جيكي فاتورتج قبل لا تطلعين من السوق

[بشه المنفشه]

السلام عليكم ورحمة الله وبركاته


اليوم كنت بماركس اند سبنسر شريت شغلة بالخصم ضمن وايد أغراض ورحت حاسبت عادي وطلعت
صدفة بنص الطلعة فتحت الفاتورة ولا حاسبين الغرض اللي شريته بسعره الأصلي كامل مو بالسعر المخفض ورجعتلهم مرة ثانية وردولي فرق السعر

بنفس الطلعة هم رحت بشتري تكرمون جوتي وسألت اللي يبيع جم سعره قالي هالكثر .. خذيته ورحت عند الكاشير بدفع ولا تقولي سعر مختلف تماماً وطبعاً أكثر !!!! قلتلها توني سائلة اللي هناك قالي سعره جذي وجذي !!!!! جان تضحك تقول لا هذا سعره الصجي

المهم حبيت أنبهكم .. أكثر الأوقات نشتري أغراض وايد وندفع وما ندري صح اللي دفعناه ولا غلط فلاااازم تشوفون الفاتورة لأن هالأخطاء سواء مقصودة أو لأ وايد تصير

حتى بالمطاعم عاد الإبداع .. يبقالج خردة أو يتعمدون يحطون لج خردة مفللة زين ما يحطون خمسات وعشرات بعد وإنتي تاخذينهم وتحطينهم بالبوك ما تدرين كاملين ولا ناقصين

احنا تعودنا نقول فدوة .. بس البوق عيني عينك يبط الجبد الصراحة

 

[بشه المنفشه]

طرى علي مرة بدبي شريت برد وردلي الفلوس ناقصة 5 دراهم .. قلت عادي يمكن مانتبه
عقبها بجم شهر رديت سافرت دبي وشريت من نفس المحل برد وهم عطاني الفلوس ناقصه 5 دراهم !!!!!!

تلقون اللي يبيع الحين صار مليونير من كثر الزباين اللي يخصم منهم هالخمس دراهم خخخخخخ

 

[بشه المنفشه]

uppp

 

[اروى77]

يزاج الله خير اي والله صاجه المفروض انجيك على كل فاتوره مهما كانت

 

[حقـوق]

السلام عليكم ورحمة الله وبركاته


اليوم كنت بماركس اند سبنسر شريت شغلة بالخصم ضمن وايد أغراض ورحت حاسبت عادي وطلعت
صدفة بنص الطلعة فتحت الفاتورة ولا حاسبين الغرض اللي شريته بسعره الأصلي كامل مو بالسعر المخفض ورجعتلهم مرة ثانية وردولي فرق السعر

بنفس الطلعة هم رحت بشتري تكرمون جوتي وسألت اللي يبيع جم سعره قالي هالكثر .. خذيته ورحت عند الكاشير بدفع ولا تقولي سعر مختلف تماماً وطبعاً أكثر !!!! قلتلها توني سائلة اللي هناك قالي سعره جذي وجذي !!!!! جان تضحك تقول لا هذا سعره الصجي

المهم حبيت أنبهكم .. أكثر الأوقات نشتري أغراض وايد وندفع وما ندري صح اللي دفعناه ولا غلط فلاااازم تشوفون الفاتورة لأن هالأخطاء سواء مقصودة أو لأ وايد تصير

حتى بالمطاعم عاد الإبداع .. يبقالج خردة أو يتعمدون يحطون لج خردة مفللة زين ما يحطون خمسات وعشرات بعد وإنتي تاخذينهم وتحطينهم بالبوك ما تدرين كاملين ولا ناقصين

احنا تعودنا نقول فدوة .. بس البوق عيني عينك يبط الجبد الصراحة

هالموقفين صارو فيني بالضبط الاول بسيتي سنتر شريت بايركس .. للطبخ .. كاتبين ان سعره كان 4.250 والحين صاير بـ 3.500 وشريته .. لما شيكت على الفاتوره ولا حاطين سعره القديم ولا اقول لهم .. ويقولون ان الخطأ غير مقصود

والموقف الثاني صار فيني بسنتر بوينت .. اخذت لى جوتي .. محطوط عليه انه ب6 ولما رحت عند الكاشيره ولا سعره بـ 12 .. انصدمت قلت لها انا شايفه عليه ستيكر انه ب6 جان تقولى ملزق بالغلط .. سعره بـ 12 .. ورديته والله ماخذته ..

والمطاعم انا عامله حسابي .. بوكي حتى فيه الخمسه فلوس .. واحط لهم الفلس بالميلي .. لان مرات تجيج الفاتوره 10.024فلس يعني من وين تدبرين ال24 فلس .. انا احط 25 .. لان لو لهم الفلوس مايسامحونج لو بفلس قطيعه ..

طرى علي مرة بدبي شريت برد وردلي الفلوس ناقصة 5 دراهم .. قلت عادي يمكن مانتبه
عقبها بجم شهر رديت سافرت دبي وشريت من نفس المحل برد وهم عطاني الفلوس ناقصه 5 دراهم !!!!!!

