جنون الحب ( رواية حلوووووه كويتية :)

[مـ سهله ـو]

تابع..
سالم:داري داري...بس كنت شارب أنا السبب شكلها البنت بتموت والجنين معاها
حمد:شقال الدكتور؟
سالم:الدكتور يقول أن الجنين ممكن يموت وحالتها البنت صعبة حتى دخلت عليها وودي لو ذبحت نفسي
حمد:خلك بس من هالخرابيط أذبح نفسي مادري شنو..وفكر شبتسوي يا سالم لهالمصيبة
سالم:اففففففففففففف أنا مو مهم شراح يقولون الناس أنا المهم هي أبيها كون بخير
حمد:وانت شناوي تسوي؟
سالم:ما دري ما دري...يمكن اعلم اهلها اليوم صحيح انهم ما راح يسامحوني وهي أولاً ما راح تسامحني بس شسوي ما عندي الا هالحل أنا الي حطيت نفسي بهالمصيبة وأستاهل أي شي يجي منهم
حمد:هذا جزا الي يشرب يا سالم ياما قلنا لك أترك الشرب بس أنت مو راضي وهذي النتيجة
سالم:ما قدرت يا حمد على طول بعد ما تركت الشرب ألا وأجبروني على اني أرد له أختك يا حمد تسوي أشياء تخلي الواحد يكره نفسه...تخيل تقول ما ابي أييب منك عيال الحين
حمد:ليش؟!
سالم:تقول ان أنا ما احبها عشان جذي تقول هالكلام
حمد:يا سخف الحريم بس...المهم خلنا من نور الحين وقول شبتسوي مع لطيفة؟
سالم:لا تسألني يا حمد ما دري لا تسألني
وطلعو الدكتور والممرضات مع لطيفة
سالم:شصاير يا دكتور شفيها لطيفة؟!!!!
الدكتور:حنا لازم ننزل الجنين الي ببطنها
سالم:بس هي توها بالشهر الرابع!!
الدكتور:أنا عارف بس الأم راح تكون في حالة خطر إذا ما نزلنا الجنين هو فيه حياة بس ممكن ما يستمر قلبه يدق
سالم:انزين شممكن يصير للأم؟
الدكتور:ممكن في حالة تأخرنا يحدث لها نزيف لأن الجنين تغير موقعه من الرحم ولازم ينزل مع انه في احتمال كبير أنها تجهض
سالم:يعني لازم ينزل الجنين؟
الدكتور:لازم تأخرنا ما راح يكون من مصلحتكم
سالم:سوو الي تبونه بس المهم تكون الأم بخير
وراح الدكتور مع الممرضات ينقلون لطيفة لغرفة العمليات
سالم:الولد بيروح والأم بتروح
حمد:هدي يا سالم لا توسوس
سالم:حمد أنا مو مهم عندي تجهض أنا المهم عندي هي المهم ا يصير فيها شي وتكون بخير
حمد:انشالله تكون بخير بس انت اهدى طالع وجهك شلون صاير اصفر من الخوف مو زين عليك
سالم:شلون ما تبيني أخاف وزوجتي وحبيبتي يسوون لها عملي وحالتها خطرة؟!!
حمد:أنت شفيك تألف..حتى الدكتور ما قال انها في خطر هي بخير لا تزيد الأوجاع وتألف من عندك..كل شي بيصير تمام انشالله
سالم:يا رب
........................................ .
تجي أم ناصر وهي جايبة الشاي
بو ناصر(عبد الرحمن):أم ناصر شفيج
أم ناصر(شيخة):ما دري شفيني يا بو ناصر قلبي مقبوض على بنتي لطيفة أحس ان صاير فيها شي
بو ناصر:لا انشالله ما فيها شي يمكن لأنها بعيدة عنج تحسين بجذي
أم ناصر:ما جري لي قلبي مقبوض عليها
بو ناصر:بنتج ما فيها الا العافية انشالله بس
أم ناصر:لا تحاول قلب الأم غير قلب الأبو
بو ناصر:أقول شرايج تدقين عليها عشان تطمنين عليها
أم ناصر:إي والله أنا أصلاً ناوية أجق عليها
وراحت ودقت على البيت الي هو بيت سالم ولطيفة ويرن التلفون بس ما في أحد يرد حتى الخدامة كانت نايمة وكانت الساعة1ونص
أم ناصر:ما في أحد يرد
بو ناصر:دقي على جوالها
ودقت على جوالها:هم ما احد يرد شصاير؟!!
بو ناصر:يمكن نايمين خليها باجر
أم ناصر: ما في لازم اطمن على بنتي بدق على زوجها
ودقت على سالم وكان سالم مرتبك وزاده ارتباك الاسم الي طلع على جواله"بيت اهل لطيفة"
سالم:هذا بيت اهل لطيفة
نور:معلاي رد عشان ترتاح
حمد:يلا سالم رد احسن لك
سالم:...........ألو
أم ناصر:هلا بوليدي شلونكم.....وين لطيفة مو معاك؟
سالم:..خالتي لطيفة....................
أم ناصر:شفيها بنتي؟!!
سالم:خالتي لطيفة في المستشفى
أم ناصر:في المستشفى؟!!ليش شفيها؟!!!شفيها بنتي؟!!!
سالم:لا تخافين خالتي بس هي تعبانة ويقول الدكتور انها ....ممكن تسقط
أم ناصر:تسقط؟!!اه عليج يا بنتي ليش شفيها شقالك الدكتور؟!!
سالم:تطمني هي بخير...يلا أنا الحين مضطر اسكر أكلمج بعدين..مع السلامة
وسكر الخط وهو معصب
سالم:افففففففففف أنا مجرم مجرم
نور:هدي يا سالم خلاص شف وجهك أنت حيل تعبان
سالم بصراخ:يعني شتبيني أسوي شتبوني أسوي تبوني أكون مرتاح وفرحان لأني ارتكبت جريمة ورميت مرتي وكانت بتموت وهي أقرب الناس لقلبي؟!!
حمد:حنا ما قلنا كذا بس هدي أعصابك
سالم:ما راح تهدى أعصابي ألا لما يطلع الدكتور الغبي هذا
وجلس يم نور وهو هلكان وفتح زراير ثوبه
نور:سالم تطمن كل شي بيكون بخير انشالله
سالم:شلون يا نور..شلون شلون؟!!!!
نور تمسح بذقنه:لا تخاف أهدى حبيبي خلاص
سالم ناظرها وهو مستغرب يشوف شكثر نور تحبه وتموت فيه
المهم وتمو ينتظرون وينتظرون ونور تطالع سالم وهو يروح يمين ويسار ودار مخها من دوارته وهو خايف حيل ونور تطالع سالم وهو خايف وتشوف سالم شقد يحب لطيفة مهما سوا لها وسوت له فهو مجنونها
وتمو ينتظرون وينتظرون وطلع الدكتور أخيراً
سالم بخوف:ها طمني يا دكتور
الدكتور:للأسف مرتك أجهضت الله يعوضك
سالم:أجهضت؟!!!!
الدكتور:إي نعم بس قدرنا ننقذ الأم
سالم:شلون الأم يا دكتور؟
الدكتور:الأم بنسوي لها تنظيف رحم وبعدين نوديها غرفة خاصة عشان ترتاح لأنها شوي الحين تعبانة لا تخاف عليها هي بخير بس تحتاج للراحة
وراح الدكتور وسالم مصدوم
سالم:لطيفة سقطت!!!
حمد:الله يعوضك غيره انشالله أهم شي صحة الأم
سالم:ذبحت ولدي
حمد:لا لا تقول كذا هذا قدر ومكتوب
سالم:لا لا أنا ذبحت ولدي حتى أمه ذبحتها
نور:سالم أهدى الدكتور طمنا على لطيفة يعين هي بخير ما يحتاج تسوي كذا
سالم:شلون تبيني أهدى وكل الي صار بسبتي أنا مادري شلون قلبي طاوعني ورميتها بالأرض لا وضربتها أحس اني انسان ما عندي ضمير
نور:سالم خلاص لا تتم تلوم نفسك أنت ما راحتستفيد شي حبيبي خلاص روق
سالم سكت وهو هلكان وتعبان حيل
..................................
أم ناصر:لا أنا لازم اروح لبنتي الحين
خالد:شقالج ريلها؟
أم ناصر:يقول ان لطيفة بتسقط
خالد:يعني ما سقطت للحين...بس شالبلوة الي طاحت عليها أختي...تعالي هي شصار لها بالضبط؟
أم ناصر:ما دري ريلها ما بين لي شي يا ولدي بس قال ان أختك بتسقط
خالد:احنا لازم نعرف شصار لها بالأساس
أم ناصر:مو مهم الحين أنا أبي أروح لبنتي
خالد:يمى مو الحين الوقت وايد متأخر وبعدين هذا مشوار من هني للسعودية خليها بعدين عقب باجر
أم ناصر:لا شنو عقب باجر.باجر واحنا واصلين عندهم السعودية لو الوقت مو متأخر كان قلت لك نروح الحين
خالد:انزين خلاص من باجر بنروح السعوديةكونو جاهزين
..............................
في اليوم الثاني
يدق جوال سارة
سارة ترد وهي متضايقة:ألو هلا فاطمة
فاطمة:هلا سيورة شلونج؟
سارة:زينة
فاطمة:سارة شفيج صوتج هادي ومتغير مو من عوايدج؟!
سارة:إيه لطيفة بالمستشفى من أمس
فاطمة:بالمستشفى؟!شفيها؟!
سارة:لطيفة كانت تعبانة...وسقطت
فاطمة:شنو؟!!!سقطت؟!!...من متى؟...... ليش؟!!!!.............انزين والحين ما دقيتو على زوجها؟!!......ما قال شخبارها؟!...................يعني بتروحون لها السعودية الحين؟!..............اهاااااا انزين إذا رحتو لها طمنيني عليها زين؟!انشالله تكون بخير يلا مع السلامة
وقعدت في الصالة وجات امها
أم يوسف:خير يا بنتي شفيج زعلانة؟!
فاطة:يمى توني داقة على سارة وقالتلي خبر كلش مو حلو
أم يوسف:شصاير؟!
فاطمة:يمى لطيفة سقطت
أم يوسف:سقطت لا حول ولاقوة الا بالله...من متى؟!
فاطمة:تقول سارة من امس
أم يوسف:مسكينة...تعالي هي بالشهر الرابع؟
فاطمة:إي كانت بتدخل الشهر الخامس من الحمل بس الله ما أراد
أم يوسف:يا الله مسكينة بتتعب وايد شقالت لج سارة لي سقطت؟
فاطمة:تقول مادري زوجها ما قال الا انها سقطت وبس ما تكلم
أم يوسف:الله يعوضها مسكينة
فاطمة:يمى بنروح لهم هناك نزور بنت عمي؟
أم يوسف:مادري عن اخوج...وبعدين ماله داعي نروح السعودية مو قريبة من الكويت
وجا يوسف:السلام عليكم
فاطمة وأم يوسف:وعليكم السلام
يوسف قعد يم اخته
فاطمة:يوسف ما دريت شصار؟
يوسف:شصار؟!
أم يوسف:بنت عمك سقطت
يوسف:بنت عمي أي وحدة فيهم؟!
أم يوسف:بقوم اروح عنكم بس
فاطمة:يعني أي بنت عمك!!الوحيدة الحامل في هالعايلة لطيفة
يوسف:لطيفة شفيها لطيفة؟!!
فاطمة:شفيك اقولك سقطت
يوسف:سقطت؟!!!ليش؟!!شصار لها؟!!شنو السبب؟!!
فاطمة:مادري زوجها ماقال لا ان لطيفة سقطت وبس
يوسف:أكيد هو السبب باللي صار
فاطمة:لا تظلم الولد يا يوسف حنا بس عرفنا انها سقطت وبس
يوسف:وليش أظلم أنا مو ظالم أنا أعرف ماحد غيره خلاها تسقط
فاطمة:مادري يا يوسف بس ما يجوز الظلم إذا تأكدت قول الي تبيه
يوسف:بتشوفين يا فاطمة بذكرج
..........................
سالم كان في المستشفى من زمان جالس تعبان حيل ووجهه أصفر شاحب ومبين انه ما نام ليلة أمس أبد من خوفه على لطيفة حتى حول عيونه سواد وعيونه أنعس من النعسة العادية يعني الزبدة انه تعبان حيل وقام من الكرسي وتوجه لغرفة لطيفة ما كانو حاطين فيها شي بس أكسجين لأنها شوي تعبانة قرب منها ومسك يدها:"لطيفة سامحيني أحبج...أنا عارف اني عذبتج...صدقيني أنا عارف اني أنا السبب بس كل الي أطلبه منج تسامحيني...يا ليت الأيام ترجع وما أكون السبب في عذابج"ترك إيدها وطلع من الغرفة ألا وجاه جراح
سالم:جراح؟!هلا فيك!
جراح:هلا سالم شلونك؟
سالم:مثل ما تشوف تعبان
جراح:يقول حمد أمس ان مرتك سقطت
سالم:صحيح كلامه مرتي سقطت وأنا حيل تعبان
جراح:أدعي ان الله يعوضك بثاني يمكن هالولد إذا انولد ما راح يكون من مصلحتك
سالم ساكت
جراح:سالم شكلك تعبان أمس نمت
سالم:لا أبد
جراح:إيه مبين انك ما نمت ولا ساعة
سالم:هو ما قالك حمد السالفة؟
جراح:أي سالفة؟!
سلام:لا شكله ما قلا لك شصاير عشان لطيفة تسقط
جراح:لا بصراحة ما قالي أبد
سالم:جراح أنا أرتاح لك أنت وحمد عشان جذي ما راح اخبي عليك شي لأنكم مثل اخواني بس راح أأمنك
جراح:أنا مثل اخوك حنا مثل الاخوان من واحنا صغار ولا تخاف فضفض الي بقلبك مبين انك شايل هموم الدنيا فوق راسك
وقاله سالم السالفة كلها
.................................

