جيل الستينيات ...وينكم؟؟؟؟

[دلع الشمال]

هلا بكل الحبايب

ماشاء الله مالحق ادخل النت بسبب شغل البيت الي مايخلص لانه ماعندي خدامه

وطلبت وللحين قالو قبل رمضان توصل والله يسهل والله اني اخاف من الخدم وماحبهم ولاعمري تعاملت معاهم

بنتي خلصت امتحانات الجامعه لانه هي تدرس على الكمبيوتر انتساب بجامعه ماليزيه بس تمتحن بجامعه الكويت الي بكيفان

وللحين ماعطوها النتايج

 

[نجمة الاسكا]

السلام عليكم ورحمة الله وبركاته

الله يعطيكم العافية يارب

انا ماما معاكم

ياترى عرفتوها

هي











حضرمية اصيلة

ودايما تكلمنا عنكم وتحبكم حيل

 

[عصير ليمون]

السلام عليكم ورحمة الله وبركاته

الله يعطيكم العافية يارب

انا ماما معاكم

ياترى عرفتوها

هي











حضرمية اصيلة

ودايما تكلمنا عنكم وتحبكم حيل

يا هلا فيج وفي ماماتج يا هلا بريحه الحبايب
نورتينا نجمه ما شاء الله أشوف نورك اللي هل علينا
الله يخليك لأمك ما شاء الله عليك
بشرينا عنك وعن الوالده كيفها إن شاء الله تكون بخير
وشلون الخوات والأهل كلهم ،، :eh_s(17)::eh_s(17)::eh_s(17)::eh_s(17): عفيه طمنونا عنكم
ترى ما عندنا غير التواصل بالنت ونحب نطمن على حبايبنا الغالين علينا

 

[عصير ليمون]

لكل من استيقظ وقلبه لا يحمل إلا الحب
والاحترام لمن حوله
اسأل الله له فواتح الخير وخواتمه
والدرجات العلا من الجنة​

 

[فطووومة]

السلام عليكم

صبااااااح الوررررد على الحلوين بدون عدد :eh_s(17): :eh_s(17):

شلونكم حبايبي شخباركم



انا تمام الحمدلله ومستانسين في تركيا ماشالله الجو براد والمناظر الطبيعيه طبعا عارفينها ترد الروووووح



واجرنا سيارة وايد ريحتنا من نطرة التكاسي او سيارات المكاتب ماشالله هالسنه العدد مو طبيعي وزحمه عندهم

فوايد ارتحنا واستانسنا في السيارة




الله يسهل على المسافرين


وماتشوفون شر المرضى




وسامحوني على قله التوجد لكن قلبي معاكم وانتو على بالي دائما


مع تمنياتي للجميع بالسعادة والصحة التامة :yaaaaaarb:

 

[فطووومة]

ماشالله ليمونة نشيطة شمقعدج من الصبح ؟؟


وشخبار ام عبدالله ما عندكم خبر منها يحلوها مادري شمسويه مع عيالها بامريكا الله يسهل دربها وتستانس ان شالله

 

[ام خالد الغلا]

قد تخلو زجاجه من العطر

ولكن تبقى رائحه العطر عالقه بالزجاجه

كما تبقى الذكرى الطيبه عالقه كالقلب

هم اولئك الذين ينقشون حبهم بطيب تعاملهم على جدران قلوبنا

ويصعب علينا نسيانهم وانتم منهم يا الغاليات على قلبى

 

[ام خالد الغلا]

هلا وغلا بالغاليه فطومه اشلونج يا الغاليه واشلون الجميع

ولهنا عليج وعسى دوم مستناسه

 

[ام خالد الغلا]

السلام عليكم ورحمة الله وبركاته

الله يعطيكم العافية يارب

انا ماما معاكم

ياترى عرفتوها

هي











حضرمية اصيلة

ودايما تكلمنا عنكم وتحبكم حيل

حياج الله بنت الغاليه الحضرميه كيف احوالكم واحوال مكه

وشلون الجد والجده والخوات وسلام للوالده الله يحفظها لكم

 

[فطووومة]

هلا وغلا حبيبتي ام خالد شلونج شخبارج وشلون الحلوين



تسلمين على هالمقدمة الحلوة والرقيقة وعساج دووووم تعطينا من هالدرر وهذا كله من طيبج حبيبتي :eh_s(9): :eh_s(15): :eh_s(17):


هلا حبيبتي بنت الغالية الحضرمية شلونج وشلون الوالدة والاهل كلهم

بشرينا عن الوالدة ان شالله بخير وعافيه

وعساكم دوووم مرتاحين وتنورووونا هني

 

[الغاليه ام احمد]

السلام عليكم يالغاليات

 

[الغاليه ام احمد]

شلونكم وشلون اهلكم

هلا والله باهل تركيا هلا بفطوووومه شلونج وعساكم مستانسين

هلا وغلا ببنت الحضرميه هلا بنجمة الاسكا شلونج وشلون الاهل

فطوووومه ام عبدالله تشبك بالاي فون وهي توها واصله اورلاندو وتقول وناسه

والله يديمها عليهم

عصووووره وينج سكرتي جناطج فطوووومه مو راضيه ترد من تركيا الا لما تستلمين مكانها

اهي بتفرفرج وتدليج على كل مكان وترد

 

