جولة في اوربا

[ام انوفة]

السلام عليكم - اخواتي الي مسافرات من قبل ارجو المساعدة جزاكن الله خير - باذن الله على 15/7 بسافر في جولة في اوربا لمدة 21 يوم بحيث ننزل في فرانكفورت وناخذ السيارة الي ستراسبورغ ثم بازل في سويسرا ثم انترلاكن ثم عبورا في منطقة دافوز ثم الي النمسا في زلامسي والسكن في كابرون ثم العودة الي المانيا لميونخ ثم شتوتقارد والعودة الي فرانكفورت ثم الي الوطن ......... المساعدة المطلوبة من اخواتي ..اولا:هي اهم الاماكن السياحية في هذة المناطق والاسواق والاماكن الترفيهية لان معاي بنتي عمرها اربع سنوات ؟ثانيا : ابي فنادق زينة ونظيفة وآمنة وسعرها معقول في منطقة بازل وانترلاكن في سويسرا ؟ ثالثا : شلون على لبسهم لاني البس عباءة ونقاب ؟ واشكرا الاخوات مقدما

 

[ام انوفة]

اللة يجزاكم خير تسعة داشين ولا وحدة معبرتني حتى بكلمة طيبة

 

[White Musk]

هلا حبيبتي يأم نوف ونورتي المنتدى ولا تزعلين
لبسي العباة عادي وتحتها إلى تحبين انا سافرت الصيف الماضي النمسا(فينا -زيلامسي -كابرون - ميونخ)
وكنت ماخذة من عمر 13 إلى سنتين واستمتعنا وايد والحمدلله بنتج حليوة
اعجبتني وحدة كنت اشوفها تلبس عباة اسلامية ونقاب ولفة مرة بيج ومرة رمادي بس عادي وايد لابسين عبي ونقابات لأنج بتروحين مناطق ماشاء الله متعودين أهلها على الخليجيين
بس نصيحتي مري سالزبورج ترا وايد حلوة أنا تحسفت إني ماقعدت فيها إلا 3 أيام وفيها رحلات قريبة حلوة سوقها أحلى من سوق ميونخ وفيينا فيها محلات وبضايع روعة وبعدين تنقسم للمدينة لقديمة والحديثة ويمها بحيرات قريبة حلوة أنا وايد حبيتها
زلامسي كانت حارة كأنج قاعدة بشاطيء الشويخ وداير مدارج اليهال والخدم ما في غير البحيرة والمراكب وكابرون هادية فيها رحلة الشلال مادري كان عادي بس الحلو قمة كابرون والثلج - ومنطقة فوق الجبل فيها بحيرات صناعية أنا حسيت فيهم بالملل أعتقد ثلاث أيام تخلصين رحلاتهم مع زلامسي
ميونخ ما فهياغير السوق بس فيها قصر اسمه نيوشوان إلي خذو منه فكرة قصر دزني بس كانت الرحلة له جدا متعبة ولمن دخلنا اكتشفنا إن القصر ما اكتمل لأن الملك مات !! تعب عالفاضي وبصراحة سوق الكويت كل شي فيه فلاتضيعين وقتج بالسوق استمتعي بالطبيعة والجو كثر ما تقدرين بس اخذي لبنتج بنطلون جنز طويل عدد2 مع 3 بلايز قطن كمومهم طوال مع جاكيت خفيف مطري لا تثقلين بالللبس مع ترينق سوت واحد فقط احتياط الجو احتمال يكون حار إلا إذا طق المطر
واخذي لها 2 برمودا جينز مع 3 تيشيرتات و1 جوتي رياضة مع جوارب + 1 كروكس +2 بيجاما بكم طويل
إذا بتستفسرين عن أي شي بهالمناطق أوبخصوص السفر راسلينين عالخاص حبوبة لأن ما أدخل وايد على المواضيع السياحية :tek: