جنطة المستشفى

[oum^zozo]

السلام عليكم ...

انا قبل فترة سالت هالسؤال ... والحمدلله زهبتها من اول الثامن ... بس اذا في شك ان الوحده تولد بالسابع المفروض تزهبها مبجر

محتويات جنطة المستشفى :

للأم :

غيارات داخليه عدد 4 عالاقل (سراويل قطنيه كبيرة الحجم) يعني اكبر من مقاسج
عدد 2 ستيان ... للإحتياط ..
عدد 2 قميص نوم طويل .. وطويل الاكمام بعد ... علشان اذا في رجال بيدشون
أو انج تاخذين معاج روب ساتر .
فوطة كبيرة و فوطة للرأس .. علشان لما تغسلين من بعد الولادة
نعال للحمام (أعزكم الله) ونعال للغرفة ...
(لبس الاستقبال- قميص - شحاطه- شباصه او اي اكسسوار بتحطينه بشعرج)
مشط + استشوار + شبابيص مريحه
فرشاة اسنان .. وصابون وشامبو وليفه
فوط صحيه ... حجم كبير جدا (حجم عمالقة )
_______

اغراض للبيبي :

عدد 4 غيارات داخليه + اوفر اول 4 حبات
4 قطع قماط ... + كفر ناعم للبيبي
كبابيس قطنيه لرأس البيبي 2 أو 3
عدد 5 سدريات ...
فوطه ناعمة للاحتياط
حفاظات من نوعيه جيده ... عموما بالمستشفى اهم راح يلبسونه
جيس البيبي لا تنسينه .. علشان لما تطلعون من المستشفى تحطينه فيه

الله يسهل علينا وعليج يارب العالمين

يعطيج العافيه ماقصرتي خزنت كلامج كله حق لما اجهز الله يسهل ولادتج يا رب

 

[love love]

انا كنت امبطلتها من السابع وكل ماتذكرت شي حطييت داخل الجنطه

اما عن الاغراض البنات ماقصرو

والله يسهل عليج وعلينا

 

[Love \ Hate]

هلووو بنات شلووونكم ..

انا امس جهزتها مع اني دشيت التاسع بس مادري ليش ؟؟ متعيزه اسويها احس اذا سويتها بولد لووووووووول !!!!!!!!!

خلوني اقولكم شنو حطيت :

حق البيبي : حطيت 4 اطقم كاملين .. ( يعني اندروير واوفر اوول وكبوس واللي حق الايد والريل ) حطيت 2 بيض ، و 2 ملونين مع

مهاداتهم .. بس البيض ناقصني لهم امهادات والبامبرز من المستشفى نفسه انا بولادتي الاولى جذي .. ابيه ذكرت ماحطيت فوطه للبيبي

نسيت

اما بالنسبه لي : حطيت ست اندروير كامل مال BHS في 5 حبات قلت يمكن احتاج .. و 2 praa

وحطيتلي دلاغين القصار عشان اتدهن عشتو .. وحطيتلي قميص نوم حلو وعادي بو 10 دنانير اوف وايت حق اول يوووم وحطيتلي بجامتين

للنوم شاريتهم قطن اللي يصيرون نص الساق مااحب انام ببنطرون وحق الاستقبال حطيت قميص النوم مالي الكشخه بقوطيه عشان مايتعفس

وحطيت بقوطي ترجيه وقلب ناعمييييييين هم للاستقبال .. وجنطه ميك اب كحل وكريم وقلوس عشان احط المكياج وامسحه عقب لوووووووول

اي ماتخليني احط !! تقوللي لاتتكشخين وانتي توج والده فلما احط الفاونديشن والكحل وامسحه يصير هم شكلي حلو ..

بقالي بس احط شباصه حلوه .. واحط ملفع بروح اشتري لانه ماعندي اوف وايت نفس قميصي ..

 

[مراسي الحب]

ستيانات الرضاعة والشفاطة

 

[mrs_pilot]

بنات .؟؟ ليش الملفع .. تلبسوننه اذا يوكم ناس ؟؟

 

[mrs_pilot]

؟؟؟

 

[اكثر من اول]

مشكورين بنات صج
استفدت منكم عاد انا
بجريه زكنت ناويه احطه بتاسع

 

[حرم_طيار]

خوش موضوع ذكرتوني بخوش اشياء كنت ناسيتها
مشكورين

 

[*الزينه*]

المره اهم شي

 

[بنت بطنها]

اانا عن نفسي

جنطة البيبي

لبس مع كفر الريول والايدين وكبوس ومهاد كشخه للزوار

واربع غيارات كاملين اطقم مع فوطه وبامبرز وممية ماي للبيبي احتياط


وكفر طلعة المستشفى

جنطتي انا

علبة ميك اب خفيف وسشوار ومشط والبروش والشباصات
علبة نايلون فيها بودر وقطن الصدر وكلينكس مزيل المكياج وشامبو وليفا وصابون وديودرنت ... اغراض جمعيه ... الخ
حفاظات نوع ليدي سوفت لانها ماتسبب حساسيه ولاريحه مع نعول قطنيه ودلاغات
وبطل منقوع مره للحمام عشان اترشين القطنه علي الخفيف قبل اللبس وواحد عند راسج عن العطور
لبس الاستقبال والمملفع والعبايه مع ملفعها للطلعه من المستشفى داخل كفر معلق

طقم فوط وكثري من الفوط الصغار
اربع بيجامات مع سراويل قطنيه حفر و نص وطوال علي حسب العدد اللي تحتاجينه
2 ستيان وشلحتين
وملفعين احتياط وجيس كبير للملابس اللى توسخت
طبعا ديباج استقبالج معاج وديباج عادي تنامين فيه

 

[الـفـجـر الـبـعـيـد]

بنات ليش تاخذون قطن للصدر خصوصا البجر انا ما نزل من صدري حليب الا ثالث يوم تقريبا وبالضغط بعد

ونصيحه لا تاخذون اندروير قطن عادي في بمذركير اندرويرات مثل خام لبس الولادة حق استعمال واحد واتقطينه

خمسه مع بعض بدينار لأن اول يومين بصراحه الاندروير ما يلحق

والله يسهل عليكم يارب