[الغاليه ام احمد]

دلع الشمال ام ثامر شلونج

حاولت ادز لج رساله على الخاص بس ما يستقبل عندج

المهم انا وام خالد وام حمنو وبشوووره وحنوووونه وكت كات اتفقنا نتريق باجر

اذا تحبين تيين دزيلي رقمج على الخاص عشان اقولج المكان والزمان

 

[الغاليه ام احمد]

اهداء الى كل صديقاتي بالمنتدى

نزعل .. ونتكبّــر ... وحنا .. من الطيـــن ......
والكل .. منا .... صــــدّ .... لا .. أقبل ...... خويّــه ....!!
نفخر .. نقول ... إنا ... على الصد .. قاوين ....
وهــــيّ .. علينا .... في الحقيقـــــة ........ قــــويه ......!!
نشفق على الطيبة ... و كسب ... الكريمين..
وهذي بنا ...؟؟ .. لاشك.... فعــــلة.... رديـــــــــه .....!!
ننسى نهايتنا .. وعلى .. وين .. ماشيــــن ......
وننسى الزمان ... اللي ... جمعنا ........ ســـــــويه .....!!
المشكلة .. ماهي بـ حاجة .... لــ تخمين ........
ولاهي .. بعد ... ياناس ...... صعبـــــة ..... القضيـــه ....!!
دق الرقم : كيفك ... هلا فيك ... وأهليــن .......
أنــا .. الخـــوي ....... اللـي مـــــزعّــل .... خويــــه ......!!
قلّه : تغيب .... وصـــورتك .. داخل العين .......
ويبقــى لـ حبك .... في خفـــوقي .... بقيـــــــــــــــه .......!!
أخوان حنا ... لو .... يجي بيننا .. شيــن ......
و مانفتـــــــــــرق .. دام المحبـــــــة ..... نديــــه .......!!
خلك قــوي ... لاتحتــــكرك .. الشياطين ........
قبل الفوات .... وقبل ...... وقت ... المنيــــــــــــــــه ........!!
كلّم خويــك .. بـــ اطيب الهرج ... واللين ......
وأعرف ... جميل الهرج ..... يمســــح ... رديـــــــه .....!!
هذي ... هي الدنيا ... من الحين .. لـ الحين ......
لابد ... بين الناس ........ تحصــــــل ...... خطيـــــــــه ....!!
ومن لايقدّر .. غلطــــة أحبابه ....... الحيــن ...
يقـــــرأ .... حـــــروفي ... ويعتبرها .......... هــديه ...!!
باكر .. تمر .. سنين ... وسنين ... وسنيـــــن ......
والــــــكل .. يرحـــــــل في الدروب ...... المـــــديـه .....!!
صدقني .. تندم .. وأذكر .. حروفنا .... زين .......
تندم على خلك .. إذا ...... غاب ......... ضيّـــــــــــــه .......!!
دنيا ... غريبــــة ... وأكثر .. الناس .... ماشين .....
وكم ... صــــاحبٍ ... والله .... دفنته ...... بــ يديــــــه

 

[الغاليه ام احمد]

اليكم هذي القصيدة القصيرة واتمنى تعجبكم






والله ما أنسى صاحب ما نساني

لو طالت الغيبة وضاعت نواحيه

يبقى معي ما بين قلبي وعيني

والنفس من بد المخاليق تغليه

وأنشد عن أحواله بعاصف سنيني

وأرتاح لا زالت وطابت لياليه

 

[دلع الشمال]

هلا بالغاليه ام احمد اتمنى اكون معاكم لكن للاسف مااطلع الصبح لانه تدرين عندي مسؤوليات وطباخ

مشكله ريلي ماياكل خفايف لا زم يبي اكل واهم شي العيش ههههههههههه ويكون معاه الوجبه الرئيسيه

الله كريم ونشوفكم على خير

عاد تدرون امس الاثنين كان يوم حريم بالمدينه الترفيهيه مع اني ماحب اروح لها بيوم الحريم يكون زحمه مو طبيعيه


وايد من اهلنا اتفقو يروحون ورحنا مع اني كنت صايمه واحلى شي اني اخذت تمرتي واللبن معاي افطر فيهم

لو نتفق جذي على طلعات حلوووووو

 

[الغاليه ام احمد]

ما عليه ام ثامر تمنيناج معانا

بس ظروفج ما تسمح

 

[الغاليه ام احمد]

ووووووووووووووووووووووينكم

 

[ام حمنو]

السلام عليكم خواتي العزيزات


كاااااااااااني

 

[ام حمنو]

توني راجعه من بره

امس ابونا سافر:eh_s(9): علشان جذي امس مانمه الا عقب صلاة الفجر وقعدنا على العشر ورحنا تريقنا في المرينا :eh_s(15):

وبعدين رجعنا البيت وعقب المغرب وديت الجعده الافنيوز معزومه على عيد ميلاد وجوكلت بار ووديت سارونه بروي لعبت على ما تخلص الجعده وطلعنا الساعه تسع ورحنا بيت اختي مسويه عشا ونون على طهور حفيدها:eh_s(7):