تدرين اميرره جنه عيالج اكبر من عيالى بشوى ...لان انا بعد بجرى بنت .وانا عكسج ..اشكثر حاولت بنتى انها تسافر امريكا ..وانا ارفض ..يااختى اخاف عليها ..مايطاوعنى قلبى ...حتى مصر حاولت انها تروح بس انا مارضيت ...
عاد دشت كليه الاستراليه ..وكاهى الحين الحمدالله والشكر ماشيه امورها ...
بنتج اى سنه ولدتيها ...انا سنه الغزو يعنى 25\7\90
انا بجري مواليد 1988وولدي الثاني اللي بامريكا مواليد 1991
انا جربت تغربت ويا ريلي تقريبا خمس سنوات عرفت اشكثر الغربة صعبة بس هم مفيدة ,, تدرين تصقل الشخصية وااايد وتخليج قوية ,, انا بنتي للحين ام ديمعة من اقل شي تبجي ومن اقل شي تخاف ومعتمدة علي ابوهاا
لو رايحه ومسافرة اول شي جان صار عندها لغة قوية .
وخبرات ما تتعلمها الا من علاقات الغربة
تصير شخصيتها قوية وتعرف تدافع وتداحر تصير منظمة ومرتبة .
انا عندي اربي صح وازرع القيم الاسلامية والحلال والحرام وخلص اهدهم في ارض الللللللللله الواسعه
صج قلبي كأم ينفطر عليهم بس كله عشان مصلحتهم ويرجعون بشهادة تفيدهم ,, خبرج وقتهم غيروقتنا .
