جيل الستينيات ...وينكم؟؟؟؟

[الغاليه ام احمد]

 

[new woman]

وعليكم السلام ورحمته الله وبركاته

 

[ام خالد الغلا]

السلام عليكم خواتى الغاليات

 

[الغاليه ام احمد]

يا مرحبا ترحيبة ٍ من رحيق الورد مجناه=ترحيبة ٍ مثل العطر والنسايم ينشرنّه
يا مرحبا ترحيبة البدو لسهيل واعداد ما هبت سحايب مطرها

 

[الغاليه ام احمد]

هلا وغلا ام خالد

اشلونج وشلون غاليج

 

[ام خالد الغلا]

المحبه اجمل ما خباته قلوبنا

والحنين اروع ما فى مشاعرنا

والدعاء يبقى هو عطر تواصلنا

جمعه طيبه ومباركه

 

[ام خالد الغلا]

هلا وغلا ام احمد الحمدالله بخير وعافيه

هلا وغلا ام عبدالله كيف حالك

 

[new woman]

والله الحمد الله بخير

قاعدة بالبيت ويمكن علا الساعة 5 اطلع واخذ اليهال بفتر بالأفنيوز

حيااااااااااااكم

 

[الغاليه ام احمد]

شلونج ام عبدالله وشلون العيال

هاااا للحين كر وفر على السفره

 

[new woman]

شلونج ام عبدالله وشلون العيال

هاااا للحين كر وفر على السفره

أي والله

جنا البورصة مره صاعدين ومره نازلين

عاد انا حجزت كل شيء تحسبا للظروف السعيدة

 

[الغاليه ام احمد]

وووووووووووووينكم

يعني اطلع 1 -2 - 3 - 4 -555555555555555555

 

[الغاليه ام احمد]

حلوووووووووه البورصه

بس لا تصير مثل بورصة الكويت على طوووووووووووول نازله

حبيبتي ما عليج منه مدام حجزتي وهو يدري اكيد ما راح يكنسل

بس يبي يشد اعصابكم شويه

 

[new woman]

اتهقين جذي

عاد ابونا لما يطنقر يطنقر الله يستر

 

[new woman]

احنا يوم اليمعة ما نطبخ

لما كان الجو حلو كنا نتغدا بمطعم

الحين خلينا المطهم اهو اللي ايييلنا

 

[الغاليه ام احمد]

صدقيني اكيد راضي على السفره

لو مو راضي جان قالج لا تحجزين فنادق عقب ما طلعت نتيجة ولدج

الحجز مو سهل لو تكنسلين حجز الفنادق يروح عليج تقريبا سعر ليله

 

[الغاليه ام احمد]

تصدقين ام عبدالله احنا بعد جذي يوم اليمعه والسبت ما نطبخ الا اذا اشتهينا شي معين

مع انه زوارة بناتي

اول نطلع اليمعه نتغدى بره الحين اكثر اليمع نطلب بالبيت اسم الله عليهم اكثروا عيالهم

بس لازم يوم اليمعه نطلع العصاري للمجمعات نودي اليهال

وابو احمد والله ما يقصر اذا عندنا البنات تلاقينه قبله بيوم اييب زبيدي اوقباقب او ميد

مع انه عندنا بس يبيه فرش للبنات واقوله كل هذا لبناتك

تقولين جنهم يايين من بيت رياييلهم يواعه

يقول ادري ما عليهم قاصر بس استانس اييبلهم

 

[new woman]

الله يخليك لكم

اتصدقين حتا انا اول لما كنت اروح بيت اهلي جني مجاعة ارروح الثلاجة علا طول

والوالدة الله يرحمها اتسويلي الطبخ اللي احبه مهما صار الوحده ما ترتاح الا بيت اهلها وتدلل عليهم

والبنت لما تتزوج اتصير عزبزة علا امها

 

[الغاليه ام احمد]

تصدقين الحال من بعضه

حتى احنا لما كنا نزور امي الله يطول بعمرها تتصل علينا وتقول اشمشتهين باجر غداكم

وابوي الله يرحمه اييب النخي والباجله والخبز الايراني من الصبح ويقعدنا من النوم يلا ريوق

مع ان ما ننام وايد عندهم بس اذا اشتهينا النومه نتفق انا وخواتي

وننام كلنا مع بعض وسوالف طول اليوم جنه ما شفنا بعض من زمان

 

[new woman]

علشان جذي انا ضد بيعت بيت الأهل

لأن مهما كان بيت الأهل اونس حتا لو الأخوان علا قلب واااحد

بيت الأهل له هيبته وعزوته

 

[الغاليه ام احمد]

صح انا بعد ضد بيعت بيت العايله بس اذا الواحد بقى نصيبه من البيت

يبي يبني اويشتري بيت ما تقدرين تمنعينهم