جنون تبغى مساعده يالله الهمه صبايا

[جنون زوجي]

بنات اليوم صاكه فيني الدنيا ومالي الا الله ثم خواتي كويتيات

ربي لايحرمنا منكم حبايب بغيت تساعدوني بقصتي الي توهقت
انا طالعه مع زوجي لسوق وانا بالي ترامس شاي معجبيننا وبالي معهم الا واقوله ابغى محل
اختي موصيتنا تبيهن قال لا وبعدين وخلي زوجه حنا مو مسؤلين لو ينكسرن ووووالخ ومن هالمحضره
المهم وبالاخير رضى واشتريهم ويوم وصلت البيت قلت نزلهم علشان يمر زوج اختي ياخذهم
بعدين تراجعت لاني مو متعوده اقص عليه واقوله الصراحه انهم لي الا وينهبل ليش تشترينهم
بدون علمي وموحلوين مايشتهى ولا يشربهن وووووالخ
المهم وبالاخير زعل وانا طنشته وامس دور اهله واقوم واسوي شيء مع الفطور ونروح لهم
ورحت وانا طفشاااااااااااانه بس يالله قلت اروح واصير عادي احسن من اني اكبر السالفه
ورجعنا من اهله ولا تكلم وانا على الصامت وصلنا البيت ونام ولا همه وانا على اعصابي ليش سوى
مشكله وانا والله مو ناويه اجذب عليه بس بنفسي هالترامس مره حلوين
واقومه الصبح اقومه قلت ابروح لاهلي قالي تاسفي قلت انا ماسويت شيء غلط علشان اتاسف
وابغى بيت اهلي المهم قال لا مو وقته تروحين لبيت اهلك ومن هالكلام وانا طولت صوتي علشان
قهرن ماغير يتغطى وينام ويتركن
سووووووري على الأطاله بس منقهره يالله منتظره ردودكم السانعه كيف اتصرف معه
والي عنده رساله اعتذار ترسل يالله بنتظاركم ​

 

[فوفو22]

رد : جنون تبغى مساعده يالله الهمه صبايا

ما يحتاج رساله

هو زوجج

قعدي جنبه وقولي

حقك عليي يا الغالي انا مصختها معاك

واوعدك ما تكرر السالفة

مع بووووووسه:eh_s(6):

وبس

فوفو

 

[miss.39loh]

رد : جنون تبغى مساعده يالله الهمه صبايا

السالفه مافيها شي اللي يومين متزاعلين وصراحة انتي الغلطانه اذا بخاطرج شي تشترينه مافيها شي تقوليله انهم لج مو تجذبين وتقولين ابيهم لاختي لانه هو مو ملزوم بختج وصح كلامه اختج عندها زوجها يشتريلها هدي بالج >وتأسفي وقوليله السموحه انا الغلطانه وادري اني من الأول لو كنت قايلتلك انهم لي ماكنت بتبخل علي فيهم<

 

[al-musk]

رد: رد : جنون تبغى مساعده يالله الهمه صبايا

بكل بساطة قوليله ماكان قصدي اضايقك وخفت لاتعصب وبس وانا آسفه ومابعيدها..وبعدين هذا زوجج بتعيشين معاه طول عمرج شنو خفت لا اقوله ومادري شنو..صدقيني مافي أحلى من الصراحة وتوافه الأمور الي تجذبين فيها حتى لو موقصدج الجذب بتخليه ياخذ عنج فكرة ان هذا اسلوبج وان الأمور القوية هم بتتعاملين معاها بهالطريقة وبتجذبين..وانا متأكده انه مو قصدج..

والله يصفي القلوب

 

[روحي زوجي]

رد : جنون تبغى مساعده يالله الهمه صبايا

تعذري منه وقوليله خفت ماتشتريهم لي

او من غير حجي تأسفي وبس

 

[دلع العتبان]

رد: رد : جنون تبغى مساعده يالله الهمه صبايا

شكو الريال يتدخل بسوالف المطاطير اول مرة اسمع بس طبايع سبحان الله


تاسفي منة قوليلة مرة ثانية ماراح اشك خيط بابرة الا لما اقولك ياقلبي وبس بسيطة ترى ليش معكرة السالفة ؟

 

[روحي تحبه غصب]

بصراحه قهرتيني ليش اللف والدوران يعني جذبتي وانتي تدرين انه بيكشفج

وبعدين تزعلين وتقعدين عالصامت وليمن يقولج تاسفي تقولين لا انا ماغلط

الله يهديج روحي اعتذري لريلج وتسامحي منه لانج انتي اللي غلطانه

اقولج شي بصراحه ريلج جنتلمان او لو ريال ثاني وتقولين له ابي المكان الفلاني اختي موصيتني تبي شغله

والله ماراح ياخذج للمكان لانه مو ملزوم يقضي مشاوير لاخت زوجته وريل اختها قاعد ومرتاح واهو يفتر عشانها


ادري اني طولت بس بصراحه احتريت:wqedqw:

 

[جنون زوجي]