 

[مـ سهله ـو]

تابع....

الفصل السادس
آلا ء تتذكر الي صار لها من زمان يوم جراح يجي ويتغزل فيها صحيح انها كانت تصارخ عليه بس اللحظة هذي ما تنمحي من ذاكرتها أبد:
يوم يجي فجأة لها ويخرعها>>>
آلاء تصرخ بخرعه:اااااه منو أنت؟؟؟؟؟؟؟؟؟؟؟؟؟؟؟!!!!!!!!!
جراح:يا هلا والله بالقمر
آلاء تخرعت:منو أنت؟؟؟؟!!!!!
جراح:لا تخافين بتعرفيني...أنا جراح وأنت يا حلو
آلاء بصراخ:مالك شغل
جراح:لا لا ما نتعامل كذا يا أهل الكويت الحلوين مو كذا أبد
آلاء:أنت شلون تجرأت ودخلت قسم الحريم؟؟؟؟!!!
جراح:شي جذبني لك
المهم انها كانت تتذكر جراح:"وينه بس يا حلاته..والله مزيون مع انه ما يستحي بس مزيون....حتى أسمه ما ينسي((جراح))أسم وايد حلو"
وتمت تتذكره وهي مبتسمة
........................................ ......
جراح؟:اهاااااااااااااا أجل هذب السالفة
سالم:إي نعم هذه السالفة وأنا الحين ما دري شسوي
جراح:بس أنت بالغت!!
سالم:عارف بس تكفى لا تصير مثل حمد أنا مو عارف شسوي الحين لا تزيديني ارتباك يا جراح
جراح:لا حبيبي أنا مو زي حمد أنا مثلك بس تعال أهلها متى بيجون؟!
سالم:ما دري يمكن الحين بس أنا خايف
جراح:تنزين ما قلتلي شبتسوي قدام أهلها؟
سالم:ما دري يا جراح أنا مو مهم عندي شراح اسوي قدام أهلها هم راح يدرون كذا ولا كذا بس أنا المهم عندي لطيفة شراح تسوي بعد ما تدري انها سقطت شراح تكون صدمتها الكبيرة ان أنا ضربتها وطيحت الجنين الي ببطنها أكيج راح تطلب مني الطلاق وهذا شي لابد منه بس جراح أنا...شلون راح أعيش شلون؟!
جراح حط إيده على كتف سالم:لا يا خوي لا تقول كذا لا تتشائم
سالم يبتسم باستهزاء:أنا ما أتشائم هذي الحقيقة يا جراح كل الي قلته هذا مو تشاؤم هذا الي راح يصير وبتشوف
وطالع سالم من بعيد ألا يشوف أهل لطيفة جايين انصدم سالم صدمة كبيرة وجراح طالعه مستغرب يعني شفيه؟!ويلتفت الا يشوف أخل لطيفة جايين
جراح:هذا أهل لطيفة جايين...يلا أنا بخليك مع السلامة
سالم:الله يسلمك
وراح عنه جراح
أم ناصر:ها يا وليدي طمني شلون بنتي؟
سالم:الحمد لله خالتي بخير
بو ناصر:وينها الحين؟
سالم:هناك بالغرفة ما أنصحكم تروحون لها لأنها نايمة
أم ناصر:لا أنا مالي شغل بروح اشوفها
وراحت أم ناصر تشوف بنتها هي وهم كلهم وما بقى الا خالد وعبد العزيز
خالد:سالم شصار للطيفة بالضبط؟!
سالم:في شنو؟!
خالد:شصار لها بالضبط عشان تسقط؟!
سالم:...................ا.......... ...لا هي......هي طاحت بس وكانت طيحتها جايدة
خالد:شمنه؟!
سالم:مادري.....أنا....أنا سمعت صراخها وركضت لها وشفتها طايحة
خالد:أنت متأكد؟!
سالم:..............
خالد:سالم أنا أخوها قول هذا الشي من مصلحتك ومصلحتها ترى ان البنت أو المرة تنزل الجنين الي ببطنها مو سهلة وأكيد صار فيها شي خلاها تنزل الجنين...وبعدين مو من أي شي تطيح أكيد أحد رماها بالأرض وصار الي صار
سالم:خالد أنا............أنا............
خالد:أنت شنو؟!
سالم تضايق حيل:خالد أنا..............عن اذنك بروح البيت وبرجع
خالد:تعال ما قلتلي شصار بالضلط!
سالم:بعدين بتعرف
وراح ولا عطاه إجابة خالد شك ان الموضوع حيل كبير وان سالم مرتبط بالموضوع
عبد العزيز:شقالك هذا؟
خالد:صرفني كان يحاجيني وهو مرتبك حيل ماجري شسالفته انحاش وما قالي شي مفهوم
عبد العزيزأنا متأكد ان سالم مرتبط بالموضوع
خالد:أكيد ويمكن هو الأساس في السالفة كلها كان خايف حيل ومرتبك لو شفت ويهه مبين انه ما يبي يتكلم أبد
عبد العزيز:يا خبر اليوم بفلوس باجر ببلاش!
.................................
رهف:أمـــــــــانة!!!
نور:والله العظيم
رهف:الله سالم يسوي كذا؟!
نور:ليه لا شايفته زوجك مثلاً
رهف:أقول انقلعي بس زوجي أحسن من زوجك الي يضرب
نور:بصراحة يا رهف قهرني حتى لو كانت لطيفة تقهرني شوي بس كسرت خاطري البنت سقطت
رهف:إي بس هذي فرصتك مالت عليك
نور:فرصتي في إيش؟!
رهف:يوم ان لطيفة سقطت أكيد راح تطلب الطلاق من سالم راح تكون مطلقة؟!
نور:مطلقة؟!......إي ص راح تطلب الطلاق من سالم إذا عرفت انها نزلت الي كان ببطنها
رهف:أيوا كذا يعني أنتي راح تكونين زوجة سالم الوحيدة والغالية وراح ينسى لطيفة
نور:لا حبيبتي سالم ما ينسى لطيفة أبد يحبها موت مهما سوا لها فهو مجنونها مهما صرخ عليها يحبها
رهف:يحبها وهو السبب في انه ينزل الجنين الي ببطنها؟!
نور:عارفة بس كان شارب ويوم طاحت كان ميت خوف عليها والله لو شفتي سالم كان وجهه أصفر وعيونه كلش تعبانة وعلى فكرة ترى سالم ما نام ليلة أمس وما غمضت عيونه من كثر ما يفكر بلطيفة هو كان خايف على لطيفة مو من أي شي ثاني
رهف:لطيفة ما راح تنفعه يا حلوة لأنها أكيد راح تطلب الطلاق من سالم وهو راح يطلقها غصب عنه
نور:أكيد هذا الشيب يصير مادري
وفي مكالمتهم دخل سالم البيت وهو وجهه يدل على التعب
نور:أقول رهف أكلمك بعدين جا سالم......مع السلامة
سالم:السلام عليكم
نور:وعليكم السلام
جا سالم وجلس وهو تعبان
نور:ما قلتلي شلون لطيفة الحين؟
سالم:زينة تحسنت
نور:الحمد لله..........سالم أحط لط الغدا؟
سالم:لا مابي شي
نور:سالم مو زين عليك من أمس وانت ما كلت شي على لحم بطنك
سالم:مو مشتهي
نور:لازم تاكل شوف وجهك شلون صاير من التعب
سالم قام:قلتلج مو مشتهي خلاص أكلي بروحج مابي شي
نور مستغربة:"هذا شفيه يا مصيبتك يا سالم شكل المشاكل تدافعت عليه وحدة ورا الثانية!"
وراح سالم الغرفة وهو يفكر بألم وقهر:"لا مابي أبتعد عن لطيفة....أكيد راح تطلب الطلاق مني أكيد..........أكيد راح تكرهني........افففففففف المشاكل تدافعت علي مرة وحدة"
.................................

 

[مـ سهله ـو]

