جنون الحب ( رواية حلوووووه كويتية :)

[مـ سهله ـو]

اننا على انتظارررر

 

[مناوووي]

وحناااا بعد ننتظرج

تسلمين

 

[مـ سهله ـو]

الله يسلمج وكاهو البارت

 

[مـ سهله ـو]

تابع
أم سالم:شلون اخوك الحين؟
سلمان:يمه زي حالته الي أمس كل دقيقة سألتيني عنه
أم سالم:أنت شالحجي الي تقوله هذا ولدي وأبي أطمن عليه!
سلمان:وكاني قلتلج زي حالته عاد مادري عنه الحين
أم سالم:من كان معاه أمس؟
سلمان:آخر وحدة شفتها عقب ما طلعو أهل لطيفة هي لطيفة بس
أم سالم:أنت متأكد؟!!
سلمان:إي آخر وحدة دخلت غرفة سالم لطيفة وبعدين أنا طلعت ومادري شصار بعدين
أم سالم:لا لا مو معقولة!!عقب كل الي سواه لها سالم وهي طول الوقت معاه!!تبجي إي بس انها طول الوقت معاه ما أتوقع!!
سلمان:ليش ما تتوقعين؟!
أم سالم:أنت شفت شنو سوا لها أخوك؟!
سلمان:داري يمه وعارف شنو سوا لها سالم بس لطيفة تحب اخوي يمه تحب سالم
أم سالم:والله أمرها غريب هالبنت...كانت تكره سالم..بس يمكن يصير منها أي شي..ما ندري عن هالبنت الغريبة هذي!
سلمان:غريبة؟!!ليه غريبة؟!!
أم سالم:أول شي ترد لاخوك عقب كل الي سواه لها وعقب كل جفائها له وثاني شي ما شفتها يوم أنا وابوك نتهاوش بالمستشفى قامت تصرخ علينا بس احنا سكتنا لها لأننا مستغربين منها!
سلمان:يمه يمكن البنت متأثرة ونفسيتها تعبانة تعرفين الي صار لها مو شوي يكفي ان ريلها الي هو ولدج كان بيموت ما تنلام البنت وبعدين هي تحبه
أم سالم:وانت شدراك عنها ليش تدافع يعني؟!
سلمان:يمه أنا أعرف لطيفة زوجة سالم طيبة وايد ولا تحمل حقد على أحد...وفوق جذي تحب ولدج أكثر منا
أم سالم:سلمان شالحجي؟!!هذا أخوك واحنا نحبه زي ما نحبك لا تزيد بالحجي الي ما له داعي
سلمان:يمه هذي الحقيقة يعني لو تشوفين تصرفات ابوي وهو يعامل سالم تقولين هذا أبو يحب ولده؟!!...ولا حتى مهتم فيه..يمكن زوجة سالم الي هي لطيفة بتعوضه حب وحنان الأم والأبو
أم سالم:ليش تقول جذي يا سلمان؟!
سلمان:هذا الي أكيد يحس فيه سالم يا يمه
يدق التلفون
أم سالم:ألو...هلا...إي نعم أنا أم سالم....زين الحمد لله...مشكور...كا احنا يايين...مع السلامة
سلمان:منو هذا؟!
أم سالم وهي مبتسمة:هذا الدكتور مال سالم...يقول انهم طلعوه من العناية
سلمان:زين الحمد لله على سلامته...متى نروح له؟
أم سالم:إذا تبي الحين نروح
..............................
حمد:اشتقت لصوتك
فاطمة:وانا بعد اشتقت لك وايد ليش ما تدق؟!
حمد:تدرين حبيبتي أنا معذور عندي ظروف كثيرة يكفي الي صار لسالم
فاطمة:إي مسكين كسر خاطري وايد شلونه الحين؟
حمد:سمعت انه شوي تحسن
فاطمة:الحمد لله
حمد:أستعدي قرب عرسنا يا حلوة
فاطمة:هههههههههه مستعدة من زمان
حمد:شفيها الأيام كلما قرب عرسنا صارت أبطأ
فاطمة:هذي الدنيا جذي
............................
أما عند ياسر فكان عند البحر في منطقة بعيدة عن الكويت كان موقف سيارته ونازل منها ويفكر:"أنت شالورطة الي حطيت نفسك فيها؟!!...اففففف شبتسوي يا ياسر فكر شبتسوي...صحيح اني أكره سالم وودي أتخلص منه من زمان بس ما فكرت بالعواقب...ما فكرت انك مراقب بكل مكان تروح له ما فكرت ان من تروح مكان اعتبر نفسك انتهيت...الحين مادري سالم مات ولا لا...مو مهم مات...إذا مات فمصيري مثل مصيره...أما إذا أصابته الرصاصة بدون ما يموت فمصيري السجن...عندي الموت أحسن بألف مرة من السجن...عيل شبتسوي الحين...شبتسوي يا ياسر...ماكو الا حل واحد..."وهو يمشي"
.................................
النيرس:الحمد لله على سلامتك
سالم:الله يسلمج
النيرس:شلونك الحين؟
سالم:أحسن بوايد...ماحد ياني؟
النيرس:ألا ياو أهلك
سالم:وين زوجتي ما يات؟
النيرس:مادري أحس انها البنت الي في بالي أوصف لي شكلها يمكن اعرفها
سالم:بنت حلوة...بيضة...شعرها أسود طويل...أحلى من القمر...كانت معاي طول الوقت
النيرس:أكيد الي في بالي
سالم يطالع ورا النيرس:كاهي يات
لطيفة:شنو؟!
النيرس:ريلج يسأل عنج يبيج معاه كا أنتي مثل ما وصفج
لطيفة:الرياييل ما يقدون يتمون بروحهم
النيرس:هههههههه إي والله صدقتي لازم مع زوجاتهم خوافين
لطيفة:هههههههه
النيرس:شكله ريلج وايد يحبج
لطيفة استحت
النيرس:أنتي لطيفة؟
لطيفة:إي أنا لطيفة ليه؟!
النيرس:أمس طول الوقت كان ريلج ينادي باسمج
لطيفة:حبيبي
النيرس:أخليج مع ريلج
لطيفة راحت لسالم يعني قربت منه وجلست
لطيفة:حمد لله على سلامتك
سالم وهو تعبان شوي:الله يسلمج
لطيفة:قولي شلونك الحين؟
سالم:بخير دامني شفتج
لطيفة:بلا مجاملات وقولي شلونك الحين؟
سالم:الحمد لله أحسن بوايد من امس
لطيفة:إيه مبين ويهك منور الحمد لله...أمس كنت اصفر وشفايفك(براطمك)"بمعنى ثاني" زرق
سالم:ههههه شدعوة؟!
لطيفة:لا والله صج
سالم:هذا كله بفضل الله ثم أنتي لولاج كان مادري شصار لي الحين
لطيفة:هذا كله بفضل الله
سالم:ونعم بالله...أكيد بفضل الله ثم أنتي يا لطيفة
يتبع..........

 

[مـ سهله ـو]

تابع....
سالم:هذا كله بفضل الله ثم أنتي لولاج كان مادري شصار لي الحين
لطيفة:هذا كله بفضل الله
سالم:ونعم بالله...أكيد بفضل الله ثم أنتي يا لطيفة
لطيفة:ليش أنا؟!
سالم:هذا سؤال؟!!أنتي الي خففتي آلامي وجروحي...صحيح اني تألمت من قلب منج مو بس منج من الكل..الكل كان ضدي بس أنتي الي داويتي جروحي..وحتى ألم الجرح أنتي الي خففتيه...وجودج معاي وأنا بذيك الحالة كان له أثر كبير على حالتي..صحيح اني كنت وايد تعبان...بس كلامج لي أحس انه يخفف الألم ويريحني
لطيفة:ترى كل الكلام الي كنته اقوله لك يا سالم من قلبي...كان يطلع من أعماق قلبي...دموعي كانت حارة غصب عني...ما أنكر اني اشتقت بك واشتقت للمسة يدك...وكنت أحبك...حتى لو اني قسيت عليك وايد..مثل ما أنت قسيت علي
سالم:صدقيني لطيفة ما يوم غبتي ألا وأنا أفكر فيج
لطيفة:وأنا بعد
سالم:وحشتيني
لطيفة:................
سالم:لمسات يدج الناعمة أشفت جروحي
لطيفة:لازم اشفي جروحك
سالم:لطيفة أنا بسألج سؤال وأبيج تجاوبين لي عليه بكل صراحة...أنتي كنتي تهتمين فيني من دخلت المستشفى لين الحين عشاني مصاب وكانت حالتي خطيرة؟ولا لأنج تحبيني؟
لطيفة:أسمع سالم أنا زعلانة منك وهذا شي طبيعي ولازم يصير بحكم الي سويته لي...بس أنت كنت تهتم فيني وايد يوم طحت وسقطت كنت دايم معاي...كرامتي ما سمحت لي اني أرد لك رغم ان آخر مرة اعتذرت لي فيها تأثرت من كلامك وايد...بس يوم سمعت خبر ان رصاصة دخلت صدرك تذكرت كل الأيام الحلوة الي قضيناها مع بعض...عرفت اني كنت اكابر واني أحبك...بس صدقني أنا كنت مهتمة فيك في المستشفى مو لأن حالتك خطيرة وخفت تموت سم الله عليك...لا لأني أحبك
سالم:كلامج ريحني يا لطيفة...وايد ريحني
لطيفة:عشان تعرف شكثر انا أحبك
سالم:يا بعد طوايفي وطوايف هلي(يحاول يسند ظهره فوق طرف السرير يعني نص سدحة) "تخيلوها أنتو عاد هههههههه"
لطيفة:خلني أساعدك(حاولت لطيفة تساعد سالم بس من ضغط سالم على يده اليمين عشان يرفع نفسه ألا تألم بقوة لأن أصلاً مكان الجرح في صدره جهة اليمين)
سالم:اااه...آه..آه
لطيفة:ريح نفسك...خلاص ارتاح..مو لازم تقوم
ورجع انسدح زي قبل
سالم:افففففف مليت طولت بالمستشفى
لطيفة:معلي أصبر كلها كم يوم انشالله وتطلع
سالم:لطيفة....إذا طلعت بتردين لي؟
لطيفة سكتت
سالم:ما رديتي علي...بتردين لي؟
لطيفة:........مادري
سالم:لطيفة....ليمتى احنا بنتم جذي؟!!
لطيفة:مادري يا سالم...مادري
سالم مسك يدها:أبيج
لطيفة:وانا بعد......بس أنا لي كرامة
سالم:الحب ممكن يطغى على أي شي حتى الكرامة...ترى حتى أنا كرامتي انهانت وأنا تعرفيني ألزم ما علي كرامتي ورجولتي...أنتي جرحتيها..وأنا سكت لأني أحبج
لطيفة:وأنا بعد يا سالم وأنا...أنت بعد أهنت كرامتي لا تنسى
سالم:وأنتي بعد ما أنكر هالشي..بس يكفي زعل...الي صار لي ما بين غلاتي بعيونج؟
لطيفة:ألا والله بينه يا سالم بين شكثر أنت غالي عندي
سالم:عيل ليش ما تدرين؟!
لطيفة:...مادري يا سالم...مادري
ألا جاو أهل سالم الي هم أمه وابوه واخوه
أم سالم:السلام عليكم
لطيفة وسالم:وعليكم السلام
أم سالم:ها شلونك الحين يا ولدي؟
سالم:أحسن
وجاو بو سالم وسلمان وسلمو عليه
سالم رجع يسند ظهره بس هالمرة عشان أهله جاو وطبعاً ساعدته لطيفة في هالشي ومسكو يدين بعض عشان تساعده لطيفة على انه يتسند على ظهره
سلمان:ويهك ما شالله منور اليوم
أم سالم:إي الحمد لله وايد تحسنت أحسن من قبل
سالم ابتسم
بو سالم:شلونك سالم؟
سالم:زين(وهم ما لهم خلق بعض)
سلمان:أسمح لي يا سلوم ويهك تبدل مس كان أصفر واليوم صار أحمر
أم سالم:ههههههه أحمر مرة وحدة؟!!
سالم:هههههه هذا كله بفضل لطيفة هي الي كانت معاي طول الوقت ما ترتاح الا لما أكون أنا مرتاح...من يوم صارت لي الحادثة وهي يمي...ما فارقتني ولا لحظة إلا إذا كان الدكتور مانعها انها تتم وتنام معاي
يعقوب وحصة وسلمان يطالعون بعض
سالم ولطيفة مستغربين
بو سالم(يعقوب):أسمع يا سالم أنا وأمك نبي نكلمك بموضوع خاص
سالم:موضوع خاص؟!
أم سالم(حصة):إي خاص موضوع مهم وعائلي
سلمان:فهمتها إذا بس أمي وابوي عيل I knocked out
وطلع سلمان برة الغرفة
لطيفة توها بتطلع وسالم مسك يدها
سالم:وين رايحة؟!!
لطيفة:موضوع خاص بينكم ومابي أتدخل يا سالم
سالم:وانتي وحدة منا وفينا ومن العايلة الي سموها عايلة
أم سالم:سالم شالكلام؟!!
سالم:أي كلام مو صحيح كلامي؟!
لطيفة:سالم لا تعصب خلاص أنا بروح
سالم:لا لا تروحين تمي هني
أم سالم:موضوع عنك يا سالم
سالم:إذا عني فلطيفة بعد تتدخل فيه لأنها جزء مني
لطيفة:سالم خلاص أهلك يبون يكلمونك بموضوع خاص
أمس الم:سالم شفيك يا ولدي عنيد جذي...خل البنت في حالها
سالم:لا...لطيفة ما راح تطلع...هي جزء مني وأي شي يهمني يهمها هي بعد لأنها زوجتي
بو سالم وأم سالم يطالعون بعض:!!!
سالم:مثل ما قلت
بو سالم وأم سالم طالعو بلطيفة نظرة خطر
لطيفة حست انها انجرحت من نظرات أم سالم وابوه وتلت إيدها من سالم وراحت تبكي برا
سالم:لطيفة...لطيفة
وراحت لطيفة ولا كأنها تسمع
سالم:شفتو عجبكم الحين...زعلتو البنت...ليش تسوون جذي معاي ومعاها ليش؟!
بو سالم:قلنا لك موضوع خاص
سالم:وخاص يعني لطيفة ما تكون موجودة؟!!أنتو ليش تكرهوني؟!!
أم سالم:سالم شالحجي الي تقوله أحنا أهلك ونحبك
سالم:انزين خلصوني شنو الموضوع المهم هذا؟!
لطيفة وهي برا الغرفة كانت تبكي
سلمان:شفيج يا مرت اخوي؟!
لطيفة:.....ما فيني شي
سلمان:أمي وابوي جرحوج؟!
لطيفة:لا سلمان لا تتهمهم
سلمان:عيل ليش تبجين؟!
لطيفة تمت تبكي
داخل الغرفة
سالم:نعم ما سمعت سمعوني ما سمعت!!!
بو سالم:صدقنا يا سالم الطلاق أحسن حل
سالم:بس أنا أحبها
أم سالم:بس هي ما تصلح لك يا ولدي
سالم:يمه شفيج قلبتي عليها مو كنتي تحبينها؟!
أم سالم:أنا ما قلبت عليها كل هذا عشان مصلحتك أنا وابوك نبي مصلحتكم
سالم:تقومون تقولون طلق لطيفة؟!!!!
بو سالم:هذا أحسن حل
سالم:ومن قالك انه أحسن حل ليش ان لطيفة فقيرة وانتو تبوني أتزوج وحدة من مستواي...لا حتى لو كان هذا الكلام قبل الزواج أنا راح اتزوج لطيفة غصب عن الكل
أم سلام:والمشاكل الي صارت بينكم انت وياها
سالم:المشاكل هذي أنا سببتها صح انها بعد هي سوت أشياء خلتني أعصب وأتزوج عليها..بس حتى أنا ما كنت لا أنا ولاهي ملاك عشان نكون بدون مشاكل على طول
أم سالم:احنا ما قلنا جذي بس أنت يا سالم ما تصلح لك لطيفة
سالم:وليش ما تصلح لي؟!
أم سالم:هي غير وانت غير أنا أشوفكم كله مشاكل ما تصلحون لبعض يا سالم
سالم:هذي مشاكل زوجية وكل الأزواج لازم تصير بينهم مشاكل شي طبيعي ومو مهم يتدخلون الأهل وهذا آخر كلام عندي
أم سالم:الله يهديك يا ولدي
سالم:الله يهدي الجميع
............................
وبعد مرور الأيام طلع سالم من المستشفى بس للحين سالم ولطيفة مفترقين بس كلهم في الكويت لطيفة في بيت أهلها وسالم بيتهم بيت ابوه نفس الشي


:0bee2e8d89:

 

[مـ سهله ـو]

