جيل الستينيات ...وينكم؟؟؟؟

[الغاليه ام احمد]

ميثاااا جم عدد عيالج اسم الله عليهم واعمارهم

 

[ميثا الغريب]

إنشاالله بنروح لقطر ودبي جوله بالسياره من زمان ما سافرت بالسياره وراح يرافقنا أخوي وعياله

 

[ميثا الغريب]

عندي ولدين والله الحمد

8 متوسط 11 أدبي

عسا ربي ينجحهم ويوفقهم

أنتي عيالك كم وشنو أ عمارهم

 

[الغاليه ام احمد]

دربكم سمح ان شاء الله

بس الطريج بالصيف وايد حار جيكو على السياره واهم شي التواير

 

[الغاليه ام احمد]

اسم الله عليهم الله يخليهم لج ويوفقهم وتفرحين فيهم

 

[ميثا الغريب]

الساتر رب العالمين

ممشانا إنشاالله باالفجر

 

[الغاليه ام احمد]

الحمد لله انا عندي ثلاث بنات وولدين البنات الكبار متزوجات وحده عندها بنتين وولد

والثانيه عندها بنت

وولدي احمد دكتور اسنان وملج

والثاني بالجامعه والاخيره دلوله ب12

 

[الغاليه ام احمد]

ترى الطريج سهل وشارعين بس اهم شي لا تسرعون

 

[ميثا الغريب]

ماشاالله
عسى ربي يحفظهم ويخليهم دوم حواليك

آميــــــــــــــــــــــــــــــــــــــــــــــــــــــــــــــــــــــــــــــــــن

 

[ميثا الغريب]

رحتي من قيل حق الإمارات بالسياره

أنا خبري فيها من سنة 1999

عتيجه صح

 

[الغاليه ام احمد]

اللهم امين ويسلمج حبيبتي ويخليلج عيالج

 

[الغاليه ام احمد]

اي انا كل سنه لازم اروحلها خصوصا من 99 كل سنه نروح خصوصا باحتفالاتهم شهر 1و2

وكله بالسياره بس 2009 و2010 رحنا بالطياره

وانا وابو احمد تونا رادين منها ومن قطر بالسياره قبل العيد الوطني بيومين ردينا

 

[ميثا الغريب]

شرايج بقطر
أبو العيال مو مقتنع إنا نمرها

شنو فيها مميز
كو الطريق بالسياره

 

[ميثا الغريب]

وين سكنتوا وشلون الأسعار

 

[الغاليه ام احمد]

قطر حلوه بس غاليه شوي واحنا اذا رحنا نسكن عند اصدقاء لنا ما يرضون ناخذ فندق

وترى ما فيها الا سوق واجف حلو بس مكشوف اكيد بالصيف حار

ومجمع فيلاجيو وايد حلو للتسوق ومطاعم والعاب لليهال

 

[ميثا الغريب]

شرايج تشاركيني

قاعده أكل خوخ وكوجه

الجو حار صج وقته الحمضيات

تبين؟؟؟؟؟؟؟؟؟؟؟؟؟؟؟؟

 

[الغاليه ام احمد]

يعله مداخيل العافيه

هني حبيبتي

 

[ميثا الغريب]

أشوفج بالليل

باي

 

[الغاليه ام احمد]

الله معاج حبيبتي

 

[العيوووووف]

السلام عليكم

شلونكم يالغاليات شلون عيالكم واهلكم وجيرانكم وكل من يعز عليكم

اشتقت لكم خداماتي وحدة سافرت والثانيه عساها الماحي انحاشت

كلمتني من السفارة تقول بقعد ليما تجيبون خدامه ثانيه ما اقدر علي الشغل بروحي

مستعجله الله يهديها نطري ونقطعت عنكم الف علي مكاتب الخدم ادور وبس امس لقيت

والحمدلله طباخه والمساعدة عشتوا مالتها للتنظيف

زمن اغبر اهم اللي يتشرطون مو احنا​