تابع..
فتحت عيونها ولقت أمها يمها وما تدري شالسالفة وحست بألم ببطنها ليطفة كانت تعبانة والتفتت لأمها
أم ناصر:ها حبيبتي حمد لله على سلامتج
لطيفة:أنا وين؟!
أم ناصر:أنتي بالمستشفى
لطيفة:شفيني؟!
أم ناصر:لا....تعبانة شوي
لطيفة تلمس بكنها تشوفه رجع مثل اول هذا معناته يا أنها ولدت أو سقطت
لطيفة:وين ولدي؟!
أم ناصر:..........ارتاحي الحين
لطيفة:........وين ولدي الي كان ببطني وين راح؟!
أم ناصر:ارتاحي يمه بعدين بعدين
لطيفة:يمه وين ولدي وينه وين ودوه؟!
أم ناصر:حبيبتي أنتي...............أنتي سقطتي
لطيفة تشهق:سقطت؟!!لا........لا.........أنا مو مصدقة(وهي تبكي)لا أنا أبي ولدي ردو لي ولدي
أم ناصر:حبيبتي أهدي الله يعوضج بثاني
لطية:لا..........مابي..........مابي سالم كله منه هو السبب هو السبب....حقير حقير
أم ناصر:لا لا تقولين جذي عن ريلج
لطيفة:يمه أنتي ما تدرين عن شي سالم هو السبب هو السبب أكرهه يا يمه أكرهه مابيه أكرهه
أم ناصر:ليش؟!
لطيفة:هو السبب....هو سبب خراب بيتي ودمار حياتي هو السبب بكل شي حتى في عذابي
أم ناصر:معلي ارتاحي الحين أنتي تعبانة
لطيفة:يمه سالم مجرم مابيه كل شي بسبته
أم ناصر:أهدي يا بنتي
لطيفة تمت تبكي وتتذكر سالم الي ضربها ورماها بالأرض يعني حياتهم انتهت بهالنقطة
..........................
سالم صحى تفاجئ تذكر انه كان يفكر ويفكر وفي التفكير نام لأنه ما نام يوم كامل وأكثر راح وغسل وجهه ونزل
نور:ها سالم صحيت؟
سالم:ليش ما صحيتيني؟!
نور:قلت اخليك تنام تراتاح أمس ما نمت...........وين رايح؟
سالم:بروح المستشفى أهل لطيفة جاو
نور:من متى؟!
سالم:من قبل لا أجي الحين بروح لها
........................
وراح سالم للمستشفى ودخل على لطيفة ولطيفة وأم ناصر تفاجئو
لطيفة:هذا أنت؟!شنو تبي؟!
أم ناصر:شفيج يا بنتي؟!
لطيفة:أنت شنو تبي شنو تبي مني...يمه مابيه لا مابيه
أم ناصر:لطيفة
لطيفة:يمه أحميني منه مابيه هذا مجرم مجرم
أم ناصر قامت:هدي يا بنتي
لطيفة:يمه وين رايحة مابي أتم معاه
أم ناصر:أخليج تتفاهمين مع ريلج
لطيفة:لا يمى لا مابي أتفاهم معاه بيذبحني
سالم كان واقف مثل الصنم بس أخيراً قال:لطيفة أنا...........
لطيفة:أنت شنو؟!أنت ولا شي ولا شي
أم ناصر:لطيفة هذا ريلج لا تقولين له جذي
لطيفة:يمى أنتي مو فاهمة شي مو فاهمة شي
سالم:لطيفة سمعيني
لطيفة:مابي أسمع مابي مابيك يمه لا تتركيني بروحي معاه بيذبحني مثل ما ذبح ولدي يمه هذا مجرم
أم ناصر:أنتي شقاعدة تقولين؟!
لطيفة تبكي
أم ناصر:لطيفة أهدي بخليج تتفاهمين مع ريلج براحتكم(وراحت الأم برة الغرفة)
لطيفة:في ناس جريئين بس في مثل جرئتك ووقاحتك ما شفت...شلون تيي هني لين عندي بعد ما ذبحت الي ببطني شلون؟!
سالم:لطيفة أنا.........أنا...
لطيفة:أنت شنو.......أنت ولا شي ولا شي........حتى الحيوان ما يسوي الي سويته
سالم:لطيفة سمعيني
لطيفة:مابي أسمعك في شنو أسمعك.....عقب ما دمرت حياتي...عقب ما ذبحتني وذبحت الي ببطني...شلون تبيني أسمعك....ولا أعذار الدنيا تبرر الي سويته أنت وحش...وحش
سالم:لطيفة.........أنا أحبج
لطيفة:وأنا أكرهك....أكرهك كره مو طبيعي أنت ذبحتني...(وهي تبكي)خلاص كل شي انتهى بينت
سالم:وأنا وحبي لج
لطيفة:ما في انسان يحب زوجته ويسوي فيها جذي...أنا خلاص ما عدت ابيك...أطلع برة من أشوفك الدنيا تظلم بعيوني....أطلع برة
جا خالد:شصاير؟!
لطيفة:خالد مابي هالانسان....أقصد هالحشرة مابيه طلعه برة
خالد:ليش شصاير يا سالم؟!
سالم انربط لسانه:....................
لطيفة:ما يقدر يقول أنه هو صاحب الجريمة
خالد:أنت تحجى شصار؟!
لطيفة:أنا أقولك الأخ سالم..........ولا أقول مو مهم
سالم:إذا تبين تقولين له قولي
لطيفة:سالم رماني بالأرض وصار الي صار
خالد:شنو؟!هذا الكلام صحيح يا سالم؟!
سالم:إي نعم صحيح...لطيفة ما غلطت
لطيفة:يعني أنا مابيك مابيك
خالد:هاي انتش قالت لك البنت أطلع يعني أختي تبي ترتاح وما تبي تشوفك
سالم:بس..........
لطيفة:بس شنو؟!
سالم:...............
خالد:يلا روح عن المشاكل والفضايح مانبي فضايح في المستشفيات...كرامتك أحسن لك
خالد دفه بخفيف:يلا روح
وراح سالم وتركهم وفشل فشل ذريع في انه يرجع لطيفة وشاف من المستحيل انها ترجع له
..............................
باختصار بعد مرور الأيام وزيادة الأحزان ومرور الأحوال لطيفة بعد ما طلعت من المستشفى راحت الكويت على طول لأنها ما تبي سالم بس سالك يبيها راحت على طول بيت اهلها في الكويت وتم سالم مع نور بروحهم في السعودية في ملل وسالم في حالة اكتئاب
قرر سالم امه يروح للكويت وتتم نور في السعودية في بيت أهلها لين يرجع
لطيفة:ما في شي نتفاهم عليه
سالم:بس أنا ريلج ولازم نتفاهم
لطيفة:وأنا الحين مابيك تفهم مابيك
سالم:بس أنا أبيج
لطيفة بصراخ:وأنا مابيك خلاص يا سالم هنا بداية نهاية حياتنا كل شي بيننا انتهى
سالم:ليش تقولين جذي؟!
لطيفة:لازم اقول جذي أنت انسان ما عندك احساس مهما قلت وتكلمت بس يمكن تحس مرة
سالم:لطيفة أنا أحبج
لطيفة بصراخ وهي تبكي:وأنا أكرهك مابيك عذبتني يا سالم ذبحتني ذبحتني...ذبحتني وذبحت ولدي كل شي فيني مات بسبتك خلاص طفح الكيل منك
سالم:لطيفة.............
لطيفة:ما في شي نتفاهم عليه خلاص طلقني أنت ما تستاهل تكون زوجي ما أقدر أعيش معاك ولا دقيقة وحدة سنة ما قدرت اتحملك شلون تبيني أعيش معاك طول العمر مابيك يا سالم ما بيك
سالم:بس أنتي ما تدرين شكثر أنا أحبج وأبيج
لطيفة:أنت كذاب وأكبر كذاب تبيني بعدين أرد لك ويرجع نفس كل شي تذلني وتهيني وترجع تشرب وتضربني والشرب قلت لك تركه ما تركته....خلاص طلقني يا سالم
سالم:لا لطيفة لا تطلبين الطلاق
لطيفة:لازم اطلب الطلاق أنا ما أقدر أعيش معاك أنت مجرم...وحش..أكرهك يا سالم أكرهك
سالم:لطيفة شفيج نسيتيني؟!!نسيتي حبج لي؟!!
لطيفة:أنا ما أحبك مو بس ما أحبك أكرهك
سالم:وحبنا
لطيفة:حبنا انتهى خلاص يا سالم اعتربني من اليوم مو زوجتك ولا لي علاقة فيك طلقني يا سالم دمرتني دمرت حياتي
سالم:يعني خلاص احنا انتهينا؟!
لطيفة:إي نعم احنا انتهينا
سالم:بس لطيفة أنا أبيج ما أقدر أهيش بدونج
لطيفة بصراخ وهي تبكي:وأنا ما أقدر أعيش معاك كنت بتذبحني...أصلاً أنت ذبحتني حولت حياتي لجحيم...منت وردة صافية جيت وذبلتها ح تالي كان ببكني ما سلم منك...أطلع برة أطلع برة أكرهك
جاو أهلها وبالتحديد أم ناصر وعبد العزيز وخالد وسارة
خالد:شفيج لطيفة؟!
لطيفة:مابيه مابيه
عبد العزيز:سمعتها تقول ما بيه يعني ما تبيك يعني بره
سالم:أفا يا عزيز تطردوني من بيتكم؟!!
خالد:حنا ما نطردك بس نقول لطيفة تبي ترتاح ونفسيتها حيل تعبانة لا تزيد عليها همومها يا سالم
عبد العزيز:لا تنسى انك أنت سبب همومها
سالم انجرح زيادة ما قدر يتحمل اكثر من كذا
سالم:لطيفة ما تبيني؟!ما تبين ريلج؟!
لطيفة:قلت لك لا ما بيك أحموني منه بيذبحني
عبد العزيز:هاي انت اطلع يلا اطلع(ودفه على الباب بقوة)
سالم طالع لطيفة بكل أسف وحس ان كرامته حيل انهانت وليطفة تبكي في حضن أمها بألم
............................

 

[مـ سهله ـو]

تابع...
.........................
سلمان:ما توقعت سلوم اخوي يسوي جذي
بو سالم:وليش ما تتوقع من اخوك جذي هو ممكن يسوي كل شي
سلمان:بس انه يطق مرته ويخليها تسقط أول مرة!!!
بو سالم:لا عادي عنده أنا أعرف سالم ولدي واعرفه زسن
سلمان:يا سلام انزين أهلها شبيسوون له؟!
بو سالم:الحين اخوك راح لهم وبالخصوص للطيفة بس ما أتوقع بترضى ترجع له...ولد عنيد...يا ما نصحناه وقلنا له لا تاخذها بس أصر عليها ألا هي والحين أهان كرامته
انطبق باب البيت الكبير بقوة لدرجة ان بو سالم وسلمان تخرعو وشافو سالم في حالة يرثى لها وكان معصب حيل راح لغرفته فوق بدون ما يسلم عليهم وصك باب الغرفة بقوة وكأنه الباب بيتكسر
سلمان:أف سالم وايد معصب...شفيه؟!
بو سالم:يعني شفيه أكيد طردوه مرته وأهلها!!
سلمان:مسكين سلوم ما يستاهل
بو سالم:لا يستاهل خله ياكلها ما حد قاله تعال وتزوج بنت الفقر
سلمان:لا لا تقول جذي يا يبى
بو سالم:أقول لا تجلس تدافع عن اخوك بعدين اخاف تصير مثلههذا جزا الي ما يطيع أهله تزوج البنت ورفعت ضغطه لين طيحها سقطت
يلمان:يبى يمكن لأن سالم عصبي شوي
بو سالم:لا تدافع عنه بس
راح سلمان فوق ما يبي يسمع كلام ابوه زيادة
نروح لسالم كان يطالع نفسه بالمراية يمسح شعره الي طايح على جبهته ويحس انه وده يموت معصب حيل ويحس ان الدنيا حوله صغيرة وضيقة حيل وما تسوى شي خصوصاً بدون لطيفة يعني الدنيا ضايقة بعيونه هو تعلق بلطيفة بشكل مو طبيعي ما يقدر يتحمل أكثر:"اااااااااه....ما أقدر أتحمل...ما أقدر أعيش بدون لطيفة...أنا تعلقت فيها وايد ما أقجر أتحمل أكثر...أنا ليش جذي من أشوف السعادة جاية تجي فجأة التعاسة بوجهي...كل شي في حياتي دمار"
أخذ نفس عميق حط ايده على راسه وريح على السرير وهو مسترخي
.............................
حمد:شفيك حبيبتي؟
فاطمة:لا حبيبي بس..........ما عليك
حمد:متضايقة من شي قولي شفيك شلي مكدرك صوتك متغير
فاطمة:لا تهتم شي مو مهم
حمد:كل شي فيك مهم عندي
فاطمة:وأنا بعد بس ما عليك شي مو مهم
حمد:ألا أكيد مهم...قولي وشفيك؟!
فاطمة.............