الجزء الثلاثون
والأخير
في الجزء السابق صارت أحداث كثيرة حب وفرح وحزن ومآسي خصوصاً في الجزأين السابقين مأساة ان لطيفة سقطت والجزء السابق مأساة ان سالم يصاب برصاصة في صدره وتكون حالته خطيرة بس لطيفة راحت له وتمت معاه في المستشفى واهتمت فيه وعرفت هي شكثر تحب سالم وهو شكثر يحبها مهما صار بينهم من خلافات ومشاكل ومآسي لكن الحب يضل حب مهما صار نشوف شصار مع الجزء الثلاثين والأخير
الفصل الأول
سالم كان رايح مشوار وكان وجهه مثل ما هو كئيب وحزين أخذ سيدي من دولاب السيارة وشغله وطلعت غنية الحزن(الجديد)لراشد الفارس
الجديد ان الهموم اكثر من اول والسعادة طيف يذوي كل يوم
الجديد ان خفوقي ما تحول حامل نده ولا عنده خصوم
الجديد ان الحزن بالعين حول والفرح في نظرتي صار مهزول
الجديد ان الصبر طول وطول والحياة اجهاد والدنيا عزوم
ومشى سالم بالطريق وهو يفكر بهموم الدنيا ويحس انه شيخ مو شاب بالعشرينات من كثر الهموم الي براسه بس هالزمن يشيب الطفل يا ما شباب في سنه شالو هموم حتى الكهول ما يشيلونها
.......................................
فاطمة:ما راح يتم عرسنا وانتي وسالم على هالحال
لطيفة:أي حال؟!
فاطمة:تسألين بعد؟!حالكم انتي وياه مفترقين وكل واحد بجهة
لطيفة:وأنتو شنو دخلكم فينا خله يتم عرسكم ما لنا شغل فيكم؟!
فاطمة:حبيبتي أنا وحمد متفقين على انكم تردون لبعض قبل العرس
لطيفة:وان ما ردينا
فاطمة:أن ما رديتو لبعض فبتردون في العرس أو بعده
لطيفة:يا سلام...حلوة هذي...وانتي شدراج؟!!
فاطمة:بتشوفين يا لطيفة
لطيفة:فطوم عن اللف والدوران شلي خلاج تقولين هالحجي؟!
فاطمة:من سويرة أختج
لطيفة:يا لقف هالبنت وشنو قالت لج سويرة؟!
فاطمة:تقول يوم كان سالم مرقد بالمستشفى كنتي طول الوقت مهتمة فيه تقول بين شكثر تحبينه تقول تحبه لطيفة موت وكنتي تبجين وتقول ويهها يكسر الخاطر وصايرة صفرة وتخرع بعد
لطيفة:وييييييييييييييعة سوير ما تخلي لقافتها صح كلامها كنت مهتمة فيه يا حبيبتي زوجي كان بيموت لازم اهتم فيه لأني أحبه
فاطمة:الحمد لله كا أنتي اعترفتي بنفسج وقلتيها أحبه عيل ليش كل هالسخافة والبعاد مسوين لي فيها تبون تشتاقون لبعض؟!
لطيفة:لا فاطمة الموضوع جد لو صار لج مثل الي صار لي كان شسويتي؟
فاطمة:راح ازعل أكيد من حمد الله لا يقوله وأكيد راح ابتعد عن زوجي بس مو مثل هذي المدة وبما أني أحبه فأرد له مثل ما هو يحبني
لطيفة:باجر يحلها ألف حلال
..............................
سالم:للحين ما لقيتوه؟
الضابط:للأسف لا...بس أخذنا أقوال كل من كان شاهد على الجريمة وحتى أقاربك
سالم:وشنو قالو؟!
الضابط:ما توصلنا لشي أبوك قال أنك كنت شخصية عدوانية في طفولتك بس يوم كبرت تغيرت وصرت محبوب بين الناس وأصدقائك وزملائك يعني تقريباً ما توصلنا لشي
سالم:حتى أنا نفسي كنت متفاجئ مادري شلون كنت منخدع بصداقة زي جذي
الضابط:أبرار قالت لي عن سالفتك أنت مع ياسر
سالم:أبرار؟!!وأبرار شنو دخلها؟!!
الضابط:ليه مو كانت معاكم بالحفلة؟
سالم:إي نعم معانا بس أنا مو فاهم شي!!
الضابط:أبرار زميلتكم تقول ان ياسر ارتكب الجريمة علشانها
سالم:!!!
...............................
راشد يقول بقلبه:"أنا ليمتى راح اظل كذا...أنا لازم اعيش حياتي...ومها...ومها يا راشد ااااااه يا مها...هالدنيا ما تسوى بدونك...بس مها ما ترضى تشوفني وحيد وحزين طول الوقت...يعني أتزوج؟!!أتزوج غير مها؟!!والي أبيها حاطها في بالي...لازم آخذها قبل لا تطير من ايدي...لازم تعيش حياتك يا راشد...لازم
جات بنته رغد
راشد:هلا والله برغودة الحلوة هلا ببنتي حبيبتي
رغد:بابا أبي منك طلب صغينون
راشد:آمري تدللي كم رغودة عندنا
رغد:أبي أروح الملاهي
رادش:بس كذا...من عيوني الثنتين
رغد:بابا أنا أحبك
راشد يلم بنته:وأنا بعد أحبك(دمعت عيونه)
رغد:بابا شفيك؟!
راشد:لا حبيبتي ما فيني شي
.................................
الضابط:يعني وين بيكون؟!
سالم:مادري يا حضرة الضابط أنا محتار احدد مكانه
الضابط:لو كنت قاتل مكان ياسر قتلت وهربت وين بتروح؟
سالم فكر وفكر شوي:إييييييييه....عرفت وين بيروح
.........................
وراحو سالم والشرطة المكان الي يتكلم عنه سالم الي هو الشقة الي كانو يتجمعون فيها الشباب هو وربعه دخلو ونادى العسكري الضابط والي معاه وراحو مسرعين للمكان ألا كانت الصدمة سالم من الصدمة أصابه تشنج والشرطة يحاولون يعرفون السبب وسالم واقف منصدم متشنج مكانه ما توقعها من ياسر إذا يبي يتخلص منه ليش بعد يقتل نفسه معاه مو يبي يعيش بدوني...أكيد حياته تعيسة..يطالع بياسر الي قتل نفسه بمسدس على راسه كان ياسر ماسك المسدس وعيونه مفتحة ووجهه رصاصي وعيونه مفتوحة وحمرة كان شكله مرعب والغرفة ممتلية دم ومبين ان الجثة صار لها مدة وطبعاً هي حالة انتحار راسه فيه ثقب من أثر الرصاص سالم كان واقف منصدم تذكر الثقب الي سببه له ياسر في صدره
........................................ ....
يتبع........

 

[مـ سهله ـو]

وهذا اللي وصل وتسلمون

 

[مـ سهله ـو]

الفصل الثاني
لطيفة كانت في غرفتها يطق الباب ويدخل خالد
لطيفة:خالد!أنت ييت؟
خالد:إي ييت أبي أسولف معاج... من تزوجت وأنا ما قعدت معاج عادي ما عندج شي؟
لطيفة:أكيد عادي وما عندي شي
خالد:شلونج لطوف؟
لطيفة:الحمد لله زينة
خالد:متأكدة؟
لطيفة:أكيد!!
خالد:لطيفة بسألج متى بتردين لسالم؟
لطيفة:أرد له؟!!
خالد:إي تردين له!
لطيفة:أنت قلت تبي تسولف معاي شدخل سالم بالسالفة؟!
خالد:احنا أصلاً تونا ما سلفنا وبعدين سالم ريلج شنو شدخله يعني متى بتردين له؟؟!!
لطيفة:مادري يا خالد...لين تتعدل الأمور
خالد:أنا لاحظت ان أنتي وسالم تحبون بعض وايد فليش ما تردون لبعض؟!
لطيفة:مادري يا اخوي لين تتعدل الأمور وأنا محتارة
خالد:وفي شنو محتارة..لطيفة أنتي معلقة لا مطلقة ولا متزوجة يكفي انج كنتي بترفعين قضية خلع قبل لا تصير الحادثة لسالم فأحسن لكم تردون لبعض وتعيشون حياتكم من جد وجديد ويرجع حبكم مثل اول وأكثر
لطيفة:الله يسمع منك
.................................
بعد مرور الأيام على مثل ما هي جا يوم منتظر وهو يوم عرس حمد وفاطمة المحبوبين الأكثر رومانسية من بعد سالم ولطيفة كانت ليلة جميلة في أطيب وأرق وأحلى عروسين حبو بعض صدفة مثل أبطال قصتنا ومشى حبهم بدون معكرات ومصايب ومشاكل

