جيرانا المزعجين

[الاهله]

السلام عليكم

بنات انا اشتريت شقه وهدمنا فيها وغيرناها ودفعنا فيها فلوس واجد

وفي الاخير يسكنون جمبي جيران مايعرفون شي عن الذوق والاحترام

الاغاني مرفوعه حدها والله كانهم جايبين دي جي والله العظيم اذا احد اتصل علي

يقولي وينك بزواج والله العظيم من علو الصوت هذا غير اصواتهم العاليه مايتكلمون الا بصياح

وسيارات ضيوفهم بلخمس والست وعند بابنا انا مغبونه ضايق صدري تحسفت اني اشتريت الشقه

ومدري وش الحل كلمهم زوجي وزادو وصارو يعاندون واذا قلت له نكلم الشرطه يقول موزين

علينا نوصلها للشرطه صرت اقراء قران ابي هلضيقه الي بصدري تروح

يارب يتغير الحال لاني تعبت مرره

 

[Tom ♥ Jerry]

,


عندج خيارين
1/ تغيرين الشقه
2/ تشتكون عليهم

الخيار الأول طبعا صعب كونج تعبتي عالشقه
اكيد الخيار الثاني اسهل و منطقي
بعدين شكو يخوفونكم مآلكم شغل فيهم /:
القآنون وياكم شكو خآيفين !!!!!!!!

 

[امـ خــزامـى]

^^^^^^^^^^^^

معاها

 

[ام توفي وزنوبه]

اسأل عن الجار قبل الدار .الله يريح بالج

 

[شقاوتي غير]

حبيبتي اول شي انتي كلميهم بنفسج باسلوب حلو اذا مانفع مافي الا الشرطه

اذن عطيتوهم مجال بالتفاهم ومارضوا بس بالقانون الكل يرضى

 

[ام غازي 2012]

الله يعينكم

 

[الاهله]

وانا بعد زيكم اشوف ان افضل حل هو الشرطه لانه تعبنا كثير

المشكله زوجي ان شاءالله يقتنع هو رافض فكره ان نوصلها للشرطه بس اذا زادو في الازعاج يقول خلاص بكره بشتكي وعقب يبرد

 

[يجازيك بحبك]

الله يفرج همج يارب

 

[سنيوؤره]

شدعوا توصلينها للشرطه
ترا الجار قبل الدار
و تؤجرين لانج متحملتهم و الرسول عليه الصلاه و السلام وصى لسابع جار
و اذا تذكرين موقف الرسول من جاره اليهودي
و انتي كلمي جارتج بنفسج و باسلوب حلو و بضحكه و اقنعيها انج منزعجه حيل من هالاصوات
و الله يبدل الحال لأحسنه يارب

 

[سندس 90]

الله يعينج

 

[قطوووة]

مالج الا الشكوى

 

[وردة وطني]

الله يعينج والبنات ماقصروو

 

[ام الحلوااات]

شدعوا توصلينها للشرطه
ترا الجار قبل الدار
و تؤجرين لانج متحملتهم و الرسول عليه الصلاه و السلام وصى لسابع جار
و اذا تذكرين موقف الرسول من جاره اليهودي
و انتي كلمي جارتج بنفسج و باسلوب حلو و بضحكه و اقنعيها انج منزعجه حيل من هالاصوات
و الله يبدل الحال لأحسنه يارب

مــعـــاهـــا لا تــوصـلــيــنــهــا حــق الــشــرطـــه :eh_s(15): :eh_s(15):​

 

[ناتشوو]

حتى لو وصلتيها للشرطة
اوكي
شنو بيسوون الشرطة
كل ماطولو ع الاغاني بتدقين عليهم
صعبة
دام اصلا ماعبرو زوجج لما كلمهم
انا اقول اذا جا سعر مناسب لشقتج
يعوضكم باللي دفعتوه فيها
بيعوه
بس عاد
صج الاغاني
حيل طويلة
طول الوقت
ولا كان مناسبة عندهم ؟؟

 

[mrs.abk]

بالذوق .. بالسنع .. روحوا كلموهم ..

نفس المشكلة عندي بس الحق ينقال موب أغاني .. اللهم يوقفون سياراتهم قدام بابنا ويسكرون علي الكراج .. كلمنا الجار في البداية وللأسف اللي لقيناه كان أخو زوجة جارنا وكان وقح لأبعد الحدود ..
بعدين كلمنا صاحب الملك .. وراح كلمهم وتوقحت الجارة عليه ..
وأخر مرة زوجي لقى صاحب البيت نفسه وكلمه والحمد لله انتهت المشكلة ..


الشيء الثاني الزوجة صوتها وايد عالي ودايما صريخ على عيالها والشغالات خاصة الساعة 6 الصبح .. توني أقول الحمد لله الذي أحيانا بعدما أماتنا ... واللا أسمع صريخها وهواشها .. توقف في حوش البيت تصارخ ..
اليوم الصبح أسمعها وأقول الله يهديها يارب ..

 

[*مطبخ الذواقة*]

وي الله يعينج ....والله مشكله هالنوع اذا كلمتيهم بالطيب ما يفهمون ...وممكن يتمادون أكثر..



الله يعينكم...

 

[اميره بعيونه88]

اناا معاهم لا توصلينها لشرطة حطي لوحة وكتبي حديث او حكمه او اية قرانيه عل وعسي يصحون من غفلتهم والله يصبرج علي ما ابتلاج

 

[شادن33]

اللي ما يستحي لا تستحي منه
اشتكوووووووووووا

 

[زوجة عزيز]

رديت عليج خاص

 

[الاهله]

ماقصرتوواا بنصايحكم مشكورين الكل

وبلنسبه الي تسال هل دايم يشغلون اغاني تقريبا بين كل يومين

زوجه عزيز شلونج انشالله بخير