 

[مـ سهله ـو]

الفصل السابع
حمد:شفيك حبيبتي؟
فاطمة:لا حبيبي بس..........ما عليك
حمد:متضايقة من شي قولي شفيك شلي مكدرك صوتك متغير
فاطمة:لا تهتم شي مو مهم
حمد:كل شي فيك مهم عندي
فاطمة:وأنا بعد بس ما عليك شي مو مهم
حمد:ألا أكيد مهم...قولي وشفيك؟!
فاطمة.............حال بنت عمي موع اجبني
حمد:تقصدين لطيفة؟
فاطمة:إي....هي ممكن تتطلق
حمد:شوفي فاطمة أنا لا تحسبيني مع سالم والي يسويه
فاطمة:أنا عارفة بس والله تكسر خاطري البنت تعذبت وايد من زوجها
حمد:...أنا عارف
فاطمة:لا تزعل مني يا حمد أنا عارفة ان سالم غالي عليك بس غصب عني أقول هالحجي
حمد:لا عادي ما تنلامين الله يلوم الي يلومك ولد عمي الي سواه مو شوي بزوجته ما في مشكلة إذا قلتي هالكلام
.........................
رهف:متى راح يجي زوجك؟
نور:مادري يمكن اليوم أو بكرة مادري عنه
رهف:شكله مسكين طردوه أهل زوجته وزوجته أكيد تبي الطلاق منه
نور:هذي ما فيها شك...بس مادري يا رهف أحس اني ما أقدر اعيش مع سالم
رهف:ليه؟!
نور:مادري إذا سالم طلق لطيفة متأكدة ان سالم راح يتم حزين ومتكدر طول الوقت ودايم التفكير بليطفة كالعادة
رهف:بس عشان كذا؟!...والله انك سخيفة ما رده بينسى زوجته لطيفة
نور تضحك بسخرية:هه ما أعتقد أنتي ما تعرفين سالم
رهف:لا حبيبتي بيتسى لطيفة وبتمون مجرد ماضي وانتهى أنا متأكدة من هذا صدقيني
نور:نشوف!
جا حمد من فوق:أوه رهف عندنا حياك الله
رهف:الله يحييك شخبارك؟
حمد:الحمد لله شخبارك انتي شخبار حسن؟
رهف:الحمد لله كلنا تمام
حمد:نور أبي أكلمك بشي مهم
رهف:يعني أروح هذي الزبد
حمد:لا لا شدعوة تمي بس حنا بنروح
وهف:لا أجلسو أنا بروح أكلم حسن
وقامت عنهم
نور:خير يا خوي شصاير؟!
حمد:أسمعي نور أنا كلمت فاطمة قل شوي وقالت ان لطيفة زوجة سالم تكسر خاطرها تعبانة نفسياً
نور:قصدك شريكتي؟!
حمد:إي
نور:وأنا شسوي؟!
حمد:أبيك تساعين سالم ولطيفة
نور:أساعدهم؟؟!!!أساعدهم بإيش؟!!
حمد:على انهم يرجعون لبعض
نور:وأنا وش دخلني فيهم؟!
حمد:مو سالم زوجك؟
نور:إي نعم زوجي بس مو معناته اني أساعدهم
حمد:بس أنتي تحبين سالم وش الي خلاك تصيرين قاسية كذا؟!
نور:سالم زوجي واحبه بس لا تنسى اني أكون الزوجة الثانية بالنسبة لسالم ولطيفة هي الزوجة الأولى معناته كيف تبيني أساعد شريكتي في الزوج تبيني أطلق مثلاً؟!
حمد:لا حشى ما قلت كذا بس تعرفين سالم ولد عمي يمر بحالة نفسية حيل تعبانة نفس الشي زوجته وانتي ما تحبين ان سالم يكون بهالحاالة
نور:بصراحة سالم كئيب وندمان أشد الندم على الي سواه للطيفة متعذب حيل وأنا ما يسرني لمن أشوفه كذا يا حمد هما سوا لي
حمد:شفتي يعني سالم لمن يكون مع لطيفة راح تكون نفسيته أحسن وبيكون فرحان
نور:أسمع لطيفة ما راح ترجع لسالم هذا الشي مستحيل وأكيد راح تطلب الطلاق منه صدقني مو قصدي اني ما أبيهم يرجعون لبعض بس هذي الحقيقة ولازم نتقبلها
حمد:أنا عارف والله عارف بس حال رجلك ما تسر لا عدو ولا صديق
نور:أسمع أنا بعطيك اياها أنا أساساً بدون ما أرجع سالم ولطيفة لبعض راح اطلب الطلاق من سالم
حمد:ليه؟!
نور:ما أعتقد اني راح أقدر أعيش عاه أنا مهما كان أنثى ولازم أغار وإذا كان الزوج يفكر بزوجته وتارك زوجته الثانية أكيد راح اغار حتى لو مجرد تفكير هم حتى لو تطلقو ما راح اقدر اتحمل الحياة الي بعيشها مع سالم عشان كذا يمكن أطلب الطلاق من سالم
حمد:لا يا نور لا تقدمين على هالخطوة هذي أنتي راح تدمرين حياتك كذا أنا قلت لك ساعديهم مو معناته انك تطلبين الطلاق من سالم إذا ما تقدرين خلاص بس لا تطلبين الطلاق يا نور لا تدمرين حياتك بنفسك
نور:انشالله راح افكر
...........................
نوال:والله مسكينة بنت عمج
حنان:شكله ولد عمه ما يصلح لبنتج يمه
نوال:هذا غير وهذا غير قلت لج يمكن واحد منهم يكون أحسن من ريل لطيفة
حنان:مادري كيفها وليء حظها ردي
آلاء جات:وليش حظها ردي؟!
حنان:مادري
آلاء:يا كرهج...وبعدين انتو ألا تزوجوني هذا جؤاح بالغصب؟!
نوال:أي جراح؟!
حنان:إي والله منو يطلع جراح بعد انتي؟!
آلاء:ها....لا لا واحد منهم شفيكم؟!
حنان:إيه حسبتبعد
آلاء:شفيكم انتو شعرفني فيه مثلاً
حنان:شعرفج فيه؟!
آلاء:لا لطيفة كانت مرة تسالف معاي...وكانت تعدد لي أهل سالم...وعيال عنه وقالت اسمه...بس جذي (حنان ونوال يطالعونها وهي خايفة)
...............................
سالم يرسل لليطفة رسايل حب وغرام وهي كل من شافتها عصبت منه ومن حركاته الطايشة:
اتذكر لقاها لين شفت البقايا
اتوجّدعليها واكتمه في خفاي
اذرف دموع عيني لاذكرت الهدايا
ولين شمّيت عطره زادفيني عماي
قدّه ورمش عينه هي طعون الضمايا
هي غناتي وروحي..اصحبت هي مناي
اتذكرشفاه وكل ذيك الحكايا
ماملك قلب روحه بالوسيعه سواي
ومسج ثاني:
إن كان ليلي يقتل الشمس بالهون
فانت النهار اللي بليلي بقى حي
مابيك تسأل كيف أنا حي وشلون؟
الحب كله فيك انا اشوفه شوي
يكفي اشوفك كل شي بهالكون
وأشوف كل الكون دونك ولاشـــــي...
ودق عليها بالجوال ولا ردتويدق فوق المليون مرة"حرام عليج يا لطيفة ليش تعذبيني جذي أنتي تدرين ان أنا أحبج وأموت فيج أحبج ما أقدر اعيش بدونج"كانت هذي آخر رسالة جاتها ودق آخر مرة آخر شي ملت لطيفة وقفلت الجوال:كذاب كذاب يا سالم كذاب
سالم انسدح نص سدحة على السرير وهو مهموم
قلبك صخر جلمود ما حن علي زيد بدلالك زيد واني الأذية
يا بعيد عن عيوني دريت أو ما دريت قلبي الي تسكنه دوم يسألني عليك
لو سهى فكري شويه صدق اني بك سهيت
صرت ما افكر بروحي وافكر بس فيك
دق الباب ودخل سلمان
سالم:اللـــه سلمان من متى تدق الباب؟!
سلمان:أخاف ادخل فجأة وتذبحني
سالم:ههههههه لا شدعوة ليه؟!
سلكان:مادرس جاي اليوم البيت وانت معصب وحالتك حالة
سالم:سالم إي والله يا سلمان تصدق لطيفة كانت ما تبيني ما تبيني أبد كانت تقولي أكرهك يا سالم أكرهك مابيك تخيل أنا تعبان حيل وايد
سلمان:الله يعينك ياخوي...الحين ليش ما تقوم عند ربعك تستانس أحسن من القعدة بروحك
سالم:إي والله صدقت ودي أشكي همي لصديق لي مثل ما شكيت همي لك
سلمان:يالله قوم ولا تزيد الحزن حزنين
سالم:خلني أروح اغير بس وأغير جو
........................

