جم معاش ابلة الروضه ومتى يعطلون؟

[blue rain]

قوة ابلات شلونكم ؟اختي ودها تصير ابلة روضه , فتبي تعرف جم معاش ابلة الروضه ؟ وهل يفرق عن ابلات الابتدائي ؟
ومتى ينهدون الروضه ؟ومتى يعطلون مدرسات الروضه .؟ضروري ابيكم تعطوني خبر لانها محتاره تبي تصير ابلة روضه بس ماعندها معلومات وانا قلت لها بجيب لج الخبر تكفون يا ابلات ساعدوني عسى الله يحقق لكم كل اللي تتمنونه

 

[ريميه الكويت]

والله وانا بعد حابه اعرف ؟؟

وينكم بناات
up

 

[لباس التقوىk]

معاش ابله الروضه و كل الابلات عموما في اول سنه 850
و ينتهي دوام الروضه الساعه 12و ربع
و دايما الروضه يعطلون قبل الابتدائي باسبوع تقريبا

 

[أوركيد]

معاش الابلات كلهم ..سيم سيم..

نعطل 6/11 يعني الخميس ان شاالله تبتدي العطلة ..

 

[blue rain]

الله يوفق كل اللي ردو علي وجزاهم الله خير بس بغيت اعرف ؟
ابلة الروضه الساعه جم لازم تكون بالروضه يعني متى يسكرون الدفتر مال تسجيل الاسامي ؟
الساعه جم ينهدون الابلات ؟
والطلبه يعطلون 11 6 والا متى ؟وهل يخف الشغل اذا عطلو طلبتكم ؟
ادري قرقتكم بس حدي غشيييييييمه وودي اعرف الفرق بينهم وبين ابلات الابتدائي
ويعطيكم الف عافيه

 

[أوركيد]

الدوام 7 ونص والطلعة 12 وربع..

وفيه يوم بالاسبوع يكون عليج مناوبة ...تحضرين وتوقعين الساعة 7 ...والطلعة مع آخر طفل بالروضة..

الاطفال يعطلون بعد حفلة التخرج..وغالبا كل الحفلات من 23 الى 27 /5

ماكو شغل بعد التخرج ..اللهم انج ترتبين الصف وتيمعين اغراضج وتسلمين العهدة..بس اذا عندج مشرفة ما تحب قعدة الابلات بتهريكم اجتماعات ومحاضرات وعماة عين ...ليش ما ادري !!!!!

 

[عهود الحب]

بس اذا عندج مشرفة ما تحب قعدة الابلات بتهريكم اجتماعات ومحاضرات وعماة عين ...ليش ما ادري !!!!!

1 - بلاغة شف
2 - الفاضي يعمل قاضي
3 - من باب : شحقة قاعدين مرتاحين تعالوا نغثكم شوي

 

[blue rain]

الله يعينكم ويوفقكم وجزاكم الله الف خير

 

[blue rain]

انزين صج ابلة الروضه من الصبح بصف واحد يعني ماعندها وقت راحه او تاكل صج هالكلام والا لا فيدوني جزاكم الله خير؟
يعني شلون نظام الدوام نفس الابتدائي حصص والا يعطونج صفوف فهموني تكفون

 

[KG-Teacher]

انزين صج ابلة الروضه من الصبح بصف واحد يعني ماعندها وقت راحه او تاكل صج هالكلام والا لا فيدوني جزاكم الله خير؟
يعني شلون نظام الدوام نفس الابتدائي حصص والا يعطونج صفوف فهموني تكفون

حبيبتي الصف يكون بين معلمتين

اكيد لها وقت راحة شدعوه عاد كل معلمة لها وقت وراحة وتكون في فترات بينهم كل فتره لمعلمة


النظام فترات بين معلمتين

 

[_MoMo_]

يبا لويه الابتدائي اهون

 

[د.شريفة]

اكثر أبله مرتاحه ابله الروضه عليها بالعافيه

 

[cancel]

جنه قالوا معاشها880؟

 

[أشكي عليك الحال]

موفقه اختي

 

[((الجوري))]

زيين بنات متى يبدا دوام ابلات الروضه بشهر 8 ولا9 ..؟

واي تاريخ ؟

 

[cancel]

6-9>>دوامهم

 

[لانا]

اللي قالت ابلة الروضه اكثر وحده مرتاحه الله يسامحج....
احنا لما يصير عندنا اجتماع يخلون الاداريات يمسكون صفوفنا لما يخلص الاجتماع اللي مايتجاوز نص ساعه ولما نروح لهم نلقاهم طالعه عيونهم وبس يقولون الله يكون بعونكم ...اشلون احنا اللي مجابلينهم من الصبح لي الظهر والوحده ماعندها راحه الا فتره وحده هذا اذا ماعطوها احتياط بعد....يعني مو مثل باجي الابلات اللي تدخل الصف تقدم حصتها وتطلع.....
الله المستعان .... وصج العين على ابلات الروضه علبالهم مايشتغلووون ... تعالوا وشوفوا بعينكم
واعتذر من صاحبة الموضوع على هالمداخله

 

[blue rain]

اللي قالت ابلة الروضه اكثر وحده مرتاحه الله يسامحج....
احنا لما يصير عندنا اجتماع يخلون الاداريات يمسكون صفوفنا لما يخلص الاجتماع اللي مايتجاوز نص ساعه ولما نروح لهم نلقاهم طالعه عيونهم وبس يقولون الله يكون بعونكم ...اشلون احنا اللي مجابلينهم من الصبح لي الظهر والوحده ماعندها راحه الا فتره وحده هذا اذا ماعطوها احتياط بعد....يعني مو مثل باجي الابلات اللي تدخل الصف تقدم حصتها وتطلع.....
الله المستعان .... وصج العين على ابلات الروضه علبالهم مايشتغلووون ... تعالوا وشوفوا بعينكم
واعتذر من صاحبة الموضوع على هالمداخله
بالعكس حبيبتي حياج انا ابي الكل يشارك عشان نستفيد ويعطيج العافيه

 

[ابيار]

اي والله يكفي اذا عليك النشاط خبرة كاملة اسبوعين او ثلاث
يشجونك شج
بين النشاط والحلقات واللاصفي والابداع والافكار اللي ماتوقف
واعداد درسك لباجر اللي لين توالي ليل
والفرارة بالاسواق والمكتبات لمناسبة تسوى ولا ماتسوى
............. شقوووووووول وشخليييييييييييييييي
والنفس الحلوة اللي مع الاطفال واولياء الامور
وشغل اللي بالصف و شغل الموجهة والناظرة والمشرفة
واكثر ابلة مرتاحة ابلة الروضة؟؟
الله يسااااااااااااااااااااااااااااامحك

 

[ابيار]

واخر شئئئئئئئئئئئئئئئ
تسمعيييييييين
يامن حضكم
ما عندكم تصحيح ودرجاااااااااااااااااااااااااااااااااااااااات
والله قههههههههههههههههههههر