البنات كلهم جالسين في طاولة وحده

لطيفة: ياااااااااااااااااي يافطوم والله أني راح أفقدها
ساره: أنا أكثر
آلاء:خلاص عاد راح تخلونا نبجي
لطيفة : عن أذنكم أنا بروح شوي وبرجع
راحت لطيفة غرفة العروس فاطمة ودخلت عليها بسرعه ولمتها كونها قريبه لها
لطيفة:مبروووووووك ياأحلى فطوووم في هذي الدنيا
فاطمة:الله يبارك فيج
لطيفة: يالله إن شاء الله تتهنين مع حمود
وأنتي بعد مع سلوم إن شاء الله فاطمة:
لطيفة توها راح تتكلم بتقول إلا فاطمة سدت فمها
فاطمة:لا لا تقولي أنا عارفه أنتي شنو راح تقولين
لطيفة: خلاص ماراح أتكلم
ولمت فاطمة لطيفة وقالت لها : إن شاء الله ترجعون لبعض وتصيرون أحس من أول
إن شاء الله لطيفة:
.............................
نرجع للبنات
سارة:تأخرت لطيفة شفيها؟
حنان:وأنتي شعليج
ساره:يوووووووو أختي بعد
آلاء: خلاص لا تتهاوشون
ساره: الحمد لله هذي هي جات
لطيفة جات وجلست على الكرسي
حنان:ألا وينج أنتي قبل شوي؟!
لطيفة: رحت دورة المياه شوي وكاني ييت (جيت)
إلا جات أماني وجلست معاهم
آلاء : الله الله يا أماني وش ذا الزين
أماني:تدرين أخت العروس لازم أكون كشخه
الصراحه عن جد يا أماني كشخة بمعنى الكلمة حنان:
أماني : تسلمين يا حنان
أماني: عن أذنكم
آلاء:توج ياية ليه تروحين؟!
أماني : لأن ألحين خلاص راح تدخل فطوم ولازم أكون معها
لطيفة:خلاص راح تدش ألحين؟
أماني : أي ألحين
لطيفة:يلا روحي بسرعة الحين نبي نشوفها
ساره: أماني أنا أبي أروح معاج أشوفها
أماني :يلا بس قعدي مكانج
لطيفة: أي والله ليه تروحين وألحين إيه بتجي
سارة:خلاص بقعد وأمري لله
وراحت أماني الغرفة ومعها أمها ( أم يوسف ) ودخلو الغرفة
أم يوسف:يلا يمى بسرعه تراكم تأخرتو على الناس واااااااااااااايد
طيب يمه هذا أحنا أماني:طيب راح أنخلص
فاطمة: هااااااا يمى أنا حلوه
أم يوسف:واااااايد يمى الله يخليج ويسعدج إن شاء الله ( وقامت الأم تبكي شوي)
أماني : خلاص يمى عرس بنتج وتبجين
وقامت فاطمة ولمت أماني وأمها


يتبع.........

 

[مـ سهله ـو]

جا وقت الزفة ودخلت العروس بكل جمالها فاطمة صايرة ملكة الليلة جميلة حيل كل شي فيها ساحر كل من شافها انعجب فيها والحريم والبنات يطالعونها باعجاب والفرحة تعم قلوبهم حسو انهم بيفقدون فاطمة وفي نفس الوقت فرحانين لها أم يوسف دمعت عيونها وأماني ولطيفة بعد لأن فاطمة قريبة من قلبها مهما صار لأنها تحس انها بتفقدها في الزفة والعروس جالسة لطيفة ما قدرت تتحمل وراحت للحمام بسرعة لحقتها آلاء لأنها شافتها تبكي وراحت لها
آلاء:لطيفة حبيبتي شفيج؟
لطيفة وهي تبكي:..............فاطمة
آلاء:شفيها؟!
لطيفة:بفقدها وايد...وفي نفس الوقت أنا فرحانة لها
آلاء:بس جذي؟!!...كلنا بنفقدها وكلنا فرحانين لها يا بنت عمي
لطيفة:راح اشتاق لها لجمعتها معانا احنا البنات
آلاء:ومن قالج ان فاطمة بعد الزواج راح تترك جمعتنا يا البنات...أنا أعرف فاطمة زين ما تتغير
لطيفة:...........................
آلاء:مشكلتج حساسة يا لطيفة...يلا حبيبتي عدلي المكياج وتعالي أنا أنطرج
وراحو لصالة الحريم مرة ثانية
أوصف لكم البنات أماني صايرة حلوة لأنها طبعاً أخت العروس لابسة أخضر ناعم فستانها يجنن لطيفة لابسة موف يجنن عليها صايرة تجذب كل من شافها في العرس وغيرة البنات ما تخلي أحد في حاله مكياجها موف بعد مخلوط ببنفسج وشعرها حلو تسريحتها تجنن سارة فستانها كالعادة نعوم وحلو بيج صايرة ناعمة وحلوة آلاء بعد ناعم تركواز وصايرة حلوة حنان مرت خلودي مدلعها الحبيب فستانها صاخب فوشي بس حلو هي بنت تحب الكشخة فلبست مزركش كثير والمكياج ثقيل بعد هي تحب كذا البنات بكوم والعروس بكوم ثاني العروس تجنن مكياجها ذهبي فستانها منفوش بشكل كبير.
بعدها جا حمد التقى بفاطمة حبيبته وهي التقت بحبيها حمد وبعد كذا قالو ان الرجال بيدخلون ألا يدخلون بعدها مجموعة شباب ويرقصون وطبعاً كانو متلثمين ولطيفة شافت سالم واحد منهم كان متلثم لطيفة كانت تطالع بعيونه حلوة وناعسة وخشمه طويل سليل يا حلو ريلي بس...وبعدين وجه سالم عيونه للطيفة ولطيفة تطالع فيه باستغراب وفجأة غمز لها شافته طاقة شبابية تتفجر فيه خصوصاً سالم"يا حليله يرقص بعد يا حلوه ويا حلو رقصه فديته وفديت عيونه الناعسة"ويرقص سالم وحالة مع الشباب وهو فرحان لولد عمه الأخ الثاني له حمد ولطيفة تطالع فيه وتضحك عليه
سارة:لطيفة هذا ريلج سلوم صح؟!
لطيفة:إي ما شفتيه يوم دخل وبعدين ليش شتبين؟!
سارة:ما يستحي على ويهه عنده مرة الي هي أنتي ويرقص لو كان عزابي معلي ويعه رقصه يينن(يجنن)وشكله يجذب البنات كلهم يطالعون فيه هذا غير المعرس
آلاء:ههههههههههههههههههههه أشوى انه متلثم
لطيفة:هههههههههه يا حليله
البنات:أحلــــــــــــــى
لطيفة:بس خلاص يا ليتني ما تكلمت
بعد ما خلصو الشباب فك سالم اللثمة طالعت لطيفة فيه بكل حب"وينك اشتقت لك"
وراحو يسلمون على العروس والمعرس وهم يسلمون كانت لطيفة قريبة من سالم سلمو على العروسين وسالم طالع لطيفة وابتسم لها ابتسامة روعة لطيفة تبي تهرب من الموقف تروح أي مكان ألا لفت وبتروح ألا حست بيد تسمك يدها التفتت لورا ألا تشوف سالم
سالم:تبين تروحين عني؟
لطيفة:سالم؟!!...........
سالم:سالم يحبج
لطيفة كانت خايفة ما تدري شتسوي أو تقول
سالم:وينج عني كل هالمدة؟!
لطيفة:أنا ولا أنت؟!
سالم:أنتي...كلنا...مادري شلون قدرت اتحمل بعادج
لطيفة:................
سالم:لطيفة
لطيفة:نعم حبيبي..........(حست انها توها تستوعب الكلمة الي قالتها)"أنا شقلت؟!!"
سالم:نعم عيديها تكفين
لطيفة:نعم.....
سالم:لا لا تسوين نفسج ما تعرفين الكلمة الي بعد نعم
لطيفة وهي مستحية:.............
سالم:يلا قوليها....ولا تدرين أحبج
لطيفة:......وأنا بعد....
سالم:وأنتي بعد شنو؟!
لطيفة بحيا:.......................أحبك
سالم:يا بعد عمري أنتي....أقولج تعالي معاي
لطيفة:وين؟!
سالم:تعالي وبس
لطيفة:انزين بخبر اهلي
سالم:تخبرينهم بشنو؟!!
لطيفة:اني بروح معاك مادري وين
سالم:يلا بسرعة
وراحت لطيفة أقل من دقيقة وجات
سالم:يلا
لطيفة:ما قلتلي وين؟؟!!
سالم:بعدين اقولج
لطيفة:وين بتوديني؟!!
سالم:بعدين بتعرفين يلا بس امشي
لطيفة:أمري لله!
أخذ سالم لطيفة للبحر وسالم قعد يتغزل فيها
سالم:صايرة حلوة اليوم تهبلين
لطيفة:أكيد عرس بنت عمي
سالم:أكيد اليوم انتي ملكة الليلة
لطيفة:ملكة الليلة هي العروس لا تبالغ
سالم:صدقيني ما أبالغ أنا أقصد انج غطيتي على الكل
لطيفة:ههههههههههههه
سالم:يا حلو هالضحكة اشتقت لها وايد
لطيفة ابتسمت بخجل
سالم:واشتقت لابتسامتج الخجولة
سالم مسك يدين لطيفة
سالم:وحشتيني
لطيفة:...............
سالم:وأنا ما وحشتج؟!!ما اشتقتي لي؟!!
لطيفة:...........امبلى....ألا تعال احنا شقاعدين نسوي هني؟!!
سالم:أبي أقعد معاج واسولف بروحنا من دون أحد...اشتقت لج ولسوالفج...ولابتسامتج وخجلج وهدوؤج وكل شي فيج
لطيفة:..........وأنا بعد اشتقت لك اشتقت لنظراتك وسوالفك وخفة دمك...اشتقت لغزلك وجرأتك
سالم:عيل خلاص
لطيفة:خلاص شنو؟!
سالم:لازم نرد لبعض
لطيفة:.............
سالم:ما في كلام بعد جذي يكفي الي صار لي تعذبت وايد ببعادج
لطيفة:حتى أنا تعذبت ببعادك صح اني أكابر بس صدقني كنت وايد متعذبة
سالم:يعني خلاص بتردين لي؟!
لطيف:إي بس......
سالم:بس شنو؟!
لطيفة:أنا خايفة
سالم:خايفة من شنو؟!
لطيفة:خايفة نرد لبعض وترد المشاكل والمصايب واخاف ترد للشرب..وتطقني
سالم:حبيبتي ماراح ترد انشالله أيام اول...راح نعيش حياة جديدة ولا تخافين الشرب ماراح ارد له توبة راح نفتح صفحة جديدة في حياتنا راح نعيش حياة جديدة كلها حب وأمان بدون مشاكل
لطيفة:يا رب الله يسمع منك يا سالم
سالم:يعني خلاص موافقة نرد لبعض؟
لطيفة تهز راسها بالايجاب
سالم:أحبج لطيفة
لطيفة:أحبك سالم
سالم لم زوجته بكل حب
..................................

