جيل الستينيات ...وينكم؟؟؟؟

[Ameeraaaaaa]

مساء الخير لكل الحلويييييييييييييييييين
بروح اسبح وارجع لكم

ومشكورييين : ادري بتقولون حمام الهنااااا


:edbf4317b9:

 

[الصابرة المحتسبة]

رد : جيل الستينيات ...وينكم؟؟؟؟

اميرا نعيما مقدما

 

[الصابرة المحتسبة]

رد : جيل الستينيات ...وينكم؟؟؟؟

مادام ماكو احد الا انا بسولف بروحي الحمدلله والشكر

احب البرد والمطر بس قبل كنت اخاف من البرق والرعد

احب البر والخيمة والنوير الله ياحلات ريحة الرمل مع المطر ولا الطيارة نطيرها بالسما وسحارة البرتقال لازم والأفندي



واحب السفر واموت على شي اسمه سفر بس العين بصيرة واليد قصيرة ما اقدر اسافر واخلي عيالي ولا اختي تحن علي شكثر

احب الألعاب اللي فيها حل للألغاز والذكاء وتشغيل المخ (رجاءا تم تم لا تعلقين) علشان اقوي الذاكرة

كنت احب اقرى مجلة ماجد ولازم العدد الجديد موجود عندي وروايات عبير اشكثرها واليقظة والنهضة ما افارقهم

احب مسلسلات يوم الأحد الأجنبية ولتل هاوس ولاسي والجذور وبباي فلونه وهايدي ومسلسل ابلة منيرة وحبابة ومع امي وابي التحية

ومسلسلات رمضان لازم خالد العبيد الفنان القدير وجحا ومسلسلات العيدروسي وحياة الفهد وسعاد عبدالله وعايشة ابراهيم الله يرحمها فريج العتاويةيرحمها

وصارت موضة ترجيتها وشريتها وحطيتها بشعري كشخة

ونفانيف الشانيل والبرمودا وربطة الراس من جدام اللي الحين ردولها

الله وحفلات الحدايق قبل جمال عبدالناصر والحزام الأخضر والعميرية والسينما بوسط الحديقة وعانا صمونه فلافل تقولون وجبة ماك جكن الحين

وبعد وبعد لي ذكرت بحطه

 

[تم مشاري]

رد : جيل الستينيات ...وينكم؟؟؟؟

ما راح اعلق الصابرة

انا احب واموت في السفر فتشوفيني اضغط على نفسي طول السنه عشان اسافر مع عيالي بالصيف
العاب الالغازوالذكاء هذا لي اموت فيها ادورها دوارة
قبل كنا نروح حديقة الاحمدي وناااس

تدرين فيج مني وايد ماعدا النسيان ​

 

[الصابرة المحتسبة]

رد : جيل الستينيات ...وينكم؟؟؟؟

تم تم انا قصدي تعلقين على العاب الذكاء مو الأخت نسايه


عندج موقع اجنبي لتحميل الألعاب اسمة بيق فيشBigfish

 

[الصابرة المحتسبة]

رد : جيل الستينيات ...وينكم؟؟؟؟

تم تم النسيان ما ادري يمكن من الولادة والتخدير

تصدقين عاد كنت ماشاء الله حرجة بالصف واحب اشارك بالشفوي ومشاغبه بالمتوسطة كنت العوز البنات تذكرين العاب الخدع قبل كنت اشتريهم وكان في

لعبة مثل منشار الخشب الناعم احطه بداخل فنايل البنات بحصة الرياضة فتلاقينهم يتحككون والأبلة زف فيهم وانا مسكينة وعلى نياتي

ماسويت شي ولا الأبلة تطرشهم كلهم للحمامات كرمكم الله ويتسبحون قبل كان عندنا بالصالة غرف للتبديل وخزاين


ومرة علينا امتحان ومادرست وبغيت الأبلة تأجله كتيت بطل صغير خدعة مثل ريحة البواليع كرمكم الله ولا الأبلة تطلع

