جيل الستينيات ...وينكم؟؟؟؟

[بشوره الكويت]

دردر والله بالمدارس بالابتدائي اعتقد انه مصروفي كان ربع ومع ماجله

وتتذكرون الشروكه مع البنات وتتوزع ان كل وحده تيب شي معين بس الكميه للكل

وناسه حتي الفلوس اذا زادت تتوزع علي البنات كنا كله انسوي شروكه

عطر المدينه يا حلات المدينه اتينن وشرحه الله يهنيج ويتمم عليج

 

[$$درر والماس$$]

اى تذكرت يا حلوها من ايام ما كنا نعرف الانانيه نتشارك بكل شى


اتذكرون ثلاجة البيبسى اللى نحط فيها فلوس يطلع لنا البيبسى البطل مو القوطى

واللى ما عندها فلوس اتحط حديده مدوره مثل الفلوس ويطلع لها بيبسى ههههههههههه

 

[منيرة خالد]

بنات اتصل علي >>> مطعم كنتاكي ...... توقعون شنو يبون ؟؟؟


قالوا لي أنكم طلبتم امس ولدي الكبير طالب مع ولد خالته >> اليوم لكم عرض تطلبون 6 حبات من كرسبي كريم ولكم مجانا 6 جان اقوله وصلهم البيت لو سمحت وطلع على السعر 2.350


المهم الشي اللي ضيق خلقي شنوووو؟

اقولكم مره سمعت فتوه انه اذا رحتي لبقاله او طلبتي شي وقالج اللي يوصل ما عندي الباجي حتى لو 50 فلس ما يجوز تتنازلين عنها لازم تأخذينها لأنها مو من حقه ......... عاد انا عطيت ولدي 2.500 والمفروض يرد له 150 فلس ردله بس 100 فلس وبقى 50 فلس قال ما عندي وولدي قاله اخذها ............. عصبت لما دريت قلت له ما يجوز يا ماما مو من حقه


بعرف انا صاجه بهالشي والا لا وخاصه اني سامعه الفتوى من زمان وسألت اخوي عنها لأنه دارس شريعه وقالي اي صج التزمي بهالشي

 

[بشوره الكويت]

منيره والله ما ادري

بس ما عنده خرده وين تبين بيصرف 50 فلس فانا اقول عليه بالعافيه

وريلي مدرس تربيه اسلاميه وما يقول شء اول مره اسمع

بسال واقولج

 

[بشوره الكويت]

عاد انا ما احب الوجبات السريعه بس امس اعيالي طلبو من كنتاكي وبما اني مريضه ما لي خلق اتكلم وخليتهم علي راحتهم

 

[منيرة خالد]

عاد انا ما احب الوجبات السريعه بس امس اعيالي طلبو من كنتاكي وبما اني مريضه ما لي خلق اتكلم وخليتهم علي راحتهم

أنا بعد ما احبها بس كنت طالعه مع عيالي الصغار وولدي الكبير عمره (11 ) قاعد مع ولد خالته بالبيت العبوا كره بالملعب وردوا مبجر واطلبوا من المطعم

 

[CUTE ENGINEER]

رد : جيل الستينيات ...وينكم؟؟؟؟

السلام عليكم

سوالفكم توننننننس وياحلوها ذكرياتكم

تراني موبعيدة عنكم أواخر السبعينات

أمووووووت على شي اسمه قراءة

ومومتزوجة للحين

صج ذكرياتي مو لي هناك لأني كنت أم قليب بس مجابلة الدراسة بس وايد حابة أشارككم

بالسوالف ممكن؟

 

[منيرة خالد]

رد: رد : جيل الستينيات ...وينكم؟؟؟؟

السلام عليكم

سوالفكم توننننننس وياحلوها ذكرياتكم

تراني موبعيدة عنكم أواخر السبعينات

أمووووووت على شي اسمه قراءة

ومومتزوجة للحين

صج ذكرياتي مو لي هناك لأني كنت أم قليب بس مجابلة الدراسة بس وايد حابة أشارككم

بالسوالف ممكن؟

حياج الله معانا حللت اهلا ووطئت سهلا


الله يرزقج بالزوج الصالح - والقراءة غراااااااااامي اعشقها قبل لا اتزوج كنت اقرا بالشهر مو اقل من خمس كتب واللحين يدور الشهر وما خلصت كتاب واحد والسبه المسئوليه - الله المستعان

 

[منيرة خالد]

عن اذنكم >>>>>>> ان شاء الله جمعتنا بالليل ويحلى السهر معاكم

 

[$$درر والماس$$]

اذنج معاج وما يطيب السهر الا معاكم

 

[الغاليه ام احمد]

السلام عليكم شخباركم سامحوني تأخرت ما نمت الا الساعه 11 ونص بعد ما ردت بنتي من الامتحان واستلمت ولدها وودته الطبيب لانه حرارته مو راضيه تنزل ويا دوب نمت اقل من ساعتين وقعدت عشان تنام اهي

 

[CUTE ENGINEER]

رد : جيل الستينيات ...وينكم؟؟؟؟

الله يحييج حبيبتي

الله يعينج منيرة ماتنلامين

نفس حالة أختي اللي أكبر مني تموووووووووووووت على شي اسمه قراءة بس من تزوجت وهي ماتحصل وقت

تدرين تتيي تستلف مني شنو؟؟؟؟؟؟؟

تخيلي

ألغاز المغامرين الخمسة تختخ ولوزة وربعهم هههههههههه

تقول هذا اللي أقدر أقراه مع لوية اليهال بس تقراهم عشان تتذكر طفولتها والمراهقة

عاد أول على انا كنا صغار بس نموووووووت على معرض الكتاب كنا نوفر قبله بمدة ومن مصروفنا وناخذ من ابوي الله يرحمه بعد فلوس

ونروح انا وهي واخواني وتشتري اللي يطري على بالنا من كتب وألغاز وروايات نجيب محفوظ وغيره

ونرد البيت

 

[$$درر والماس$$]

السلام عليكم شخباركم سامحوني تأخرت ما نمت الا الساعه 11 ونص بعد ما ردت بنتي من الامتحان واستلمت ولدها وودته الطبيب لانه حرارته مو راضيه تنزل ويا دوب نمت اقل من ساعتين وقعدت عشان تنام اهي

هلا وغلا الغاليه ام احمد


مسموحه يا الغاليه بعد انت الله يعينج مناوبه انت وابنيتج علشان ولدها المريض الله يشفيه يا رب

 

[الغاليه ام احمد]

انا وحده احب السفر
امووووت عليه
وما يهمني ان شاء اللله اقعد 3 ايام بالطيارة تعودت عليها خلاص
يت فترة كان زوجي بدبي فكنت اروحله كل ويك اند
خميس وجمعة وارد السبت ,,

يا حلوج انا بعد وياج اموت بالسفر ومو مشكله المسافه ويا حلو دبي دايما اروح لها بالاحتفالات واخر مره شهر سبعه آخرته انا وابو العيال قلنا انغير جو قبل ما تولد بنتي ويجي رمضان وسكنت في كراون بلازا فيستيفال قالي تغيير جو بس ما في مشتريات قلتله ابشر ما فيه ---والله المسكين صدق ما شريت الا جنطة لويس فيتون حق قعدتي ب500 دينار تقريبا من دبي مول لاني مواعدتها اذا يابت مجموع حلو آخر السنه اشتريلها الجنطه وابوها مواعدها بكاميرا كانون ---- وهمن شرالها الكاميرا مع عدتها ومكبراتها ب 420 دينار الله لا يخسر

 

[الغاليه ام احمد]

هلا وغلا الغاليه ام احمد


مسموحه يا الغاليه بعد انت الله يعينج مناوبه انت وابنيتج علشان ولدها المريض الله يشفيه يا رب

مشكوره حبيبتي والله للحين شكلي طافيه ما شبعت نوم

 

[الغاليه ام احمد]

رد: رد : جيل الستينيات ...وينكم؟؟؟؟

ملح و سكر

عيل شتقولين بطريج امريكا
17 ساعة
يطلع النهار وانتي بالجو وتوصلين الصبح عشان اختلاف الوقت...هههههههههههه
يبيييلج يومين نوم من تعب الطيارة...انا اظل احاتي الرحلة جم يووم قبل ما اسافر

يا حلو امريكا يا لؤلؤية رحت لها 2009 اربعين يوم مع كندا ((حشا تقولين انفاس مو سفره )) بس والله روعه رحنا كذا ولايه انا وابو الشباب والبنت والولدين ومعانا جارتي وزوجها وعيالها طبعا اهم قبل لايكونون جيرانا اهم اصدقاءنا من زمان ورحنا كذا ولايه والسفره سهالات الروحه 14 ساعه مع ترانزيت لندن والرده دايركت نيويوك كويت 10 ساعات طبعا على الكويتيه

 

[الغاليه ام احمد]

اما مصر يا حلوها يمكن رحتلها اكثر من 40 مره احلى ما فيها انه شعبها ما ينام متى ما تبين تطلعين كل شي مفتوح واهناك تحسين انج اميره من الكلك وطبعا بحكم دراسة ولدي لما كان اهناك صارت عندي مثل البحرين دايما اروحله

 

[فوفو22]

رد : جيل الستينيات ...وينكم؟؟؟؟

مساكم الله بالخير ومساني قبلكم :eh_s(6):


اشلونكم وشخباركم


مالي خلق اقرا الصفحات اللي ورا

قولوا لي شنو اخر الاحداث


الليله بروح عرس

فرحت خووووش صالون بالجابرية

شغلهم 100%

اسمه بريتي بوب

فوفو

 

[بشوره الكويت]

عليج بالعافيه العرس

وشنو سويتي بالصالون عشان شغلهم حلو وفي وحده معينه ولا الكل

بنات شريتوا لبنوتاتكم للعيد ما لقيت شي حلو

 

[بشوره الكويت]

للتذكير

أطول السور سورة البقرة المباركة بـ"286" آية وأقصرها سورة الكوثر بـ"3" آيات