جهاز توقفين عليه 5 دقايق يعادل مشي ساعه

[Love \ Hate]

بنات بليز بسألكم ..

في جهاز كانوا يحطون دعايته اتوقع شركة اسمها تيلي سين او شي جذي ..

اهوا جهاز بس توقفين عليه ويهز كلشي بجسمج بدون لاتسوين انتي ولا شي ..!! ولما توقفين عليه 5

دقايق تعادلين مشي ساعه !!

بليز في احد جربه ؟؟ واستفاد ولا لأ ؟؟ وجم سعره

 

[bnt q8 in usa]

والله اذا في جهاز جذي جان فلست النوادي معقوله ؟؟؟؟دقي علي تلي سين وساليهم

 

[بنت كيفان]

صج جان زين والله اووقف عليه ربع ساعه عشان يصير لي 3 ساعات مشي هههههههههههه

 

[أغلى الناس]

والله زين اول مره اسمع عنه

 

[أسرار الطبيعة]

المشي نصف ساعه على جهاز المشي يعادل لهطة بريد بو الذهب آسفاً
تخسرين فيها تقريبا 250 سعرة
ميزة المشي أنه يحرك لك العضلات اللي أغلب البنات تتمركز فيها الدهون وهي الردفين

 

[اصبع مكسور]

والله زين
ياليت فيه احد ياكد الكلام

 

[supermarket]

جنة مرة سمعت عنه بس مادري صج والا جذب

 

[هاي مون]

انا شفته بس ماجربته هو في تلي سين بالسالميه

بس ماادري احس اللي توقف عليه راااح يضر عمودها الفقري لان قوة الاهتزاز ممكن تحرك فقرااات الظهر

وممكن اللي مركبه لولب يطيح وممكن يسبب بعد صدة للرحم ؟؟ يعني ماانصح فيه

تخيلي شي يرجج رج هل تتصورين ماراح يضر ؟؟؟ انا اشوووفه فاشل وصارله 7 سنوات لايقصووون عليج يقووولون توه نازل


المهم هذا رااااييي وانتو بكيفج

وبرفع الموضوووع لج علشااان تشوووفين تجارب البنااات

 

[شباصه وباند]

هوونا خلاااص موبايعييين روحنا :/

لوووووووووول

تسلميين خيتووو والمشي احسن شي

 

[dr_enshalla]

انا بعد ودي فيه من زمان شايفته بس مادري اذا زين او لا
يعني انا اختي تنصحني بجهار الخصر او الارادف اللي يهر بس هذا ماتدري عنه

 

[عسولة ودلوعة]

بنات قبل اسبوعين رحت بشتري جهاز من تلي سين في الفروانية
وبالفعل قالت لي الفليبينية هذا الجهاز جديد
وشغلته لي عشان أحربه
وقفت عليه الله لا يوريكم صرت اهتز من كل صوب وفيه بعد سرعات

مع إني رايحة اشتري جهاز مشي بس ما اقتنعت فيه ما ادري ليش
لأني ما ابذل مجهود يمكن ينزل وزن

بس ما يشد عضلاتي

عشان جذي قررت اشتري الجهاز للمشي افضل بكثييييييييييييييييير

وسعرة فوق 100 بس ما ادري بجم

اتمنى اني افدتكم

 

[bo6aa6ee]

حبيبتي اسمه كريزي فت مساج كان عندي و بعته اهو زين بس طلع لي كرشه و حق الرحم و هالسوالف موذاك الزود فبعته

 

[ii DareeN ii]

البور بليت = كريزي فت

كلش مو صحي انا وقفت عليه خضني خض ياثر على الرحم موزين بنات ومو صحي

 

[بنفسج]

بنات علي اي اساس حكمتوا انه مو زين انا شفت مثله في عيادة الدكتور حسين دشتي ولو انه مو زين ما اعتقد يحطه في عيادته ويخلي الناس توقف عليه ياليت تفيدونه

 

[Love \ Hate]

ثانكس بنوتات على الرد .. بس ويييي ويييي رحم وبلاوي ياحسرتنا !!

لايمعودين عيل لحد يشتريه يصير بذمتي انا اللي قايلتلكم ;/

انا كلمتهم .. قالو لي في قديم سعره فوق ال 200 وفي يديد توه نازل تقريبا 100 .. وقالي اهوا مجرد مساج سريع !!

توقفين عليه ويهزج .. وانتي والسرعه اللي تبينها ؟؟ وعلى قولته يحيي العضله الميته بدال لاتلعبين رياضه توقفين عليه

واهوا يعادل الرقص ؟؟ بس مادري مانشدت الريال وايد استحيت !! على قولته مطلوب وايد .. " بس شغله اكيد بيمدحه"

مادري والله ترددت ؟؟ وانتوا خوفتوني دام فيها رحم !! ورانا حمل و ولاده ,, بس انا قاعده افكر ؟؟ اهوا سرعات اخذ اقل

سرعه وصج جني ارقص شرقي ؟؟ مو الرقص الشرقي اهوا الهز ؟؟ هذا هز !! مادري متردده اول مااتخذ قرار ابلغكم

 

[Love \ Hate]

صاجه بنفسج انا خبري انه عند عيادة دكتور دشتي ..

اللي عنده خبر يفيدنا

 

[بنفسج]

وحتي لما قابلوا الدكتور حسين دشتي في تو الليل حطوا تقرير عن عيادته وحطوا المذيع الي كان يقابله وماشي علي رجيمه وهو فوق الجهاز وتكلم عنه في تو الليل بس حسافة ما لحقت علي المقابلة كلها

 

[بنفسج]

أختي love hate وين لقيتي الجهاز أقصد وين يبيعونه في الكويت؟؟؟

 

[Love \ Hate]

انا شفت دعايته بالتلفزيون .. شركة بالكويت اسمها تلي سين .. كلمتهم بس والله ضيعت رقمهم ؟؟

جيكي بالبداله تلي سين اسم المحل

 

[آلجفوول ~]

والله انا اعرف ناس شارينه واضعفوا عليه حيل
بس انا خايف تكون له اضرار مثل ارتجاج بالمخ او تحريك فقرات الظهر
مثل ما قالت الاخت بالصفحه السابقه