جهاز توقفين عليه 5 دقايق يعادل مشي ساعه

[فتفوتة...سكر...]

ما عندي فكرة عنه حبيبتي

 

[Miss.KSA]

اهليييييييييييييييين بنات
الجهاز اسمه Vibration Exercise Machine
وله مسمى ثاني اللي هو Power Plate ويستخدمونه عيادات حسين دشتي لحرق الدهون
وله اسم اخر اللي هو Crazy fit message

وماتركبين عليه اكثر من عشرين دقيقه
انا شريت الجهاز من محل ساكو عندنا بالخبر مسوين عليه عرض ب949ريال وقبل كان سعره ب1299ريال
وفي اماكن ثانيه تبيعها غاليه وعلى حسب الشركه والصناعه اسعار متفاوته يعني
وبصراحه انا اول ماشفت العرض ركضت وشريته وركبت عليه واصلا الأعدادات حقته حده 20دقيقه
والله يابنات انه اردافي ترج رج هههههههههههههههه كأني قاعده ارقص
واحس بطني وزوايدي وفخوذي وجسمي كله يهز
وفي دعايات كانو جايبنها على قنوات اجنبيه انه عشر دقايق في اليوم تعادل ساعه رياضيه كامله

تحرق الدهون وتحرك الشحوم المتراكمه بالجسم وتكسر الدهون اللي تحت الجلد وتقوي العضلات والعظام
وتحرك الدوره الدمويه بالجسم

انا راح اكمل شهر واقولكم النتيجه ناويه استلمها برمضان واجرب الفرق بينها وبين الة المشي
وهو جهاز اصلا للكسولات ههههههههههههه وقفي عليه وريحي نفسك

وهذي صوره للجهاز وبعض الحركات اللي ممكن تعملينها وفي في موقع اليوتيوب مقاطع فيديو ودعايات تفرجو عليها

 

[Miss.KSA]

بنات بعد ماقريت الردود كلها اقولكم
ماله شغل بالرحم
هذا احنا نسوي رياضه ونراكض ونركب على السيكل حق الرياضه واحيانا نستخدم نط الحبل
وتسدح على الأرض وشد فخوذ وارداف كان اثر على رحمنا

وهذا الجهاز ماتلقونه الا بصالونات التجميل الكبيره وعيادات التخسيس لا ويقولون لك بعد 12جلسه ب3000ريال ولا 2500ريال والأسعار متفاوته وكل عيادات التخسيس في لبنان والأمارات يستخدمونها
وخصوصا للسمان مره اللي مايقدرون يمشون واللي عندهم مشكله بالركبه
باختصار الصينين واليابانين ماقصور سولونا جهاز مصغر ورخيص وعملي للبيت

ولو تلاحظون الأجهزه اللي بالعيادات التخسيس حجمها كبير مره وغاليه

وعلى صديقتي تقول في امريكا الجلسات غاليه وكل حقين هوليوود يستخدمونها
بس الله يخلي الصينين واليابانين وتقليدهم للأجهزه وتصغيرها

انا بديت فيها اليوم في تاريخ 25/8/2008 يوم الأثنين
ابكمل شهر واقولكم النتيجه

 

[عمة فاتو]

بنات هذا الجهاز خطر؟؟؟؟ الاهتزازات هذي تاثر على كل اعضاء الجسم الداخلية.. الكلية و جهاز التناسلي و المثانه وغيرها... حبيباتي ما لا داعي انعدل شى واخرب اشياء ثانية.... امشى طبيعي احسن... وليش العجله... الشحم المتراكم في اجسامن ما يات بين يوم وليله... اشلون تبين تذوبينها بيوم وليله... ديروا بالكم... الزم ما عيج صحتج....

