جهاز حساب يوم التبويض

[boliana_q8]

مساء الخير
اشلونكم بنات شخباركم

قبل جم يوم امي قالتلي في جهاز ينباع بالصيدليات مثل تحليل الحمل بس هالجهاز يبينلج وقت التبيض
ويحدد متى وقت التلقيح
بنات وايد استانست بدال لا كل شوي رايحة مسوية سونار داخلي

الي جربته خل تقولنا اشلون طريقته دقيق ولا لاء

 

[ضحكه طفل]

اي يالغلا اختي سالت الصيدلي قال مضمون

 

[jaaanooo]

والله انا ما جربت بعد بس سمعت بنات وايد يمدحووونه وجاب نتيجه معاهم

 

[boliana_q8]

يبيله والله
انا توني ادري عن هالجهاز

 

[jaaanooo]

وحوالي سعره بخمسة أو خمسة ونص .. مو غالي

 

[فرااااولة]

هلا حبيبتي

انا استخدمت الجهاز وحملت على ولدي

وبعد ما ولدته احاول احمل بس ما قاعد يصير، ونسيييييييت الجهاز ، هالشهر تذكرته وقاعده استخدمه والله كريم

العلبة فيها خمس تحاليل، وتقرين النشرة اللي داخل العلبة،
تحسبين طول دورتج ويحددلج الايام اللي تسوين فيها التحليل
واذا طلعلج خطين بعد لازم تنتبهين للون الخط اللي يطلعلج
كل شي مكتوب بالورقة
اقريها عدل
وفيه تعليمات ثانية تتبعينها


والله يرزقنا الذرية الصالحة
يا رحيم ،،،

 

[الزيـــــ^^ـــــن]

بشتريه ان شاءالله

 

[فانتا ستروبري]

توني شاريته ولي الحين ما صار يوم تبويضي لان دورتي مو منتظمة شكلي بشتري كراتين لووووووول​

 

[خيشة شكر@]

ودي اجربه

 

[om-s3oodi]

اليوم شريته ..

واااايد سهلة طريقته ..

تحسبين أيام التبويض .. وأتسوين إختبار .. جان طلع خطين غامجين معناته التبويض ألحين ...

أما إذا خط غامج وواحد فاتح ليلحين ..

فيه 5 حبات ..

فيه سعره 5 و نص .. وفيه 6 و نص ..

جربيه هالشهر والله كريم إن شاء الله ..

 

[So MuCh PaIn]

جربته مافادني يمكن لاني كنت اسوي التحليل مره باليوم و في ناس لازم يسوونه مرتين صبح وليل

 

[حساويه1406]

طيب ياخوات اسم الجهاز ايش

 

[om-s3oodi]

أسمه .. إختبار التبويض ..

 

[بحرينيه كوول21]

هلا حبايبي
انه شريته وو سمعت عنه ان وااااايد زين
بس سؤالي اهوه انه دورتي مادري عنها اذا اهيه منتظمه او لا
يعني اخر مره ياتني تاريخ 2 يعني ذاك الشهر والحين تاريخ 2 كان بس الم بس ياتني تاريخ 4
عادي او لا ؟ واحسب حسابي من تاريخ 2 يعني بكون لي 32 يوم
واذا بستخدمه مره وحده فاليوم او مرتين ؟
والله يرزقني ويرزقم بالذريه الصالحه يااااارب

 

[مزيونه & شقره]

بجرب اشتريه اذا انزلت علي الدوره
دعواتكم ماتنزل

 

[bint_looda]

الطبيبه امدحتلي نوع اسمه بلو كلير او شي جذي عسا الله يرزقج الذريه الصالحه ان شالله