مشكورين يعطيكم الف عافيه على الردود السانعه
بس حبيت اوضح انا مو قصدي ابجذب لا بس هو لزم معي يشوف الي اشري ولما اقوله اعجبنا
ترامس يقول مو وقته الحين شوفي نفسك وانا سامعه الكلام
بس الي اخذتهم شايفتهم مع مرة عمي ومره معجبيني ولا يوم رحت قال اخر شيء الحمدلله
حظي وانا ودي اقوله بس مودي يرجعهم لانهم بالي تكفون كيف اعتذر بس بطريقه غير مباشره
شلون ​

 

[سارووونه22]

الله يهدي النفوس ويصلح بينكم عاد انتي قصريها وروحيله

 

[Cander]

مافيها شي حبيبتي

اذا شفتي ان الخلاف بسيط خل ينتهي بساعتة كلمة حلوة منج تحل الموضوع

احسن من انة يكبر الخلاف وكل واحد يكبر راسة ويعاند و و و

لا تتهاوشون بهالايام الفضيلة والعيد ياي خلوكم سعيدين

الله يهدي سركم

 

[جنون زوجي]

طيب عطونا من الطرق الحلوه كيف اتاسف له
تكفون والله محتاااااااره
ابغى طريقه اعتذار

 

[ام زاكي]

بوووسه

وكلمتين حلوين

ويطيح الحطب

 

[جنون زوجي]

وينكم حبايب يالله وين الهمه
ابغى طريقه اتاسف من زوجي والله اني محتاره مادري كيف ارضيه
ابغى حركات تكفوووون ساعدوني

 

[جنون زوجي]

وينكم الحين الردود مايجي كثر الي اشرف وطلع بدون رد
ترا مساعده مو طالبه شيء صعب والله انكم خيبتو ضني فيكم
لكن مشكورين على الردود خواتي والي اشرف وطلع بدون رفع متكثرين يكتبون لو كلمتين
لكن مااقول الا ربي يسعد ويوفق الي ردو علي الله يجزاهم خير

 

[@نداوي@]

رد : رد: جنون تبغى مساعده يالله الهمه صبايا

الله يسخر لج يــآرب ..
وتأسفي منه ..

 

[((shoOoshoOo))]

رد: رد : رد: جنون تبغى مساعده يالله الهمه صبايا

بصــــــــــــــــراحه ومن غير زعـل

انتي غلطتي لأنج جذبتي ليش ماقلتي من الاول تبينهم اهوا مردهـ بيشوووفهم صح ولا لأ ؟

اعتذري واقصري الشر

 

[Tulips]

رد: رد : رد: جنون تبغى مساعده يالله الهمه صبايا

مو مضطرة تجذبين عشان مطاطير .. مو حلوة بحقج

 

[جوري 2007]

حبيبتي في ريال جد يقول تأسفي !!

كلمته "تأسفي " فيها نوع من المزح وانه بينسى الموضوع خلاص وبيقلبها وناسة وضحك بس انتي خربتي على نفسج

روحيله الحين وقوليله انا آسفة ماراح اعيدهااااا مع جم حركة دلع وبس

 

[اخت فيصل]

رد : جنون تبغى مساعده يالله الهمه صبايا

:aha:يؤ يؤ خوفتينا ومكبره الموضوع لاني قراءت الردود اول:aha:
يؤ يؤ شنو الجرم وشنو العقاب الجريمه ترامس شاي والعقاب
غطاء راس -- اؤخيتي هذا اول رد لي هنا -- اللي فهمته وانا اختك
انك صغيره بأول الحيات الزوجيه شكلك كذا - ياما بيمر عليك اكبر واكبر
ولازم تكوني صبور اذا شد وغضب زوجك تبتسمين واذا غضبتي وشديتي لازم
هو يبتسم وبصراحه ماني شايفه موضوع يخليك بكل هنندم وكذلك يزعله عليك
لهذه الدرجه - افهمي انتي وفهميه وانتي على السرير ولوحدكم مايسمعكم احد وحاولي
يكون في وقت هو رايق فيه - وبنفس الوقت مشتاق لك - تقولين ترى حبيت حبيبي من كل
هالموضوع ان نتعلم اننا بيمر علينا الزين والشين - فلا بد كلاً منا يراعي الاخر وهــــــــــــذه
حيات عمر كامل مو سفّـره او لقاء صيفيه .. اسبوع وما بتكون حياتنا خاليه من النقاش والاخطاء الشبه
عفويه -- لانه الحمد لله الموضوع بسيط جداً .. بس الرجل > منهم يكره الاستغفال مهما كان بسيط والله يوفقكم
بحياه كلها سعاده .. وعلى فكره - خيتي ترى المشاكل الزوجيه الثنائيه مثل شوك الورد
:aha:اولحظة زعل وغضب الام والاب على اولاده -- لك ودي ووري:aha:
​

 

[جنون زوجي]

اشمر كل الي ردو يعطيهم الف عافيه
لكن والله مو نيتي اجذب وربي يعلم
لان تميت 8 سنوات ولله الحمد مامر يوم واجذب عليه لزم اعلمه لاننا متفقين مافيه شيء يخفى ولا يكذب على الثاني
بس جذبت لاني شفتهم مع مرة عمي ومره اعجبون ورحت لسوق
والقهم والله يوم شفتهم فرحت لان نااااااااادر مالقيت مثلهن
وكذا مره اشوف ترامس واقوله ابشتري يقول بعدين
وماغير يصرف قلت هالمره اذا اخذتهم ابقوله
لكن مشكوربن على الردود