 

[مـ سهله ـو]

بسسسسسسسسسسسسسسسسسسسسسسسسسسسسسسسسسسسس خلاااااااااااااص تعبت والله حتى انتو اكيد تعبتوا لي كملتوها عطوني خبر وانا اكملها لا والله تعبت من نسخ ولصق نسخ ولصق لووووووووووووووول

 

[مناوووي]

وين التكلمله ياموسهله

لاتسوين نفس القصه اللي طافت وتقولين ماكملتها عشان ماشفت تفاعل

كمليها بليييييز

 

[مـ سهله ـو]

ماشي بس سوري والله نسيت وكنت طالعة واذا عن رواية شهد حتى انا ضاعت مني خخخخخخخخخخخخخخ

 

[مـ سهله ـو]

الجزء التاسع والعشرين
الي صار في الجزء السابق أحداث كثيرة ومثيرة وفي نفس الوقت حزينة بطلينا سالم ولطيفة مرو بلحظات حرجة وحزينة لطيفة سقطت والسبب سالم وهي تكرهه وما تبيه وسالم ندمان أشد الندم وتعبان ويبي لطيفة ترجع له بس هيهات ترجع كلهم الاثنين يحسون الدنيا صغيرة وضيقة بعيونهم وما فيها أحد غيرهم وما حد يشيل همومهم غير بعض المهم نكمل شصار في قصتنا من أحداث
الفصل الأول
يرن جرس البيت وطبعاً سارة ترد
جات سارة لغرفة لطيفة:هاي لطوف نورة تنطرج تحت
لطيفة:انزين كاني ياية الحين
ونزلت لطيفة تحت ونورة بانتظارها وتسلم عليها ويجلسون
نورة:شخبارج وينج يا القاطعة؟!
لطيفة:كاني موجدة أنتي الي وينج تعرفين ان عندي ظروف قاسية وما أقدر اييج
نورة:أوكي ما يخالف...لطيفة أنا ياية هني بخصوص موضوع واحد ومهم بالنسبة لج ولحياتج
لطيفة:أنا وسالم؟
نورة:إي نعم لطيفة أنا رفيجتج وتهمني مصلحتج ما يصير تتمين عايشة جذي
لطيفة:يعني تبيني أرد لسالم بعد كل الي سواه لي؟!
نورة:أنا ما قلت جذي بس لي متى بتمين على هالحالة هذي؟!سالم يبيج وانتي قلتيلي بنفسج شنو قلتيله من كلام أهنتي كرامته يا لطيفة وعلى كل هذا تحمل وياج مرة ثانية وأكيد بعد ما جرحتيه بييج لأنه يبيج ويحبج
لطيفة:نورة هذي كرامة...هو جرح كرامتي وأهانها ولا انتي نسيتي انه طيح الولد الي ببطني وحتى لو ما طيحه كان سكران وفوق جذي ضربني شتبين فوق كل هذا قوليلي شتبين؟!!!
نورة:لطيفة أنا عارفة ان سالم غلطان والغلط راكبه من راسه لي ساسه بس هو يحبج وأنتي تحبينه وما يصير اتمون جذي أنتو زوجين
لطيفة:أنا ما أحب سالم ولا هو يحبني لو يحبني كان ما سوالي جذي
نورة:صدقيني يحبج وبعدين ما يصير أنتي تتمين معلقة لا متزوجة ولا مطلقة ما يصير جذي
لطيفة:تطمني قريب الطلاق
نورة:لا يا لطيفة لا تقولين جذي أنتي بنت في عمر الزهور ومسألة الطلاق صعبة راح تعيشين حياة حزينة وكئيبة صدقيني لطيفة الطلاق مو زين
لطيفة:الي يسمعج يقول اني حامل ولا عندي يهال أنا لاني حامل ولا شي حتى الجنين طاح لا يهال ولا غيره يعني طلاقنا بيكون سهل ويرجع كل شي مثل ما كان وهو يتزوج على كيفه أو يتم على مرته نور أبرك له...أنا مالي حياة مع سالم
نورة:وشنو دخل الحمل واليهال في السالفة يعني تتوقعين بس العيال هم الي يمنعون الزوجين من الطلاق أو هم أكبر مؤثر على نسبة الطلاق؟!!...لا حبيبتي اليهال ما لهم شغل المهم الزوجين المهم أنتي وسالم مو مهم يكون عندج عيال
لطيفة:أنا عارفة كل هالكلام ما يحتاج تقولين لي...بس كلامج يحير
نورة:كلامي ما يحير...كلامي واضح مثل الشمس بعدكم عن بعض يدمركم ويعذبكم
لطيفة:بالنسبة لي أنا مرتاحة ولاني شايلة هم
نورة:لا أنتي مينونة(مجنونة)أصلاً مبين من ويهج(وجهج)أنج شايلة هموم الدنيا فوق راسج بس تخفينها أنتي تحبين سالم هذي الحقيقة
لطيفة تضحك بسخرية:أحبه؟!!عقب كل الي سواه لي وتقولين لي أحبه.!!والله انج مينونة شلون تقولين اني أحب سالم وهو السبب في عذابي؟!!
نورة:مبين من عيونج انج تحبينه ومشتاقة له
لطيفة:ليه قارئة العيون مثلاً؟!
نورة:لطيفة لا تستهزئين أنا أقولج الحقيقية وانتي تتمسخرين علي؟!
لطيفة:لا ما أتمسخر بس كلامج غريب وكله ألغاز مبين من عيوني اني أحبه...حبيبتي أنا ما أطيق سالم ما أحبه أكرهه موت وما أطيق أشوف رقعة ويهه من أشوفه أحسن الدنيا ظلمة بعيوني كئيبة أكرهه أكرهه
نورة:انزين طالعيني
لطيفة طالعتها تشوف آخرتها معاها:كاني طالعتج أشوف آخرتها معاج يا آنسة نورة
نورة:شفتي ما تقدرين تخفين حبج له
لطيفة:أنتي المينونة مو أنا قلت لج ما أحبه ما أحبه أكرهه
نورة:لطيفة أنا رفيجتج قولي اللي بقلبج طلعيلي كل الهموم الي بقلبج قولي أنتي تحبين سالم ولا لا؟
لطيفة:.........لا
نورة:جــــذابة(كـــــذابة)
لطيفة طالعتها باستغراب
نورة:صدقيني تحبينه
لطيفة:...........تبين الصراحة يا نورة....أنا أحبه...أحبه ومشتاقة له وايد(ودمعت عيونها ونزلت دموعها)
نورة:لا بلا هالدموع يا لطيفة خلاص...آسفة مو قصدي
لطيفة:لا بالعكس نورة أنتي شرحتي صدري خليتي قلبي يعترف اني أحب سالم...بس مستحيل مستحيل أعيش مع سالم...هو الي سواه لي مو شوي...خلاني أكره حياتي خلاني أكرهه وأحبه في نفس الوقت لأني مجنونته مثل ما هو مجنوني
نورة:يعني ما تبين تردين له؟
لطيفة:مستحيل...مستحيل
نورة:وحبج وسعادتج وحياتج
لطيفة:ممكن سعادتي وحياتي ألاقيها مع واحد ثاني...لكن حبي ما ألقاه مع غير سالم
نورة:السعادة ما تكون الا مع الحبيب
لطيفة:صدقتي يا نورة...صدقتي
............................
جاسم:يا كثر أوجاعك يا سالم
سالم:يا كثر أوجاعي وهمومي
جاسم:أنا بسألك سؤال أنت تحب زوجتك لطيفة؟
سالم يتنهد:ااااااه يا جاسم أحبها وأموت فيها لو ما احبها كان ما صارت حالتي جذي
جاسم:انزين ليش سويت لها جذي؟!
سالم:لا تزيد همومي يا جاسم.....غلطة...ودمرتني ودمرت حياتي...كان لازم اتعلم...طول عمري عشت حياتي عنيد وكل شي أبيه أسويه حتى لو كان يدمر حياتي لمن أكون في مشكلة وأحاول اعالجها أطيح بمشكلة أكبر منها...هذا الشي ما نفعني...خلاني أهدم حياتي بإيدي...أنا ما احب نصايح الناس...عشت على مزاجي...وهذي النتيجة...جاتني النعمة ورفستها بريولي...أنا أستاهل كل الي صار لي
