جيل الستينيات ...وينكم؟؟؟؟

[ام خالد الغلا]

وينكم حبيبات قلبى

ام احمد وفطومه وام حمنو وام محمد وعصير ليمون وميثا ومشاوى وانا شفتك وام عبدالله وام حمد والباقى

 

[أم ناصر93]

ربي رجوتك في هذا الصباح

أن تسعد قلوب أهلي واحبابي وأصدقائي

وكل من يعرفني وتعطهم كل ما يتمنونه

وعطر صدورهم بالإيمان وارزقهم الخلود في الجنان

آميييييين يا رب العالمين


***************


لكم تحياتي

 

[أم ناصر93]

حبايب قلبي اشلونكم وشخباركم

كاني موجودة مو بعيدة عنكم

بس لاهية مع الإمتحانات ودي معهد وحلي الواجبات مع اولى ابتدائي

وانتوا عارفين معاناة التدريس

مع اني موقفه سالفة التدريس من زمان وناسية كل شي

بس هذي جاءت بالتلش فهمتوها يعني ماحسبنا حسابها

الله المستعان


************


لكم تحياتي

 

[أم ناصر93]

ام محمد حبيبتي الحمدلله على السلامه

اشلونج واشلون الوالدة

وام حمنو حبيبتي عظم الله اجركم وآخر الأحزان ان شاء الله

وسلامي للجميع وكل من سأل عني

***********


لكم تحياتي

 

[أم ناصر93]

وبالنسبة للمرقوق سويته يوم الجمعة

كانوا حمولتي عندي عالغداء وكملوها للعشاء

فسويت حق خالتي مرقوق تستانس عليه

تعرفون الحريم الكبار يستانسون على الأكل القديم

*************


لكم تحياتي

 

[أم ناصر93]

وبالنسبة للخطة تنجح حبيباتي

عقب صلاة العصر هو يروح لأمه كل يوم

فأول ما نزل من فوق اسألتني امي ها أم حمد بتروحين الإستقبال اليوم

التفت عليه وقلت ما أدري وغمزت له فقال ان شاء الله

وطلع فقلت له الله يسهل عليك

ايش رايكم بخطة الأم وبنتها

ويوم الجمعة اهله متغدين عندي وانا عندي استقبال اقرب صديقاتي رايحة الحج

فكنت محتارة اشلون افتح الموضوع وأهله شكلهم مطولين بالقعدة

فعقب صلاة العشاء سألتهم ان شاء الله انتو قاعدين للعشاء ماتروحون

فقالت حماتي اي قاعدين فقلت لهم حياكم الله بس استأذن منكم شوية

بروح عندي شغل وارجع وما لا داعي اقول وين رايحة

قالت حماتي روحي الله معاج واحنا قاعدين ما في مشكلة

وهو سألني على جنب وين بتروحين فقلت صديقتي فلانه وهو يعرفها راجعة من الحج

على طول قال ان شاء الله0000بعد ما يبيله مقابله اهله وحايفتهم وزايفتهم ما يقول لا

ورحت عند صديقتي وأديت الواجب ورجعت لهم وسويت لهم العشاء وتعشوا واستانسوا

ايش رايكم بالسنع


وايش رايكم بالخطة الثانية ؟؟؟

ان كيدهم عظيم صح


***********


لكم تحياتي

 

[فطووومة]

السلام عليكم

شلونكم خواتي

يا حلووووكم اشتقت لكم :eh_s(9):


اشعندكم خطط وسوالف :bbbiu:


اقرأ وارجع

 

[أم ناصر93]

هلا حبيبتي فطوومه اشلونك وشخبارك

خطتي انا وامي على ريلي عشان يخليني اطلع لأنه ينحرج جدامها

وعدتها عليه جدام أمه ما قدر يتكلم

بس خططنا سلميه لا تحاتين


************

لكم تحياتي

 

[أم ناصر93]

وينكم يابنات من الصبح للحين بس فطوومه اللي مرت على الصفحة

والا انتوا زامكم آخر الليل000 الظاهر هذا وقتكم

بس انا مو من ربع السهر بس اليوم قاعدة اشوف برنامج

الحين يخلص واروح اتوسد مخدتي وانام

وما عندي شي اقوله الحين غير

تصبحون على خير

والله يحفظ الكويت من كل شر

***********

لكم تحياتي

 

