جيل الستينيات ...وينكم؟؟؟؟

[$$درر والماس$$]

أنا لأني هاديه فطفولتي نفس طبعي - بس تمتعت فيها بعقل - اول وانا صغيره كنا نروح كل خميس للترويح السياحي تذكرونه كانوا يحطون بحديقة السالميه اللي اللحين خلف مجمع الفنار - مره يحطون فيلم ومره فرقه من الفرق الكويتية وكنا نتجمع عوايل وبالصيف كل اثنين نروح البحر جمعة عوايل ولازم عشانا عيش وعدس او مموش ما كو ايدام ابد ودقوس باذنجان - والعيد وناستنا نتغدى بكنتاكي وندخل فيلم بسينما السالميه وننام بنص الفيلم لأنه سهرانين طول الليل ومواصلين من الوناسه - طبعا الدوارف طول ايام العيد رايحين رادين تمشي وووناسه لعب وضحك والقلب صافي

انا نفسج كنا نروح حديقة السالميه ونستانس لما يكون فى فرقه تغنى ولا ريحة العشب مميزه مو مثل اللحين صناعى

ولازم يكون معانا بنك ونقل وماى بالترمس اذا اتذكرون

 

[فوفو22]

رد : جيل الستينيات ...وينكم؟؟؟؟

ام مشاري طفولتي حلوه الحمد لله وامي وخالاتي روعه حياتهم مره تجنن دايم يسولفون ويتذكرون ايام اول بحكم ان خالاتي من قريه قريبه من المدينه وكانت حياتهم وسط المزارع وبيتهم بنفس المزرعه وكانو جيرانهم واقاربنا كلهم تربو مع بعض وسط حياة ريفيه وزرع وصوت الماطور حق الماء مدري ويش تسمونه عندكم بالكويت بس الحين تغيرت الدنيا كلهم تزوجو وعاشو بالمدينه المنوره وانا واخواتي تربينا بالمدينه بس جدي دايم يعزمنا بالمزرعه في العيد الاضحى واوقات الامطار الجو روعه حياة القرى لها جو غير المدن وانشاء الله اسولف لكم عن حياة امي وطفولتها

حلوه تفاصيل ذكرياتج

عندي صديقات من المدينه احبهم حيل

يا حلو المدينه واهلها


فوفو

 

[بشوره الكويت]

اهم مع بيت عمهم بالسالميه قريبين من المواساة

بيت عمهم يم الخياط اي والله اهل السالميه كلهم علي قلب وقريبين ويعرفون بس بعدين الكل تزوج وطلع

بس شبابهم اسم الله عليهم ليما الحين مع بعض الله يخليهم لبعض

بس انا عشت بالشاميه

 

[ملح و سكر]

اي والا البقالة من يحط برا العاااااااب ويفرش علي الارض بعد
صج اياااااااااااااااااااااااااام

ذكرتينى بالبقاله ..كنا نشترى منه جبن ابيض ونحط عليه دقوس تذكرون ...الله شنو كان لذيذ...

 

[بشوره الكويت]

اي اسوعهم يقولن يروحون السالميه بالحديقه والمعكرونه

احنا عندنا حديقه وهران وناسه هم يدتي الله يرحمها لازم يا معكرونه او اموش وساعات يعرضون فلم

بس احنا همنا اللعب والتطامر والركض والمسابقات والله ايام

فوفو اهلين فيج صح النوم ان شاء الله مرتاحه

 

[لي مشاعر]

يا حبي لك

فوفو 22

ولكل الي معنااااااااا


يسعد لي جميع اوقااااااااتكم


توني اشوف جيلناااااااا


يا حلونا << منورين

 

[فوفو22]

رد : جيل الستينيات ...وينكم؟؟؟؟

انا مشاركه باحتفالات العيد الوطني ماسكه مهفه صفرا ويحطوني بالتلفزيون

ومشاركه باول هلا فبراير

يحطوني باغنية نبيل شعيل لابسه انا وبنات كاب وتيشيرتات نفس الشي


تذكرون حديقة الحزام الاخضر وجمال عدالناصر وفندق ماريوت السفينه كنت اقص شعري ايام الجاهلية عند ريال بصالون بملحق الماريوت


فوفو

 

[فوفو22]

رد : رد: جيل الستينيات ...وينكم؟؟؟؟

يا حبي لك

فوفو 22

ولكل الي معنااااااااا


يسعد لي جميع اوقااااااااتكم


توني اشوف جيلناااااااا


يا حلونا << منورين

حي الله ام محمد

تشرفت بوجودج بموضوعي

ويا حلو جيلنا ...............اول علاماته نلبس نظاره للقراءه:dddds:

فوفو

 

[بشوره الكويت]

اي فوفوحزام الاخضر لمانشترك بالحديقه الاحتفالات اهناك تصير والتدريبات ساعات بعد اهناك واي اشطاري عليج فوفو

وحتي جمال عبد الناصر بس احتفالات العيد الوطني مع المدرسه بالمرشدات الله علي المعسكرات

ولا الشروكات لما انسوي مع البنات

عاد تدرين ذاك اليوم بنت خالتي تقولي تسلم عليج وحده من ايام المدرسه

بس صالون ماريوت عمتي كانت اتقص عندهم انا كنت توني اشوي ابوي ما يرضه اقص شعري وكان طويل

بس لما تزوجت بديت اغضي عليه اشوي اشوي خخخخخخ

 

[$$درر والماس$$]

صور نادره للكويت ايام الستينات

 

[تم مشاري]