من الصف وتلوع جبدها ولا تقول ماراح ااجل الإمتحان والحين البنت اللي سوت جذيه تطلع ولا كل الصف ينقص درجات عاد تجي ذيج

ام قليب فلسطينية وتقوم وتفتن ويتوعدونها بنات الصف المهم رحت الناظرة وقالت لي تدرين ان شطارتج تشفع لج واعرف ابوج فهذي اخر

مرة سماح

 

[Ameeraaaaaa]

السلام عليكم
يا حلوات
القاعدات والنايمات
الضعيفات والسمينات
واللي ذاكرتهم حديد واللي ذاكرتهم صفيح

ههههههههههههههه
فديتني واللله

لازم انزل ديوان شعر مطبوع .

 

[Ameeraaaaaa]

السلام عليكم
الصابرة
الله ينعم عليج
والله اثاريج منتي هينه
انا كنت شاطرة وهادية بس من رحت للثانوية قمت شوية اشيطن من تحت لتحت ,, يعني شغل مراهقات
اطول اضافري ,, اصبغهم ,, البس قمصان بكشاكش .

 

[Ameeraaaaaa]

السلام عليكم ام مشاري
شفت الاوتيل عجيب
حلوووو شكله يونس
والغرف روعة
اللله يسهل امورج
وتتهنين يا عروس .

 

[الصابرة المحتسبة]

رد : جيل الستينيات ...وينكم؟؟؟؟

اميرا ذاكرتهم صفيح منو؟؟؟؟

تعالي بس تقهوي

 

[Ameeraaaaaa]

بس عشان الوزن والقافيه !! بعد عمري انتي


والحلووووو اووووم عجيب احبه واااايد
mini delights
,القهوة تهبل,,, تسلم ايدينج

 

[الصابرة المحتسبة]

رد : جيل الستينيات ...وينكم؟؟؟؟

يسلملي عمرج

وبالعافية

تم تم قهوتج بردت

 

[Ameeraaaaaa]

ههههههههههههههه
ترا ماكو الاانا وانتي الصابره
خل نسولف بس ,, وخصوصا انج جارتي وساكنة حواليي
اي بعد شنو علومكم ؟؟؟

ما طلعتي اليوم ؟؟؟؟

 

[الصابرة المحتسبة]

رد : جيل الستينيات ...وينكم؟؟؟؟

ايام المدرسة كنت احبه

 

[الصابرة المحتسبة]

رد : جيل الستينيات ...وينكم؟؟؟؟

وين راحت تم تم ؟؟ توها معانا

اميرا انتي بالمنقف ولا العقيلة؟؟

 

[الصابرة المحتسبة]

رد : جيل الستينيات ...وينكم؟؟؟؟

لاماطلعت زحمة يادنيا زحمة

 

[تم مشاري]

رد : جيل الستينيات ...وينكم؟؟؟؟

تم تم انا قصدي تعلقين على العاب الذكاء مو الأخت نسايه


عندج موقع اجنبي لتحميل الألعاب اسمة بيق فيشBigfish

bigfish حبيبتي العابة مو كاملة لازم كراك​

 

[Ameeraaaaaa]

انا بالمنقف
وصاجة زحمة يا دنيا زحمة
وانا طفارتي الشوارع والسياقة

 

[الصابرة المحتسبة]

رد : جيل الستينيات ...وينكم؟؟؟؟

تعالي ياوخيتي كراك شنو يطلع؟؟؟؟

 

[تم مشاري]

رد : جيل الستينيات ...وينكم؟؟؟؟

انا رحت ابدل ملابسي من دشيت من بره استلمتني الصابرة ماشاء الله عليها على ما تذكرتني يالله جان اقول زين بروح ابدل عاد ان شاء الله لي الحين ذاكرتني

تذكرون قبل ناخذ الاسفنج الي يصير وراه بالثلاجة نحك في خدود اخوانا والا رفيجاتنا يقعدون يناقزون منه لانه يقززحيييييييييييييل