جولينار ،، حسافه راح علي هالاسم

[ريتااجي]

رد : جولينار ،، حسافه راح علي هالاسم

أختي إسم بنتها جولينار وأنا عاجبني الاسم

بس ماأحب أسمي عيالي بإسم موجود بالعايلة

ولدي أنا اللي سميته على إسم أبوي ربي يطول بعمره

سميته عبدالله

وريلي يقول لي الولد الثاني أنا راح أسميه على إسم أبوي

أما أحد يتدخل في الإسم لا طبعا ماحد له حق حتى اقتراحات مايعطوني

لإن أنا اللي تعبت عليه وأنا اللي المفروض اسميه أنا وأبوه

ومشكوووورة ع الموضوع

مواضيعج كلها تجنن مثلج

 

[ابلة لولوة]

انا ماسميت ولا واحد من اعيالي الله يحفظهم

كله ابوووهم مجهز لسته الاسامي قبل لا احمل وكلهم على اسامي اهله

بس بقى خدامتهم اللي ماسميت عليها

كلش موديكتاتوري

 

[Daleela]

حبيبتي اسم شدن له اكثر من معنى

شدن = شجره طيبه الرائحه مثل شجره الياسمين والمعنى الثاني الضبي اللي اهو الغزال الصغير

 

[جولينار]

خفت لما قريت نكي ههههه

بالنسبة لي مارزقني الله بأطفال لحد الان ,,

بس تقريبا من الحين متفقين انا وزوجي ع الاسامي ,,

الله يجيبهم على خير لاني خلاص سميتهم فديتهم

ومشكورة صاحبة الموضوع

 

[Rimova]

ولدي مسمي نفسه على الرسول ص ومثل اسم ابوه

روان ماكان عاجبه بس سمى عشاني (اسمها لايق على اسمي

شوق انا احبه من قبل مااتزوج ولما قتله وافق عالاسم

كنا متفقين ان البنات علي بس مايكون من الاسامي اليديده والغربيه وان يعجبه

 

[امى كل دنيتى]

صاااجين بنات بصراحة انا ماااحب احد يتدخل باسم طفلي لان من حقنا انا وابوه شكو العايلة تدخل مادري وخاصة اهل ريلي حيل يتدخلون ولدي اتفقنا انا وريلي على اسمه ومن ولدته راح ابوه وسوى ميلاديته والناس للحين تتناقش شنو يبون الاسم يعني صدمهم وبصراحة عجبني حركة حلوة لان عندة اهل ديكتاتورية

 

[بولندية]

انا كنت ابي ناصر على اسم ابوووي و هم احب هالاسم


بس الحين حبيت لي واحد اسمه ناصر و اذا الله كتب و تزوجته شلون اسمي ولدي ناصر !!

تنازلت عن الاسم

 

[^noonaa^]

اي والله كان خاطري اسميي على امي وخالتي شوي وبغت تاكلني وتبيني الاا اسمي عليها عطيتها طااف وسميت بنتي بكيفي انا وريلي

 

[جوري 2007]

انا احب الاسامي الغريبة المقبولة او على الاقل موموجودة بالعايلة

بغيت جوري واشوى الحبيب وافق على طول

بس الولد منقيه من قبل لايتزوج حتى

 

[دارين79]

رد : جولينار ،، حسافه راح علي هالاسم

آنا اتفقت مع زوجي اذا بنت آنا اسميها واذا ولد اهو يسمي بس جبت
احلى ولد وسماه على اسم ابوه
الصراحه يستاهل اللي يسمي عليه

 

[DooLy88]

لا والله - للحين مايبت عيال ولا افكر باسم بعد

 

[توليب بنفسجي]

رد : رد: جولينار ،، حسافه راح علي هالاسم

حلللللللوووووووة زينب الحوراء
الحمد لله والشكر
أتغشمر هههههههه

الاحلى اسم يزيد
و الثاني سميه معاويه
هههههههههههههههههههههه اتغشمر

 

[ام_ركون و دندون]

ريلي سمه ولده راكان وانا سميت بنتي دانه

 