رد : جيل الستينيات ...وينكم؟؟؟؟

ما شاء الله عليكم ما امداني اسبج واصلي ولا واصلين 3 صفحات
انا عن نفسي بما اني من سكان العاصمة كنا نروح حديقة الحزام الاخضر وحديقة ماريوت وحديقة جمال عبد الناصر وكنا نروح حديقة الاحمدي اذا تهورنا ابوي يودينا
اما البقالة حدث ولا حرج 50 فلس نشتري صمونه جبن مع فلفل دقوس وبفك وبيبسي الحين طول صبعي وما يعجبة دينار يقول ما يكفي
وطبعا انا واخواني وعيال فريجنا اباليس راعي الدكان مكانة رفيع الي قاعد فيه والثلاجة الي فيها الكاكاو الغالي صغيرة
اشويه يشترون والباجي بالدور كل واحد يقعد ويجعس بملابسة الداخلية كاكاو لا تشوفون شكلنا واحنا نمشي هههههههههههههه امبيه سوالف
والبيبسي ما يصير نفتحة مسمار حلي نقضة من فوق ويا ويله واحد من عيالنا الحين لا سوا جذيه

القرقيعان بس تخلص الحلقة الي عقب الاذان ركضة كل وحدة من شطولها لي 15 سنه وانا اقرقع وشوفينا واحد يشق جيس الثاني

الحين 10 سنوات داقه الحمرة يا مال الدقم

 

[بشوره الكويت]

وناسه بس هذي اعتقد اول الستينات

الله يرحم الشيخ صباح السالم توفه وانا كنت بربع ابتدائي

 

[لي مشاعر]

رد: رد : رد: جيل الستينيات ...وينكم؟؟؟؟

حي الله ام محمد

تشرفت بوجودج بموضوعي

ويا حلو جيلنا ...............اول علاماته نلبس نظاره للقراءه:dddds:

فوفو

الله يسلم قلبك

الله المستعان الحين فيه عدسااااااات <<<:sfg:

فرحت بشوفتك ام مشاري << اخبارك ,,,,

تكفين فوفو اذا شفت البنات الي معنا قبل سلمي عليهم :eh_s(17):

 

[ملح و سكر]

عندى سؤال وحابه تجاوبونى عليه

شلون عشتى طفولتج يعنى تمتعتى فيها عشتيها بالطول والعرض او كانت عليج قيود من اهلج

هلا والله درر والماس ....والله انا كانت طفولتى من اروع مايمكن ....وناسه ودلع ماكان شى بخاطرى الا واسويه

امى الله يطول بعمرها ...كانت تشتغل وكانت تطلب لى ملابس من بره مثل اكويلا اللى يبونهم من المانيا ..وكنت متميزه ...حتى من صديقاتى كانو يغارون منى لان اى شى ابيه يصير بدون مبالغه ...ومع ذالك كنت قنوعه وايد ..


من العايله .لانى مدلعه اذكر حتى اخوانى اذا بغوا شى من ابوى الله يرحمه كانوا يطرشزنى انا لانهم عارفين انه مايرفض لى طلب ....

ولما كبرت وانا الحمدالله مدلعه لين ماتزوجت ...اندقرت عدل بيت الريل ..ماكو دلع ولا هم يحزنون ....

علشان جذى انا دايما اذكر حياتى السابقه واعيشها واتذكرها ...لانها خلاص ماراح ترد هالايام....غير الذكرى ..


ذكرتونى ....تذكرون البيجامه المقلمه الازرق للاولاد والاحمر او الوردى للبنات ...لاتقولون ماتذكرونها !!

 

[تم مشاري]

رد : جيل الستينيات ...وينكم؟؟؟؟

مشكورة درر والماس على الصور صراحة الصورة الاخيرة رهيبة مفاصيخ وشماغ وعقال اشلون راكبه

 

[Ameeraaaaaa]

الحمد لله -
الله كتبلي الحج سنة 1999
الله يكتبها لنا مرة ثانية

 

[بشوره الكويت]

تم مشاري اي والله البقاله يمنا ما نشتري خبز وجبن تدرون شنو نشتري اللبن مثلث مثلج واي وبفك يا حلاته نستانس عليه

اهل زوجي بالسالميه يقولون يشترون خبز اما مع جبن او سكر

واي ذكريات يا حلات المسلسلات اليي عقب الاذان برمضان وبعدين علي طول انقرقع الحين لازم مع البنات خدامه

انا بما اني من سكان غرناطه فلما يروحون اعيالي لازم صراحه فريجنا كله سواق واخاف عليهم مو مثل قبل

الشاميه عادي لو بنات بروحهم ويروحون لو بعيد

 

[$$درر والماس$$]

ام مشارى والله كنت متردده احطها لانها تخدش الحياءههههههههههههههههههههه

 

[Ameeraaaaaa]

ملح وسكر
شخباري كويلالالالالالا
صج عجيبة

 

[تم مشاري]

رد : جيل الستينيات ...وينكم؟؟؟؟


هلا والله ام محمد اشلونج حبوبه البنات بخير بس كنتي ناقصتنا من زمان عنج بشرينا لي الحين جيرانكم عندكم وضيوفج ان شاء الله سلمي لي على ضيوفج


تذكرون لما نتهاوش مع بيت جيرانا وتقول وخرو عن بيتنا وعن رصيفنا يقول مو رصيفكم هذا رصيف الحكومه
كلام منطقي الصراحه , لووول و يحوسون جبال بيتكم ويمرون يمكم ويقولون لكم ماحشتكم ماحشتكم خخخخخ .



حيييييييييييييييل عجبتني وكنا دايما نسويها

واحنا سمر وبيت الي جبالنا بيض فدايما يعايرونا بلونا يقولون لنا يالعبيد عاد احنا نرد عليهم العبيد عبيد الله والبيض يكسرون ركب الله لا تسالوني شنو معناتها