جاسم:وتتوقع لطيفة راح ترجع لك؟!
سالم:أكيد لا عقب كل الي سويته لها وتبيها ترجع لي...أنا ندمان...صدقني جاسم أنا أحبها وأموت فيها تعلقت فيا وايد...هي الي عوضتني حنان الأم والأبو والكل...أنا فقدت الحنان وهي الي عوضتني حنان الكل هذا الكلام من قلبي يا جاسم صدقني
جاسم:مصدقك يا سالم أنت رفيجي واعرفك زين....صحيح انك عنيد وعصبي شوي بس نقطة ضعفك الحب...لما تحب تتعلق بالي تحبه وما تقدر تتركه أبد...بس عالعموم من المعروف ان الأنسان الي يحب صعب انه ينسى
سالم:يعني تبيني أنسى لطيفة؟!
جاسم:أسمع يا سالم نصيحة من صديق لصديقه ما أعتقد ان لطيفة راح ترضى ترجع لك عقب كل الي صار...بس انشالله ترجع لك...بس أكيد100% راح تطلب الطلاق منك
سالم:مو هذا الي مكدرني ومخليني أعيش بجحيم....قالت لي كلام جارح هي واخوانها بعد...ما قدرت اتحمل بس أبيها يا جاسم أبيها
جاسم:الله يعينك يا سالم الحب يعذب الحمد لله اني للحين ما حبيت
سالم:مهما نعيش في هالدنيا لازم نحب...احنا مهما عشنا من سنين20...30...60...100 لازم نحب ولا ما راح تكون انسان الحب لازم يكون موجود في الحياة...مهما كان مر أو حلو لازم يكون موجود
جاسم:خلك من جو الكآبة الي أنت عايشه عيش حياتك فكر بنفسك شوي حرام الي تسويه بروحك
سالم:أنا ما أفكر بغير لطيفة
جاسم:مو هذي مشكلتك
سالم:بالله عليك لو صار لك الي صار لي شراح تسوي؟!
جاسم:ما راح اشيل هم....صحيح اني راح اندم...بس هي أهانتني وأهانت رجولتي يا سالم
سالم:أنا عارف ان لطيفة أهانتني عشان جذي ضربتها ورميتها بالأرض بس أنا بالغت على الأقل لو ضربتها بس اااااخ لو يرجع الزمن بس
جاسم:لا تندم بس هذا قدر ومحتوم كل شي في هالدنيا احنا نسويه له هدف مهما كان الهدف!
................................
راشد:حقيقي ناس ترفس النعمة برجليها
نور:بصراحة أنا أشوق ان لطيفة نقمة مو نعمة
راشد:بس ما تشوفين شقد سالم كان يتكلم لنا عنها أنا وحمد
نور:أنا سمعت شقالت له ومن حقه يضربها بس بالغ في انه دفها للأرض حتى لو ما كانت حامل...بس حبيبي قلبه متقطع عليها
حمد:اللـــــه حبيبي بعد
نور:إي مو زوجي؟!
راشد:والله ناس فاضية يلا أنا بروح عندي شغل(وراح راشد)
حمد:نور بسألك سؤال
نور:وشو؟
حمد:ليه كنتي تاخذين حبوب منع الحمل؟!
نور:ليه تسأل أنت رجال وما تعرف في هالسوالف؟!
حمد:قصدك مالي دخل...وبعدين أنا أخوك وأنا أسأل عشانك وعشان زوجك
نور:وانتش راح تستفيد؟!
حمد:أستفيد اني أشاعدكم على استقرار حياتكم
نور:أوكي...أنا كنت آخذ الحبوب لسبب واحد بس
حمد:وش هو؟!
نور:لأن سالم ما يحبني
حمد:ما يحبك؟!!حلوة ذي ما يحبك ليش من قالك انه ما يحبك؟!
نور:أنت ما شفت تصرفاته معي شقد جافة حتى في شهر العسل مو مشتهيني وكأنه أحد غاصبه على انه ياخذني مو من ايه
حمد:سمعي نور سالم أنا اعرفه زين ما حد غصبه أبد على زواجك منه وسالم ما ياخذ راي ألا ومتأكد منه...صحيح هو طايش شوي...بس الي يبيه ياخذه مهما كان
نور:طيب ليه هو كذا؟!
حمد:يمكن لأنك في شهر العسل توه متعرف عليك وعلى شخصيتك ومو قاعد معاك من قبل
نور:حتى بعد ما رجعنا من السفر أي شي يروح للطيفة ويقولها أحلى كلام وأنا لي الكلام الجاف والي يجرح وهي الحب وأنا الكره
حمد:لا نور سالم ما يسوي كذا
نور:كيف كشوف تصرفاته بنفسك
حمد:عالعموم يمكن سالم يتغير بعد ما تعلمه الأيام معنى الحياة
.............................
بلغ حبيبك وقله باخذك منه هذا هو الحل ومالي أي حل ثاني
ما اقدر ابعد واشوفك بس واستنى كل يوم عنك بعيد يزود جناني
أبرار كانت تسمع هذي الغنية بالمسجل حقها وقفلته
أبرار:منو قالج؟!
مريم:توه جاسم قالي
أبرار:!!!!!!!!!!
مريم:شفيج؟!
أبرار:لا مو مستوعبة!!!
مريم:ليش؟!
أبرار:سالم ما يسوي جذي
مريم:مبين انج عطفتي عليها
أبرار:لا والي يعافيج ما بقى الا هي....بس سالم مبين انه يحب زوجته لطيفة وايد شلي خلاه جذي؟!
مريم:مو أحسن لج؟!
أبرار:إي والله أحسن لي...أكيد غربلته مسكين
مريم:شكله مل منها
أبرار:ألا فطس منها ههههههههههههههه
مريم:ههههههههههههه مسكينة
أبرار:والله سالم المسكين مو هي
مرمي:إي والله يقول جاسم ويهه ـصفر وباهت وتعبان وهو ما ينام من كثر ما يفكر بلطيفة...يقول جاسم على كلام سالم انه يروح لها بس هي تطرده وما تبيه وهو متعذب لأنه يبيها ويحبها وهي ما تبيه
أبرار:غبي المفروض يفتك منها!
مريم:هذا الحب
أبرار:الحب غربل الناس وخلاهم في حالة"جنون الحب"
............................
دق سالم على نور وردت
نور:ألو
سالم:ألو هلا نور
نور:هلا سالم شخبارك
سالم يتنهد:الحمد لله تمام....نور أنا بجي اليوم السعودية زين؟
نور:زين
سالم:وبجي باخذج للفلة على طول أوكي؟يلا باي
نور:باي سلم على أهلك بالكويت(وسكرت)
..........................
وبعد كذا راح سالم للسعودية ورجع نور للفلة وجلس سهران ويفكر بلطيفة
قلبك صخر جلمود ما حن علي زيد بدلالك زيد واني الأذية
يا بعيد عن عيوني دريت أو ما دريت قلبي الي تسكنه دوم يسألني عليك
لو سهى فكري شويه صدق اني بك سهيت
صرت ما افكر بروحي وافكر بس فيك
وهي لطيفة نفس الشي عندها تفكر بسالم وبحياتها معاه
وتمو يتكلمون بقلوبهم عن بعد بحيث ماحد يسمعهم غير بعض
سالم:"وينج اشتقت لج وايد؟!"
لطيفة:"وانا بعد بس ما اقدر ارجع لك"
سالم:"ليش؟!"
لطيفة:"لأنك عذبتني"
سالم:"ااااااااااااه أنا تعبان من بعدج"
لطيفة:"وانا بعد"
سالم:"أحبج مووووووت"
لطيفة:"وأنا أكرهك بس أحبك"
وقعدو سهرانين ذيك في الكويت وذاك في السعودية وبقلوبهم يتكلمون
...............................