[فطووومة]

هلا وغلا ام ناصر

حلوة خططج بس فيه ازواج ما تمشي عندهم الاحراجات يقولون لج لا تحرجينا جدام احد وما رح اغير رايي :eh_s(4):

والله يحفظ الكويت من كل شر اللهم امين والله ما تستاهل اللي يصير فيها



ام ناصر بتنامين 11 ونص وتقولين سهرانه

انا هالوقت توني اقعد مع خواتي زايريني من 9 بس اروح وارد شغلة منيه وشغلة مناك

لا وانا اللي قايلتلهم تعالوا :eh_s(15):

 

[أم ناصر93]

صباح الخير

هلا وغلا حبيبتي فطوومه اشلونك يالغاليه وعساك بخير

حبيبتي الساعه 11,30 عندنا آخر الليل ترى بس انا اللي كنت قاعدة

البيت كله نايم000 نظامنا وقت الدوام الساعة 9 تشوفين البيت هدوء

كل من دخل غرفته ويهيء نفسه للنوم وزوجي يشوف التلفزيون اخبار أو فيلم

بس ينتهي خلاص يروح ينام

بس وقت الإجازات تشوفين العيال قاعدين وسهرة على التلفزيون

أمي كله تتحلطم علي تقول انتو تنامون مبكر يعني ماتقدر تتأخر عندي

لأن العشاء يكون الساعه 8 000 ونقعد من الصبح 5,30

نام بكير تصحى بكير

************


لكم تحياتي

 

[ام خالد الغلا]

السلام عليكم خواتى العزيزات كيفكم

 

[ام خالد الغلا]

هلا وغلا فطومه وام حمد الله يعينكم على المدارس افتكيت من زمان من المدراس والدوام والتقاعد راحه انام على كيفى واصحى على كيفى وما فى التزامات الا اذا موعد طبيب او ريوق مع رفيجاتى

العيال اكبرو وما قصرت معاهم والحمد خذو شهادات واللى تزوج والحمدالله ارتحنا بعد التقاعد

 

[ام خالد الغلا]

ام احمد وينج من غير شر مو من عوايدج ما تطلين على المنتدى

وام حمنو وينج منقطعه ما بينتى عسى المانع خير

 

[أم ناصر93]

مساء الأنوار

وين الحبايب ما بينوا عسى المانع خير

***********


لكم تحياتي

 

[أم ناصر93]

اشلونك حبيبتي ام خالد عساك بخير

الله يتمم عليك ويبارك لك في عيالك ويرزقك برهم

انا من النوع اللي ما يحب النوم فتشوفيني اقعد من الصبح

هذا طبعي حتى لما كنت آخذ اجازة ماكنت انام افزع من الصبح

وبيني وبينك قعدة الصبح فيها بركة كل شيء تسوين

***********


لكم تحياتي

 

[الغاليه ام احمد]

السلام على الغاليات

 

[الغاليه ام احمد]

هلا وغلا بالكل

هلا بكل اللي سال عني

انا بخير بفضل الله

ولاهيه بالمواجيب والعروس وما ارد الا بالليل

 

[الغاليه ام احمد]

ام خالد هلا وغلا فيج

انتي شلونج وشلون المعده طلعت نتيجه المنظار

والمرقوق ان شاء الله لنا يمعه عندج بس خلي الجو يبرد شوي

حلاة المرقوقه بالشتا

 

[الغاليه ام احمد]

ام حمد شلونج يالغاليه والله يطول بعمر الوالده ويخليها لكم

اما خطتج مع امج اخاف يوم يقولج اشمعنى كل ما نزلت من فوق تتحجى امج عن الطلعه

غيري هالخطه

والله يعينكم على التدريس

وعلى قولة ام خالد احنا والحمد لله ارتحنا من التدريس القعده عندي بسنه اولى جامعه والاكبر

منها اخر سنه حقوق والباقي تزوجوا

يعني خلصنا من المجابل والصياح درسوا درسوا

يعني انام واقعد متى ما ابي والحمد لله