تلقون اللي يبيع الحين صار مليونير من كثر الزباين اللي يخصم منهم هالخمس دراهم خخخخخخ

بعد سنه ردي لدبي ماراح تلقينه .. هههههههههههههههههههههه

 

[طير الحب]

صاجه ياما صارت

انا بفرنسا رديت البيت ولا حاسبه لى العطر مرتين بس هذه شكلها مو هين لانها قالت حاسبى عند هذه بالذات وسوت حركه شكلها ملعوبه

والعطر85 يورو رديت لها تبلعمت وقالت ايه صح بدون لا تشوف الفاتوره حتى هذا اللى اكد لى شكوكي يعنى مرات مو غلط الا استهبال

الله لا يحلل اللى يسوى جذيه

 

[<<لمار>>]

الله يعينا عليهم

 

[_كلي دلع_]

مشكؤرهـ ع ألتنبيه

 

[ماريمار الكويت]

قطيعه تصير وايد اذكر اختي مركز تجميل الفافافوم شاريه ١٤ دينار واسحبو منها كينت وماتدري على طول الورقه بالزباله بعد يومين دقو عليها وقالو لها انتي كنتي عندنا بالمركز وسحبنا منج ١٤٠ دينار بدل ١٤ غلطة موظف والحمد الله ردوها لها

 

[بشه المنفشه]

إذا اشكره يقولون فلوسكم وايد .. الله يكافينا شر الحسد

بس بعضهم حرام ما يقصدون

 

[$حبيبة عبودي$]

انا موباط جبدي الا مال فرعنا..
مابي اضلمه عمرري ماطالعت الفاتوره وااااثقه الاخت بالجمعيه
بس مرا راحت معاي اختي بنشتري حق عيالنا خرابيط
وحلاو شوي ولايقول تسع دنانير ومادري جم فلس
وجيت بطلع فلوسي ولاتقول اختي لحظظظظظه لحظظظظه
وتطلع شي شي وتحسب حلاوه حلاوه واهو يحاول يعقدناااااااا
انا طلعت مالي اخلق اجادل وعقب عشر دقايق تجي
اختي ولاتقولي انتي ثاني مره جيكي موتخلينا اغبياء جدام هالجنسيات
قلت جم حسابج قالت ست دنانير هههههههههههههه
قلت يماااا عمى بعينه نصاب..والحييين كل مارحت اجيييييييك ..

 

[MiSs_PiNkOz]

والله هالسالفه وايد تصييير اب كوفي ستار بكس اطلب ويطلعلي الطلب اكثر من سعره الاصلي ومرات اقول يلاا نمشيها صدقه


وكذا سالفه صارت حق امي مع الكاشير مال الجميعه يقوم يلعب بالحساب وهي تجيك ع الفاتوره تلاقي حاسب اشياء موشاريتها غير اللي انا وريلي ندفع

فلوس علي اغراض نشتريها من الجمعيه واخر شي موحاطلنا جيس او جيسين

 

[PuPa^^SWeeT]

هذي اتصير وايد


بس انا اتصير شنو اني لما احسن اشوف المسكييين حاسب اقل من السعر المفروض


يعني مثلا 3 جواتي تكرمون المفروض 20 يقولي 14


فرق ؟؟؟؟


عاد اخاف والله فا اقووله احسب عدل بالاول عندك 6 تدفعهم من جيبك


عاد مسكيين يدعيلي





مرة بالجمعية شريت اغراض ولا الهندي نسى يرفع حليب كيدي دي من العربانة تحت لما وصلنا السيارة ولا اتذكر انا لما رديت بالاغراض


المصري تم يصرخ عالهندي؟؟؟؟ انا كسر خاطري قلت بقلبي الشرهة علي اللي رديت خفت ربي فيك




عاد مادري شلووون صرخ عليه بعد ما مشيت اهو مادري وين راح ولا يطيح


قلت صار فيك المسكييين الهندي ماتسوا عليه نسى

 

[غلات اهلها]

اب اب

 

[@ام يوسف@]

جزاج الله خير نبهتينا

 

[CUTIE-THUG]

انا لما رحت اشتري اغراض المدرسة من القادسية و رديت البيت لقيت بالفاتورة شي سعره 5 دنانير و مكتوب يمه ( 2 ) يعني شاريه منه اثنين و انا ماشريت شي بهالسعر و اصلا ما شريت من اي شي اثنين كم قلم و كم دفتر بس

 

[كشفو سر الهوى]

و الله عمري ما جيكت على فاتورتي لا محلات و لا جمعيات و لا غيره

الظاهر تصير معاي هالحركه لان معاشي ما يقعد يطييييييييييييير و انا ما اشتريت شي يذكر انصدم لما يخلص معاشي

 

[(المباركيه)]

يعطيش العافيه
نبهتينا صراحه

 

[شقاوتي غير]

يعطيج العافيه على التنبيه وانا احس اني في فرق بالاغراض الي اشتريهم طلع كل هذا نصب ان شاء الله بجيك مره ثانيه

 

[L a w y e R]

مشكوره عالتنبيه حبيبتي

انا مره بارض المعارض حزة معرض التجميل والعطور

شريت من وهران وحسابي طلع 15 دينار رديت البيت شفت الفاتوره انصدمت !!

خاصمين مني شي و50 تقريبا ولما رديت لهم مديرتهم اللبنانيه رحبت فيني وكيفت علبو امس شاريه واليوم راده اشتري بعد مره

بس لما قلتلها خاصمين زياده نفست وذلفت يعني ماعرفج وخلتني انطر الموظفات اللطيفات يعطوني ويه

اخرتها بروحي رحت حق الكاشير وماكان نفسه اللي حاسب لي امس ، اقوله المبلغ غلط يقول مستحيل !! صج تنرفزت

اخر شي الكاشير اللي غلط بحسابي يه تعذر مني وسامحيني وتدرين معرض ولويه

اخذت فلوسي ورديت حق مديرتهم ، قلتلها والله العظيم لو هو دينار كنت راح ارد اخذه لاني ماحب احد يستغفلني

امس علبو انا واهلي شرينا حبيتينا واليوم لما اقولج الحساب غلط ماتعرفينا ؟

الله لايوفقهم هالناس اللي جذي