جيل الستينيات ...وينكم؟؟؟؟

[Ameeraaaaaa]

اذا ان شاء الله باجر اول ذي الحجه بصوم >>> وحاولوا تصومون لو يوم او يومين قبل عرفات لأنه اجره مضاعف


افضل ايام الله رمضان ومن بعده عشرة من ذي الحجه

جزاج الله خير
ذكرتينا الله يذكرج بالشهادة
احاول ان شاءالله - والله يعينيا

 

[ملح و سكر]

انا من مواليد 15/1/1968

وتزوجت 29/12/1987

خريجة ثانوية هديه للمقررات زوجى ما خلانى اكمل دراستى واللحين متحسف


عندى 6 صبيان وبنتين الله يخليهم لى

درر انا مثلج خريجة ثانوى وحاولت اكمل بس ريلى مارضى وللحين فينى غصه وحابه اكمل...

اذا ريلج تحسف ترى فى امل انج تكملين دراستج ....

 

[بشوره الكويت]

اي الله دبي بعد الحين الجو اينن حق التمشي بالعطله كنت فيها روحي اذا انتي وريبج اخذي اتلانتس عجيب واستجمام

 

[Ameeraaaaaa]

انا من مواليد 15/1/1968

وتزوجت 29/12/1987

خريجة ثانوية هديه للمقررات زوجى ما خلانى اكمل دراستى واللحين متحسف


عندى 6 صبيان وبنتين الله يخليهم لى

درر والماس
احنا متزوجين نفس السنة
بس انا تزوجت شهر 7
بس اشوه كملت دراستي (لان هذا كان شرط اهلي )
الشهادة تنفع المرأة - والله يعوضج بعيالج

 

[Ameeraaaaaa]

عموما ريايل قبل كانت لهم طلبات غريبة عجيبة
اتذكر انه كان يبيني ما اكمل دراستي - بس اهلي شرطوا وقالولوه هذا شرط ابوها ووصيته وخصوصا وان والدي متوفي وانا كنت يتمية اب
وهم شرط عشتو اني ما اسوق سيارة
واني البس عباية راس

والحين اسوق وما البس عباية راس
كله شروطه راحت ادراج الرياح

ههههههههههههههههههههه

 

[لؤلؤية]

رد : جيل الستينيات ...وينكم؟؟؟؟

منيرة

جزاج الله

بشورة اي والله افكر باتلانتس...وايد مدحووه

 

[$$درر والماس$$]

انا مقهوووووووره انى ما كملت والله انى حقدت عليه


ملح وسكر وين اكمل عقب ما شاب ودوه الكتاب

 

[ملح و سكر]

انا قاعده من الصبح بس مو كفي عيالي قعدوني يالله يمه قومي >>> قلت انومهم مبجر وسهرت ابي انام الضحى ما خلوني اقعدوا وقعدوني وبالاخير خلون جابلوا التلفزيون ................ الله يصلحهم



بنات وين بتقضون عطلة العيد ؟؟؟؟ انا احن على زوجي مشتاقه للبحرين احب هالديره وصارلي سنه ما رحت لها >> ان شاء الله ، الله يهديه ويرضى يودينا


اميره >>> انا اعشق شي اسمه القراءة
[/quote]


العيد هذا للحجاج الله يهنيهم ....وانا ودى اروح دبى ...والبنات ودهم يروحون لندن

علشان جذى ابى اسال الحين لندن اكيد بارده وجامده بالشتا ......

وريلى احتار بينا ...بس بالنهايه اكيد انا اللى راح افوز عليهم خخخخ.انشالله اذا الله اراد نروح دبى ...

 

[لؤلؤية]

رد : رد: جيل الستينيات ...وينكم؟؟؟؟

انا مقهوووووووره انى ما كملت والله انى حقدت عليه
ملح وسكر وين اكمل عقب ما شاب ودوه الكتاب

درر
رياييل قبل عقلياااتهم غريبة

 

[$$درر والماس$$]

تسلمين Ameeraaaaaa


والله يرحم ابوج ويسكنه فسيح جنانه قولى اااااااااااااااااااامين

 

[بشوره الكويت]

اي والله لندن ما تسوي 10 ايام دبي احلي الحين واماكن كل سنه اتتغير

واتلانتس اينن وما تشبعين منه حتي ما يسوي انج اتطلعين منه اذا كم يوم

وهم عندج بدبي فندق رموج روتانا بعد اينن واي فنده خمس نجوم ويمه دبي مول

 

[Ameeraaaaaa]

لندن كل وقت تهبل
شتا صيف كل وقت
بس طبعا باردة صج الحين والمطر ماله والي
يعني تقريبا درجة الحراة اتوقع ,, 9 - 10
بس دبي
لوية وزحمة وونيسة وجوها حلو وتحسين هناك غير ناس من كل الاجناس والاصناف
الله يهنيكم ويكتب لكم الخير

 

[لؤلؤية]

رد : جيل الستينيات ...وينكم؟؟؟؟

ملح و سكر

معنا دموع تائهه...بالموضوع
موجودة حاليا في بريطانيا...تقدرين تسألينها عن الجو هناك
بس اهي زام الليل معاي:krkrkr:
البارحة تقوول برررد ومطر...عاد لندن بالصيف برد ومطر شلون بالشتااااا....؟؟؟؟!!!

