جواتيي تكرنون و جناطي وايد شسوي ؟

[contessa]

قوه بنات شلونكم ؟


مثل ما مكتوب بالعنوان


انا ادمان سوق
الهدوم بين فتره و فتره اسوي جرد


بس الجواتي تكرمون و الجناط غلايه و حلوين ما اقطهم



شسوي؟
منو عندها فكره مرتبه ارتبهم فيها

و اذا بتقولون كبت شلون يكون شكله حلو ؟
لانه الدار فيها كبت كبير حق الهدوم ( بس هدومس وايد مايفي الجواتي و الجاط)
و فيها ميز تواليت
و كميديه
اذا حطيت كبت جواتي و جناط بصير دار الكبتات لوووووول
شسوي؟
احط الكبت بره الغرفه ولا شلون
ساعدوني :0bee2e8d89:

 

[أم الروووووون]

إيكيا عندكم كبتات حق الجواتي عزكم الله وااايد حلوه ومرتبه وتقدرين اتحطينه بالصاله وتحطين فوقه صور او اي شي تحبين لان اشكااال لهم وايد حلوه ماتبين انها حق جواتي وانتو بكرامه

 

[contessa]

مشكوووووووره قلبي

 

[المستغفرة 74]

هم انا اعاني

 

[ام سعود ديكسون]

نفس معاناتي الحل الوحيد انج ما تروحين السوق الا حق الwindow shopping
وحق الكافيهات اللي بالسوق

الا صج ما عندكم غرفة زايدة بالبيت تخلينها dressing room بس للكبتات والتبديل وفيها منظرة عودة

 

[فراشة لكويت]

نفس المشكله ؟؟؟؟؟؟؟؟؟؟؟؟؟
نبي افكار حق اللي ساكنه بشقه صغيره

 

[contessa]

لوووووووووووول الكل نفس الحاله

 

[hoor]

نفس مشكلتي

 

[وردة النرجس]

لووووووووووول

دشيت قلت يمكن القى حل

بس الظاهر الحال من بعضوووو

انا حاطة جناطي بنفس كبت علاليقي تحت وبس أبطل الكبت بآخذ شي طيح جنطة من الجنط

شنسوى والله معني أجرد وايد بس ماكو فايدة

غير ان المكان ضيج ومستحله هم كبت علاليق زوجي

انا أقول حق نفسي قبل لا أقولكم بنات

صج خل يكون عندنا قناعه ونرضى بجنطة أو جنطتين تقعد عليها جم شهر

انا ماأقدر إنتوا تقدروون ؟؟ كيفكم

عليكم بألف عافية هذا القرار

 

[contessa]

لووووووووووول

دشيت قلت يمكن القى حل

بس الظاهر الحال من بعضوووو

انا حاطة جناطي بنفس كبت علاليقي تحت وبس أبطل الكبت بآخذ شي طيح جنطة من الجنط

شنسوى والله معني أجرد وايد بس ماكو فايدة

غير ان المكان ضيج ومستحله هم كبت علاليق زوجي

انا أقول حق نفسي قبل لا أقولكم بنات

صج خل يكون عندنا قناعه ونرضى بجنطة أو جنطتين تقعد عليها جم شهر

انا ماأقدر إنتوا تقدروون ؟؟ كيفكم

عليكم بألف عافية هذا القرار

انا مااااااااااااقدر
ايدي تحكني بعدين فشله جنطه و كل يوم اداومين فيها

 

[ام سعود ديكسون]

لا ما اقدر

بس ادش السوق اتشيش ع المشتري

وخاصة لي صارت الوحدة من متتبعات الموضة

يا ريت ذوقنا كلاسيكي وما نحب نغير شي

 

[shai5at al3arab]

وييي عبالي بس انا

 

[جننها السعودي ]]

آناا استخدمـ صندووق لان شنطي اكثاااار ..
مآخذتها من سنتر بوينت ,, وآهيا احجـآآم اخذت ثنتين اكبار ووحدة صغيرة ,,
هذآآ ششكلهاا من برآ ,,

وكذا ترتيب الشنط فيهـآ :eh_s(7):

الجوآتي كبت ذرب ونعووم مخصص للجوآتي ,, ~

معيي ينآخذ كامل لوول

^^
اتمنى افدتك
​

 

[آلصرقــ غ ـرآآآمي ــعه]

انا بعد كنت مثلكم

وكنت حاطتهم برف الشوفونيرا الاخير .. ومن كثر الجناط ما يتسكر الباب .. وتكفخ ريولي وتتنتف اصابيعي منه ....

بس بعدين ارتحت وااايد من الحل اللي لقيته ....

امي قامت تسوي علاقة حق الجناط ... تشيل 8 جناط وفوق اذا تبين ....

وما تتحسفين على جناطج الغالية .. وتكون محفوظة حتى من الغبار

وهذي الصورة

http://www5.0zz0.com/2009/12/26/15/543266316.jpg

 

[contessa]

جننها سعودي شكلي بروح اشوف سنتر بوينت


ام الجكر مشكووره يا قلبي بس مايكفوني هاذا صغير و ياخذ مكان

بس رفيجتي يمي تقولي تبي نفسه من وين لوووووول

 

[نورالدنيا***]

انا غيرت الكبت بكبره عشان الجناط خليت جهه حق الجنط بس والحزم

والجهتين الباقين ملابس التسفيط والاخير التعليق

 

[حصووونه]

اختي ام الجكر من وين العلاقات هذيلا ابي منهم

 

[العود والبخور]

بنااااااااتــ انااا من راي ومن خبرهـــ بصراااحهــ ~~

كبت كبير للملابس فقط ..ََ .. مااااايصلح :080402ask_prv:

الافضل ,, تفصاااالـــــــ .. للملابســــ والجنط والجوااتى { شوفى الصور ؛؛

ماقدرتـــــ ,, شوفى هذى .. تلقينهااااا .. بــ اكيااااا ,, وغيرهااا من المحلاااتـــــ {

 

[MoonDiamond]

انا حاطتهم في كبت ذرب بالممر وفوقه صور ومبخر وفازا .. ولا مبين ان فيه جواتي..

 

[AnGel GirL]

انا مثلج ادمان على الجنط والجواتي ماشالله بكل مكان ودشيت النت واخذت افكار حلوه ومنها شغلات قمت ابيعها
اول شي الجناط شريت العلاق اللي يشيل 16 جنطه وهذي تعلقينه على باب غرفة الملابس او باب كبتج او باب غرفتج او تثبتينه عالطوفه ومعاه المسامير وكل شي <-- باقي حبتين منه

ثاني شي الشوز شريت نفس الشي ارفف رووووعه ووااااااااااااااااااايد مريحتني حيل وعلقتها على الباب وتشيل 26 جوتي وهذي خليتها للجواتي اللي من وقت لوقت ابدل فيها وجواتي الرياضه والبيت

اما الشوز اللي تنحفظ حطيتها ببوكسات شفافه هم اطلبها من النت <-- باقي 6 حبات وهذي ماشالله وايد بنات يطلبونها ويطلبون اقل شي 10 حبات

وهنيه اذا صورتي كل جوتي على البوكس

البوكسات لو تطلبينها من النت يمكن تطلع عليج اغلى لانها من امريكا ووزنها غالي

وفيه بايكيا نفس الطريقه بس على نايلون ماتتحمل الثقل
واذا بتخلين شوزاتج بكرتونها شوفي هالفكره

اما الكبت بعطيج افكار لغرفة الملابس