(9):

أم أحمد اليوم تشعر من وناستها بوصول الخدامه ما الومها أزمة خدم :ggdw::ggdw:

 

[عصير ليمون]

حامل وشهرها ووضع الياهل متغير وكله طبيات


الله يقومها بالسلامه
اليوم أم حمنو مو مبينه ما لها بالعاده لازم تطل شوي

 

[ام حمنو]

اسعد الله اوقاتكم يا الغاليات

شلونكم وشخباركم

هالايام لاهيه وايد قاعده اجهز حق الملجه

 

[الغاليه ام احمد]

هلا وغلا ام حمنو حياج الله

الله يهنيكم ويساعدج على التجهيز لويه

ان شاء الله اطلعت التحاليل

 

[دلوعة المنتدى]

اب
اب
اب
عمري 13 لووووول

 

[الغاليه ام احمد]

فطوووووووووومه فطمطم ويييييييييييييينج وااااايد متاااااااااخره

انا شفتك - ام عبدالله - ميثااااااااا - ضحاوووي - دلع الشمال - دلع الدنيا -

العيووووووووف - بشووووره -وووينكم

تيووووووووليب - الحضرميه - مشااااوي - ام محمد الشمري وبااااقي البنات يلا ردوا اشتقنا لكم

 

[ام حمنو]

امس رحنا المباركيه وصينا على صندوق الدزه

وبعدين رحنا سوق الذهب بنتي وجنتي خذوا اطقم

واليوم العصر رحت استلمت الصندوق وعقب المغرب رحنا ليلى جاليري وشروا البنات بدل حق حفلة الملجه

وبعدين قعدنا اتعشينا في المطعم اللي تحت