 

[مـ سهله ـو]

الكاتبة تقول قريب وتخلص الرواية وهذا اخر شي اكتبته ولا تخافون مراح اعلقكم بالعكس بكون معاكم اول بأول

 

[مناوووي]

تسلمين اختي مو سهله وماقصرتي

تعبناج معاها


بس اول ماتكتبها اكتبيها لها

 

[مـ سهله ـو]

افا علييييج من عيووووووني هاذي قبل هاااذي

 

[مناوووي]

تسلم عويناتج

فدييييتج

 

[مـ سهله ـو]

تفداج العافية واااي استحي لووووووول خلينها جات مو موضوع رواية لوووول مناوي تبين رواية كاملة في رواية انا نزلتها اهني كاملة رواااية جريييئة حلوه ترى اسوي لها دعاية لووووووول

 

[مناوووي]

دام انتي اللي كاتبتها اكيد حلوه بس ياويلج اذا مو كامله هههههههههههههه

شسمها عشان اقراها ؟

 

[مـ سهله ـو]

لا يبه مو انا اللي كاتبتها لوووووووووووول منقووولة ما ادري اهي اسمها رواااية رومانسية جريئة تلاقينها بالصفحة الثالثة او الرابعة

 

[مناوووي]

ادري منقوله يعني انتي اللي ناقلتها يعني منج خلااص

هههههههههههههههههههههه

 

[مـ سهله ـو]

ههههههههههههههههههه عندي رواية انا كاتبتها بس ادورها اهني ما لقيتها شكلي بحطها مره ثانيه بس بعد ما اخلص الروايات بعدين ضغط لووووووووول

 

[مـ سهله ـو]

