جيل الستينيات ...وينكم؟؟؟؟

[new woman]

نووووووووووووووووووم العواااااااااااااااافي

ام خالد

وباجر نتكلم علا السيراميك والمطابخ

 

[new woman]

ام أحمد وفطوووووووووووووووومة

اليوم وينكم عسى ما شر

 

[انا شفتك]

السلام عليكم شلونج ام عبدالله الله يعينج على شغل المطبخ لقيتي سيراميك والا بعد

 

[انا شفتك]

سوري شكلي خرفت ياام عبدالله السيراميك لام خالد الظاهر بلحقها وانام الطاقه الدماغيه انتهت

 

[انا شفتك]

شكله الحبيبات ناموا عيل بسوي مثل ما قالت ام احمد وبقرق شوي وبنسحب بالعاده ام احمد وفطومة متواجدين هالحزة يله ما عليه ...ام احمد ودي اسألج منو من البنات تلاقو وشافو بعض ... مشاوي شلونها طمنينا عليها....شكله ما عندي سالفه استودعكم الله

 

[الغاليه ام احمد]

السلام عليكم يالغاليات

 

[الغاليه ام احمد]

هلا وغلا بالكل شلونكم وشخباركم

توه يفضى اللاب توب بنتي الكبيره كانت عندي وتحجز فنادق لسفرتهم وتو يا ريلها وخذاها

انا شفتك اشلونج لا تكونين طلعتي

ام خالد الله يعينج على المطبخ لا والطباخه بتروح وااااااااااااي عذاب

ام عبدالله وينج حجزتي فنادق لامريكا ولا للحين

ام حمنو وينج اليوم ما بينتي اكيد مشغووووووووووووووووله

دلع الشمال شلونج صيروا مثلي سولفوا وخربطوا وحشوا واطلعوا

فطوووومه فطمطم وينج الظاهر كنتي تتسوقين للسفره

عصير ليمون شلونج للحين اخوج مخليكم على الويتنغ ما حجزتوا

ميثااااااا - العيوووووف -الحضرميه - ام محمد - تيووووليب -بشووووره -دلع الدنيا ووووووووووووووووينكم

 

[انا شفتك]

هلا والله ام احمد نمت وانا شابكه قعدت على صوت النقال قلت اسلم عليج وانام

 

[الغاليه ام احمد]

من مال الله يالايواد

ابي وحده تشبك وتسولف معاي

ويييييييييينكم يالصبايا

 

[انا شفتك]

حظج ردي ما فيه غيري ما عندي سوالف سولفي انت

 

[الغاليه ام احمد]

هلا وغلا انا شفتك يعلج تشوفين العافيه طول عمرج قولي امين

شفتي ياختي قعدت اطر البنات ابي احد يشبك هههههههههههههه

انتي شلونج وشخبارج وشلون العيال ونتايجهم خلصتوا الامتحانات

وشلون البيت اليديد فرشتي ولا للحين

 

[فطووومة]

السلام عليكم

شلونكم خواتي شخباركم


مبروووووك نجاح العيال

وهاردلك للباجي وان شالله يعوضونها

اهم شي لا تضيقون خلقكم ،،، وخلقهم

 

[الغاليه ام احمد]

انا بسولفلج الصبح رحت لفلبينية بنتي بالمستشفى المسكينه مسويه الزايده

والشي العجيب ان بالمستشفى اكثر من عشر فلبينيات مسوين الزياده

وعقبه مريت ميداس بشوف اثاثه وما عجبني ودخلت على يوريكا وشفت الغسالات الاتوماتيك

انا عندي خمسه طن ابي عشره لقيت وحده 11 طن تغسل بس ما تنشف ميه ميه بس الحلو فيها تغسل على البخار

 

[الغاليه ام احمد]

هلا والله فطوووومه شلونج وشلون البنات وينج قعدتي تتاخرين

الظاهر تبيين تتعودين على السفره وما تكلمينا بس اخذي التلفون معاج وفتحي الواتس اب

نبي تقرير كامل عن السفره

 

[انا شفتك]

هلا ام احمد البيت مهما سويت ما اخلص ادابج هنيه وادابج هناك ادعي الله يسهل الامور ونخلص العيال متشوقين لغرفهم يبون يسكنون بسرعه ونا ما خلصت ..فليبينية بنتج شلونها الحين....هلا فطوم شلونج

 

[انا شفتك]

ام احمد شالفرق بين الغساله الاوتوماتيك والعاديه مو جنه العاديه احسن

 

[الغاليه ام احمد]

الله يساعدج انا شفتك بس نصيحه لا تنزلين البيت الا وانتي فارشته كله

ترى بعدين تبردين ومالج خلق تكملين

الا اذا كنتي ساكنه بايجار لا والله قطي نفسج بالبيت وكملي على راحتج

اختي اللي بفهد الاحمد جذي اجارها 400 ولما خلص البيت بس سوت غرفة المعيشه والمطبخ وشرت ماتركس

وبس وسكنت والحين شوي شوي تفرش

 

[الغاليه ام احمد]

فطووومه انا عندي الثنتين الاوتوماتك وام الحوضين

الاتوماتك حطي الصابون والهدوم واهي تغسل وتسبع وتعصر ما علي الا اشرهم

اما العاديه لازم اشيلهم واحطهم بالعصاره واسبعهم

بس مال يوريكا قال هالنوع اليديد لا تخلين الخدم يمسكونه بسرعه يخربونه

خصوصا اللي تغسل على البخار

 

[فطووومة]

هلا وغلا ام احمد وانا شفتك

شلونكم حبايبي


وييي ام احمد جنها خدامتنا اليوم هم تعبانة وودتها اختي اللي اهي مرت حماي الطبيب وحولوها على العدان وسووا لها عملية صغرى مسكينة

وقعدت من 5 العصر ل 9 تقريبا واهي معاها جزاها الله خير


ويت ونامت بعد ما خذت دواها

واختي ومرت حماي الثانية كانوا عندي ففضيت متاخر

والصبح وديت بنت اختي المسافرة طبيب الاسنان ورحنا المجمع ورديت متاخر على 12 ونص تقريبا


انا شفتك مبروووك التعديلات وعليهم بالعافيه
والغسالة الاوتوماتيك وااايد احسن توفر عليج الوقت حطي الملابس وروحي سوي مليون شغله او حتى نامي

وغسيلها اكيد انظف وتطلع لج الملابس ناشفة اذا مو 100 على الاقل 70 بالمية

وام احمد الله يتمم لولدج على خير يارب ويرزقه الذرية الصالحة

 

[انا شفتك]

ام احمد انا فرشت غرف العيال والصاله الكبيره وغرفة قعدة خاصه لنا والمطبخ بس الي باقي اغراضنا هنيه يبيلهم جرد نص خلصته والباقي انطر ورى الامتحانات الله المستعان