جم نزل وزنج عقب الولادة بيوم و نزول الماي من جسمج ؟صج يفرق وايد ؟

[ككوته]

انا بالثامن وزايده ٨ كيلو بس انا حملت وكنت زايده من العلاج ٥ كيلو عن وزني الي متعوده عليه ان شاءالله ينزل وزني بعد الولاده

 

[سماء الاحساء]

انا من حملت وزني 60 والحين انا بالسابع زدت ثمانيه كيلو ان شالله ما أزيد اكثر عشان ارجع بسرعه

 

[m!sS-Tamy..]

يعتمد ع طبيعة جسم الوحده

عن نفسي قبل لا احمل اذا تاخرت علي الدوره جسمي ينتفخ من السوائل
والحين حامل وجسمي منتفخ من السوائل
ومب مهتمه في زيادة وزني

في حملي الاول ما شالله عليه نزلت ١٠ كيلو عقب الولاده
لانه جسمي انتفخ وايد من السوائل

وان شالله هالحمل انزل كل اللي زدته واكثر

 

[طيبة83]

بنات شلون تزيدون بس 5 كيلو

انا قريت الطبيعي يكون 12- 15 كيلو

اختي اذا بترضعين البيبي طبيعي بينزل وزنج بسرعه ويشد رحمج ما تطلعين من النفاس الا بطنج لازق بظهرج

 

[ام يسووفي]

انا من حملت وزني تقريبا ٦٥ وبالتاسع صرت ٦٨ وبعد يومين من ولادتي طلعت نازلة بس ٥ كيلو

وان شاءالله اضعف الحين بالنفاس ابي وزني ينزل

 

[اخت خالتهم]

ماشاءالله بنات طمنتوني


انا للحين بالسابع زايده ٦ بس وزني زايد ١٥ كيلو قبل لا احمل بسبب فترة الله لا يعيدها يارب


يعني يبيلي عشرين كيلو وارد وزني القديم

 

[ملوكة الامورة]

اهم شي تفرحين بشوفت
ضناك يارب وانتي باتم صحة وعافية
وان شالله تصيرين احلا رشيقة

 

[bubble.gum]

انا اول ما حملت على بجري كان وزني تقريبا 55 لي التاسع 80 ولدت ما نزلت شي غير 8 كيلو وبعدها شوي شوي نزل لي 66 وقف ..
بس انا حالفه على عمري ان بس اولد راح اسوي تخفبف وكله سلطات وايدام بروحه بدون لا عيش ولا خبز ورياضه ورضاااعه من امه انا اللي نزل وزني يمكن الرضاعه بعدين وقفته لاني سافرت..

 

[كتريناااا]

انا قبل ولاده وصلت 93 ونص وبعد ولاده بأسبوعين وزنت نازله 10 كيلو ونص وصرت 83 حاليا صالي 18 يوم بالنفاس ما وزنت

 

[كتكوته حبيبي]

انا قطيت 12 كيلو زدت 8 بحمالي والباجي من الشهيه بعد الولاده كان وزني بالتاسع 81 وبعد الولاده بسبوعين قست صار 69 ولما طلعت من النفاس 70 وثبت اصلا انا ماقدر اسوي رجيم وهذا اذا مازاد هههههه طايحتله اكل بس ارضع وان شاء الله مايزيد

 

[فرزاشيهـ]

قطيت 10 كييلو لاني زدت فوق 21 بالحمل و ناطرين الباجي يطيح

 

[اخت خالتهم]

رفع نبي تجارب بعد

 

[sweet-love]

انا زدت تقريبا ١٦كيلو ابجري والنفاس نزلت عشره كيلو وبعد ٣شهور رديت وزني الحمدلله كنت اسوي رياضه واشد بطني

 

[Perfume]

بالحمل زدت 14 كيلو لاني قبل الحمل underweight
وبعد الولادة نزلت 10 كيلو
والباقي راح بالرضاعة والرياضة

 

[فـراوله]

والله ناسيه بس وايد تقريبا ما بين 12 أو 15 كيلو

أنا زدت 20 كيلو بالحمل

والولاده الثانيه ما زدت وايد زدت 10 وقطيتهم

​

 

[زين ودلال]

امبيه والله مادري جم اقط عقب الولاده !!! كله اقيس وزني عقب الولاده بشهرين كلش مافطنت على هالشي ههههههه

بس هالمره لااااااا ناويه نيه قشره على وزني

بالبجر زدت ٢٠ كيلووووووو كنت ٥٨ وصلت لي ٧٨

تقريبا عقب ٦ شهور وصل وزني ٦٢

بولدي زدت ١٨ كيلو وصل وزني ٨٠

عقب شهرين صار ٦٥

هالمره زايده تقريبا لحد الحين ١٣ كيلووو

وان شاء الله يارب انزلهم بصحه وعافيه

ابي جسمي اللي قبل ��

 

[اخت خالتهم]

ماشاءالله الاغلب نزل
طمنتوني


رفع

 

[om_3azoz]

انا ببجري كنت 49 بالشهر 3 وصلت التاسع صرت 58 زدت 10 كيلوات بس ماتذكر جم صرت بعد الولاده بس يوم طلعت من النفاس رديت 50

بولادتي الثانيه حملت 51 وبالتاسع صرت 65 تقريبا ويوم ولدت صرت 60 وطلعت من النفاس صرت 55

 

[عالمي المجنون]

بولادتي هذي للأسف ما قست وزني بعد الولادة مباشرة

ان شا الله بمراجعتي اقيسه

اما بحملي الاولي كنت زائدة 25 كيلو كنت 55 و صرت 80

بعد الولادة مباشرة نزلت 5 كيلو و بطلعتي من النفاس كنت نازلة 10 كيلو تقريبا

و بعدها بجم شهر صار وزني 64 بعدها حملت للأسف

 

[Ya7aLaTY]

انا بعد احاتي هالموضوع
بنت عمتي قالتلي انها نزلت 7 كيلو على طوول بعد الولاده

وعلى ما اطلعت من النفاس وزنها ردت نفس قبل الحمال