الفصل الثاني
حمد:وأخيراً قرب عرسنا يا حلوة
فاطمة:أخيراً يا حمد بنجتمع مع بعض
حمد:ونعيش مع بعض أحلى حياة بأذن الله
فاطمة:كنت من زمان انطر نجتمع مع بعض من زمان ما شفتك
حمد:ما راح تشوفيني ألا في العرس حبيبتي
فاطمة:والله ما توقعت يوم من الايام بنصير زوجين
حمد:لا توقعي حبيبتي توقعي
فاطمة:أحلامي تحققت!
.........................
في اليوم الثاني في الصباح
الكويت>>>
كان صالح جاي من شغله
صالح:السلام عليكم
حصة:وعليكم السلام
صالح:تعالي ليش ما رحتي الشغل اليوم؟!
حصة:مالي خلق أخذت اجازة يومين تعبانة مادري ليش
صالح:شكلج تعبتي
حصة:بصراحة إي تعبت من الشغل بس ويني وين التقاعد
صالح:لا خلج توج صغيرة على التقاعد وصلي الخمسين وبعدين تقاعدي
حصة:إي أحسن لي
صالح:تعالي شخبار اهل السعودية؟
حصة:قصدك سالم؟
صالح:منو غيره في السعودية؟!!!
حصة:مو تمام كلش ما له خلق ما شفته الا خمس دقايق
صالح:بيرد هني؟
حصة:إي عشان يراضي زوجته
صالح:والله انه مينون(مجنون)يعني الحين بترد له عقب كل الي سواه لها
حصة:الله يهديهم من عيال.... هالجيل يسوون الغلط وتالي يندمون
صالح:زي عيالج
حصة:كل الشباب...أنا ما توقعت سالم يسويها صحيح انه يشرب بس انه يطيح الجنين الي كان ببطن لطيفة لا!!!
صالح:تتوقعين ليش سوا جذي؟!
حصة:أنا أشوف ان سالم صار قاسي ويسوي حركات مثل الشرب والضرب من تأثير ابوه
صالح:وشنو دخل ابوه بالسالفة؟!
حصة:أبوه كان يعذبه....ما كان يرحمه كان دايم يهاوشه ويطقه طق الموت...وجدام الناس يعامله معاملة عسل بسبة مركزه...عشان جذي سالم قلبه قوي وما يبجي أو بمعنى ثاني صارت مشاعره ميتة أبوه قتل مشاعره ما كان يطق أو يهاوش سلمان كثر ما يطق سالم..كنت ابجي لمن اشوف ولدي ينطق ودي لو أنطق بداله من الانسان القاسي عشان جذي صار سالم عنيد وعصبي وقسوة ابوه له خلته منحرف كله من بو سالم هو السبب بدمار حياة ولدي
..............................
رجع سالم من الشغل وعلى طول راح للغرفة ونور مستغربة المهم راح سالم للغرفة ويدق جواله
سالم:اففففففففففففف شنو تبي هذي أقول خلني أرد اشوف شعندها(رد سالم)ألو
أبرار:هلا بسالم...اشتقت لك واااااااااايد اشتقت لسماع صوتك
سالم:أبرار شنو تبين؟!
أبرار:ما اشتقت لي من زمان ما كلمتني؟!
سالم:ومن متى أنا أكلمج؟!
أبرار:أنا أدق عليك
سالم:أبرار شنو تبين؟!
أبرار:أبيك
سالم:ردينا؟!!
أبرار:إي ردينا أصلاً أنا أبيك من زمان...إي صح حمد لله على سلامة لطيفة
سالم:أنتي دريتي؟!!!!!!!!!!
أبرار:إي دريت
سالم:مشكورة على الشماتة
أبرار:أفااااااا لا سلوم لا تقول جذي أنا أتشمت في حبيبي؟!
سالم:إذا أنتي تحبيني عيل ليشت سوين فيني جذي
أبرار:وشنو سويت لك؟!
سالم:..........حاولتي تفرقين بيني وبين لطيفة
أبرار:هذا لأني أحبك وأبيك
سالم:الي يحب ما يسوي جذي
أبرار:يسوي ويسوي أكثر بعد
سالم:عالعموم كل شي راح وانتهى ارتاحي يا أبرار....خلاص لطيفة طلبت الطلاق مني
أبرار:أنا مو فرحانة ولا أتشمت فيك صدقني سالم
سالم:خلاص خلاص....بس أنا شايل هم لطيفة أول..وثاني شي هم نور
أبرار:ليه شفيها زوجتك الثانية؟!
سالم:أنا مو مهتم فيها...هاملها وايد طول الوقت وأنا ساكت وافكر بلطيفة
أبرار:بطلقها؟!
سالم:تقصدين نور؟
أبرار:إي
سالم:إذا طلقتها ما راح يتم معاي أحد راح اكون بروحي...أصلاً اني أطلق نور ما أقدر فما بالج لطيفة
نور كانت تسمع كلام سالم
سالم:أبرار ما اقدر اكلمج أكثر من جذي يلا باي
التفت الا يشوف نور
سالم:نور؟؟؟؟؟!!!!!!!!!
نور:سالم.....مين هذي الي كنت تكلمها؟!!!
سالم:ااااااااا...........
نور:سالم مين هذي مين هالبنت..شلون تكلمها...وأنا...كنت تخوني؟!
سالم:نور....سمعيني
نور:شلون أسمعك تكلم بنت من وراي؟!!
سالم:نور هي...هي الي كانت داقة علي صدقيني أنا أصلاً ما بيها ولا أحبها صدقيني
نور:بس أنت متزوج وثنتين شلون تكلم هذي من وراي؟؟؟!!!!
سالم:نور فهميني
نور:ما بي أفهمك...أصلاً أنا طفشانة منك بعد تسوي كذا...ما توقعتك كذا يا سالم ما توقعتك أبد!
سالم:نور...نور سمعيني
نور:مابي أسمعك...طلقني يا سالم...ما اقدر اعيش معاك...طلقني وروح مع الي تحب
سالم:بس ليش تقولين جذي يا نور
نور:لأنك ما تحبني وتحب غيري
سالم طلع ونور مستغربة من هروبه
...............................
في بيت بو ناصر
سارة جات لغرفة لطيفة:لطيفة يلا قومي الغدا
لطيفة:مو مشتهية
سارة:ليش تعالي اكلي مو زين تسوين في نفسج جذي
ليطفة:وأنا شنو سويت في نفسي قلت لج مو مشتهية وخلاص
سارة:أنا عارفة ان كل هذا تسوينه عشان سالم وعارفة انه هو بعد يسوي مثلج...بس أنتي لازم تعيشين حياتج
لطيفة:حبيبتي هذا لا عشان سالم ولا شي يعني أعذب نفسي عشانه؟!أصلاً هو ما سوالي شي عشان اعذب نفسي ألا انه خلاني أكرهه
سارة:يا جذبج(كذبج)والله انج تحبينه قومي بس قومي...أختي واعرفج زين تموتين في شي اسمه سالم
لطيفة:أنتي لا تصيرين مثل نورة تتفلسف على الفاضي...نفسي واعرفها أكثر منج ومنها...خلاص لا فتحين هالموضوع مرة ثانية أبد
سارة:انزين ممكن تقومين الحين؟!
لطيفة:مو مشتهية
سارة:لطيفة يلا قومي لا تتدلعين الدلع مو لايق عليج
لطيفة:سويرة
سارة:هههههههههههههههه لا لا امزح معاج يلا قومي
لطيفة:أوكي يلا
........................
رجع سالم للبيت ولقى نور قدامه
نور:وين كنت؟!
سالم:ليش شفتيني تأخرت؟!
نور:لا أبيك بشي مهم
سالم:البنت الي قبل شوي؟!
نور:لا أكبر...سالم أبي أقولك شي
سالم:شنو؟!
نور:سالم أنت تحبني؟
سالم:أنتي ليش دايم تسألني هالسؤال؟!
نور:أبي أعرف حياتي هي خدعة؟!..أعيش على كذبة ولا إيش؟!
سالم:........إي أحبج
نور:كــــــذاب
سالم طالعها:!!!
نور:إي نعم كذاب شفيك تطالعني كذا؟!
سالم:أنتي أكيد فيك شي
نور:لا حبيبي ما فيني شي....بقولها لك ولكل اختصار طلقني
سالم:أطلقج؟!
نور:إي نعم طلقتني مابي أعيش معاك
سالم:ليش؟!
نور:ترى ما قلتلك طلقني عشان البنت الي كلمتها قبل شوي...لا...أنا خلاص طفح الكيل منك...أنت انسان تحب لطيفة وتموت فيها وأنا لا يمكن اني أعيش معاك...صحيح اني أحبك بس ما قابلتني بهالحب...كل الي شفته منك جفاء ولا مبالاة....كنت اتمناك من سنين انك تصير زوج لي بس الحين...حسيت اني ندمانة لأنك تحب زوجتك الأولى ولا يمكن انك تعيش بدونها
سالم:ليش انتي مصرة على هالراي؟!
نور:لأني لازم اعيش حياتي مو كله أعيشها بزوج دايم التفكير بزوجته
سالم:مصرة على الطلاق؟!
نور:قراري هذا لا يمكن اني أتراجع عنه...طلقني يا سالم...طلقني
سالم:.......نور....أنتي طالق
يتبع.............

 

[مـ سهله ـو]

عاد اهي ما كملتها الظاهر بعد قرن لا لا انشالله يوم بس وتكملها سامحوني على القصور

:krkrkr:


:krkrkr:


:0bee2e8d89:


:tomato2: