جم مره سافرتي لماليزيا ؟؟ وهل تودين تكرار الزياره من جديد

[dan]

رحتلها مره و ودي اكرر الزياره صج حلو و سياحه للكبار و الصغار

 

[أم البنين]

انا رحت لها مرتين
وودي اروح لها بعد
الصراحة ديره حلوه من كل النواحي
وممتعه لكل الفئات العمريه من يهال وكبار
وكل شي فيها ورخيصة
وما اقدر اعبر اللي رايحه لها تفهم انا شنو اقصد

 

[أغلى حبيبه]

[frame="8 50"]رحت قبل سنتين

وان شاءالله الله يكتب واروح لها مره ثانيه[/frame]

 

[umlamis]

انا 6 مرات زرت ماليزيا اخرها العام وهالسنه وراء بعض بصراااحه ماليزيا روووووووعه وماتنمل واماااااااااان لابعد حد واول ماره كانت قبل 17 سنه شهر عسل يعني عام 1990قبل لاتكوووون زحمه والخلجيين معششين فيها

 

[dalprincess]

[frame="8 50"]انا توني راده منها عجيبه الصراحه وانشالله السنه اليايه بعد [/frame]

 

[tofy]

انا اول امس وصلت من ماليزيا وهذه اول مره اروح لها وايد حلوه وسوقها يونس واحلى شي المطر انا احب المطر وايد علشان جذي استانست

 

[.]

ماعمري رحت لها..

بس ان شالله اروح لها قريب..

 

[Angel]

أنا توني رادة قبل رمضان بيوم اهي اوكيه بس الجو مو اوكيه.. مادري الناس اذواق.

 

[الحـــلوه]

انا رحت لها مره بس وودي اكررها الصراحه الجو موطبيعي حجزنا بفندق تايم سكوير ورحنا طيران داخلي لجزيرة بننج صج روحتها موخساره المناظر الاماكن الحدايق السوقه والمجمعات شي غريب عجيب حتى البضايع يجيبونها من اهناك رخيييييييييصه ويبيعونها بالمعارض بيت ديفا وغيره وغيره باسعار خياليه والله يربحون من هالحريم

 

[غموض المطيرى]

ماليزيا من احلا الدول اللى زرتها واللى باذن الله بكرر زيارتى لها كل شى فيها يونس وممتع بصراحه انا اشوفها البلد اللى فيه كل المميزات اللى تخلى الواحد يكرر زيارته لها.

 

[@ دهن العود @]

انا مرتين بسنه وحده

بس بصراحه خلااااااااص احس كفايه بس ممكن افكر اروح لها بعد 5 او 6 سنين

 

[أم صالح]

مادري بنات انا رحت لها اناوزوجي بدون يهال كانو صغار وكنت طايره لها من بانكوك وبوكيت بعدين ماليزيا بس ما استانست صج انظف وايد من بانكوك ومحتشمين اكثر بس استانست بتايلند اكثر منها وما افكر اعيدها الحين لو بروح لها مره ثانيه يمكن عشان اليهال مع العلم انا رحت الجزر اللي فيها والمعبد الهندي والشلالات وحديقه الفراشات ومرتفعات جنتنغ صج حلوه بس مابي اعيدها

 

[فوفو التخينة]

بخاطري أروح لها هالصيفية إن شاء الله بس اسبوع والباقي اسبوعين بتايلند
بس مترددة من الجو ناس تقول رطوبة فظيعة وناس تقول الجو عجيب
بس هي أكيد أنظف من تايلند لأنها اسلامية بس أحس من تجارب الناس أن تايلند أونس وهذا لمسته من سفرتين وفيها أماكن أكثر من ماليزيا وتايلند أرخص بوايد

اللي يقتلني الرطوووووووووووووبة ما أتحملها إذا أنا بالكويت والكلينكس ما يطيح من ايدي عيل بماليزيا أمسك فوطو كبيرة أحس لأن يقولون راح تسبحين من العرق بالطلعة الوحدة ( ويع ماحب جذيه ) سفر وإلا سونا

التساهيل على الله إذا كاتب نزورها أو لأ

تحياتي لكم

 

[بتبوتااا]

وناسه من كلامكم تشيشت بروح لها انشالله

 

[اوراد وبس]

ماليزيا روعه الطبيعه فيها تهبل وخصوصا جزيره لنكاوي واللي ماراح لنكاوي كانه ماراح ماليزيا ومنطقه جنتج حلوه بعد بارده حيل درجه الحراره في النهار 19 لكن كوالا مبور عيبها الوحيد الرطوبه لانها استوائيه لكن عموماماليزيا لا يعلى عليها 00 انا كنت فيها بشهر 7

 

[OmRashed]

انا رحتلها وبصراحه اتينن من جميع النواحي
وخاصه السوق والاسعار رخيصه تونس حق
اليهال واحب اسافر بشهر يناير وفبراير احسن
من الصيف وماعندي مانع اسافر ماليزيا كل سنه

 

[May81]

السلام عليكم .... انا بروح ماليزيا اول مره يوم الاثنين هذا... احس اني مو متشجعه حق الديره ... بس بروح تغير جو واشوف ديره ماشفتها من قبل ... مايندرى تعجبني ولا لا !!! لي رديت بقول لكم

:bye22:

 

[فوفو التخينة]

May81
الله معاكم ان شاء الله تكون سفرة موفقة
بس ليه رجعتي بالسلامة نبي تفاصيل مملة وأكثر شي أبي أعرف عنه الجو
صج رطوبة وقته لا تطاق ؟؟؟؟؟؟؟؟؟

تحياتي

 

[mi$$ no0of]

رحتلها مرة ولا أفكررر أعيدها..

ماحبيتها أبببببببد ..

 

[dan]

رحتلها مره و انشالله اكرر الزياره قريبا