السلام عليكم ...اشلونكم ..بعد ماشجعتوني بموضوع المعجنات ..حبيت أكتب لكم هالطريقة المضبوطة واللي تظبط حتى مع العليمية والمبتدئة بالمطبخ..
الطبقة السفلية:
2 كيس دايجستيف المطاحن مطحونين + ربع زبدة سايحة وربع كوب ماي يخلطون مع البسكوت المطحونويرصون بقالب خاص للجيز كيك اللي قاعدته تنفصل
الطبقة الوسطية البيضاء:
المقادير 3بيضات
نص قلاص شكر
2علبة فلادليفيا الحجم العادي
طريقتهم تخلطين البيض مع الشكر بالخلاط الكهربائي مال الكيك ولما يختلطون عدل حطي شوي فانيليا عشان زفرة البيض وحطي الجبن وكملي خلطي بخلاط الكهرباوعقبها فرغيه كله فوق طبقة البسكوت بماعون الجيز كيك وتكونين مجهزة الفرن نفس الدرجة اللي تحطين الكيكة العادية فيها ..وغلفي أرضية الماعون بقصدير وحطيه داخل ماعون به قليل من الماء (يعني تسوين حمام مائي للجيز كيك بس بداخل الفرن ) وبس خليه تقريبا نص ساعة ويمكن ياخذ أكثر بشوي ولما تهزين الماعون وتشوفين الطبقة البيضة صاكة وجامدة ماتهتز يعني خلاص ...طلعيها وخليها تبرد وحطيها بالثلاجة وبعدين نقليها لمعاون ثاني ..فصلي القاعدة وإخذي ملعقة كبير اللي تصير مستطيلة ومستواها واحد ..عشان تحاولين تدخلينها تحت البسكوت وتفترين على دار مدار الماعون وانتي تحاولين تعزلين البسكوت عن قاعدة الماعون وعقبها زحلقي الطبق كله يعني ميلي الماعون عشان تحطينها بصحن التقديم وصدقوني إن شاء الله راح تكون متماسكة معاكم وبس زينيها بالصلصةاللي اهي الطبقة الفوقية والأخيرة صلصة الفراولة الجاهزة أو 3 جالكسي تسيحينهم بحمام مائي مع قوطي قيمر <<<بس الفراولة أحلى طبعا بالشكل والطعم وتطلع لج مثل هالصورة
:
الطبقة السفلية:
2 كيس دايجستيف المطاحن مطحونين + ربع زبدة سايحة وربع كوب ماي يخلطون مع البسكوت المطحونويرصون بقالب خاص للجيز كيك اللي قاعدته تنفصل
الطبقة الوسطية البيضاء:
المقادير 3بيضات
نص قلاص شكر
2علبة فلادليفيا الحجم العادي
طريقتهم تخلطين البيض مع الشكر بالخلاط الكهربائي مال الكيك ولما يختلطون عدل حطي شوي فانيليا عشان زفرة البيض وحطي الجبن وكملي خلطي بخلاط الكهرباوعقبها فرغيه كله فوق طبقة البسكوت بماعون الجيز كيك وتكونين مجهزة الفرن نفس الدرجة اللي تحطين الكيكة العادية فيها ..وغلفي أرضية الماعون بقصدير وحطيه داخل ماعون به قليل من الماء (يعني تسوين حمام مائي للجيز كيك بس بداخل الفرن ) وبس خليه تقريبا نص ساعة ويمكن ياخذ أكثر بشوي ولما تهزين الماعون وتشوفين الطبقة البيضة صاكة وجامدة ماتهتز يعني خلاص ...طلعيها وخليها تبرد وحطيها بالثلاجة وبعدين نقليها لمعاون ثاني ..فصلي القاعدة وإخذي ملعقة كبير اللي تصير مستطيلة ومستواها واحد ..عشان تحاولين تدخلينها تحت البسكوت وتفترين على دار مدار الماعون وانتي تحاولين تعزلين البسكوت عن قاعدة الماعون وعقبها زحلقي الطبق كله يعني ميلي الماعون عشان تحطينها بصحن التقديم وصدقوني إن شاء الله راح تكون متماسكة معاكم وبس زينيها بالصلصةاللي اهي الطبقة الفوقية والأخيرة صلصة الفراولة الجاهزة أو 3 جالكسي تسيحينهم بحمام مائي مع قوطي قيمر <<<بس الفراولة أحلى طبعا بالشكل والطعم وتطلع لج مثل هالصورة
:
التعديل الأخير:
