جيكي فاتورتج قبل لا تطلعين من السوق

[~.ąvȍƈaȚ.~]

اييي يا ما صارت


مره كنت رايحه محل بيكوكس بالافنيوز كان حزة سيل

في شي كان بعشرين وشي حاطين عليه يمكن 11

و نفس الشي شغله ثانية مادري جم كان سعرها و صارت ارخص

يوم رحت المحاسب الا القطعة الاولى 16 !! و الثانية نفس الشي الفرق يمكن صار 10 دنانير

عاد ما سكت قلتلها ليش حسبتيه جذي و اهوا سعره جذي ؟! تقولي لا الليبل غلط

ماشالله الليبل غلط بكل المحل !! سبحاان الله

عاد قلتلها مابي القطعة الثانية بس القطعه الاولى لأن اكتشفت انها طريقة يستغفلونا فيها

و انا بعد عندي طبع خايس يمكن عند الاغلبية لما يعطونا الردود ناخذها ونقطها بالبوك و لا نحسب صح و الا لأ



و همن مره كنت بالمكتبة

ماخذه ستكرز لووول يمكن 4 حبات و ما كانوا غلي يمكن الواحد بميتين

حسب الا اهوا 3 دنانير عاد انا حسيت في غلط و سكت

اشوف الفاتورة الا في شي غلط !!

عاد صندوقنها رقمه ألف و شي يقولي الكاشير مصري كان آآه دنتي اولتي رأم الصندووء و انا كتبته بالسعر يا سلاام لوول عاد ردلي فلوسي

 

[بشه المنفشه]

نورتوا بنات

اطلعت هالسالفة منتشرة عيل !

 

[حجيه هيونه]

يووووووووووووووه عدي وخربطي كلتيها بكل مكان واستغفر الله عشان ما اظلم بكذا مكان

ما انكر انه احيان يكون بدون قصد بس احايين كثيره يكون في تعمد

اهم شي ننتبه انا اراجع الفاتوره بصراحه لما ارد البيت اقعد اجيك


والله يفكنا من شر هالناس الى جذي اسلوبها تحب الحرام

 

[ديانا سبنسر]

تصير

 

[ركووزه]

خوش موضووووووووع

 

[MissChoco]

تصير وتصير بعد

انا صارت فيني بالجمعيه حسابي صح وكل شي اوكي بس لمن رديت البيت ولا مو حاطيلي الزعفران!! استغفرالله مادري بايقينه مادري شسالفتهم تخيلو سعره ابـ4 وكسور جريب الـ5 صج احتريت وكنت حامل مالي خلق اردلهم


وامس كنت بمذركير شفت فنيله كنت شايفتها بشرق حاطينها بالسيل عاد امس رحت مذركير احدى الجمعيات ولا مو حاطينها من ظمن السيل وقتلها هذي عليها دسكاونت قالتلي لا قتلها لا عليييها وجيكي وانا متاكده ولا واقفه المديره ورا والموظفه تكلمني
ولمن جيكت ولا تقول اوووه يس عليها دسكاونت ولمن لفيت شفت المديره شفتها تبتسم!! ولفيت ويهي عالموظفه تبتسم جنه الي خاشه ابتسامتها مادري شقصدهم!!

 

[جلاديلياس]

يعطيج العافيه حبوبه عالتنبيه

 

[kuwaitya_zoGaa]

انا مره كنت اشتري من محل طلع حسابي 76 دينار !!
انصدمت عاد سالت مالت الكاشير انه مستحيل يطلع هالسعر فانصدمت وقالت لى نو مدام انتى شاريه اشياء وايد لمهم شكيت بنفسي ولما ركبت السياره وانصدم انه القطعه الوحده كانت محسوبه على بدينارين @@ !!
وتوني برجع لهم والا اهمه يايين يركضون وخايفين ويتاسفون وتدرون جم طلع حساب ؟؟؟
20 دينار بس !!!!!!!!

 

[هيفو777]

احلى موضوع
سمعو سالفة رفيجتي كانت حامل وراحت الجمعيه مع زوجها يجيلون اغراض البيت وهم يحاسبون اتعبت وقعدت على الكرسي وزجها يحاسب الاغراض وشافت العامل اللي يحط الاغراض بالجيس يخش لجياس لصغار اللي فيهم ككاو وما يحطهم بالعربانه تصدقون وراحت رفيجتي كلمت العامل جان يقولها سوري مدام انا نسيت
وتقول رفيجتي انا اشوف كل ما اطرش زوجي للجمعيه اييب الاغراض ناقصه ويحلف يقولي والله العظيم انا حاطه بأيدي
اظلمته المسكين
بنات جيكو على لجياس والفاتوره والاغراض يمكن زايد او ناقص

 

[هيفو777]

اب اب