[أم زنوبة]

ياااي عاد انا مو بس فيني حره على الاسامي

وانا حامل اتفقنا انا وريلي على ان اسم البنت الي ابطني ريان او ملاك
وحدنا مستانسين ... جان تقوم خالتي وتقول حق ريلي سمها على اسمي واعطيك 400 دينار

وعاد ريلي انخلق بس عشان امه ما صدق خبر خير وبسميها خلاص... قالي جان استغرب
جان اقوله لو بنسمي نسمي بدون فلوس مو مشترى الاسامي ولا غصب ... بالمسايس خذيته المهم

على يوم قلتله ترى انا حلمانه ولازم نسمي البنت زينب لوووول<<<< لا حلمانه ولا شي بس ابي الفكه من اسم خالتي

بالاخر مقتنعين بالاسم انا وريلي وعطينا خالتي طاااف ::

 

[@البتووول@]

ولدي الأول ريلي سماه على كيفه وكان مخطط على الأسم من زمان وعادي رضيت والثاني قال على الوزن وهم لأني طيبه وحبوبه تنازلت والحين يقول إنسي البنت بسميها على أمي <<< عاد إسم خالتي ينفع للماضي والحاضر بس أنا خاطري بإسم بتول أموت على هالأسم المهم أنا حاطه ببالي إنا إذا الله رزقني ببنت بيكون إسمها على أمه إلا إذا الله رزق حماي وتزوج وياب بنوته وسماها على أمه هذا شي ثاني ههههه <<< أحلام اليقظه مع إنه خالتي تستاهل اللي يسمي عليها بس أنا أحب إسم بتول شسوي

المهم طاف بس اللي صدمني إنه يقول إذا الله رزقنا بصبي أبوي راح يسميه<<<حسسني إني مجرد مكينه تفريغ هذا جزاة اللي تتنازل لوووووول عاد خاطري بإسم إبراهيم وإلا أسامه

 

[!الجادل الصعب!]

والله انا قايلي .. اول ولدين وبنت هو بيسميهم ..!

يعني انطر البيبي رقم 4 واتهنى بالاسم ..!

بس دآمنا بالاول فيه آمل ..!

 

[سارووونه22]

انا قصتي قصة امي تبي على اسم ام ريلي عشان رفيجتها و ام ريلي تبي رباب و انا احترت بين حنان ورتاج بس بلاخير اخترت رتاج بس للحيني ماولدت والكل يقول صعب اسمها قلت لهم الي صعب عليه يسميها على اسم امي

 

[(m & m)]

كان ودي باسم اسماء وااااااااااااااااااااايد حبيته انا و زوجي

و دايما كنت احس اني لو صرت في يوم ام راح اكون ان اسماء

لكن سماها فاطمه و بصراحه اسمها عاجبني ام فاطمه هم وايييد حلووو

 

[احساس السعوديه]

رد : جولينار ،، حسافه راح علي هالاسم

انا مابعد ربي يرزقني الذرية ادعوا لي يرزقني ربي الذرية الصالحه
بس عالولد على اسم ابوه اللي هو عمي يستاهل والله (فهد)
بس عالبنت مابعد لمن ربي يكتب لنا

 

[يتيمة العقـد]

ايييييييييييييييييييه قلبتوا علينا المواجع
انا وزوجي متفقين انه اول مولود على اسم عمي ابو زوجي الله يرحمه ولما ولدت الثاني قلتله دوري بسمي وكان ودي حيل باسم راكان ،ولما قلتله عصب وقال لا يبه خلي الاسم لهله احنا مطران وهالاسم هذا للعجمان وراح وسماه عبدالله بنات والله تعقدت من هالاسم انا عندي قاعدة
كل واحد اسمه عبدالله يطلع داهييييييييه وعبيط ، حتى اليوم شفت واحد بسوق معاه اعياله ال 4 ما شاء الله وواحد منهم ياهو مزعج بشكل موطبيعي بغيت اسال الرجال اقولة " اكيد اسمه عبدالله ؟" !!