 

[Miss.KSA]

حبيبتي ان شاءالله مافيه الا العافيه
هذا الجهاز يسمونه جهاز الرقص ولو تشوفين الدعايات الأجنبيه يجيبون لك عارضات لابسين بدلات رقص ويهزون
يعني كأنك ترقصين

اهم شي انك ماتوقفين عليه الا 20دقيقه الحد الأدنى
والجهاز اللي عندي محدد 5دقايق - 15دقيقه -20دقيقه بس
وطول ماانتي راكبه عليه تسوين حركات مثل اللي في الصور

ادخلو على موقع اليوتيوب وانسخو اسماء الألات فيه وتفرجو على الدعايات
واللي تقتنع تشتريه
انا عن نفسي مقتنعه وابقولكم نهاية الشهر شصار معاي وبكل امانه اوكي

يالله جربو فيني هههههههههههههههههههههههههههههههه

 

[بنفسج]

حبايبي انا ودي اشتريه وناطرة تجاربكم افيدونا افادكم الله

 

[أورااااااد]

وانا بعد وياكم نننطر ونشوف

 

[أورااااااد]

اللي تعرف رقم تلي سين تدز لي اياه خاص وشكرا

 

[Miss.KSA]

بنات اول يوم ماراح تحسين انه يسوي شي
ثاني يوم بتحسين بالم عضلات وكانها انشدت
بصراحه ارتحت عليه

واكمل واقولكم

 

[Miss.KSA]

بنااااااااااات الجهاز روعه روعه قامت عضلات جسمي كلها تعورني احس انها انشدت

 

[بنفسج]

ها بنات شنو صار معاكم عطونا التفاصيل

 

[بنت بن فهد]

يعنى بنات اروح اشتريه؟

بس انزين يتحمل اوزان كبيره يعنى فوق 120 مثلا ؟؟؟
وياريت تعطونى رقمه
شكرا​

 

[**كتكوته الحلوه**]

جنه حبيبتي حطوو عنه واحس انه مامنه فايده من زماان بقولج شيي لواهوى في فايده و زين ونزل وزن جان الناس تكلم عنه وماانصحج فيه وليش ماتشترين شورت حراري في منه قياسات وبالتوفيق

 

[كنووز]

اب ونشوف ردود الاخت اللي تجربه حاليه

الف شكر

 

[بنفسج]

ما في اي ردود عن الجهاز شنو صار معاكم بنات ؟؟

 

[NoWay2know]

اعتقد مو زين حق عضلة القلب لانها راح تنشطها وايد فوق المعدل

 

[دندوره]

انا شراه زوجي تو ماصارله يومين يقول معاه رفيجه نازل وزنه واكثر شي بالبطن شراه من النصر الرياضي بالشويخ وفيه انواع واسعار

 

[ترانير]

اولا الجهاز دة مثلة مثل المساج واللي عاوزة تضعف اكيد مش حتضعف وهي واقفة لازم تتحرك ومش حركة عادية لا حركة سريعة وعلي فكرة ساعة مشي بتحرقي حوالي 300 سعر حراري دة لو كان مشي سريع كمان وعلي فكرة الموضوع سهل جدا بس عاوز ارادة ورياضة ورجيم بس مش جهاز هزاز المشكلة من جواكم انكم عاوزين تتغيرو يعني لازم كل واحدة يكون عندها عزيمة لاني ملاحظة كل واحدة اول متسمع عن شيء للتخسيس تروح وتشترية بدون متفكروتحسبها المهم اللي عاوز يخس لازم يتحرك بنفسة مش حاجة تحركة لانكم كلكم عاوزين تضعفو وانتم نايمين علي السرير طب ازاي واسفة لو اي واحدة زعلت لكن دة اللي انا لاحظتة عليكم وشكرا

 

[شيخه***البنات]

بنات حياكم بالموضوع ..

اقرو الصفحات الجهاز واااايد ممتاز بصراحه و عندي انا مجربته ..

http://q8yat.net/showthread.php?t=261780

 

[fat]

لا تصدقين هذا دعاية للجهاز ماكو على المشي أنا جربته صدقيني مو بس يضعف الأحلى ينسق جسمج