جيل الستينيات ...وينكم؟؟؟؟

[أم ناصر93]

السلام عليكم ورحمة الله وبركاته

اشلونكم يالغاليات وشخباركم

عدنا والعود أحمد000 الحمدلله رجعنا بالسلامه

ولهانه عليكم وعلى سوالفكم الحلوة

والوالدة وصلتني سلام خاص لكم جميعا وتقول لكم الله يحييكم وين ما كنتوا

وام خالد حبيبتي ماتشوفين شر وان شاء الله ماكو الا العافيه

وتتطمنين على نفسج وترتاحين

وفطومه الحمدلله على سلامتكم وان شاء الله استانستوا وما تأذيتوا من الزحمة

وام محمد اشلون امها من مدة ما بينت ما عرفتوا شيء عنها00او يمكن راحت لها ؟؟

الله يردهم بالسلامة

************


لكم تحياتي

 

[الغاليه ام احمد]

 

[ام خالد الغلا]

السلام عليك خواتى الغاليات كيفكم

 

[الغاليه ام احمد]

شلونكم حبيباتي

سامحوني لهيت هاليومين اجهز للاستقبال والحمد لله امس سوينا الاستقبال وخلصنا

واليوم طلع علي التعب من قعدت من النوم وبلاعيمي صاكه علي الظاهر امس من اللويه والمكيف بارد

وانا احس بالحر فرحت للطبيب وقالتلي التهاب واحتقان والحمد لله على كل حال

 

[الغاليه ام احمد]

هلا وغلا فيج ام خالد شلونج يالغاليه وشلون العيال والاحفاد

وشلون معدتج عساها مو تاعبتج

 

[ام خالد الغلا]

اهلين ام حمد الحمدالله على السلامه

والله يسلم الوالدةوما قصرت الغاليه

الشر ما يجيج حبيبتىوالله يعافيج

 

[الغاليه ام احمد]

فطووووومه الف الجمد لله على سلامتكم شلونج وشلون العيال

عسى استانستوا بدبي وشلون الزحمه

 

[الغاليه ام احمد]

ام حمنو وينج اشتقت لج شلونج وشلون العيال والحفيدات

 

[الغاليه ام احمد]

ام حمد الله يسلمج ويسلم الوالده ويخليها لكم

بوسيلنا راسها وسلمي عليها

 

[الغاليه ام احمد]

الحضرميه الله يفك ضيجتج ويفرج همج

ويرزقج بالخير من اوسع بيبانه

 

[الغاليه ام احمد]

ام محمد وينج ما بينتي

طمنينا عن الوالده شلونها وشخبارها

 

[الغاليه ام احمد]

ميثااااا هلا فيج يالغاليه شلونج وشلون العيال

 

[ام خالد الغلا]

هلا وغلا فيج ام خالد شلونج يالغاليه وشلون العيال والاحفاد

وشلون معدتج عساها مو تاعبتج

اهلين ام احمد صج ولهنا عليج ويعطيج العافيه ويتمم عليهم على خير وتشوفين اعيالهم يا رب ويوفقهم اللهم اميييييييييييييييييييييييييين:yaaaaaarb::yaaaaaarb::yaaaaaarb:

انا الحمدالله وكلنا تمام وان شاء الاثنين يبين شنو فيها المعده بعد المنظار والله يسهل :bbbiu::bbbiu:

 

[الغاليه ام احمد]

ليمووووونه وووووووووينج شخبارج

وشلون بنتج وشلون الصغيره معاكم ووين طلعتوها

 

[ام خالد الغلا]

ما تشوفين شر ام احمد واجر وعافيه هذا كله من التعب واللويه وتغير الجو هالايام

والحمدالله كل شى تم على خير والله الموفق

 

[الغاليه ام احمد]

نداااااااااااااااااااااااااء الى

العيووووووف --- وام ثامر --وانا شفتك -- ومشاااااوي -- وتيووووليب --وبشووووره --

وورود خضرا -- وكت كاااااااااااااااته -- وحنوووونه --- وتووووته -- ودلع الشمال --ووووووووووو

وباقي البنات ويسامحوني اللي ما ذكرتهم

ووووينكم وعسى ماشر اشفيكم قطعتوا بالمره

ما نبي الا نطمئن عليكم وعساكم بخير

 

[الغاليه ام احمد]

هلا وغلا ام خالد

الله يسلمج يالغاليه والله يطمنا عليج ان شاء الله ماكو الا الخير

اي والله الظاهر اني انصفقت من هالجو

والحمد لله كل شي تم بخير وكل شي حلو

والله البوفيه كان لذيذ والحلويات والفطاير روووعه

ما شاء الله البيت انترس من المعازيم

 

[ام خالد الغلا]

لانج طيبه يا ام احمد علشان جذى ظيوفج وايد ويقدرونج لانج تقدرينهم يا الغاليه

المهم عروستكم شلونها ان شاءالله حليوه ومستانسه

والله هنيالها انج خالتها واكيد راح تستانس معاج لانج الطيب كله حبيبتى

 

[ام خالد الغلا]

نداااااااااااااااااااااااااء الى

العيووووووف --- وام ثامر --وانا شفتك -- ومشاااااوي -- وتيووووليب --وبشووووره --

وورود خضرا -- وكت كاااااااااااااااته -- وحنوووونه --- وتووووته -- ودلع الشمال --ووووووووووو

وباقي البنات ويسامحوني اللي ما ذكرتهم

ووووينكم وعسى ماشر اشفيكم قطعتوا بالمره

ما نبي الا نطمئن عليكم وعساكم بخير

وانا بعد اضم صوتى معاج يا ام احمد

اين انتم يا الغاليات وييييييييييييينكم

 

[الغاليه ام احمد]

الله يسلمج يالغاليه والله انتي اطيب والطيب لج كلج

والحمد لله البنت خوش بنيه وجنها من بناتي

واليوم عقب صلاة العشا خذيتها معاي ورحنا خذينا دلوله من الجامعه عندها تقويه كيميا

ورحنا للسالميه عشان دلوله تبي كعب لبدلتها باجر عرس بنت حماي

وهم قلت لها اي شي تبين قولي للخدم لا تستحين انتي مثل بناتي

والخدم لنا ولج