جنيف وباريس

[الأنوااار]

السلام عليكم
منو عندها فكرة عن السكن في باريس وجنيف بروح بعطلة العيد وأبي مكان أقعد فيه الصراحة الفنادق وايد غالية الخمس والأربعه نجوم نار
بغيت شقه

 

[SaBKahawa]

هلا حبيبتي اذا تبين فندق فباريس لا يطوفج الميرديان والله ماراح تندمين واذا بتروحين سويسرا انصحج في فندق عالبحر روعه .. والله ناسيه اسمه وبالتوفيق

 

[SaBKahawa]

هلا حبيبتي اذا تبين فندق فباريس لا يطوفج الميرديان والله ماراح تندمين واذا بتروحين سويسرا انصحج في فندق جدام البحيرة روعه .. والله ناسيه اسمه وبالتوفيق

 

[نور النهار]

والله ما أدري بس ان شاء الله البنات يفيدونج

 

[nanosa78]

بالنسبة لباريس عندج وارويك انا جربته نظيف وهادي وبالشانز وفي على نفس شارعه كاليفورنيا هم حلو
وياحلو باريس ويا حلو أيامها

 

[لبـى قلبـي]

؛

بنفس الوقت إلي بروح فيه إن شاءالله ..
وبروح جنيف وبآريس بعد ...



وهذي أول زياره لي عشآن كذا ماأقدر أفيدك ..
بس إن شاءالله البنآت يفيدونك ..


تروحين وترجعين بالسلآآآآمه ....

 

[لبـى قلبـي]

؛

إي صح ..

ياليت إذا فبآلك برنآمج معين تفيديني ..

 

[بنت عبدالغني شربت]

اكيد باريس جنيف تلوع الجبد انا ليلتين ما قدرت اقعد فيها

 

[ألماس q8]

اذكر لما رحنا باريس سكنا بمنطقه اسمها الاديفانس

واحد ليبي محترم حده وفرنا شقه فيها هالشخص عنده شقق بأغلب العمارات فيوفرلج شقه بأي وقت وانتوا تشوفونها اذا عجبتكم تاخذونها وهو يهتم بكل شي من الى

والله جايب حتى صحون جديده وقفاش وقلاصات وكل شي

وركب ستالايت لجدتي علشان تبي قنوات عربيه

انشالله اجيبلج رقمه وارسله لج رساله خاصه

 

[al5aldee]

انصحج بفندق كونكورد لافيت بباريس وااايد حلو وفيه سوووق بس غالي بس عيبه غرفه صغار بس لما تحجزين في الادوار فوق يطل علي برج ايفل حده المنظر عجيب وخاصه بليل
وجنيف فندق حلو وقريب من البحيرة اسمه رويال مانتويل نظيف
وشوقتينا علس السفر

 

[الغزلان]

اب اب اب

 

[راجعة بقوة]

انصحج بفندق الويرويك بجنيف حلو ويم البحيرة ويم محطة القطار ياحلو جنيف امووووت عليها

 

[In Geneva]

جنيف اختيار موفق جدا

توفر الشقق بجنيف صعب جدا جدا

الموجود بالقرب من البحيرة ومستواها جيد جدا هو مونت بلانك رزيدانس وغالية جدا جدا


ترشيحاتي بحكم زياراتنا المتكررة لسويسرا وجنيف والتي لا نسكن فيها نهائيا بالصيف

الاول فورسيزون غالي جدا
الثاني سويس متروبول مقابل البحيرة وبداية السوق وأيضا غالي جدا

الثالث بريستول أربع نجوم ممتاز كموقع وسعره معتدل لاغالي ولا رخيص وهو من أغلى فنادق الأربع نجوم .

الرابع الوارويك سعره معقول لكن عندهم غرف صغيرة كأنها كبينة لا توافقين تاخذينها لأن بالحجز تاخذين الستاندرد روم وهذي أقل فلا تخاذينها

قولي لهم موهذي اللي حاجزينها وصممي عموما الفندق هذا معاملته للخليج أقل من عادية ما يهتمون فيهم كثير .

عموما السكن بجنيف غالي وليس رخيصا من البداية من 50 و 55 دينار وطالع

بالتوفبق

 

[مشمشة رمانة]

اذكر لما رحنا باريس سكنا بمنطقه اسمها الاديفانس

واحد ليبي محترم حده وفرنا شقه فيها هالشخص عنده شقق بأغلب العمارات فيوفرلج شقه بأي وقت وانتوا تشوفونها اذا عجبتكم تاخذونها وهو يهتم بكل شي من الى

والله جايب حتى صحون جديده وقفاش وقلاصات وكل شي

وركب ستالايت لجدتي علشان تبي قنوات عربيه

انشالله اجيبلج رقمه وارسله لج رساله خاصه

لووووول بسالج هذا الليبي اسمة طاهر صح ولا انا غلطانة ؟؟:eh_s(6):

 

[mimi fawzi]

حبوبه انا كل سنه في باريس على الاقل مرتين
اذا تبين شقه الافضل تكونون قاعدين مده طويله
بس اذا مده قصيره
فانصحك بسايت
www.booking.com
شوفي الفنادق الثلاث نجوم على فكره من اروع ما يمكن نظافه انصحك بسلسلة فنادق
best western
موجود بكل شارع بباريس
اختاري منطقة ال Champs Elysées
واسعارهم واااااااااااااااااو
اما اذا تفضلين شقق عندك بنفس السايت شقق فندقيه وااايد راقيه مثل
Adagio City Aparthotel Paris Tour Eiffel
او
Adagio City Aparthotel Opéra
او
Adagio City Aparthotel Paris Haussmann Champs Elysées
والاخيره هذي خلف الشانزلزيه وقريب من منطقة السوق
اتمنى اكون افدتك
واذا عندك اي سؤال انا حاضره

 

[ألماس q8]

لووووول بسالج هذا الليبي اسمة طاهر صح ولا انا غلطانة ؟؟:eh_s(6):

لا اسمه ايهاب ومتزوج وحده محترم ساعات يودينا مشاويرنا

هو خذانا من المطار وهو جاب لنا سايق يوصلنا للمطار بالرده سيارة السايق كبيره كفت اغراضنا

 

[Om_Ksha]

مشكوووووووووووووووووووووووووورين بناااااااات .. حدي استفدت من ردورركم