جيل الستينيات ...وينكم؟؟؟؟

[ام خالد الغلا]

هلا وغلا خواتى الغاليات الله يسلمكم

الحمدالله امس سويت المنظار وخذو عينه يحلونها ويعطونى النتيجه بعد اسبوعين وان شاء الله خير

زوجه اخوى امس جاتنى وخذت نتيجه المنظاروقرتها اختها ودقت على المغرب وقالت لى ان فى التهابات وتقرحات قديمه وننطر النتيجه والله كريم

ومشكورين حبيبات قلبى على السؤال

 

[ام حمنو]

اليومين اللي طافوا مريت بظروف صعبه عساكم ما تشوفونها

يوم السبت بالليل توفت بنت خالي فجأه وهي قاعده تعطي امها ابرة السكر اشهقت وعطتكم عمرها

خواتي لما وصلهم الخبر ما قالوا لي الايوم الاحد الصبح ويومها حاشتني ضيقه وصار مالي خلق اي احد يكلمني الله يرحمها كنت

اعتبرها وحده من خواتي الكبار المهم يوم الاثنين قعدت اصلي الفجر وحسيت بصداع قلت اخذ بندول ويروح بس ما قدرت من اللوعه وضيق التنفس ونطرت لما صارت الساعه 7قمت ما اتحمل الالم واللوعه رحت المستوصف والا ضغطي اللي دايما نازل وكل مره فيني هبوط واصل 170 على 100عطوني حبه تحت اللسان وحولوني مستشفى العدان خذوا لي اشعه مقطعيه والحمد الله طلعت زينه وعدت على خير ادري ضيقة خلقكم بس حبيت اقول لكم اذا حسيتوا بصداع لاسمح الله لا تستهينون فيه ولا تنامون وانتوا مضايقين والله يبعد عنكم الامراض ويحفظكم
من كل شر

 

[ام خالد الغلا]

الحمدالله على سلامتج حبيبتى ام حمنو وما تشوفين شر واجر وعافيه وديرى بالج على روحج

وعظم الله اجرج يا الغاليه هذى حال الدنيا والله يرحمها ويغفر لها ويوسع منزلها اللهم امييييين

 

[ام محمد الشمري]

لاحول ولاقوه الا بالله

عظم الله اجركم والله يرحمها

ويغفر لها

والله يشافيج يالغاليه وماتشوفين شر

والله يرحم حال

 

[ام خالد الغلا]

هلا وغلا ام محمد كيفك واشلونج والعيال والوالده بشرينا عنهم

 

[ام حمنو]

أجرنا واجركم والشر ما يجيكم جزاكم الله خير

 

[ام محمد الشمري]

هلا وغلا بام خالد

ان شالله مافيج الا العافيه

شفيكم عين ماصلت عالنبي علينا

 

[ام محمد الشمري]

والله الحمدلله يام خالد

امورها طيبه وفضل من الله

 

[ام حمنو]

تصبحون على خير خواتي العزيزات

 

[ام خالد الغلا]

وانتى من اهله ام حمنو والله حافظج

 

[ام خالد الغلا]

المراة دفء حنان وسكن

الرجل امان وقوة وثقه

المراة عاطفة

الرجل حكمة

المراة دمعة وبسمة

الرجل فنان يرسم البسمة ويمسح الدمعة

 

[ام خالد الغلا]

احب دهن العود وانواع الاطياب
واحب ناس ما تعرف القطيعه

احب كل انسان راقى وجذاب
صدوق فى حبه ونفسه رفيعه

ترى الوفا بقلوبنا ماله اسباب
فطرة خلقها الله وصارت طبيعه

مساء الورد والفل والنور والسرور والعسل على خواتى الغاليات على قلبى

 

[ام حمنو]

السلام عليكم ورحمة الله وبركاته

 

[ام حمنو]

هلا في ام خالد انتي الطيب كله ما قصرتي على الحضور وان شاء الله ما نييكم الا بالأفراح


ام احمد وفطووومه وينكم ليش مختفين عسى ماشر

 

[الغاليه ام احمد]

السلام على الغاليات

 

[الغاليه ام احمد]

شلونكم يالغاليات

سامحوني هاليومين وايد تعبانه

هالفلونزا والكحه والصدر ذابحني من الكحه

 

[الغاليه ام احمد]

ام حمنو عظم الله اجركم وعساها اخر احزانكم

وسامحيني ما حضرت عزاكم ان شاء الله اوصلج ببيتج بس اتشافى شوي

والف الحمد لله على سلامتج وديري بالج الضغط شين لا تصبرين على نفسج مره ثانيه

واشتري جهاز ضغط

 

[الغاليه ام احمد]

ام حمد حوش خطه بس مرات ما تنفع

مرات الام توقف مع الريل

انا عندي حجاج ما رحت لهم سخنت وقعدت بالبيت وهم عندي ملجه مارحت ابارك

اتصلت وباركت وقلت الاسبوع الياي اروح للكل باذن الله

 

[الغاليه ام احمد]

ام محمد شلونج وبشري شلون الوالده

طلعت من المستشفى ولا للحين

 

[الغاليه ام احمد]

ام خالد حبيبتي الله يطمنج على صحتج

والحمد لله الالتهاب ان شاء الله هين ويتعالج