جم مره سافرتي لماليزيا ؟؟ وهل تودين تكرار الزياره من جديد

[كويتية ذربه]

ماليزيا بلد ممتع جدا

والدليل الحجوزات فل قبل بداية الاجازه الى ان تنتهي الاجازه الصيفيه

من يزورها يتشوق لزيارتها مرة اخرى لعدة اسباب :

رخص المعيشه

الامن

شعب ودود

بلد سياحي من الدرجه الأولى

عدم الاحساس بالغربه هناك

التسوق هناك اكثر من رائع

واصبحت البديل المناسب للدول الأوربية ومصر ولبنان


السؤال :


هل تودي تكرار التجربه واذا كررتي جم مره زرتيها؟؟

وهل تنوين المزيد من التكرار لهذه البلد الرائعه ؟؟​

 

[الزين الاصيل]

انا رحت لها السنه اللي فاتت وبروح لها بعد اسبوعين بعد لانها صراحه اكثر من روعه وانتي ذكرتي الاسباب كلها اللي تخلي الواحد يرجع لها وانتي كل مره راح تكتشفين الجديد
وبعدين اهي مكان ما يعدم الميزانيه يعني راح اتونسين وتسوقين كانج اميره
وهذا كافي

 

[شهدQ]

رائــــــــــــــــــــــــــــــــــــــــعه


باختصار


ولو عندي فلوس اخذ شقه هناك:eh_s(9):


والاسباب الي ذكرتيها مااحب اكررها

بس اضيف انها ونيسه وتوسع الصدر وفيها الميزه الأهم

عدم استغلال السائــــــــح واحترامه

 

[توت عنكبوت]

ان شاء الله بروح لها بعد اسبوع ولي رجعت ارجع ارد عليج

 

[زيـنـه]

رحت لها مره .. و ودي اروح لها مره ثانيه .

 

[ArEEj]

اول مره اروح لها هالصيف
وما اقدر ازيد عن على الكلام اللى قلتيه
فعلا روووووعه
وان الله عطاني عمر
ان شاء الله السنه الجايه اروح لها مره ثانيه
مو متحسفه على شي كثر على روحاتي لدبي بالسنه مرتين 3
وبميزانيه اعلى من ميزانية ماليزيا قهر بس

 

[zhora73]

بروحلها اليوم وانشاء الله نستانس ادعولي بالسلامة

 

[lolo77]

انا رحتلها مرتين

وانشالله 4/8
رايحين للمره الثالثه
وااااااااااااااايد حلوة وعجيبه
واهم شي اليهال وايد استانسوا هناك

ومثل ما قالوا البنات الصراحه
الميزانيه حدها لماليزيا شنسوي بعد

 

[أم ساره989]

مرحبا كويتيات شلونكم إن شاء الله بخير و الله أنا رحت ماليزيا مرتين و بصراااااحه رووعه أولا لأنها دوله مسلمه يعني اللي معاها عيالها ما تخاف عليهم من المواقف اللي يشوفونها مو مثل الدول الأوربية التبوس و التلملم بالشوارع و بعدين الأسباب اللي ذكرتيها و تصدقون لو أروحلها كل سنه ما راح أقول لأ و ناويه أروحلها السنه اليايه عشان أونس سويره حياتي

 

[البيداء_77]

انا رايحتلها بعد 4 ايام واذا رديت اجاوبج يا حلوة

 

[أم شهوووب]

رووووووعة ماليزيا تينن...انا رحتلها العام وأول العام وانشالله بروحلها هالسنة بعد.. حجزنا في تاريخ 3-8 وايد حلوة وممتعة حق اليهال وحقنا ..والله يوفقنا ويسعدنا ..

 

[OmRashed]

انا رحت لها وطبعا افكر اروح لها مره ثانيه من كثر ماعجبتني
وبالاخص عشان التسوق مجمعاتهم عجيبه

 

[بنت عبدالغني شربت]

مادري ليش هالديره بالذات ما احبها

 

[to07aH]

رحت لها مره وحده ..

واذا الله كتب لنا نروح مره ثانيه نروح ليش لا ..

 

[ساره ستايل]

رحت لها شهر عسل سنه 2004
ورحت لها بالصيف سنة 2006
وانشالله هالسنه اروح لها ان الله كتب
وودي كل سنه اروح بعد

دولة رااااااااائعه بالرغم من حرارة جوها

ما انسى يا بنات هالموقف :
لما رحت احجز حق شهر العسل مع ابوالعيال..
كنا ناويين دبي .. بس كان في كويتي بمكتب السفريات
نصحنا ابماليزيا
وقال هالكلمه اللي ليلحين ترن بإذني.. يقول :
( انا كل ما سمعت اسم ماليزيا .. قلبي يدق .. ودي اروح لها على طول)

وفعلا .. انا جذي .. كل ما طرت على بالي ماليزيا .. حنيت لها

انشالله ان رحت لها ..
بنزل موضوع مفصل عن الرحله بالصور..
بس ادعولي اتيسر لي اموري و اسافر لها ابصحه وعافيه

 

[كلي تفاؤل]

روووووووووعه ودي اروح لها كل صيف

وكل ايام السفرة اخليها لجزيرة لنقاووووي قمة المتعه والراحة والبساطة

 

[brettey]

توني الشهر الي طاف رديت منها والحق ينقال وايد حلوه ولي نيه اكرر الروحه لها بس فيه بخاطري حاليا اروح لندن لان خبري فيها وانا صغيره وودي اروح تايلاند

 

[عطر مذهب]

انا رحت لها مرة و لا ابي اروح لها مرة ثانية

 

[شاي اخضر]

رحت مره وموناويه اكررها بنات مدام سافرتو لمكان حلو السفره الثانيه تغيرووون تشوفون الدنيا موحلوه كل سنه قاطه فلوسي بمكان واحد حلو التغييير

 

[dalprincess]

والله انا بعد اسبوعين بروحلها اول مره وعقب اقولكم اذا تستاهل اردلها ولا لأ :>