جنطة صغيره ذربه للطاعااات الخفييفه من ويييييييين؟؟

[نطوووعه]

بنات شلووونكم



عيزت ادور جنطه ذربه احط فيها اغراااض ولدي لي طلعنا سوق والا مجمع او زرت احد واهوا معاااي مابي اخذ جنطة كبيره لان الاغراااض شويه بتكون مايسوى


رحت مذركير انصدمت من الجناااط الوعه من اللووووووعه

رحت بروووي كلهم كبااار و غالييييييييين وااااايد


سنتربوينت نسيت لا اشوف سكشن اليهال بس اعرف جناااطه مو زوووود يعني


فنصحوووني من وين اشتري ابي شي شكله حبووو كيووووت و مرتب و حجم الجنطه مناااسب حق تكرمون بامبرزة وحده و وااايبس و كريييم و المااات اللي يغيرووون عليها البيبي و بسكوووت و سدريااات و مميه ماااي صغيره لان هذي الاغرااض الي اخذها وياي لما اطلع مع ولدي السووووق


ناطرتكم بسررررررررررررررررعه

 

[][^lorans^][]

في مكتبه بالجابرية اسمها قراطيس عندهم جناط روعه بنات الدوام وايد يمدحون جناطة ملوت اغراض اليهال

 

[manarah]

طلي على بروي والله عندهم جناط الوانها تونس

 

[ام سويرة]

في محل في الحمرا مول بالفروانيه
فوق اذا ماني غلطانه اسمه مرايم
حلو
ولا سوي مثلي اخذ من سناء مرات مو مالت جهال القاهم عند الجنط
مالت البحر ومالت الحريم لكبار اكثرهم يجيبون اللوعه بس تلقين وحده ثنتين
مميزين وحركات
دوري بسناء وماكس ورد تاغ جذي وتجي حلو حجمها حده جده
واذا اسم الله عليه يمشي اخذي جنطه عنونه سبايدر مان يلبسها على ظهره
واذا مل مسكيها شوي عنه ما تفشل
وعسى الله يحفظه لج ويبارك فيه

 

[أم غايب]

شفي بابازماماز و شوفي برناتال هذيل محلات يهال حلوة

 

[Na77olah]

ترى في بسنتر بوينت جناط كبار ووسط وصغار كلش انا ما احب سوالف سنتر بوينت بس هالشغله ماخذته منهم لأنه زين

 

[سنع ومنع]

أختي شوفي oilily اللي بالرايه عنده جناط وايد حلوة .. جنطة الطلعات الخفيفة خذيتها من هناك

 

[^kloOot^]

انا ماخذه حق طلعات الخفيفه من كليرز ورديه
بس مافي حق الاولاد
بسنتر بوينت كل الاحجام

وفي بالرحاب محل حلو بسرداب اعتقد

وفي بعيد نصار محل تحت واايد اغراضه حلوه وكل شغل من بره اهو الوحيد بس راقي مع جيس البيبي بس اسعاره شوى غاليه

 

[أم حمودي الحلو]

oilily و بسسسسسس

 

[زيـنـه]

سنتر بوينت عنده وحده حلوه مربعه و لونها بيج و سعرها تقريبا 4 دنانير او اقل معاها المات مال التغيير
زينه و نايلون و مبطنه نايلون عشان ما تتاثر بالماي بالحمام و الا المطر و مقسمه من الداخل
ذربه و مرتبه

و ملوت مذركير كبار بس كد و مد .. ينفعون حق الكراف .

 

[بنات حواء2]

انصحج بسناء الي بسالميه عنده شغلات

 

[نطوووعه]

تسلمووووووون بناااااااااااااات


واااي ذكرتووووني باويليلي شلووون كنت ناااسيييييييته!! ياااارب القى عنه صغااار نفس اللي فباااالي!


و تخيلوووو رايحه اليوم سنتر بوينت و نسييييت اشوووف جناااط اليهاااااااال :\ مبدعه

 

[أم شواقه]

انا ماخذه جنطه من مذركير مارمتها avent عجييييبه وشكلها حلو وتنفع للأغراض الاشويه

 

[أم شواقه]

هذي صورتها حتى تقدرين اتغيرينها بلون وردي او ازرق ممتاااازة تنفعني بالطلعات

فيها مكان يحفظ الخليب وهوحار
ويورد تغيير الحفاظ وجنطه صغيييرد داخل حق اغراضج البسيطه ومخابي مفيدة وخامتها حلوة

 

[أم شواقه]

غلط بالصووورة

هذي صورتها

 

[رفرف]

مو لازم تاخذين جنطة بيبي .. ولدج ماشالله عليه صار ريال ..

اخذي جناط ظهر اشكالهم حلوة .. وعلقيهم ابعربانته خو منتي شايلتها .. وشكلها حلو ..

انا اسوي جذي حق بناتي ..
والحمدلله ان جناط البنات متوفرة واشكاااااااااال والواااااااان وكل جنطة تقول الزود عندي ..
اصلا كبتاتهم بتنبط من جناط الظهر كل الاحجام عندي واريح واخلى واذرب وتشيل كل شي ..

حتى الصبيان في جناط شحلوهم على شخصيات والوانهم فرايحي وتشوق مو شرط تكون جنطة مخصصة لاغراض البيبي ..

 

[وهـــايب]

رفرف وين تحذين جنط بنوتاتج ابي حق بنوتاتي انا بعدعلي الخاص اذا ممكن

 

[حاااايره]

سنتر بوينت

 

[رفرف]

وهايب من كللللللللل مكان ..

كليرز - سنتربوينت - مذركير ساعاااات - اطلب لهم من النت تصير الجنطة نفس البدلة - عندهم جم وحدة من بره لما اسافر اخذلهم - ادامز

 

[][^lorans^][]

تدين وين شفت عند اوركسترا حلوين و ذربين و عندج بعد الرايه في محل اتونتي ون جنه هم عنده وايد حلوين في عندج محل بمجمع زهرا هم في روعه اهناك في محل اطفال و محل ملابس ومستلزمات حوامل