 

[مـ سهله ـو]

وهذا اللي وصل :>

 

[مناوووي]

لاتطولين علينا

 

[الكـويتية]

يعطيك الف عافيه

 

[مـ سهله ـو]

الله يعافيكم انشالله

 

[مـ سهله ـو]

الفصل الثالث
خلاص جاء يوم سفر الحلوين إلى شهر العسل وتدرون وين راح يروحون؟؟؟ راح يروحون (شرم الشيخ) وقبل ما يسافرون راحت فاطمة وحمد بيت أهلها وكانوا موجودين أهلها كلهم في بيتهم
في غرفة البنات>>>
حنان: يالله راح أفقدج يا حلوة
سارة دمعت عيونها شوي: يا فطوم والله أني ما أقدر أفقدج أيام ولا أتصل عليج عيل شلون تبيني أنتظر أكثر من أسبوع
فاطمة : خلاص لا تبجين إن شاء الله أسبوعين أو أسبوعين ونص وأكون موجودة وراح تزهقون مني بعد
لطيفة: ما عاش الي يزهق منج
الاء: ياااااااااااااااي بنات خلاص لا تخلون البنت تصيح وهي في بداية زواجها
لطيفة: أي والله كلام الاء صح خلوا البنت تستانس في بداية زواجها
فاطمة : يلا بنات أخليكم ألحين لأن راح تقلع الطيارة بعد ساعتين تقريباً
وجاو البنات ولموها قبل ما تطلع
ساره: لا تنسين تتصلين علينا إذا وصلتي
فاطمة: إن شاء الله من عيوني الثنتين
الاء:وبعد أذكرج بشي لاتنسين تحفظين الأحداث مع حمد لأن إذا رجعتي إن شاء الله راح تقولين لنا كل ألي صار
البنات كلهم ضحكوا على كلام الاء
البنات : يلا فطوووم بااااااااااااااااي
فاطمة طلعت من الغرفة وراحت الصالة ألي فيها الحريم عشان تسلم على أمها وأختها وبعدين على طول جات وراها لطيفة
فاطمة: يلا يمى مع السلامة أنا بروح ألحين
أماني : ليه توج يايه؟؟؟
فاطمة: بعد شوي راح تقلع الطياره
أم يوسف: يلا يا بنتي توصلون إن شاء الله بالسلامة ( قامت تبكي)
فاطمة: يوووووو شفيكم كل ما أسلم على وحدة تقوم تبجي
أماني:تدرين يحبونج وما يقدرون يفارقونج
وقامت فاطمة لمت أمها وأختها (هذي كل ساعة تلم وحده ههههه) وسلمت بعد على عمامها وأخوها يوسف ومنصور
وقبل ما تطلع فاطمة من البيت نادت لطيفة عشان تبي تكلمها
فاطمة: لطيفة تعالي شوي أبيج ( وراحت معها في غرفة ثانيه)
لطيفة : نعم .... يلا بسرعة روحي يمكن ألحين حمد ينتظرج
فاطمة: لا...... لا تخافين ما بعد يطلع من مجلس الرجال.... المهم أنا أبيج في موضوع مهم
لطيفة: نعم فطوم إن شاء الله خير؟؟
فاطمة : بطلب منج طلب وأتمنى أنج تنفذينه
لطيفة: إن شاء الله إذا قدرت عليه راح أنفذه
فاطمة: أماااااانة ما أرجع من السفر إلا أنتي وسالم راجعين لبعض وإذا رجعتو إن شاء الله قبل ما أرجع الكويت دقي علي أمانة..... حرام عليج يا لطيفة سالم يبيج ويحبج وما يقدر يستغني غنج
لطيفة: إن شاء الله نرجع مثل أول وأحسن .... بس أنتي المهم الحين ما عليج مني أهم شي تهتمين في زوجج وتستانسين في سفرتج ولا تفكرين فيني أبدا وإذا إن شاء الله أن رجعت أنا لسالم ولا يهمج أنتي أول من أدق عليها .... غالي والطلب رخيص
فاطمة: وعد...خلاص أتفقنا ؟؟!!
لطيفة: وعد أتفقنا
فاطمة يرن جوالها وإلا هو حمد : يلا يالطيفة بااااااااااي هذا حمد يبني أطلع
لطيفة: يلا بااااااااااي ولمتها
....................
وصلوا حمد وفاطمة المطار ومعاهم أم يوسف ويوسف
فاطمة: خلاص يمى لا تبجين ... يلا يمى مع السلامة
حمد: يلا عمتي مع السلامة
أم يوسف: يلا مع السلامة..الله يحفظكم إن شاء الله
يوسف: يلا فطووم مع السلامة.. ولا تنسين تدقين علينا إذا وصلتي
..............................

راشد:إي بعد كملي
نور:إي مثل ما قلت لك حلوة...وبعدين تعال هنا أنت مو شايفها؟!!
راشد:ها...لا لا ماشفتها أستحي يا بنت
نور:خلاص ما علينا المهم انها بنت ما تنعاب
راشد:يعني تتوقعين ابوي بيوافق؟
نور:ههههههه...أكيد بيوافق بنت اخوه ويعرفها زين وهي ماشالله تجنن من كل النواحي وماشالله كاملة والكامل الله
راشد:شوقتيني زيادة يا نور
نور:هههههههههههه أشوفك ميت عليها يا ليتها بس تسمعك
راشد طالعها بعصبية:أستحي أقولك
نور:خلاص خلاص بسكت ههههههههههههه
.................................
بعد ما وصلوا حمد وفاطمة شرم الشيخ على طول راحوا فندق5ستار لأنهم كانوا مره تعبانين يوم وصلوا الفندق:
حمد على طول راح على السرير: يااااااااااي وأخيرا جالسين مع بعض ؟؟
فاطمة: لا كنك ما مره جلست معي ( ولفت وجهها يعني صار حمد يطالع ظهرها لأنها كانت تبي تروح تجيب الشنطة لأنها كانت قريبه من الباب)
حمد على طول قام من السرير ولف ظهرها : حبيبتي
فاطمة: نعم ياعيوني
حمد: فديت ذا العيون ............... أمووووت فيك
فاطمة: بس تموت فيني
حمد مسك يدها: لا طبعا هذي كلمة من مئة كلمة
فاطمة: مثل؟؟!
حمد: مثل أني أحبك وأمووووت فيك وأنتي طبعا عيوني يعني أنا راح أتعب وأنا أوصف لك مدى حبي لك
فاطمة: لا عاد لا تبالغ
حمد: والله أني ما أبالغ ( وباس يدها )
فاطمة: يا بعدي عمري والله ....... يؤ يؤ أنا نسيت شي ( تدرون الحب شاغل فكرها )
حمد: حياتي شفيك وش ناسيه
فاطمة: نسيت أتصل على بيت أهلي وأنا واعدتهم أني إذا وصلت أتصل عليهم
حمد: يلا ألحين أتصلي عليهم وسلمي على عمتي
فاطمة : OK وأتصلت على أمها...... الو قو يمى
أم يوسف: هلا يمى ( طبعا وهي فرحانه وااايد ) فطوم شخبارج أنتي وحمد إن شاء الله طيبين
فاطمة: الحمد لله يمى ويسلم عليج حمد
أم يوسف: سلمي عليه ..... أقول فطوووم متى وصلتوا؟؟
فاطمة: تونا يمى قبل شوي واصلين ...... إلا أقولج يمى
أم يوسف: نعم يمى
فاطمة: وين أماني ويوسف ومنصور
أم يوسف: دقيقة يمى أناديهم لج ......... أماني يوسف منصور
أماني : نعم يمى
أم يوسف: تعالي يمى أختج تبيج
أماني: فطووووم (وجات بسرعه ).... هلا والله
فاطمة: هلا أماني ..شلونج
أماني: الحمد لله ... أنتي قولي لي شلونج
فاطمة: أنا الحمد لله .... أقولج أماني ... أتصلي على أهلي قولي لهم أني وصلت لأني أنا قلت لهم إذا وصلت راح أتصل عليهم
أماني: طيب ok
فاطمة: يلا يمه السلامة سلمي على أمي ويوسف ومنصور
أماني : يلا مع السلامة
وسكرت فاطمة
حمد : خلاص ألحين أرتحتي يوم أتصلتي عليهم
فاطمة: أي والله أرتحت وااااااااايد
حمد: يلا ياقلبي خلينا ننام شوي لأني أنا تعبان بالمره
فاطمة: يلا

طبعا ناموا شوي وبعدين فاطمة جالست قبل حمد وجالسه تنتظر حمد لين يجلس. بعد تقريبا 10 دقايق من جلست فاطمة من النوم جلس حمد
حمد: ياعمري متى جلستي؟؟
فاطمة:تقريبا قبلك ب10 دقايق
حمد: طيب أنتظريني أنا راح أغسل وأجي لك
فاطمة: ok
حمد بعد ما غسل جلس مع فاطمة وكان يمها يعني ملاصق لها وطبعا كونها زوجها كان لمها
وكانوا جالسين يطالعون التلفزيون وإلا فجأة يسكر حمد التلفزيون
حمد: أقول فطوووووم
فاطمة: يا حياة فطووم
حمد: يلا قومي نطلع نتعشى
فاطمة:يلا
وراحوا يغيرون ملابسهم.. فاطمة لبست برمودة وبلوزه حلوه ونعومة وشعرها صاير حلوه وحاطه مكياج خفيف ماشاء الله عليها صايره نعومه وحلوه وحمد لابس بدله كشخه وصاير
يهبل بعد ماخلصوا من
حمد: يلا قلبي نطلع
فاطمة: go حبيبي
......................................
وصلوا المطعم والمطعم كان رومانسي فيه موسيقى رومانسيه وأنوار هاديه
حمد: يااااااااي يا قلبي وأخيرا تحقق حلمي ألي كنت أحلم فيه من أول نظرة شفتك فيها
فاطمة بعيون رومانسية: أي ياحياتي تحقق وإن شاء الله هذي العيون ما تفارق ذا الوجه الحلو
حمد: والله أنك أنتي قلبي وحياتي وعمري وكل شي في ذا الدنيا وما أقدر أستغني عنك يعني أنا أبي أتخيل شكلي وأنا بعيد عنك
فاطمة: لا لا تقول كذا ياحمد الله لايفارقنا ولا لحظة
حمد:إن شاء الله
فاطمة: حمد....
حمد: ياعيون حمد
فاطمة:أنا عارفه شكثر أنت تحبني بس أبي أشوف شكلك وأنت توصف لي مدى حُبك لي؟
حمد: ياعمري أنتي عارفه أنا شكثر أحبك يعني مأقدر أوصف حبي لك
فاطمة: لهذي الدرجه أنتي تموت فيني وتحبني...... ياخوفي بس ألحين وبعدين تنسى شي أسمه فاطمة أو حب فاطمة
حمد( مسك يدها الناعمه): شدعوه تشكين في حبي لك؟؟!
فاطمة: لا والله أمزح شدعوه أنا أعرف أنك تحبني وتموت فيني مثل مأنا أحبك وأموت فيك
حمد بصوت عالي: أحبك ( باس يدها )
.......................................
بعد مرور الأيام بسعادة وهناء سالم ولطيفة رجعو لبعض وبعد ما رجعو لبعض كانو في الكويت بحيث ان سالم ما راح للسعودية وتم في الكويت في بيت اهله مع لطيفة
في الشركة
سالم:خير يبى شصاير؟!
بو سالم(يعقوب):سالم:....بكلمك في موضوع مهم يعني لا تتفاجأ من اني قلت لك اياه
سالم:عن شنو؟!
بو سالم:...............زوجتك لطيفة
سالم:شفيها لطيفة؟!!
بو سالم:بعدين بقولك
سالم:عل ليش طالبني الحين؟!
بو سالم:عشان تتذكر ولاتنسى...خلاص روح الحين لشغلك
سالم ناظر ابوه باستغراب وراح
.............................

 

[مـ سهله ـو]

جراح:يمه تكفين الحين قولي لابوي
أم جراح:انشالله بس لا تستعجل يا ولدي
جراح:شلون ما استعجل أخاف البنت تروح من ايدي
أم جراح:هي حلوة؟!
جراح:قمر يمه
أم جراح:شايفها بعد وجع؟!!
جراح:أجل مين شايفها يعني؟!
أم جراح:أقول يمكن أحد واصفها لك بس خاب ظني فيك
جراح:المهم عاد شفتها وأبي أخطبها هذي الزبد
أم جراح:خلاص انشالله يصير خير
....................................

سالم:قلتلي انك بتكلمني عن لطيفة خير شفيها؟!!
بو سالم:لا ما فيها شي بس كل ما في الموضوع ان....أنت ولطيفة لازم تفترقون
سالم قام:وأنا قلت لك من قبل لا يعني لا
بو سالم:سالم بلا عناد أنا أقولك جذي عشان مصلحتك
سالم:بس هذا تدخل في حياتي الشخصية لطيفة زوجتي وأي أحد يطلب مني اني أتركها أحسن له يتراجع عن الي قاله
بو سالم:يعني تبيني أتراجع عن الي قلت؟!!
سالم:من الأحسن يبه لأنه تدخل في حياتي
بو سالم:هذا مو تدخل يكفي انك تزوجتها غصب عني يعني عاندت ابوك والحين حان الأوان انك تطلقها
سالم:أسمح لي يبه طلبك مرفوض
بو سالم:تعاندني؟!!
سالم:أنا ما أعاندك بس هذا كل الي أقدر اقوله لك
بو سالم:يا خسارة تربيتي فيكم دلعتكم وعطيتكم الي تبونه وتتمنونه آخرتها ترد لي بالعناد والكلام الي ما يعجبني؟!!
سالم:أنت تقصد الدلع سلمان طبعاً مو أنا
بو سالم:شقصدك؟!!
سالم:أنت تدري يبه شنو قصدي الطق الي كنت اكله منك هذا أسمه تعذيب أنا عارف انك تعاملني أحسن ما يكون قدام الناس عشان يقولون انك أبو زين بس كل شي بيبان معاملتك لي في البيت عكس معاملتك لي برة من طق وإهانات وغيره وغيره
بو سالم:إذا كنت تتكلم عن الطق فأنا صج كنت أطقك حتى يوم طقيت سلمان عشان المخدرات وحتى أنت...كنت اطقكم لأني كنت خايف عليكم...خصوصاً أنت لأنك كنت تسوي أشياء أنا ما أرضى عنها كنت اطقك واصرخ عليك خوف عليك يا سالم
سالم:بس كلامك يا يبى يجرح طقك مبرح أنت كنت تعذبني وتعذبنا كلنا حتى أمي كنت أكره أكون موجود في البيت صح ان كل شي اتمناه من ملابس وفلوس وجاه موجود بس شالفايدة إذا كان البيت الي هو قصر متشتت
بو سالم:المهم يا سالم عشان مصلحتك أقولك طلق لطيفة
سالم:ليش يبه ليش؟!!
بو سالم:يا سالم لطيفة ما تصلح باجر أمك تزوجك أحسن منها بألف مرة بس أنت طلقها ما تصلحون لبعض
سالم:لطيفة تصلح لي وأنا أحبها وهي تحبني وإذا كان قصدك اني أطلق لطيفة لأنها فقيرة فاسمح لي الفقر مو عيب والحب ما يهتم بالأمور المادية الحب حب وأي أحد يفرق بيني وبين لطيفة فأحسن له يتراجع لأنه ما راح تنجح محاولاته أبد
بو سالم بصراخ:تعاندني يا سالم:؟!!
سالم بصراخ:........يبى أنا مثل ما قلتلك ما أعاند أحد بس هذا قراري وأنا حر فيه
سلمان ولطيفة نزلو يشوفون شصاير
بو سالم:إذا هذا قرارك على قولتك شيله من راسك لأنك غصب عنك راح تطلق لطيفة
لطيفة انصدمت لما سمعت هالكلام
سالم بصراخ:وأنا قلت لك ما راح اطلقها يعني ما راح اطلقها
بو سالم نفس العصبية:بطلقها غصب عنك
سالم انفجر:حرام عليك...حرام عليكم حرام...كله تبون تدمرون حياتي...ليش اطلقها..بس تبون مصلحتكم...ما تبوني أرتاح...ما تبوني أعيش سعيد بحياتي...كله تبون لي النكد
بو سالم:حنا ما نبي لك النكد يا ولدي حنا نبي لك السعادة
سالم:وسعادتي مع لطيفة...زوجتي حبيبتي...حرام عليكم والله حرام...أنا أبيها معاي هي الي تسعدني بحياتي محد اهتم فيني كثرها...محد حبني كثر ما هي حبتني...ولا عمري حبيت انسانة كثر ما حبيتها...لطيفة هي حياتي..حرام عليكم...تبون تذبحوني؟!!إذا تبوني أموت فرقو بيني وبين لطيفة...ما حبيتوني كثر ما تحبني لطيفة...وإذا تبي مصلحتي يا يبه فمصلحتي اني أعيش مع لطيفة طول العمر...ورغم كل تعذيبي لها ألا ان يوم صارت لي الحادثة طول الوقت كانت مهتمة فيني من دخلت العناية لين طلعت من المستشفى وهي معاي طول الوقت معاي...وأنتو حتى لو مت ما حسيتو فيني...هي أكثر وحدة قريبة من قلبي...كل شي فيها أحبه كل شي فيها أحبه
بو سالم هنا انصدم سكت عاجز عن الي قاله سالم وسلمان يطالعهم ويبكي شوي ولطيفة دموعها سيلان تنهمر بقوة تبكي على كلام سالم الي يحبها موت
لطيفة:..........سالم
سالم التفت لها
لطيفة:...لا تتركني
سالم راح ولمها بقوة:ما راح اتركج حبيبتي ما راح اتركج..ما عليج منهم...ما عليج من كلامه...كل الي همه الفلوس وبس(تركها وتوجه لابوه)...بس ما راح يتحقق الي بباله أبد
بو سالم:أنت ولد عاق
سالم:إذا كنت عاق فكله بسبتك أنت...خليتني أروح لكل أساليب الهلاك...وأنت السبب
بو سالم بعصبية وصراخ أكثر:تراددني يا سالم؟!!!
سالم:غصب عني تعلمت اني أراددك
بو سالم:أيا يا جليل(قليل)الحيا
وصطره كف قوي حيل سالم بقى وجهه على ما صطره أبوه من كف وسلمان منصدم ولطيفة منصدمة ودموعها على خدودها ويدها على فمها
سالم طالع ابوه بكل حقد
بو سالم:عشان تتعلم شلون ترادد ابوك وتتحداه
سالم من الصدمة ما تكلم بس طالع ابوه بحقد وطالع سلمان ولطيفة ورجع طالع ابوه وهو مصدوم وطلع من البيت وسكر الباب بقوة
.................................
شراح يصير لسالم؟
شراح تكون نهاية جنون الحب؟
هل راح يمشي كل شي على خير ولا فيه معوقات في الجزء الأخير؟
يتبع................ ​

 

[مـ سهله ـو]

وهذا اللي وصل :> ​

 

[مـ سهله ـو]

للحين ما وصل بنااات

 

[مناوووي]

يعطيج العافيه

ماقصرتي

<<<<<<< متابعتج

 

[مـ سهله ـو]

الله يعافيج هلا بج اكثر

 

[مـ سهله ـو]

الفصل الرابع
بو راشد:زين...هذي الساعة المباركة يا ولدي....ومنهي هذي البنت؟
راشد:أمل...بنت عمي بدر
بو راشد:إي هذي بنت الزين بنت اخوي الله يرحمه ويغمد روحه الجنة أصل وفصل وأخلاق
راشد:عشان كذا يبه أبيك تتتقدم لي بخطبتها
بو راشد:أبشر يا ولدي راح نخطبها لك من خالها انشالله
راشد ابتسم لابوه وهو فرحان وحس براحة
..................................
مريم:ومين الي قالج هالحجي؟!
أبرار:جاسم بعد منو؟!!
مريم:هذا جاسم نشرة الأخبار يعني كل الي سويناه ما نفع؟!
أبرار:من متى هو نافعنا..ويعة شنو هذا الحب؟!!
مريم:هههههههههه والله يا أبرار حب ما له حدود
أبرار:حب جنوني يا مريم ما توقعتهم يردون لبعض ويعة شنو خذا؟!!صج شي يقهر يردون حق بعض عقب كل الي صار؟!!
مريم:أكيد شي كدرج
أبرار:وايد يا مريم وايد يس بصراحة سالم يحب لطيفة وايد وهي بعد تحبه مثل ما هو يحبها تأثرت وايد وفي نفس الوقت انقهرت يوم شفتها شكثر تحبه وهي تكلمه يوم كان سالم في المستشفى لدرجة اني صرت ابجي
مريم:اللـــه تبجين يا برور؟!!
أبرار:إي والله العظيم شفيج مو مصدقة؟!
مريم:المهم رايج مع الي صار لياسر؟!
أبرار:ياسر؟!!ياسر مات في حاله هو الي قتل نفسه السالفة صارت قديمة وهو من زمان منتحر هو الي جنا على نفسه
مريم:أدري بس كل يوم أفكر في اللي صار له والي سواه لعمره يدل على انه أنسان كئيب
أبرار:ألا أكيد الي سواه لسالم أساساً يدل على انه أنسان وايد كئيب في حياته
.................................
لطيفة في غرفتها خايفة حيل على سالم الوقت تأخر والساعة تشير ل2وهو للحين ما رجع من طلع"يا ربي وينك يا سالم...وين رحت؟!!"
سالم وهو يمشي بالطريق ولا يدري وين وصل ولا وين هو متأذي حيل ونفسيته تعبانة ومعصب رن جواله شاف الاسم الي هي لطيفة وأزعجه صوت الجوال وقفله
لطيفة:رد يا سالم رد....ماكو فايدة قفل جواله...يا رب استر انشالله يكون بخير
سالم يمشي بالطريق ولا يدري وين يروح وده ينفجر وده يبكي بس مب قادر من كثر الهموم الي بقلبه"أنا ليش حياتي جذي ليش؟!!...تعبت...خلاص أبي أموت...ااااااه الدنيا صغيرة وضيقة حيل أحس ان ماحد يحبني...ماحد يبيني...ما عدا لطيفة...ليش الدنيا جذي ليش؟!!....أحس اني وحيد...أنا وحيد بدنيتي..الكل يكرهني..ويبيلي الشر...حتى أهلي هم أول من يكرهني يبون لي النكد والحياة التعيسة...ما راح ارد لهم...بما أنهم يكرهوني...فأنا أكرههم كلهم"
وقام سالم يطق الدركسون(السكان)بقوة منقهر حيل ووده يموت من الي قاعد يصير له معصب مع انه ما يبكي ويحس بضيقة بصدره مب طبيعية
لطيفة من ناحية ثانية ميتة خوف وزاد خوفها يوم سالم قفل جواله"وينك يا سالم وينك؟!!...مسكين يا سالم...دايم متعذب...وتعاني من أهلك...تضحي علشاني...من عرفتني وانت تضحي علشاني...يا رب انه يكون بخير....كله من ابوه القاسي...ماحد يحبه من اهله...كلهم ضده وضد الي يبيه ويحبه...ما يبون الا مصلحتهم....ما يهمهم الا مركزهم وبس ما يهمهم ولدهم ما تهمهم سعادة ولدهم المسكين"
دمعت عيونها متأثرة بسالم وبكآبة حبيبها
وسالم وهو يمشي بالطريق حيل متكدر وزعلان ومنقهر من ابوه مب بس ابوه من الكل يتذكر يوم ابوه يتهاوش مع امه في أيام مراهقة سالم قبل لا يطلق امه ويطقها موت وهو واخوه منصرعين وتذكر سالم يوم ابوه يطقه ابوه طق الموت طق مبرح لدرجة انه انحاش من البيت كان في أيام المراهقة بعد سالم أكثر واحد متعذب من ابوه أكثر من سلمان لأن سلمان هو دلوع البيت
سالم وقف على جنب وأخذ نفس عميق وغمض عيونه وعصر مخه زيادة وتذكر يوم ابوه يدزه(يكزه)على الدرج يوم كان سكران وتذكر آخر كف خذاه من ابوه تذكر نظرة لطيفة تذكر يوم يضرب لطيفة ويخليها تسقط ويوم كانت حامل وحالتها سيئة في المستشفى ويشوف بطنها ويبوسها على خدها وتذكر يوم تصرخ عليه وما تبيه وتكرهه تذكر يوم كان يترجاها ترجع له تذكر الطلقة النارية الي جات بصدره من الصديق الي يظنه صديق وتذكر يوم ترجع له لطيفة كل الذكريات تزاحمت في مخه ولا هو قادر ينساها مهما صار كل شريط الذكريات مر في مخه في أقل من دقيقة وحتى نفسه صار يسرع أكثر وأكثر كل ما تذكر شي يشهق ويزفر بسرعة وبقوة صار يتنفس بسرعة آخر شي صرخ بأعلى صوته:لااااااااااااااااااااا
......................................
لطيفة كانت تنتظر سالم مو قادرة تمسك نفسها من الخوف مو قادر يجيها النوم راحت طلت من الدريشة(النافذة)وتنتظر تشوف سيارة سالم ورجعت وهي أملها خايب وزاد القلق والخوف الي في قلبها وجلست على السرير وهي خايفة على سالم سمعت صوت الباب الي في الصالة الفخمة تحت وعرفت ان سالم جا فجأة انفتح باب الغرفة ودخل سالم ووجهه باهت وحزين لطيفة طالعته بخوف:سالم وين كنت؟!خفت عليك حبيبي وين رحت خرعتني؟!!
سالم جا وقعد يم لطيفة وطالعها بكل حزن
لطيفة:سالم شفيك حبيبي؟!!
سالم طالع لطيفة وأخذ نفس عمييييييق وزفره بقوة وهو يحس بضيق بصدره
لطيفة:سالم شفيك؟!!متضايق؟!!معلي حبيبي أنت تعرف أبوك زين...حبيبي قول شفيك شلي مضايقك؟!!أنا زوجتك أشكي لي همك
سالم تنهد:........شقول يا لطيفة....تبيني أشكي لج كل همومي؟!...لو أقولج من اليوم لي باجر ما خلصت....لطيفة أنا مهموم...أحس بكتمة بصدري....أحس اني بموت أبي أموت
لطيفة:سم الله عليك حبيبي...لا تقول جذي...ليش كل هذا قول تكلم
سالم:........لأني تعيس...حياتي كلها تعيسة(بدت الدموع تنزل من عيونه ومو كأنه سالم المعروف بقلبه القوي)أحس ان مالي أحد بالدنيا غيرج...الكل يكرهني...ماحد مهتم فيني...أبي أموت يا لطيفة أبي أموت
لطيفة وبدت الدموع تتجمع بعيونها:لا حبيبي لا تقول جذي(لطيفة الصياح عندها في المخبا)
سالم:لازم اقول جذي...أنا خلاص تعبت...تعبت...الدنيا حيل ضيقة..والكل ضدي...الكل يكرهني(زاد صراخه وصياحه وألمه)ماحد يحبني ماحد...كلهم يكرهوني...حياتي كلها دمار...كلها تعاسة وحزن وألم...كرهت العيشة...كلهم ضدي يا لطيفة كلهم كلهم...مابي شي منهم مابي شي...أبيهم يتركوني وبس خلاص تعبت...تعبت
لطيفة منصدمة تشوف سالم وهو يبكي ويصرخ أول مرة تشوفه بهالحالة في حياتها أول مرة تشوفه يبكي وهنا يبكي ويصرخ وهي حيل مستغربة ودموعها الي اعتصرت في عيونها انهمرت لأنه سالم انفجر من الي هو فيه خلاص...حبيبها انفجر يبكي بشكل يقطع القلب تحس انه خلاص ما قدر يتحمل لطيفة ما قدرت تتحمل وهي تشوف سالم بهالحالة وهو يبكي هي غصب عنها تبكي ومب قادرة تتحمل المنظر قامت لطيفة ولمت سالم بقوة حطت راسه على صدرها بحنان وقامت تهدي فيه
لطيفة وهي تمسح على شعر سالم:بس حبيبي بس...خلاص لا تبجي
سالم بصراخ:كلهم يكرهوني...ما يحبوني...أكرههم كلهم....كلهم...كلهم(وهو يبكي زيادة)
لطيفة ودموعها تنهمر:خلاص حبيبي لا تبجي...لا تقول جذي لا تكرههم..هاذولا أهلك ولازم تحبهم...لأنهم يحبونك
سالم:لا لا ماحد يحبني الكل يكرهني الكل يبيلي الشر والنكد والتعاسة...الي يطلب مني اني أبتعد عنج وأتركج عمره ما يبي مصلحتي...ما يبوني سعيد في حياتي ما يبوني
لطيفة:حبيبي لا تسوي في روحك جذي...ما تعودتك جذي أنت قلبك قوي
سالم:أكره ابوي أكرهه
لطيفة:لا سالم لا تقول جذي هذا مهما كان ابوك ويبي مصلحتك
سالم:ما يبي مصلحتي هو أصلاً يكرهني ما يبي لي الخير
لطيفة:لا حبيبي لا تقول جذي هو يحبك...تعوذ من ابليس...خلاص اهدى الحين...سم الله عليك...كل شي بيكون بخير...كل شي راح يصير بخير
سالم:لا...كل شي بيكون شر
لطيفة:لا انشالله...كل شي بيكون بخير بأذن الله ....الدنيا بخير حبيبي...بس أنت أهدى وكل شي راح يكون بخير
سالم:أنا خلاص تعبت...أبي أموت أبي أمووووووت
لطيفة بألم وبكي زيادة:لا سالم لا تقول جذي..وأنا من يتم معاي من يعيش معاي غيرك...أنت عمري وحياتي...وأنا مالي بهالدنيا غيرك...لا تقول هالحجي..لا تقول أبي أموت...ترى راح ازعل منك...حبيبي لا تطري الموت على لسانك...أنا وأنت لازم نعيش مع بعض ونكون مع بعض على طول(وهي تمسح على شعره)أنت أهدى...أهدى..وكل شي بيكون بخير...سم الله عليك حبيبي
سالم وهو يبكي وهو مجروح:أحبج لطيفة...أحبج موت...أحبج
لطيفة:وأنا بعد أحبك وأموت فيك
سالم:ماحد معاي غيرج الكل ضدي الدنيا كلها ضدي
لطيفة:كلنا معاك الكل يحبك حبيبي...أهدى أهدى خلاص
وشوي شوي هدى سالم من البكي وحس بدوخة وودته لطيفة للسرير وهي تساعده وانسدح عليه وهو هلكان ونام ولطيفة تطالع فيه:"مسكين يا سالم...انشالله تتعدل كل أمورك..انشالله تكون مرتاح...حبيبي ما تستاهل الي قاعد يصير لك"
وقعدت لطيفة تقرا على سالم قرآن وحاطة يدها على جبينه وهي تقرا عشان يحس بالأمان والاطمئنان مع انه تتعقد حواجبه شوي ويرجع عادي لأنه يحلم أحلام مزعجة من الليلة الصعبة بس بعدين هدى ونام ولطيفة نامت جمبه
........................
في اليوم الثاني في شركة يعقوب(بو سالم)
بو سالم:اليوم يا(جا)سالم؟!
الموظف:لا طال عمرك ما شفته
بو سالم:انزين تفضل
وراح الموظف الي يشتغل في شركة يعقوب
جا سلمان
سلمان:صباح الخير يبه
بو سالم:صباح النور...ما رحت الجامعة؟
سلمان:امبلى رحت بس محاضرتنا تنتهي مبجر قلت ايي عندك شوي هذا إذا كنت مو مشغول
بو سالم:لا ما عندي شي قول شعندك يا ولد؟
سلمان:يبه أبي أتكلم معاك عن الي صار البارح بينك وبين سالم
بو سالم:ما نبي نتكلم عن الي صار أمس
سلمان:ليش؟!
بو سالم:بس..وين اخوك الحين؟!
سلمان:سالم في البيت
بو سالم:أحسن خله هناك
سلمان:يبه حرام عليك أنا أشوف معاملتكم لي أحسن بوايد من معاملتكم لسالم خصوصاً أنت يا يبى ليش؟!
بو سالم:لأن سالم ما يحترم الي أكبر منه أنا أبوه ويكلمني جذي؟!
سلمان:يبه أنت تعرف سالم زين من واحنا صغار وهو عنيد وراسه يابس وما يحب احد يتحكم فيه
بو سالم:بس أنا أبوه تعرف يعني شنو أبوه؟!!
سلمان:عارف بس هذا ولدك وانت تعرفه زين هو جذي
بو سالم:واذا هو جذي يعني ما يحترم ابوه؟!! أنا أدور مصلحته هو يكلمني بهالقلة الأدب؟!!
سلمان:بس هو متعذب وأنت يا يبه سببت له ضغوطات نفسية...أنت ضغطت عليه وايد
بو سالم:ضغطت عليه؟!وفي شنو ضغطت عليه؟!!
سلمان:أنت طلبت منه انه يطلق زوجته وانت تعرف ان سالم يحب زوجته وايد وهم الاثنين ما يقدرون بفترقون
بو سالم:عيل شلون تركته زوجته شهور وانت تقول ما يقدرون يفترقون؟!
سلمان:كانو مختلفين وبينهم مشكلة كبيرة بس الحين كل شي تغير ويوم ردو لبعض تبي تفرقهم للأبد؟!!
بو سالم:قلت لك أنا أبي مصلحة اخوك
سلمان:معلي يبه ما قلنا شي بس ألا هالشي أمس سالم كسر خاطري في الليل بعد مايا البيت
بو سالم:ليش؟!
سلمان:أمس بعد ما طلع من البيت كنت أنا سهران ويا سالم الليل متأخر وبعد ما دخل غرفته قام يبجي ويصرخ أنا تفاجأت لما سمعت هالصوت
بو سالم:وانت شدراك انه يبجي؟!
سلمان:سمعت صوت صراخه وسمعت انه يبجي من صوته وهو يشتكي لزوجته...مسكين يبه والله ما اجذب
بو سالم:ولو المفروض ما يراددني ويعاندي ويرد علي بكل وقاحة ولا كأني أبوه...يستاهل
سلمان سكت عن ابوه يعرف ان ما في فايدة معاه
.............................