جيل الستينيات ...وينكم؟؟؟؟

[$$درر والماس$$]

انا مو مواليد 15/1/1968 كرهت يوم ولادتى لان نفس اليوم اللى توفا فيه ابونا الغالى الشيخ جابر رحمتة الله عليه

تزوجت بتاريخ 29 / 12 / 1987

 

[oojoo]

رد : رد: جيل الستينيات ...وينكم؟؟؟؟

أنا مواليد 1967


وتزوجت سنة 1997 >> وقتها عمري 30 سنه


ومن الخوف لا يكون ما فيني عيال قمت حماله ورا الثانيه والسنة اللي ما احمل فيها اكون اجهاض

اسم الله عليهم خمسه >> بنت واربع صبيان الله يحفظهم ويصلحهم - خير ونعمه من رب العالمين

الله يخليج لهم ويخليهم لج
انتي تزوجتي وكنتي ناضجه وانا برايي احسن تدرين انا لو يسالوني عن عمر العشرينات كله ماحسه ضاع بين الحمل والربى

 

[منيرة خالد]

تصبحووووووووووون على خير


لنا لقاء معكم مع ذكريات بنات الستينيات >>> باجر ان شاء الله اذا الله احيانا بجيب لكم سوالف قديمه

 

[oojoo]

رد : رد: جيل الستينيات ...وينكم؟؟؟؟

انا مو مواليد 15/1/1968 كرهت يوم ولادتى لان نفس اليوم اللى توفا فيه ابونا الغالى الشيخ جابر رحمتة الله عليه

تزوجت بتاريخ 29 / 12 / 1987

العمر كله لج يارب
يعني انا اصغركم اخر الجيييل:d

 

[oojoo]

رد : رد: جيل الستينيات ...وينكم؟؟؟؟

تصبحووووووووووون على خير


لنا لقاء معكم مع ذكريات بنات الستينيات >>> باجر ان شاء الله اذا الله احيانا بجيب لكم سوالف قديمه

وانتي من اهلووووو
باي منوره

 

[الغاليه ام احمد]

السلام عليكم جميعا بنات الستينات شخباركم صج انا فاضيه توني اشبك لاني اليوم رحنا تغدينا في ميس الغانم اللي في المهبوله ولدي الثاني كان مشتهي الغدا بره فرحت انا معاه وبناتي الثنتين وبنت بنتي الكبيره اما بنتي الكبيره ما اطلعت معانا لان عندها امتحان وولدها مريض والجو كان حلو وقعدنا بره المطعم والجو روعه

 

[دموع تائهه]

تصبحووووووووووون على خير


لنا لقاء معكم مع ذكريات بنات الستينيات >>> باجر ان شاء الله اذا الله احيانا بجيب لكم سوالف قديمه

وانتي من اهله حبيبتي

 

[oojoo]

رد : جيل الستينيات ...وينكم؟؟؟؟

عليكم السلام والرحمه
هلا ام احمد ترا طلعو بس انا وانتي

 

[دموع تائهه]

السلام عليكم جميعا بنات الستينات شخباركم صج انا فاضيه توني اشبك لاني اليوم رحنا تغدينا في ميس الغانم اللي في المهبوله ولدي الثاني كان مشتهي الغدا بره فرحت انا معاه وبناتي الثنتين وبنت بنتي الكبيره اما بنتي الكبيره ما اطلعت معانا لان عندها امتحان وولدها مريض والجو كان حلو وقعدنا بره المطعم والجو روعه

عليكم بالعافيه يالغاليه
ومايشوف شر وليدكم

 

[$$درر والماس$$]

انا ما طلعت للحين موجوده

 

[الغاليه ام احمد]

يا حلو ايام الدراسه وثانوية السالميه وميسر البربري والله امسويه رعب للبنات والمدرسات وابلة الرياضيات مي عليها تدريس روعه اتدخل المعلومه غصب بالراس ما يحتاج مدرس خصوصي درستني برابع متوسط بس الحمدلله انا كنت شاطره بالرياضيات بس والله البتات تشلخوا من اسطاراتها واذكر مدرسة الانكليزي مس سلوى كانت سودانيه بس بيضه حيل

 

[الغاليه ام احمد]

رد: رد : جيل الستينيات ...وينكم؟؟؟؟

عليكم السلام والرحمه
هلا ام احمد ترا طلعو بس انا وانتي

هلا فيج حبيبتي يشرفني اكون سهرانه معاج

 

[oojoo]

رد : جيل الستينيات ...وينكم؟؟؟؟

هلا درر وانا بعد مافيني نوم
الا بسالج شنو ولهانه على اكثر شي على اياامنا؟؟

 

[$$درر والماس$$]

ميسر كانت ناظرة مدرستى مدرسة الرقه المتوسطه وكانت تقول ما اتجوز لما تتحرر فلسطين ههههههههههههههههههههه

 

[الغاليه ام احمد]

عليكم بالعافيه يالغاليه
ومايشوف شر وليدكم

هلا فيج حبيبتي دموع انتي في بريطانيا الحين اشلونج واشلون الجو عندكم وجم الساعه الحين

 

[oojoo]

رد : جيل الستينيات ...وينكم؟؟؟؟

ترا غييرت التوقيع
وحده دازتلي بالخاص تقول انتي تسبينا كاتبه على توقيعج
مالقيت احلى من الحمدلله

 

[oojoo]

رد : رد: جيل الستينيات ...وينكم؟؟؟؟

ميسر كانت ناظرة مدرستى مدرسة الرقه المتوسطه وكانت تقول ما اتجوز لما تتحرر فلسطين ههههههههههههههههههههه

لادرر ياقلبي موناظره كانت على ايامنا ميسركانت ادرس رياضيات الظاهر عاد عقب راحت لمنطقه السالميه
بس انتي بالرقه يعني معاي نفس المدرسه

 

[الغاليه ام احمد]

انا ما طلعت للحين موجوده

هلا درر والماس انا بسهر الليله لان ولد بنتي مريض وبنتي عليها امتحان السبت في كلية التربيه التربيه الاساسيه وقلتلها تاخذ راحه وتنام شوي وانا بقعد عند ولدها

 

[oojoo]

رد : جيل الستينيات ...وينكم؟؟؟؟

نهقون عايشه ميسر او ماتت؟؟؟؟

 

[دموع تائهه]

هلا فيج حبيبتي دموع انتي في بريطانيا الحين اشلونج واشلون الجو عندكم وجم الساعه الحين

الحين الساعه 12:38
والجو حلو بارد ومطر