جم نزل وزنج عقب الولادة بيوم و نزول الماي من جسمج ؟صج يفرق وايد ؟

[اخت خالتهم]

السلام عليكم ورحمة الله وبركاته


اليوم قاعد اسولف عن المتن مع امي
قالت انتي غصب بتسوين رجيم هههههههه
بس تقول ابشرج بعد الولادة بيومين توزنين تلقين نازلة 6 كيلوات ويمكن اكثر


صج بنات ؟



ما نبي احد يقول وزنه عن الاحراج
بس جم ينزل وزنكم بعد الولادة

 

[الـــغـــلآ]

رد: جم نزل وزنج عقب بيوم و نزول الماي من جسمج ؟صج يفرق وايد ؟

موضوع حلووو

تسلمين خوخه

و ناطره معآج الردود


و يا ليت يقولون بيوم طلعتهم من النفاس جم نزلوو من الحمل

.

 

[غلاتي غلا]

رد: جم نزل وزنج عقب بيوم و نزول الماي من جسمج ؟صج يفرق وايد ؟

بعد الولاده بتقطين ١٠ كيلووو اللي هو وزن النونو زالماي ووووو
انا بعد الولاده بيوم وزنت الاقاطه تقريبا بس كيلوين وكنت زايده ٣٠ كيلو لما حملت كنت ٧٠ وقبل الولاده ٩٠
وبعده بيومين ٨٨
المهم طلعت من نفاسي وزني تقريبا 76
بعدين تدريجي لي 74 وثبت

 

[امـ خــزامـى]

انا ياحبي مازدت كثير لان ماامداني ولدت اول الثامن
ويقولون بالثامن والتاسع تزيدين اقل شي
٥كيلو

انا حملي كله زدت ٨كيلو
قبل مااولد بيوم وزنت وكان وزني٧١
بعد الولاده نزلت ٤كيلو وصار وزني٦٨
وبعد النفاس صار ٦٦
وبعد بشهر رجع وزني الاول ٦٤

 

[M!SS.LOBY]

موفقين

 

[اخت خالتهم]

رررررفع



مشكورين بنات للحين الردود ماشاءالله تعطي امل

 

[شيخه كويتية]

انا بالمستشفى بعد الولاده قست وزني بالحمام كان في ميزان
نازله ٣ كيلو
وقسته بعدها بمراجعتي ب١٥ يوم ولاده اتوقع نازله ١


مادري بالضبط بس اتمنى انزل اكثر.
لان زدت ١٢ كيلو بالحمال
الحين نزلت منهم٤ *

 

[Om*Yousef]

هلا اخت خالتهم

انا بولدي اول ماطلعت من الولاده نزلت 11 كيلو
كان وزني 78 وصرت 67 سبحان الله ليمن كنت حامل كنت متفوخة وكان كله ماي

:eh_s(17):

 

[قـــمـــرهم]

صج !!
توني ادري


انا من بداية حملي ولي الحين وزني ثابت ٧٠

واخاف ازيد اكثرررر ):


واساسا انا زايده ١٠ كيلو اول اسبوعين من عرسي

فجأه انتفخت هههههههه

تزوجت ٦٠ وبعدها صار ٧٠ ولي الحين ٧٠



يمممه يخررررع رقم ٧٠ مووووو متعوده عليه ):

 

[sweet lady]

جسم عم جسم يفرق انا بولادتي ما نزلت الا ٤كيلو

 

[دلال و غلا]

انا كان وزني ٥٠ قبل الحمال و وصلت الشهر التاسع و زاد وزني ٦٧

و بعد الولاده لمن رحت مراجعتي حق خياطي وزنت عندهم و كان ٥٦

 

[قَلبڪْ صًخرْ]

ماشالله
بس سالفت نزيد بثامن وتاسع خرعتني

 

[! بــدويه وآآيــد !]

،


انا ولدت الظهر قست وزني بالليل مستعجله لول قطيت بالولاده ١١ كيلو تقريبا
وزني قبل الحمل ٤٩ وبعد الحمل ٧٠ صدمه هههههههههه
واول مادشيت العاشر ٦٨ نزلت كيلوين لولعكس الناس
وقسته بيوم ولادتي ٥٧
بس اتفخت بالنفاس قبوط عصيده مرقوق وللحين متبتبه بسوي رجيم بس ماقدر لووول

وترى المشيمه بروحها ٣ كيلو من غير الماي والبيبي فأكيد بتقطين وااااجد

 

[فرفشه منعنشه]

انا ما ازيد الا 4 كيلو بالكثير 5 ههههههههههههههههه لان نساتي تعب وخاصه هذا الحمل قبل ما اعرف اني حامل كنت اشكي دوم من عوار ومغص بمعدتي وماكنت اقدر اكل من الالم ومن اكل تكرمين ارجع ودخل شهر رمضان صيام اختفيت
وبكل عيالي ما وصلت اكثر من 56 لووول
​

 

[ام الحلوااات]

بــولادتــي الاخــيـــره زدت 7 كـيــلــو وصــاار69
ونـــزلــت 5 ك
والــحــيــن زايـــده 6 كــيــلــو
ومــاادررري وش كــثـــر بــقــط
بــس الــوزن ببـريـجـيـم وريـاضـه مــقـدور عـلـيـه
اهـــم شــي ربـي يـقـومـنـا بـاالــسـلامــه​

 

[قـــمـــرهم]

الله يستر

جم بزيد بالثامن والتاسع @@

 

[مشتطـه]

مرة قريت موضوع شبيه بموضوعج

الاغلب كان رده ان يوم الولادة تقطين 6 كيلو او 7

كان رد الاغلبيه جذي

اللي اهو الماي والبيبي والمشيمة



انا طول عمري تبارك الرحمن لا اله الا الله وزني ثابت 53

بالتاسع صرت 68

زدت تقريبا 15 كيلووو


يوم الولاده 7 كيلو قطيت
صرت 61


النفاس مانزلت ولا كيلو ثابت وزني

واخر الايام ماقمت اكل تعبت نفسيتي على 61
قطيت كيلو بس ب40 يوم


عقب النفاس اشتغلت على نفسي ورجعت الحمدلله وزني الطبيعي

شهرين كاملين من الحرمان

 

[شوكلاتة سويسرية]

انا قست بعد الولادة بيومين وكنت نازله فقط 5 كيلو
وانصدمت قلت وين اللي الناس يقولون 8 و10 كيلو وشو ذة بس خمسة
وعقبها باسبوع نزلت كيلوين
بس

 

[نور دنياه]

انا بحمالي زدت 20 كيلو :eh_s(2):<< ماقصرتي
وبعد الولاده نزلت كيلوين وجاني احباط وبعدها باسبوعين نزلت 5 كيلو ، يعني كل الي قطيته 7 كيلو توقعت اقط 12 على كلام الناس :eh_s(2): :eh_s(2):

 

[بقلبك مكاني]

هلا خووخه..اي صاجه الوالده الله يخليها لج سبحان الله انا طول عمري ضعيفه ووزني حلو بالحمال وخص اخرشهرين صرت شكبري طقيت ال80وفوق وكان ماي وانا عبالي متن وابد من ولدت اختفيت حتى زوجي بعد ماطلعت الببيت 4ايام بالمستشفى عشان قيصري انهبل من جسمي شلون رد بيومين والكل الي شافني انبهر...يعني لاتحاتين وايد الله يقومج ويقومنا بسلامه هذا اهم شىء وبيبياتنا معانا بخير