جهاز كلير بلو (( اختبار الاباضة ))

[أثير الورد]

السلام عليكم
اخواتى الكويتيات
شلونكم شخباركم
والله يا بنات انا ما اعرفكم
بس بصراحه قلبى يدعى لكم بان كل وحده تحمل بتوم
وان الله يرزقنا بالذريه الصالحه
بس يا بنات حابه اقول لكم على شئ
لا تنسون الدعاء
والصلاه خاصه صلاة الفجر فى وقتها



السالفه اللى كنت بقولكم عنها
هو جهاز بصراحه تونى اعرف عنه متزوجه من 8 سنوات ولا اعرفته الا هذا الشهر (( استغفر الله ))

هو جهاز كلير بلو
اختبار الاباضة
يخبرك بافضل يومين لحدوث الحمل

 

[love love]

مشكوره

بس اشلون الطريقه قوليلنا علشان لي قلنا حق احد نشرحله مره وحده

والله يرزقج ياااااااااارب بالذريه الصالحه

 

[أثير الورد]

اهلين اختى

بكتب لج الكلام المكتوب عليه وراح تفهمين
سهل استخدام مثله فى ذلك مثل اختبار الحمل فقط ضعى أداة تجميع العينات الماصه فى مجرى البول لمدة ثوان

يعمل اختبار الاباضة من ( كلير بلو) من خلال الكشف عن زيادة ( ارتفاع ) نسبة الهرمون المسمى هرمون لوتيينيسينج ( Lg) فى البول .
يحدث ارتفاع نسبة هرمون Lh قبل خروج البويضه من المبيضين
فيما يعرف باسم عملية الاباضة

 

[love love]

خوش شي جم سعره

 

[أثير الورد]

ب 5 دنانير ونص

 

[هدوله]

متى يستخدم يعني بعد كم يوم من الدوره

 

[أثير الورد]

من يوم 14 الدوره

 

[nono78]

والله خوش جهاز عجيب

 

[bnt_kwt]

يعطيج العافيه يا الجازي والله يرزقج ويرزقنا

 

[مظلومه ياناس]

بنات من صجكم ماتعرفونه؟؟؟؟؟؟؟؟؟؟ انا صارلي اكثر من سنتين استخدمه وفعلا عجيييييييييييييييييب ويفكج من السونارات

استخدمته اختي وحملت ماشاءالله كل حمله تكون مستخدمته

واستخدامه مثل اختبار الحمل عن طريق البول وانتم بكرامه

 

[-Bello-]

وناسه ...انا كنت سامعه عنه بس مادري شسالفته ..

 

[مظلومه ياناس]

الكرتون فيه 5 اختبارات بصراحه شي

 

[ملاك-77]

الله يجزاج ألف خير

بشتريه ان شاء الله
وانا بصراحه اول مرة اسمع عنه

يسلموووو

 

[a.n.y]

:eh_s(17): مشكوووورة الجازي
ويعطيج العافية :eh_s(15):
وبغيت أسألج من وين أشتريه آنا رحت صيدليتين بس ما لقيته
يا ريت تقوليلي وين بالضبط ينباع :eh_s(1):
وجزاج الله خير :eh_s(17): :eh_s(17): :eh_s(17):

 

[حنون المزيون]

جهاز كلير بلو يختلف سعره من مكان لمكان ...
أنا بالعاده أخذه من صيدلية جمعية الروضه ب4 ونص وذاك اليوم مريت جمعية النزهه الصيدليه وإلا سعره ب5 ونص شوف البوق عيني عينك لا وما فطنت من زود الفطانه إلا يوم رديت البيت .
وأحيانا ألاقيه بصيدلية المهلب والقديم منه اسمه كلير بلان عقب صار بلو بعض الصيدليات ومنهم شرق اللي بسوق شرق عنده القديم .

عيل ما سمعتوا عن اختبار الحمل الديجتال من كلير بلو بعد ... والله قبل لا أسقط عرفت إني حامل قبل موعد الدوره بأسبوع وسعره 7 دنانيير خذيته من صيدلية جمعية الخالديه

ويا رب يرزقكم التواااااااااااائم :eh_s(9):

 

[وسن 11]

اشلون يعني اذا طلع ملون ادري ان وقت الاباضه وشلون بتحديد الجنس

 

[donat]

انا بعد صار لي 15 سنه متزوجه ما اعرفه و عندي 4 بنات و استخدمته مرة وحملت وانا الحين بالخامس....
انا شريته من صيدلية الغانم ... ب5ونص ... صج فضيييييييع