جيراني دمرو نفسيتي

[الاهله]

السلام عليكم
اتمنى انكم تساعدوني في اختيار الحل الصحيح لان وصلت لمرحله بس ابكي وبسسس حتى علاقتي مع زوجي سائت ومع الكل ملللوو مني لاني مافي لساني الا جيراني وش اسوي معهم

انا ساكنه بشقه تمليك اشتريتها ارضيه وكسرنا الجدران وسعناها وشلنا الارضيه خليناها باركيه المهم خسرنا فيها ودفعنا دم قلبنا
لكن المصيبه ان الشقه اللي فوقنا اشتروها ناس اعوذ بالله منهم حسبي الله عليهم مزعجين ركض عيالها وتدبك وصقع بالأغراض وبالاثاث بكل وقت على كيفها ماكن احد ساكن تحتها

كلمتها وقلت لها وزعلت ولاعطتني وجه صار زوجي يكلم زوجها لما يكامه يهجدون نفس اليوم عقب يردون اسواء من قبل لانا قادرين ننام الا لين نامو ولا نرتاح والمشكله اني كرهت الشقه وصرت مااقدر ادخلها من ادخلها ابكي ويصك قلبي واحس ابي اطلع كانها سودا بوجهي

للعلم انا شفتها مره جاتني اول ماسكنو وانا ماعندي عيال وهي عندها 4 وحامل

ساعدوني وش الحل لاتقولون بيعوها لان باقي نسدد للبنك حنا ماخذينها ع البنك فمانقدر نبيع

الله يجزاكم كل خير

 

[الاهله]

مافي احد ببرد قلبي

 

[Pink_Roses]

نفس مشكلتي بس على الاقل انا ساكنة بايجار وناوين نغير الشقه اول ما نلاقي بديل

الناس صايرين قليلين اب انا زوجي لما كلم جارنا عن ازعاجهم طول 24 ساعة قاله كل واحد حر في بيته والممصيبه ان نفس هالريال يتهاوش مع صبيان الفريج ويطلعلهم من الدريشه ويصارخ ليش يلعبون كرة بالشارع جدام العمارة

يعني ما يبي ازعاج بس عياله وزوجته يلعلعون صراخ وهواش طول اليوم عادي

 

[غير كل الناس]

الله يعينج

 

[الاهله]

أي لو ايجار كان اهون علي كان نقلت وخلاص

 

[تمره بحلاوتها]

الله يعينج ويهديهم

 

[منيره آل ثاني]

الله يكون في عونج ان شاء الله

 

[الفجر البعيد 26]

والله مادري شقولج حبيبتي صج الجيران المزعجين مشكلة ! ادعي ربج بيده الحل سبحانه وتعالى والله يوفقج​

 

[الاهله]

امين يارب الله يسهل الامور

 

[كيلو كنافه]

حسبي الله عليهم
جربوا تحطون عازل

الله يكون بالعون