جم ميزانيتج للسوق؟؟ كل وحده تقووول بصراحه <<حياكم>>

[حوريه عسل]

قوووووه بنات فديتكم



حبيت اسئلكم سؤال عالسريع
اذا ناقصج هدوم وبغيتي تروحين السوق جم تاخذين معاج تقريبا؟؟

ابصراحه انا لما اطلب من امي ولا من ابوي يعطووني مبلغ بسييط يمكن 20 دينار ولا 50 !!
واذا كلش كلش حق الشتا كله ولا حق الصيف يعطوني 100
انا اقول بقلبي هالاميه ماتسوي شي الحين السوق تغير بنفس الوقت اقوول حرام مابي اتعبهم معاي
( انا مو موظفه بعدي بس عايشه عالاعانه )
واستحي اطلب منهم فلوس اساسا بس وااايد احس ساعات اني محتاجه هدوم اكثر

وتصير فيني ازممه اذا لبست الشغله اكثر من مره ولا اذا راح موسمها

انتو شرايكم؟؟

 

[نجمه فوشيه]

رد : جم ميزانيتج للسوق؟؟ كل وحده تقووول بصراحه <<حياكم>>

انا متزوجه بس بطاليه مو موظفه لوول :eh_s(4):

بس الحمدلله ريلي مو مقصر معاي ابدا .. ضابط ماشالله

يعني يعطيني بالشهر بحدود 400 مو كامله لا مقطعه ..:denya:

واذا رحت السوق مية دينار بيدي احيانا اصرفها كلها واحيان مااصرف منها الا ربعها ..

على حسب المكان والمحلات ..يعني بعض المحلات الماركه تحتاجين اكثر من ميه ..:RoadRunner:

والله ميه دينار ماتسوي شي بهالوقت جنها عشره :eh_s(4):

 

[زبــــــــدة]

انا نفسج طالبة ومو متزوجة ...بس ابوي مو مقصر ...يعني كل روحة سوق يعطيني 100 -200 - 300

انتي حاولي تقوليلهم ابي اكثر عادي مافيها شي اهلج ...

قوليلهم المبلغ اللي تبينه ...

 

[الدلوعه2008]

حبيبتي عادي قولي الحمد الله ان يعطونج هل المبلغ انتي ما تعرفين شنو ظروفكم وابوج ما يبي يقولج ولا امج فلازم تحترمين المبلغ للي معطيج اهلج حتي لو ما تكفي بس عادي شوفيلج ايه شيء وشتري مو كل شيء تشترينه للي بخاطرج شتريه واذا شيء بخاطرج وسعره غالي عادي لا تشترينه الله بيعوضج بغيره

صدقيني اذا تركتي شيء الله يعوضج بغيره

اهم شيء راضي اهلج وانتي ما تعرفين ضروف الحيات

وهذي انا عزوبيه وبطاليه وعرفه ان الحياه لها مسئوليه واجد وفلوس ما تكفي للمعيش فلازم تقدرين اهلج عشان تعرفين

مو مو شرط تشترين كثر وكثر

 

[حوريه عسل]

رد: رد : جم ميزانيتج للسوق؟؟ كل وحده تقووول بصراحه <<حياكم>>

والله ميه دينار ماتسوي شي بهالوقت جنها عشره :eh_s(4):

بالضبط :eh_s(2): لووول