 

[بشوره الكويت]

اي والله لندن ما تسوي 10 ايام دبي احلي الحين واماكن كل سنه اتتغير

واتلانتس اينن وما تشبعين منه حتي ما يسوي انج اتطلعين منه اذا كم يوم

وهم عندج بدبي فندق رموج روتانا بعد اينن واي فنده خمس نجوم ويمه دبي مول

 

[Ameeraaaaaa]

تسلمين ameeraaaaaa


والله يرحم ابوج ويسكنه فسيح جنانه قولى اااااااااااااااااااامين

مشكورررررة يا عمري

امين ,,,ويرحم جميع موتى المسلمين

 

[بشوره الكويت]

اي والله الرياييل يتشرطون بس انا اشترط عبايه وليما الحين البسها

علي ما تعودت عليها اشكثر بغيت اطيح والحين ما استغني عنها

 

[$$درر والماس$$]

حتى انا ما لبست العبايه الا لما تزوجت

 

[ملح و سكر]

انا مقهوووووووره انى ما كملت والله انى حقدت عليه


ملح وسكر وين اكمل عقب ما شاب ودوه الكتاب

الجامعه المفتوحه تاخذ ...وحتى المعاهد تقدرين تدرسين ...انا تونى اشتغل ...

شوفى انا درست الثانويه العامه واخذت دور ثانى ...وصارت نفسيتى زفت ..وقررت ان اهد الدراسه بكبرها ..


وفعلا اشتغلت على ثالثه ثانوى ..وعقبها تزوجت ...وصارت الازمه ..وعقب الازمه حبيت اكمل دراستى ..

وبالفعل خذيت الثانويه العامه ...واقبلونى معهد التكنولوجيا ..اهنى ريلى رفض وقال ربى عيالج احسن لج من الدراسه
....وانا مثل الهبله وافقت مع انها صارت بحسره لى لان كل رفيجاتى دشوا وتخرجوا وانا قاعده اربى عيالى ..مع العلم كلهم متزوجات وعندهم عيال ..بس شقول ...لا وطلعنى من الشغل علشان اتفرغ لعيالى ....


والحين وعقب عشرين سنه زواج ...اعلنت الاعتصام وقررت اشوف نفسى ..

اول شى رديت اشتغلت ...وقمت اطلع مع رفيحاتى ..طبعا قبل هذا ممنوع الاصدقاء ..زيارة الاقارب ايضا ممنوع الا بالمناسبات ....بس الحين ..كله اقوله خلاص انا الحين تقاعدت منكم كلكم

الحمدالله ربيت عيالى وكبرتهم بعد شنو خلاص الحين راح اشوف نفسى وراح احب نفسى ..طبعا اهو من الداخل

يغلى بس مايقدر يسوى شى ..الحق كله معاى ...كرست حياتى لهم عشرين سنه والحين خلاص ...

وانشالله الله لايغير علينا ....

 

[منيرة خالد]

لندن بهالوقت موووت برد بس حلوه انا العام رحت لها بشهر فبراير >> رحلة تسوق مع خواتي واخوي وزوجته ...... وكانت برررررررررد


ودبي اللحين بدى يصير جوها حلو شوي ترا كويت ابرد من دبي انا رحت لها مره بشهر واحد يناير وكنت لابسه بس العبايه الاسلاميه وبدون جاكيت مع اني طالعه من الكويت ولافه عمري بالجاكيت من البرد


فرصه تروحين وتشوفين برج خليفه يمدحونه ومردف سيتي سنتر توه جديد يقولون احلى من القديم

 

[Ameeraaaaaa]

الجامعه المفتوحه تاخذ ...وحتى المعاهد تقدرين تدرين ...انا تونى اشتغل ...

شوفى انا درست الثانويه العامه واخذت دور ثانى ...وصارت نفسيتى زفت ..وقررت ان اهد الدراسه بكبرها ..


وفهلا اشتغلت على ثالثه ثانوى ..وبعد تزوجت ...وصارت الازمه ..وعقب الازمه حبيت اكمل دراستى ..

وبالفعل خذيت الثانويه العامه ...واقبلونى معهد التكنولوجيا ..اهنى ريلى رفض وقال ربى عيالج احسن لج من الدراسه
....وانا مثل الهبله وافقت مع انها صارت بحسره لى لان كل رفيجاتى دشوا وتخرجوا وانا قاعده اربى عيالى ..مع العلم كلهم متزوجات وعندهم عيال ..بس شقول ...لا وطلعنى من الشغل علشان اتفرغ لعيالى ....


والحين وعقب عشرين سنه زواج ...اعلنت الاعتصام وقررت اشوف نفسى ..

اول شى رديت اشتغلت ...وقمت اطلعمع رفيحاتى ..طبعا قبل هذا ممنوع الاصدقاء ..زيارة الاقارب ايضا ممنوع الا بالمناسبات ....بس الحين ..كله اقوله خلاص انا الحين تقاعدت منكم كلكم

الحمدالله ربيت عيالى وكبرتهم بعد شنو خلاص الحين راح اشوف نفسى ..طبعا اهو من الداخل

يغلى بس مايقدر يسوى شى ..الحق كله معاى ...كرست حياتى لهم عشرين سنه والحين خلاص ...

وانشالله الله لايغير علينا ....

عفية عليج
زين سويتي

زين الشغل وزين الوحده يكون عندها حياة اجتماعية خصوصا اذا مو مقصرة مع بيتج وعيالج
الللله يتمم عليج